فیلیپیلیلَر 1
1
1مَسیح عیسانینگ غُلاملاری، پولُس و تیموتائوسدان،
مَسیح عیساداکی مُقدّسلَرینگ واریسینا کی فیلیپی شَهرینده دیرلَر، ناظرلَر و شَمّاسلار اینن:
2بووآمیز تارئ طرفیندَن و رَب عیسا مَسیح طرفیندَن سیزه فِیض و صُلح و سلامتلیگ اولسون.
دُعا و شُکر ائدمک
3هر وخت سیزی یاد ائدیرم، تارئمی شُکر ائدیرم، 4همیشه واری دُعالاریمدا سیزینگ وارینز ایچی شادلیگ اینن دُعا ائدیرم، 5بو سبریه کی سیز ائله اَوّلکی گؤندن ایندییانچاز اینجیل ایشینده شَریکَینز. 6بونا یقین واریم کی، او کی بیر خوب ایش سیزده باشلادی، عیسا مَسیحنینگ بؤکولمهکی گؤنونانچاز او ایشی کامل ائدَر. 7بو حَقّی واریم کی سیزینگ وارینزینگ بارهسینده بئلهیین حِس ائدم، بو خاطره کی مَنیم اؤرهکیمده یئر وارینز؛ چونکی سیزینگ وارینز منیم اینن تارئ فِیضینده شَریکَینز، چه زنداندا اولام، چه اینجیلدَن دفاع ائدم و اؤنونگ حَقلیگینی تَصدیق ائدَم. 8چونکی تارئ شاهدیم دیر بونا کی مَسیح عیسانینگ اؤز عاطفهسی اینن ناغاد سیزینگ وارینز ایچی اشتیاق واریم.
9منیم دُعام بو دور کی مُحبّتینز آرتیق و آرتیقتر اولسون و مَعرفت و بوتون بَصیرت اینن اولسون، 10تا بئله ائنگ خوب زادی تَصدیق ائدَینز و مَسیحنینگ بؤکولمهکی گؤنو ایچی آرّی و عیبسیز اولانز 11و صالحلیگ ثَمرهسیندن دؤلانز کی عیسا مَسیح طریقیندَن، تارئنینگ شوکتی و حَمد و ثَناسی ایچی عَمله گلیر.
خوش خبرینگ داغیلماکی
12کاکالار، سئیرم بیلینز کی هَر نه منیم باشیما گلمیش گرچکدَن اینجیلینگ ایلَری گئدمَکینه کؤمک ائدمیش، 13ائله کی پادشاه قَصرینینگ واری ناتّورلارینا و واری باقّی کَسه آلهیین اولموش کی منیم زنداندا اولماکیم مَسیح خاطرینه دیر. 14و منیم زنداندا اولدوگوم باعث اولدو کی کاکالارینگ چوخو، رَبده یقین بولالّار تا بوتون شهامت اینن تارئ کلامیندان قورخوسیز دانیشالّار.
15گرچکدَن کی بیر پارا حَسودلیگ و رقابت ائدمک اوستوندن مَسیحی اعلام ائدیرلَر، آما باقّیسی خوب نیّت اینن بو ایشی گؤرورلَر. 16ایکّینجی بئیله مُحبّت اوستوندن بئلهیین ائدیرلَر، چونکی بیلیرلر کی من اینجیلدن دفاع ائدمک ایچی بورا قؤیولموشام. 17اَوّلکی بئیله خودخواهلیگ اوستوندن مَسیحی اعلام ائدیرلَر، نه خالص نیّت اینن، گمان ائدیرلَر کی بئلهیین منیم مُصیبتیمی زنداندا آرتیق ائدیرلَر. 18پس نمنه؟ فقط هر طور کی اولموش، مَسیح اعلام اولونا چه پیس نیّت اینن، چه ده دؤز نیّت اینن! من بوندان خوشحالیگ ائدیرَم. بلی، خوشحالیگ ده ائدهرَم، 19چونکی بیلیرم کی سیزینگ دعالارینز طریقیندَن و عیسا مَسیح روحونونگ کؤمَکی اینن، بو منیم آزادلیگیما خَتم اولور، 20ائله اولهیین کی شوق و ذوق اینن انتظار چَکیرم و امیدیم بوندا دیر کی هئچنهده خیجیل اولمام، بلکی بیر تمام و کمال جسارت اینن، ایندی دا همیشهکی لهیین، مَسیح منیم بدنیمده شوکت توتار، چه دئرّی اولام و چه اؤلو. 21چونکی منیم ایچی زندلیگ ائدمک، مَسیح دیر و اؤلمَک، مَنفعت دیر. 22اگر جسمده زندلیگ ائدهسیم، مَعنیسی بو دور کی آرتیقتر ثمرهلی ایشلَر گؤرهرَم، آما بونو کی هانیسینی سَچم، دئیه بیلمئیرَم. 23بو ایکّینینگ آراسیندا سخت گیر ائدمیشَم. آرزیم بو دور کی بو دنیادان آیریلام و مَسیح اینن اولام، چونکی بو چوخ یئیتَر دیر؛ 24آما سیزینگ سَبرَینزه جسمده قالماگیم آرتیق لازیم دیر. 25چونکی بونا یقین واریم، بیلیرم کی سیزینگ ایماندا اولان رُشدینز و شادلیگینز ایچی، قالارام و سیزینگ وارینز اینان ادامه وئرهرَم، 26تا دوبارادان سیزینگ یانینزا گلمهکیم اینن، فَخرینز مَسیح عیسادا منیم سَبرمه آرتیق اولا.
27فقط قؤینز تا نهیین زندلیگ ائدیگینز مَسیح اینجیلینه یاراشا، تا بئله چه من گلم و بئلَینزی گؤرَم، چه ده اؤردا اولمایام، سیزینگ بارینزده ائشیتَم کی سیز بیر روحدا قایم توریرانز، بیر فکر اینن، یان یانا اینجیلینگ ایمانی ایچی تلاش ائدیرَینز، 28و هئچ زاددا اوللاردان کی سیزینگ اینن ضدّ دیرلَر قورخمئیرانز. بو بیر آلهیین نیشانا دیر اوللارینگ هلاک اولماکلاریندان، آما سیزینگ نجاتینزدان و بو، تارئ طرفیندَن دیر. 29چونکی بو افتخار سیزه نَصیب اولموش کی نه فقط مَسیحه ایمان گتیرَینز، بلکی اؤنونگ خاطرینه زَجر ده چَکَینز، 30چونکی سیز ائله او چکمهچکیشی وارینز کی گؤردونز من گرفتاری ایدیم و ایندی ده ائشیتیرَینز کی حَلی ده گرفتارییام.
Currently Selected:
فیلیپیلیلَر 1: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
