انجیلِ مَتّی 28
28
عیسی زنده آبیین
1ای روز یهودیان مقدسه شنبه روزِ پش،که هفته اولین روز به، هوا روشن آبیینه موقع، مریمِ مجدلیّه و اَ ای مریمِ مقبره وینتنه را بشنده. 2ای دَفَه پیله زمین لرزه ای بومه، چون خداونده فرشته آسمان دَ نازل ببه و بشه مقبره طرف و سِگش چو پیشَ دَ کنارش بِزِه و چو سر بنشت. 3فرشته دیم، آسمانه برقه شارین سوش زَیَی و خلاوش برفِ شارین سیبی به. 4نگهبانان چو وینتنییم ترسَ دَ لرزسِسَینده، و مَردعون شارین ببنده! 5اُخُری فرشته اَ زنَکونش بوات: «مترسا! چون که زونِم عیسی پَشَ گردا که صلیب سر کوشته ببه. 6اَو بییا نی، چون همنه که واتش به، زنده آبیاسه! بایا و یقایی که چو جنازشون نایه بِه، بِوینا 7اُخُری اَلَبحل بِشا و چو شاگردان بوایا که ”اَو زنده آبیاسه و شَما پیش شی جلیل منطقه، شَما بِر اجو وینا.“ویرِرون ببی اَ چیم که بوات!» 8پس زَنَکون ترسَ و پِر شادییَم البَحل مقبَرشون ترک بکه و بِشِنده تا اَم خَوَر عیسی شاگردانِ بدینده. 9ای دَفَه عیسی چونییم دیمادیم ببه و بِوات: «سلام بر شَما!» زَنکون پیش بومِندِ و عیسی پا دکَتِنده و اَوشون پرستش بِکَه. 10اَ موقع عیسی اجونش بوات: «مترسا! بِشا و چمن برارون بوایو که بیشینده جلیل منطقه.بِر، اَمِن ویننده.»
نگهبانان گزارش
11وختی که زَنکون راه دَ بنده، چند نگهبانِ بشنده شهر، همه ی اتفاقشان سران کاهنان را بواتِند. 12اَونَ نی شیخون ویتنه و مشورت کردن پش، سربازونشون زیادَ پولیشون بدا، 13و بواتند: «مردمِ گَوَن بوایا که ”چو شاگرده شَوانه بومِندِ و اَ زمُونی که اما خُته بَیوم چو جنازشون بِدُزِییشونه.“ 14و اگم ام خَوَر فرماندار گوش آرَسه، اما اِشتن اَجو راضی کروم تا شَما را مشکلی پیش ما.» 15پس پولشان ایگَت و هه کاری که اَون واتشون به بکردنده. تا هارویین روز ام داستان یهودیان میان اِسه.
پیله وظیفه
16اَموقع اَ یازده شاگرد جلیل منطق دَ بشنده اَ کوهی که عیسی واتش به اَجون، بِر وینه. 17وختی بِر، عیسی شون بِوینت اَجوشون پرستش بِکَه. امّا بعضیه شکشون بِکَه. 18اَ موقع عیسی پیش بومه و بِوات: «همه‌ی قدرت آسمان و زمینِ سَر اَمِنشون دایه. 19پس بِشا و همه‌ی قومان چِمن شاگرد بکرا و اَجون، پِه نوم و زا نوم و روح القدوس نومییَم تعمیدَ غسل بدیا؛ 20و اَجون یاد بدیا که هر چه شَمام فرمان داعه، انجام بدینده. بِزونو از تا آخر زمون، هر روز شَما خَمنا اِسیم!»
Currently Selected:
انجیلِ مَتّی 28: KTT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 28
28
عیسی زنده آبیین
1ای روز یهودیان مقدسه شنبه روزِ پش،که هفته اولین روز به، هوا روشن آبیینه موقع، مریمِ مجدلیّه و اَ ای مریمِ مقبره وینتنه را بشنده. 2ای دَفَه پیله زمین لرزه ای بومه، چون خداونده فرشته آسمان دَ نازل ببه و بشه مقبره طرف و سِگش چو پیشَ دَ کنارش بِزِه و چو سر بنشت. 3فرشته دیم، آسمانه برقه شارین سوش زَیَی و خلاوش برفِ شارین سیبی به. 4نگهبانان چو وینتنییم ترسَ دَ لرزسِسَینده، و مَردعون شارین ببنده! 5اُخُری فرشته اَ زنَکونش بوات: «مترسا! چون که زونِم عیسی پَشَ گردا که صلیب سر کوشته ببه. 6اَو بییا نی، چون همنه که واتش به، زنده آبیاسه! بایا و یقایی که چو جنازشون نایه بِه، بِوینا 7اُخُری اَلَبحل بِشا و چو شاگردان بوایا که ”اَو زنده آبیاسه و شَما پیش شی جلیل منطقه، شَما بِر اجو وینا.“ویرِرون ببی اَ چیم که بوات!» 8پس زَنَکون ترسَ و پِر شادییَم البَحل مقبَرشون ترک بکه و بِشِنده تا اَم خَوَر عیسی شاگردانِ بدینده. 9ای دَفَه عیسی چونییم دیمادیم ببه و بِوات: «سلام بر شَما!» زَنکون پیش بومِندِ و عیسی پا دکَتِنده و اَوشون پرستش بِکَه. 10اَ موقع عیسی اجونش بوات: «مترسا! بِشا و چمن برارون بوایو که بیشینده جلیل منطقه.بِر، اَمِن ویننده.»
نگهبانان گزارش
11وختی که زَنکون راه دَ بنده، چند نگهبانِ بشنده شهر، همه ی اتفاقشان سران کاهنان را بواتِند. 12اَونَ نی شیخون ویتنه و مشورت کردن پش، سربازونشون زیادَ پولیشون بدا، 13و بواتند: «مردمِ گَوَن بوایا که ”چو شاگرده شَوانه بومِندِ و اَ زمُونی که اما خُته بَیوم چو جنازشون بِدُزِییشونه.“ 14و اگم ام خَوَر فرماندار گوش آرَسه، اما اِشتن اَجو راضی کروم تا شَما را مشکلی پیش ما.» 15پس پولشان ایگَت و هه کاری که اَون واتشون به بکردنده. تا هارویین روز ام داستان یهودیان میان اِسه.
پیله وظیفه
16اَموقع اَ یازده شاگرد جلیل منطق دَ بشنده اَ کوهی که عیسی واتش به اَجون، بِر وینه. 17وختی بِر، عیسی شون بِوینت اَجوشون پرستش بِکَه. امّا بعضیه شکشون بِکَه. 18اَ موقع عیسی پیش بومه و بِوات: «همه‌ی قدرت آسمان و زمینِ سَر اَمِنشون دایه. 19پس بِشا و همه‌ی قومان چِمن شاگرد بکرا و اَجون، پِه نوم و زا نوم و روح القدوس نومییَم تعمیدَ غسل بدیا؛ 20و اَجون یاد بدیا که هر چه شَمام فرمان داعه، انجام بدینده. بِزونو از تا آخر زمون، هر روز شَما خَمنا اِسیم!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company