نامَه رومِ کلیسا را 5
5
صلح، انسان و خدا میونَ دَ
1پس چون ایمانییم صالح حساب بِبَیوم، چَما خداوند عیسی مسیح واسطییم، خدا ییم صلح داروم. 2اَما چو واسطه ییم، ایمانییم، اَ فیضی که هننه اَجو پایداریوم به دستمون آیرده، و خدا جلاله شریک بیینه امیدَ دَ افتخار کروم. 3نه فقط اَم، بلکم سختیانَ دَ نی خوشحالی کَروم، چون زونوم که سختیه صبر و تحمل بهبار آیرنده 4و صبر و تحمل، شخصیته رَچ کره، و شخصیت امیده به بار آیره؛ 5و اَم امید چَما شرمندگی باعث نیبی، چون خدا محبت که روحالقدسه واسطه ییم اَجَما بَخشِسه ببه، چَما دلونَ دَ ایبییِه.
6وختی که حَلا اَما ضعیف بَیوم، مسیح ای چاکَ وقتییه دَ بی خدایون خونین جانش بدا. 7هننه کم پیش آ که ای نفر صالحه آدمی خونین اِشتن جانَ دَ دَس اوگوره، هر چند شاید ای نفر اَم جرائته بدارییه که اِشتن جانه چاکه آدمه خونین آدییَه. 8امّا خدا اِشتن محبتش همنه اَجَماش نشون آدا که وختی حَلا اَما گناهکار بَیوم، مسیح چَما خونین بِمه. 9پس، هننه که چو خونِ خاطر صالح حساب بِبَیوم، چنده ویشتر چو واسطه ییم خدا غضبَ دَ نجات پیدا کروم. 10چون اگم وختی که دشمن بَیوم، چو زا مرگه خاطر خداییم آشتیمون بکه، چنده ویشتر هننه که آشتیمون کرده، چو زندگی واسطه ییم اَما نجات پیدا کروم. 11نه فقط اَم، بلکم اَما چَما خداوند عیسی مسیح واسطییم، خدا آشتی چَما نصیب ببه، خداییمَ نی خوشحالی کروم.
مرگ آدمِه واسطه ییم، زندگی مسیحه واسطه ییم
12پس، همنه که گناه ای آدمه واسطییم اَم دِنیا دلَه بومه، و گناه واسطه ییم، مرگ بومه، و همنه مرگ همهی آدمان دامنش بِگَت، چون همه گناهشون کرده- 13چون پیش از اَم که شریعت آدایه بیبی، گناه دِنیا دَ وجودِش دَ، امّا یقایی که شریعت مَبی، گناه بهحساب نا. 14با اَم حال، آدمه دوران دَ تا موسی پیغمبره دوران، مرگ هَمُّن سرَ حاکم بِه، حتی کسانی سر که چون گناه آدمه نافرمانی شارین نِبه. آدم، نمونَه عه کسی بِه که گَوِسَن با.
15امّا هدیه، گناه شارین نییه. چون اگم ای آدمه گناه خونین خیلی کَسه بِمَرنده، چنده ویشتر خدا فیض و هدیه ای که ای انسانه فیض واسطه ییم، ینی عیسی مسیح مهیا ببه، فَت و فِراوان، خیلیان نصیب بِبه. 16و اَم هدیَه اَ ایی نفره گناه نتیجه شارین نییِه. چون اَ گناه پَش داوری بومه و محکومیتش بایرد؛ امّا پِر گناهون پَش هدیه بومه و صالح حساب بییَنش اشتن خمنا بایردشه. 17چون اگم ای آدم گناه خونین، مرگ اَ آدم واسطه ییم حکمرانیش بکه، چنده ویشتر کسانی که خدا بی حد و اندازه فیض و صالح بیینه هدیِشون ایگَته، اَ ای آدم واسطییم، ینی عیسی مسیح، زندگیَ دَ حکومت کرنده.
18پس همنه که ای گناه باعث ببِه همه ی آدمون محکوم بیبینده، ای صالحانه کار نی، باعث بی همه ی آدمون زندگی بدارنده و صالح حساب باینده. 19چون همنه که ای آدمه گناهییم، پر کسه گناهکار ببنده، ای آدمه اطاعته نی پِر کسه صالح بینده.
20هننه، شریعت بومه تا گناه پِر بیبی؛ امّا یقایی که گناه پر بِبه، فیض نی بی حد و اندازه پِر ببه. 21تا همنه که گناه مرگَییم حکمرانیش بکه، فیض نی عدالتییم حکمرانی بکره که چَما خداوند عیسی مسیح واسطه ییم، زندگی ابدی آرسه.
Currently Selected:
نامَه رومِ کلیسا را 5: KTT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company