انجیلِ مَتّی 27
27
یهودا خودکشی
1وختی روز ببه، همه‌ی سران کاهنان و قومه شیخان جمع ببنده و هندیگرییَم مشورتشان بِکَه که عیسی بوکوشنده. 2پس اَجو دِبَسه دسییَم ببردِندِ و پیلاتُس فرماندارشون تحویلشان بدا.
3وختی یهودا، هه کسی که عیساش خیانت بکه، بیوینتِشه که عیسی شون محکوم کَرده، اِشتن کَرده کار دَ پشیمان ببه و سی نقره سکش سران کاهنان و شیخان آگاردونس و بِوات: 4«از گنام کرده و بی گناهه آدمی، خون ایکَردنه را باعث بِبَیم.» امّا اَون جواوشون بدا: «اَجَما چه مربوط؟ اِشتن زونی!» 5اُخُری یهودا نقره سکه هانش معبد زمینَ ایکَردِش و اَبَر بِشِه و اِشتنش لافندِنییَم خفِش بکه. 6امّا سران کاهنان سکَه شان زمینَ دَ جمع بکَه و بواتنده: «اَم سکَه چون خوَنه پولنده، شرعاً روا نی که اَجون دِکَرُم معبده صندوق دلَ.» 7پس مشورت کردنه پَش، اَ پولییَم کوزه گره زمین شون بخری تا چوییم غریبون را قبرستان رچ بکرنده. 8چِمه خونین اَ مکان تا هاروین روز «خونَه مزرعه» واندِه. 9هِمنَه، اِرمیای پیغمبره پیشگویی اتفاق دکَت که واتش به: «اَون سی نقره سکشون اوگت، قیمتی که اسراییلِ قوم، چون را بنا، 10و اَوه کوزه گره زمین شون بخری، همنه که خداوند اَمِن واتش به.»
محاکمه پیلاتُس پیش
11امّا عیسی فرماندار پیش وِندَرد. فرماندار چو کودَ آپرسس: « تَه یهودیان پاتشایش؟» عیسی جواو بدا: «تَه هِمنَه وای!» 12امّا اَ زمُون که سران کاهنان و شیخان اجوشون تیمت بِزِه هیچ جوابیش ندا. 13پس پیلاتُس عیساش بِوات: «نَشنَوی اِشته ضد چه وانده؟» 14امّا عیسی چُو جواوش ندا، حتی ای تیمتشینی جواو ندا، هِمنَه که فرماندار پِر تعجب بِکَه.
15فرماندار رسمِش دَ که پسخ عیده موقع ای زندانی ای مردمه انتخابییم آزاد بکره. 16اَ وقت زندانی معروفی زندان به که چو نوم بارْاباس به. 17پس اَ زمُون که مردم جمع ببنده، پیلاتُس چون کودَ آپرسس: «گَوا اَ که شَما را آزاد بکرم، بارْاَباسه یا عیسی که اَجو مسیح وانده؟» 18امش بوات چون زونسَی که پَخیلی سَرَ عیسی تسلیم کرِنده. 19وختی که پیلاتُس داوری تخت سر نشته به، چو زَنِگ چو را پیغامیشی بدا، بِوات: «ام صالحه مردکییم کار مَدا، چون هارو درباره چو خواویم وینته که اَمِنِش عذاب بدا.» 20امّا سران کاهنون و شیخون، جماعتشون قانع بِکَه تا پیلاتسِ کودَ بگوِنده که بارْاباس آزاد بکره و عیسی بکشه. 21فرماندار هنی آپرسس: «کومین اَز ام دِ نفر شَما را آزاد بکرم؟» اَون جواوشون بدا: «بارْابّاسه.» 22پیلاتس چون کود آپرسس: «پس عیسی ییم که اجو مسیح وانده، چه بکرم؟» همُن بواتند: «اجو صلیب سر بوکوش!» 23پیلاتُس آپرسس: «چرا؟ چه بدی ایش کرده؟» امّا اَون بِلندتر جیکیله شون بکه: «اجو صلیب سر بوکوش!»
24وختی پیلاتُس بوینتشه که چو تلاش بی فایده اِسه و شورش بی، آوِش آخاشت و اِشتن دسش مردمه پیش بِشو و بِوات: «ام مردکه خون چِمن گردن نی. اِشتن زونو!» 25مردم همُّن بواتشون: «چو خون چَما گردن و چَما خوردگون گردن بیبی!» 26اَ موقع پیلاتُس، بارْاَباسش چون را آزاد بکه و دستورش بدا تا عیسی شلاق بزننده، اُخُری اجو صلیب سر بوکَوشنده.
عیسی مسخره کرن
27فرماندار سربازه، عیسی شون ببه فرماندار کاخه حیاط و همه‌ی سربازه عیسی دویره جمع ببنده. 28اَون عیسی خَلاوشون اَبَر بایرد، و ارغوانیه اَبایی چو دوش سَر بِناشون 29و تاجی تیکییَم بوَتِشونه عیسی سر بِناشون و ای چویی چو راسه دسشون بدا. چو پیش زانوشون بزشه، و مسخره کردنییَم بواتشون: «سلام بر یهودیان پاتشاه!» 30اَون عیسی سر لش آو ایکردَیند، چوشون، چُو دسَ دَ ایگتشون و اَ چوییم چو سرشون بِزِه. 31چو مسخره کردنه پش، اَباشان عیسی جانَ اَبَرشون بایرد و اِشتن خلاونشون اجو دکردِنده و اَجوشون ببه تا صلیب سر بوکوشنده.
عیسی صلیب سر کوشتن
32وختی که اَبَر بِشِنده ای مردکییَم دیمادیم ببنده که چُو نوم شمعون به، قیرَوان اهالی به، اَجوشون مجبور بکه که عیسی صلیبه چُو پَش ببره. 33وختی یقایی که جُلجُتا یعنی جمجمه واتشونه، آرسسنده، 34سربازه عیسی شون شراوی بدا که زردآبییَم آمیخته به. امّا وختی عیسی اَجو بچَشسِش، نگوسشه اَجو آخره. 35اَ موقعی که عیسی شون صلیبه سر ببه، چو خلاون تقسیم کردنه سر، اِشتن میانشون قرعه دراینت 36اُخُری بنشتنده و بِر نیگهبانی شان بدا. 37اَون عیسی جرمشان تخته ای سر بینیوشتون و چو صلیب سر بزشون: «ام عیسی، یهودیان پاتشاه.»
38دِ راهزنَ نی عیسی خمنا صلیب سرشون ببه، ای نفر چو راسه طرف و اَ ایو چو چپه طرف. 39رهگذرون اشتن سرشون تکان دایَی و دِشمون داییَنییَم 40واتشونه: «ته ای که گوسی معبده خراب بکری و سه روزَ هنی اجو رچ بکری، هَنِنَه اِشتن نجات بده! اگم ته خدا زایش صلیب سرَ بوره اشنیوَ!» 41سران کاهنان و تورات معلمین و شیخونَ نی ریشخندییم واتشونه: 42«علایدَه آدمش نجات بدا، امّا نتونه اِشتن نجات بدی. اگم اسراییلِ قومه پاتشاهه، هَنِنه صلیبه سر اشنیوَ با تا اجو ایمان بایروم. 43اَو خدا توکل داره، پس اگم خدا چوعییم خُشه، اَجو نجات بدی. چون ادعاش کردَی که اَز خدا زا اِسیم!» 44اَ دِ راهزنَ نی که چو خمنا صلیب سر مصلوب بیه بنده، اَوشون دِشمون دایَی.
عیسی مردن
45ظهر ساعت دونزه تا سه بعدظهر، تاریکی همه اَ سرزمینش بگَت. 46ساعت نزدیک سه به، عیسی بلنده صَصییم دادش بِکَه: «ایلی، ایلی، لَمّا سَبَقتَنی؟» یعنی «چِمن خدا، چِمن خدا، چرا اَمِنِر تیناو بِنا؟» 47بعضی از اَوه که بِر وندَردَ بِنده امشون بشنوس، بواتشون: «ام مردک ایلیا پیغمبره ونگ کره.» 48ای نفر از اوه اَلبحَل بِدَوِسش و اسفنجیش بایرد اَجوش تُرشِسه شراوییم مَشت بکه و چوییش چو سر بنا و ببردشه عیسی گره پیش تا آخره. 49امّا علایده نفرِ بواتشون: «چو اَم کار مدا بارز بیوینوم ایلیا پیغمبر چو نجات داینه را آ؟» 50هنی عیسی بلنده صَصِییَم جیکیلش بِکَه و جانش بدا. 51اَ لحظه معبده پردَه اَروازه تا اشنیوَ دِ پاره ببه. زمین بلرزسشه و سِگه آشکاجِسِنده. 52قبره نی آبنده و خیلی از مقدّسه آدمِ که مردَه بنده، زنده آبنده. 53اَوه قبر دَ اَبَر بومنده و عیسی زنده آبیَینَه پَش، بشنده مقدسه شهر که هه اورشلیمه و اِشتنشون خیلیونشون نشان بدا. 54وختی که سربازان فرمانده و سربازانی که عیسی صلیبه بِن بِنده تا نگهبانی بِدینده، زمین لرزه و همه‌ی اتفاقانشون بوینت پِر بترسسنده، بواتشون: «واقعا که ام مردک خدا زا به.»
55پِر زَنکون نی بِر بِنده و دورَ دَ دِدِشتَینده. اَون جلیله منطقه دَ عیسی پَش اومییَه بِنده تا چورا خدمت بکرنده. 56چون میون مریمِ مجدلیّه و مریمِ یعقوب و یوسفه ما، و زِبِدی زارونِ ما نی بِنده.
عیسی خَشاردن
57غروو دم، پولداره مردکی رامه اهالی که چو نوم یوسف به، و ای نفر از عیسی شاگردان به، 58بِشه پیلاتُس وَر و عیسی جنازش بگوس. پیلاتُس دستورش بدا که جنازه اجو بدینده. 59یوسف جنازش اوگَت آپیچسشه ای تمیزه کتانه کفنی 60و تازه مقبره ای که اِشنا صخره دَ تاشِسَش به، بناشه و پیله سِگی مقبره پیشش بِناشه و بِشه. 61مریمِ مَجْدَلیّه و اَ ای مریم بِر، مقبره پیش نشتَه بِنده.
مقبره نگهبانه
62ای روزِ پَش،که «یهودیون آماده بینه روزِ» پش به، سران کاهنون و فریسی فرقه عالمه پیلاتُسه ور بشنده، بواتشون: 63«قربان! ویرماون اسه که اَ حُقه باز وختی زنده به، بوات، ”از سه روزِ پَش زنده بیم.“ 64پس دستور آده که مقبره دَ تا سومین روز نگهبانی بکرنده، مبادا که چو شاگرده بیشینده، جنازه بدِزنده و مردم بوانده که ”اَو زنده آبییاسه“، که اگم بتوننده اَم کاره بکرنده، چو آخریه حُقه، چو اولیه حقه دَ بدتر بی.» 65پیلاتُس جواو بدا: «شَما اِشتن ای دسته نگهبان دارا. بِشا و هرطور که صلاح وینا، مقبره ویراجون ببا.» 66پس بِشنده و مقبره سِگه شون مُهر و موم بِکَه و نگهبانونی بِر بِناشون تا مقبره ویراجون ببینده.
Currently Selected:
انجیلِ مَتّی 27: KTT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 27
27
یهودا خودکشی
1وختی روز ببه، همه‌ی سران کاهنان و قومه شیخان جمع ببنده و هندیگرییَم مشورتشان بِکَه که عیسی بوکوشنده. 2پس اَجو دِبَسه دسییَم ببردِندِ و پیلاتُس فرماندارشون تحویلشان بدا.
3وختی یهودا، هه کسی که عیساش خیانت بکه، بیوینتِشه که عیسی شون محکوم کَرده، اِشتن کَرده کار دَ پشیمان ببه و سی نقره سکش سران کاهنان و شیخان آگاردونس و بِوات: 4«از گنام کرده و بی گناهه آدمی، خون ایکَردنه را باعث بِبَیم.» امّا اَون جواوشون بدا: «اَجَما چه مربوط؟ اِشتن زونی!» 5اُخُری یهودا نقره سکه هانش معبد زمینَ ایکَردِش و اَبَر بِشِه و اِشتنش لافندِنییَم خفِش بکه. 6امّا سران کاهنان سکَه شان زمینَ دَ جمع بکَه و بواتنده: «اَم سکَه چون خوَنه پولنده، شرعاً روا نی که اَجون دِکَرُم معبده صندوق دلَ.» 7پس مشورت کردنه پَش، اَ پولییَم کوزه گره زمین شون بخری تا چوییم غریبون را قبرستان رچ بکرنده. 8چِمه خونین اَ مکان تا هاروین روز «خونَه مزرعه» واندِه. 9هِمنَه، اِرمیای پیغمبره پیشگویی اتفاق دکَت که واتش به: «اَون سی نقره سکشون اوگت، قیمتی که اسراییلِ قوم، چون را بنا، 10و اَوه کوزه گره زمین شون بخری، همنه که خداوند اَمِن واتش به.»
محاکمه پیلاتُس پیش
11امّا عیسی فرماندار پیش وِندَرد. فرماندار چو کودَ آپرسس: « تَه یهودیان پاتشایش؟» عیسی جواو بدا: «تَه هِمنَه وای!» 12امّا اَ زمُون که سران کاهنان و شیخان اجوشون تیمت بِزِه هیچ جوابیش ندا. 13پس پیلاتُس عیساش بِوات: «نَشنَوی اِشته ضد چه وانده؟» 14امّا عیسی چُو جواوش ندا، حتی ای تیمتشینی جواو ندا، هِمنَه که فرماندار پِر تعجب بِکَه.
15فرماندار رسمِش دَ که پسخ عیده موقع ای زندانی ای مردمه انتخابییم آزاد بکره. 16اَ وقت زندانی معروفی زندان به که چو نوم بارْاباس به. 17پس اَ زمُون که مردم جمع ببنده، پیلاتُس چون کودَ آپرسس: «گَوا اَ که شَما را آزاد بکرم، بارْاَباسه یا عیسی که اَجو مسیح وانده؟» 18امش بوات چون زونسَی که پَخیلی سَرَ عیسی تسلیم کرِنده. 19وختی که پیلاتُس داوری تخت سر نشته به، چو زَنِگ چو را پیغامیشی بدا، بِوات: «ام صالحه مردکییم کار مَدا، چون هارو درباره چو خواویم وینته که اَمِنِش عذاب بدا.» 20امّا سران کاهنون و شیخون، جماعتشون قانع بِکَه تا پیلاتسِ کودَ بگوِنده که بارْاباس آزاد بکره و عیسی بکشه. 21فرماندار هنی آپرسس: «کومین اَز ام دِ نفر شَما را آزاد بکرم؟» اَون جواوشون بدا: «بارْابّاسه.» 22پیلاتس چون کود آپرسس: «پس عیسی ییم که اجو مسیح وانده، چه بکرم؟» همُن بواتند: «اجو صلیب سر بوکوش!» 23پیلاتُس آپرسس: «چرا؟ چه بدی ایش کرده؟» امّا اَون بِلندتر جیکیله شون بکه: «اجو صلیب سر بوکوش!»
24وختی پیلاتُس بوینتشه که چو تلاش بی فایده اِسه و شورش بی، آوِش آخاشت و اِشتن دسش مردمه پیش بِشو و بِوات: «ام مردکه خون چِمن گردن نی. اِشتن زونو!» 25مردم همُّن بواتشون: «چو خون چَما گردن و چَما خوردگون گردن بیبی!» 26اَ موقع پیلاتُس، بارْاَباسش چون را آزاد بکه و دستورش بدا تا عیسی شلاق بزننده، اُخُری اجو صلیب سر بوکَوشنده.
عیسی مسخره کرن
27فرماندار سربازه، عیسی شون ببه فرماندار کاخه حیاط و همه‌ی سربازه عیسی دویره جمع ببنده. 28اَون عیسی خَلاوشون اَبَر بایرد، و ارغوانیه اَبایی چو دوش سَر بِناشون 29و تاجی تیکییَم بوَتِشونه عیسی سر بِناشون و ای چویی چو راسه دسشون بدا. چو پیش زانوشون بزشه، و مسخره کردنییَم بواتشون: «سلام بر یهودیان پاتشاه!» 30اَون عیسی سر لش آو ایکردَیند، چوشون، چُو دسَ دَ ایگتشون و اَ چوییم چو سرشون بِزِه. 31چو مسخره کردنه پش، اَباشان عیسی جانَ اَبَرشون بایرد و اِشتن خلاونشون اجو دکردِنده و اَجوشون ببه تا صلیب سر بوکوشنده.
عیسی صلیب سر کوشتن
32وختی که اَبَر بِشِنده ای مردکییَم دیمادیم ببنده که چُو نوم شمعون به، قیرَوان اهالی به، اَجوشون مجبور بکه که عیسی صلیبه چُو پَش ببره. 33وختی یقایی که جُلجُتا یعنی جمجمه واتشونه، آرسسنده، 34سربازه عیسی شون شراوی بدا که زردآبییَم آمیخته به. امّا وختی عیسی اَجو بچَشسِش، نگوسشه اَجو آخره. 35اَ موقعی که عیسی شون صلیبه سر ببه، چو خلاون تقسیم کردنه سر، اِشتن میانشون قرعه دراینت 36اُخُری بنشتنده و بِر نیگهبانی شان بدا. 37اَون عیسی جرمشان تخته ای سر بینیوشتون و چو صلیب سر بزشون: «ام عیسی، یهودیان پاتشاه.»
38دِ راهزنَ نی عیسی خمنا صلیب سرشون ببه، ای نفر چو راسه طرف و اَ ایو چو چپه طرف. 39رهگذرون اشتن سرشون تکان دایَی و دِشمون داییَنییَم 40واتشونه: «ته ای که گوسی معبده خراب بکری و سه روزَ هنی اجو رچ بکری، هَنِنَه اِشتن نجات بده! اگم ته خدا زایش صلیب سرَ بوره اشنیوَ!» 41سران کاهنان و تورات معلمین و شیخونَ نی ریشخندییم واتشونه: 42«علایدَه آدمش نجات بدا، امّا نتونه اِشتن نجات بدی. اگم اسراییلِ قومه پاتشاهه، هَنِنه صلیبه سر اشنیوَ با تا اجو ایمان بایروم. 43اَو خدا توکل داره، پس اگم خدا چوعییم خُشه، اَجو نجات بدی. چون ادعاش کردَی که اَز خدا زا اِسیم!» 44اَ دِ راهزنَ نی که چو خمنا صلیب سر مصلوب بیه بنده، اَوشون دِشمون دایَی.
عیسی مردن
45ظهر ساعت دونزه تا سه بعدظهر، تاریکی همه اَ سرزمینش بگَت. 46ساعت نزدیک سه به، عیسی بلنده صَصییم دادش بِکَه: «ایلی، ایلی، لَمّا سَبَقتَنی؟» یعنی «چِمن خدا، چِمن خدا، چرا اَمِنِر تیناو بِنا؟» 47بعضی از اَوه که بِر وندَردَ بِنده امشون بشنوس، بواتشون: «ام مردک ایلیا پیغمبره ونگ کره.» 48ای نفر از اوه اَلبحَل بِدَوِسش و اسفنجیش بایرد اَجوش تُرشِسه شراوییم مَشت بکه و چوییش چو سر بنا و ببردشه عیسی گره پیش تا آخره. 49امّا علایده نفرِ بواتشون: «چو اَم کار مدا بارز بیوینوم ایلیا پیغمبر چو نجات داینه را آ؟» 50هنی عیسی بلنده صَصِییَم جیکیلش بِکَه و جانش بدا. 51اَ لحظه معبده پردَه اَروازه تا اشنیوَ دِ پاره ببه. زمین بلرزسشه و سِگه آشکاجِسِنده. 52قبره نی آبنده و خیلی از مقدّسه آدمِ که مردَه بنده، زنده آبنده. 53اَوه قبر دَ اَبَر بومنده و عیسی زنده آبیَینَه پَش، بشنده مقدسه شهر که هه اورشلیمه و اِشتنشون خیلیونشون نشان بدا. 54وختی که سربازان فرمانده و سربازانی که عیسی صلیبه بِن بِنده تا نگهبانی بِدینده، زمین لرزه و همه‌ی اتفاقانشون بوینت پِر بترسسنده، بواتشون: «واقعا که ام مردک خدا زا به.»
55پِر زَنکون نی بِر بِنده و دورَ دَ دِدِشتَینده. اَون جلیله منطقه دَ عیسی پَش اومییَه بِنده تا چورا خدمت بکرنده. 56چون میون مریمِ مجدلیّه و مریمِ یعقوب و یوسفه ما، و زِبِدی زارونِ ما نی بِنده.
عیسی خَشاردن
57غروو دم، پولداره مردکی رامه اهالی که چو نوم یوسف به، و ای نفر از عیسی شاگردان به، 58بِشه پیلاتُس وَر و عیسی جنازش بگوس. پیلاتُس دستورش بدا که جنازه اجو بدینده. 59یوسف جنازش اوگَت آپیچسشه ای تمیزه کتانه کفنی 60و تازه مقبره ای که اِشنا صخره دَ تاشِسَش به، بناشه و پیله سِگی مقبره پیشش بِناشه و بِشه. 61مریمِ مَجْدَلیّه و اَ ای مریم بِر، مقبره پیش نشتَه بِنده.
مقبره نگهبانه
62ای روزِ پَش،که «یهودیون آماده بینه روزِ» پش به، سران کاهنون و فریسی فرقه عالمه پیلاتُسه ور بشنده، بواتشون: 63«قربان! ویرماون اسه که اَ حُقه باز وختی زنده به، بوات، ”از سه روزِ پَش زنده بیم.“ 64پس دستور آده که مقبره دَ تا سومین روز نگهبانی بکرنده، مبادا که چو شاگرده بیشینده، جنازه بدِزنده و مردم بوانده که ”اَو زنده آبییاسه“، که اگم بتوننده اَم کاره بکرنده، چو آخریه حُقه، چو اولیه حقه دَ بدتر بی.» 65پیلاتُس جواو بدا: «شَما اِشتن ای دسته نگهبان دارا. بِشا و هرطور که صلاح وینا، مقبره ویراجون ببا.» 66پس بِشنده و مقبره سِگه شون مُهر و موم بِکَه و نگهبانونی بِر بِناشون تا مقبره ویراجون ببینده.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company