نامَه رومِ کلیسا را 3
3
خدا وفادار بیین
1پس یهودی بییَنه فایدَه چیه و ختنه بیین چه ارزشی داره؟ 2هر نظرَ پِر ارزشی داره. اوّل اَم که خدا کلامشون اَجونشون به اَمانت اوس برده.
3اگم بعضی از اَوه بی وفانده بِنده، چِه بَی؟ مگم چون بی وفایی، خدا وفاداری باطل کره؟ 4هرگز! حتی اگم همهی آدمه دروغ واجِنِگ بیبینده، خدا راسته واجِنِگه! همنه که داووده پاتشاه مزمور کتابَ دَ نویشتشه:
«چِمه خونین، هر چه که بوای، دِرِسته،
و وختی که داوری بکری، دِرِسته.»
5امّا اگم چَما نادِرِستی خدا دِرِستی ویشتر آشکار بکره، چه گَوَن واتن؟ مگم خدا وختی که چَما را غضب کره ظالمه؟ از آدمه شارین لاوه کَرم. 6هرگز همنه نییِه. وگرنه خدا چه طره تونِسَی دِنیا داوری بکره؟ 7چون ممکنه کسی بوا که: «اگم چِمن نادِرِستی ییم خدا حقیقت ویشتر جلال بیگیره، دِ چرا از ای گناهکاری شارین محکوم بیبیم؟» 8و چرا موایوم: «بایا بدی بکروم تا چاکی به بار با؟» همنه که بعضیه اَجَماشون اِفترا زَیَی، ادعا کرنده که اَما همنه وایوم؟ چون محکوم بیین عادلونه عه.
هیچ کس صالح نییِه
9پس چِه گَوَن واتَن؟ مگم چَما وضع و اوضاع غیریودیون وضع دَ چاکتره؟ نه اصلا! چون پیش تر اِدعامون بکه که یهود و غیریهود هر دِگناه اسیرنده. 10همنه که مقدسه نیویشته هونَ دَ نویشته شونه:
«هیچکس صالح نییه، حتی ای نفر.
11هیچکس فهمیده نییه،
هیچکس خدا پَشه نییه.
12همَه خدا دَ دیمشون آگاردونِسه،
همه همدیگرییم باطل راهون بِشَینده.
هیچ که چاکی نکره،
حتی ای نفر.»
13«چون لوک ای آواجَه قبری شارینه
و اشتن زون وازی دایَنِ را به کار گیرنده.»
«چون لَوُن بِنَ نی اَفعیَ زهر اِسه؛»
14«چون گَر نفرین و تَلی ییم مَشته.»
15«چون لنگه خون ایکردنه را دَوِه؛
16هر یقا که شینده، بِر ویرانی و قَره بختی آرزنده،
17و اوُن صلح و سلامتیه راه اونزوننده.»
18«خدا ترس، چون چشمونَ دَ نییه.»
19هننه زونوم که اَ چیای که شریعت وا کسانی را اِسه که شریعته بِنِنده تا هر گری دِوسته بیبی و تمام دِنیا خدا درگاه دَ جواب پس بدینده. 20چون هیچ آدمی نییه که شریعته اعماله به جا آیردنییم، خدا چَشمونَ دَ صالح حساب بیبی، بلکم شریعتْ، گناه اَجَما آزونه.
ایمانه واسطه ییم صالح حساب بیین
21امّا هننه جِدا از شریعت، اَ صالح بیینی که خدا دَ اِسه ظهور کره، همنه که شریعت و پیغَمبرِ چو را گواهی دینده. 22اَم صالح بیینی که خدا دَ اِسه، عیسی مسیح ایمان آیردنییم اِسه و نصیب همهی کسانی بی که ایمان بایردنده. درباره اَم هیچ فرقی نییه. 23چون همَه گناشون کرده و خدا جلال پیش کم آیرنده. 24امّا چو فیض ییم و آزادی بها واسطه ییم که عیسی مسیحَ دَ اِسه، مِفت صالح حساب بینده. 25خدا اَوش گناهان کفّارَۀ شارینش اونا، کفّارهای که چو خون و ایمان ییم به دس آ. اَو اَمِش خدا عدالته نشون داین خونین انجامش بدا، چون اَو اِشتن الهیه صبرییم، اَ گناهانی که پیش تر اتفاق دِکَته بنده، ندیدِش بگَت. 26اَو هِمنِش بکه تا اِشتن عدالته اَم دوره زمونَ دَ ثابت بکره، و تا اِشتن عادل بیبی و کسی نی که به عیسی ایمان دارنده، صالح حساب بیبینده.
27پس دِ چَما افتخار کردن چییه؟ دِ هیچ افتخاری نییه؟ طبق کوم حسابییم؟ طبق شریعته اعماله؟ نَه، بلکم بر طبق ایمانه شریعت. 28چون چَما اعتقاد اَمه که آدم بی اَم که شریعته اعماله انجام بدییه، ایمانییم صالح حساب بی. 29مگم خدا فقط یهودیان خداعه؟ مگم غیریهودیان خدا نییه؟ البته که اَو غیریهودیان خدا نی اِسه. 30چون فقط ای خدا وجود داره، و اَم خدا ختنه بییه هان، طبق ایمان و ختنه نیبیه هان نی طبق هَه ایمان، صالح حساب آیره. 31پس اَما اَم ایمان ییم، شریعتمون از بین برده؟ البته که نه! برعکس اَما شریعتِ پا برجا کروم.
Currently Selected:
نامَه رومِ کلیسا را 3: KTT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company