نامَه رومِ کلیسا را 6
6
مَردن گناه خونین و زندگی مسیحِ را
1پس چِه گَوَن بوام؟ هی گناه بکرم تا فیض ویشتر ببی؟ 2هرگز! اَما که گناه خونین بِمَردَیوم، چه طره تونوم هنی گناه ییم زندگی کردنه اِدامه بدیوم؟ 3مگم نِزونا اَما همه که عیسی مسیحَ دَ غسل تعمیدمون گَته، چو مرگییم تعمیدمون گَته؟ 4پس مرگییم تعمید گَتَنییم، چو اَم اَجماشون بِخَشارد تا همنه که مسیح، په جلالییم، مَردعون دلَ زنده آبه، اَما نی تازه زندگیَ دِلَ بِمِجوم.
5پس اَگم مرگیَ دَ چو مرگه شارین، چوام ایو بِبَیوم، حتما زنده آبیینَ دَ نی چو زنده آبیینِ شارین چو اَم ایو بام. 6چون زونوم اَ آدم که قدیم بَیوم، چو اَم مصلوب ببِه تا گناه بدن از بین بیشی و دِ گناه را نوکر مَبوم. 7چون اَ کسی که مَرده، گناهَ دَ آزاد آبیاسه.
8هننه اگم مسیحییم مردِمونه، ایمان داروم که چو اَمَ نی زندگی کَروم. 9چون زونوم وختی مسیح مَردعون دلَ زنده آبیاسه، دِ هرگز نمرِه و دِ مرگ چو سر قدرتی نِداره. 10چون که اَو اِشتَن مرگییم، ای را برای همیشَه گناه خونین بِمه و اِشتن اَم زندگیَ دَ خدا را زندگی کره.
11چِمه خونین، شَما نی گون اِشتن گناه را مرده بزونا، امّا عیسی مسیحَ دَ خدا را، زنده بزونا. 12پس مارزا گناه شَما بدنَ دَ که از بین شی حکم بکره، تا چو خواستَه هونَ دَ اطاعت بِکَرا. 13شَما اعضای بدنه اومدَیا گناه دس تا شرارته وسیله بیبینده، بلکم کسانی شارین که مرگ ییم آگردسنده زندگی، اِشتن آدیا خدا دس تا شَما اعضای بدنه خدا راستی وسیله بیبینده. 14چون گناه شَما سر حکم نِکره، چون شریعته بِن نییا بلکم فیضه بِنییا.
صالحی نوکرون
15پس چِه بوام؟ گناه بکروم چون شریعته بِن نییوم، بلکم فیضه بِنییوم؟ هرگز! 16مگم نِزونا که وختی اِشتن، نوکرونی شارین که اطاعت کرنده، آدینده ای نفر دس، اَ آدمه نوکر با که جو کودَ اطاعت کرا. چه گناه نوکر، که مرگ ختم بی چِه اطاعته نوکر، که صالحی ختم بی؟ 17امّا خدا را شکر که شَما، پیشتر گناه نوکر بَیا، امّا صدق دلِییم اَ تعلیم دَ اطاعت کرا که خدا شَماش آدایه. 18شَما گناه آزاد بییَنییم، صالحی نوکر بِبَیا.
19از آدم زونییم شماییم لاوه کرم، چون که آدمییا و شَما جسم ضعیفه. چون همنه که پیش تر شما اعضای بدنرون ای نوکری شارین سپردرون به ناپاکی و بی قانونی دس که روز به روز ویشتر آبَی، هننه اَجون اِسپارا صالحی نوکری دس که قدّوسیته ختم بی. 20وختی که گناه نوکر بَیا، صالحیَ دَ آزاد بَیا. 21پس وختی، اَ کارانی انجام داینَ دَ که هننه چو خونین شرم دارا، چِه سودی بِبَردرونه؟ اَ کارون آخرعاقبت، مرگه! 22امّا هننه که گناهَ دَ آزاد بییا و خدا نوکر بییا، چو نتیجَه شَما را تقدس بیین اِسه که اَبدیه زندگی ختم بی. 23چون گناه مِزد مرگه، امّا خدا هدیه، چَما خداوند عیسی مسیحَ دَ زندگی ابدی اِسه.
Currently Selected:
نامَه رومِ کلیسا را 6: KTT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company