مَرقُس 9
9
1عیسا او جمعیته و شاگردلَرینه دئدی: «گرچَکینی سیزه دئییرم، نئچه آدام بوردا تورموشلار کی اؤلمک‌لَریندن ایلَری گؤرَرلَر کی تارئ پادشاهلیگی قُوّت اینن گلمیش.»
عیسا ظاهری‌نینگ ده‌ییشیلمَکی
2آلتی گؤندَن سورا، عیسا، پِطرُس و یَعقوب و یوحَنّایی اؤزو اینن گؤتوردو و بیر اوجا داغ باشینا آپاردی تا تَک اولالّار. اوللارینگ گؤزو دَمینده عیسانینگ ظاهری ده‌ییشیلدی. 3رَختی ایشّیلییردی. ائله آغ کی یئر اوستونده هئچ‌کَس او رَختی بئله‌یین آغاردا بیلمزدی. 4اوندا اِلیاس پیغمبر و موسای پیغمبر، اوللارینگ گؤزو دَمینده ظاهر اولدولار و عیسا اینان دانیشماکا باشلادیلار. 5پِطرُس عیسایا دئدی: «اُستاد، نه خوب اولدو کی بیز بوردایاک! قؤی تا بوردا اؤچ سایبان ووراک، بیرسی سَنینگ ایچی، بیرسی موسا ایچی، بیری ده اِلیاسینگ اولسون.» 6پِطرُس بیلمئیردی نه دئیه، بو سَبریه کی اوللار سَخت قورخموشلاردی. 7بیر بولوت اوللار اوستونه کؤلگه آتدی و او بولوت‌دان بیر سَس گلدی کی: «بو مَنیم عَزیز اوغلوم دور، اؤنونگ سؤزونه قولاق آسینز.» 8بیردن، او شاگردلَر دئییر و بَره باخدیلار آما اؤز یانلاریندا، عیسادان آیری هئچ‌کَسی گؤرمه‌دیلَر.
9ائله بئله کی داغدان آشاغی گلیرلَردی، عیسا اوللارا قَدغَن ائدی و دئدی کی: «او زامانانچاز کی انسان اوغلو اؤلومدن دئرّیلمه‌میش، هئچ‌کَسه دئمه‌یینز کی نَمنه گؤرموشَینز.» 10اوللار ده هئچ‌کَسه دئمه‌دیلَر کی نَمنه گؤرموشلَر، آما اؤز آرالاریندا بیر بیردن خبر آلیرلاردی کی: «مَنظورو انسان اوغلونونگ اؤلومدن دئرّیلمکیندن نه ایدی؟» 11اوندا عیسادان خَبر آلدیلار: «نه ایچی تورات معلّم‌لَری دئییرلَر کی اَوّل اِلیاس پیغمبر گلَسی؟» 12عیسا دا اوللارا بئله جواب وئردی: «اَلبَت کی اَوّل اِلیاس گلیر تا واری زادی ایلَرکی‌سی له‌یین، دؤزَته. آما نه ایچی انسان اوغلو باره‌سینده یازیلمیش کی او چوخ زَجرلَر چَکه‌سی و اؤنو رَد ائده‌سیلَر؟ 13سیزه دئییرم کی اِلیاس گلمیش و اوللار هر ایش کی سئدیلَر اؤنونگ باشینا گتیردیلَر، ائله اوله‌یین کی اؤنونگ باره‌سینده یازیلمیش.»
عیسا بیر اوغلو کی شَریر روحا گرفتار دیر شفا وئریر
14اوندا کی عیسا و پِطرُس و یَعقوب و یوحَنّا باقّی شاگردلَر اولدوگو یئره ائتیشدیلَر، گؤردولَر کی بیر بویوک جمعیت اوللارینگ دئییرینی توتموشلار و تورات معلّم‌لَری شاگردلَر اینن بحث ائدیرلَر. 15جمعیت عیسایی گؤردیگی‌اینن، چوخ حیرت ائدیلَر و قَچه-قَچه عیسایا ساری گلدیلر و بئلَسینه سالام وئردیلر. 16عیسا تورات معلّم‌لَریندن خبر آلدی: «نَمنه باره‌سینده اوللار اینان بحث ائدیرَینز؟» 17جمعیت آراسیندان بیر کیشی دئدی: «اُستاد، اوغلومو گتیرمیشم سنینگ یانینگا. اوغلوم بیر روحا گرفتار دیر کی او روح اوغلومو گُنگ ائدمیش. 18او روح، اوغلومو توتاندا اؤنو چالیر یئره؛ اوغلومونگ آغیزیندان کف گئدیر و دیشلری قُفل اولیر، بوتون داری قورّوییر. سنینگ شاگردلَرینگدن سئدیم کی بو روحو اوغلومدان چیخارتالّار یازّیا، آما باشارمادیلار.» 19عیسا اوللارا دئدی: «ای ایمان‌سیز نَسل! هاچانانچاز سیزینگ اینَن اولام؟ هاچانانچاز سیزی تَحمّل ائدَم؟ اؤنو گتیرینز منیم یانیما.» 20اوللار اوغلو گتیردیلَر عیسا یانینا. او روح عیسایی گؤردوگو اینن، اوغلو تَشنّجا آتدی ائله کی اوغول یئره دؤشدو و آغیزیندان کف گئدیردی و تورپاقدا چابالئیردی. 21عیسا اوغلونگ بوآسیندان خبر آلدی: «هاچاندان بو اوشاق بئله‌یین اولیر؟» کیشی دئدی: «اوشاقلیگیندان بری. 22بو روح نئچه دَفعه اوغلومو اوتا آتمیش، سویا آتمیش تا بئلَسینی هلاک ائده. بیزه رَحم ائد و بیزه کؤمَک ائد، اگر باشاریرانگ.» 23عیسا دئدی: «اگر باشاریرام؟ ایمانی اولان آدام ایچی واری زاد ممکن دیر.» 24ائله او آن اوشاقینگ بووآسی اوجا سَس اینن دئدی: «ایمان واریم؛ منه کؤمَک ائد تا ایمان‌سیزلیگیمه گؤج اولام!» 25اوندا کی عیسا گؤردو بیر آیری بئیله جمعیت دا قَچه-قَچه گلیرلَر اؤرا، او شَریر روحا تَشَر ووردو و دئدی: «ای شَریر روح کی سَنینگ سَبرینگه بو اوغول کَر و لال اولموش، سنه اَمر ائدیرم کی اوندان یازّیا چیخ و داها هئچ‌وخت اؤنونگ ایچینه گیرمه!» 26روح بَغیردی و اوغلو سَخت تَشنّجا آتدی و بئلَسیندَن یازّیا چیخدی. اوغول بیر اؤلو آدام له‌یین اولدو، ائله کی خَلخینگ چوخو دئدیلَر: «او اؤلدو.» 27آما عیسا اوغلونگ اَلیندن توتدو و بئلَسینی اوخاری ائدی و اوغول آیاق اوستونده توردو. 28عیسا ائوه گئدَنده، شاگردلَری اؤز آرالاریندا عیسادان خبر آلدیلار: «نه ایچی بیز او شَریر روحو چاخارتا بیلمه‌دیک؟» 29عیسا اوللارا دئدی: «بو رَقم روح فقط دُعا ائدمَک اینن چیخیر.»
عیسا اؤلمک و دئرّیلمَکینی گئنه پیشگولیگ ائدیر
30عیسا اینان شاگردلَری اؤردان گئتدیلَر و جَلیل ولایتی ایچیندن گچدیلَر. عیسا سئمئیردی بیری بیله او هاردا دیر، 31بو سَبریه کی اؤز شاگردلَرینه تَعلیم وئریردی و اوللارا دئییردی: «انسان اوغلو آداملار اَلینه تَسلیم اولونار و اوللار اؤنو اؤلدورَرلَر. آما او اؤچونجو گؤنده دئرّیلَر.» 32اوللار حالی‌لاری اولمئیردی کی عیسا نه دئییر و قورخیرلاردی ده کی بو گپینگ باره‌سینده بئلَسیندَن خبر آلالّار.
بویوک‌‌لیگ نَمنه‌ده دیر؟
33عیسا اینان شاگردلَری کَفَرناحوم شَهرینه گلدیلر. اوندا کی ائوده ایدیلَر عیسا شاگردلَردن خبر آلدی: «یولدا نَمنه باره‌سینده بحث ائدیردینز؟» 34شاگردلَر هئچ جواب وئرمه‌دیلَر، بو سَبریه کی یولدا اوللار بیر بیر اینن بحث ائدیرلَردی کی آرالاریندا کیم واری کَسدن بویوک‌‌تر دیر. 35عیسا او اون ایکّی شاگردی ییغدی، اوتوردو و بئللرینه دئدی: «هَر کَس سئیر اَوّلکی اولا، واری کَسدن آخیر اولاسی و واری کَسه قوللوق ائده‌سی.» 36عیسا بیر اوشاقی گتیردی و اوللارینگ اورتاسینا قؤیدو، اؤنو قوجاقلادی و اوللارا دئدی: 37«هَر کَس کی بیر بئله‌یین اوشاقی منیم آدیمدا قبول ائده، منی قبول ائدیر و هَر کَس کی منی قبول ائده، منی یوللایان گؤیده‌کی بووآیی قبول ائدیر.»
بیزیم اینن ضدّ اولمایان آدام، بیزیم اینن دیر
38یوحَنّا عیسایا دئدی: «اُستاد، بیز بیر کیشی‌یی گؤردوک کی سَنینگ آدینگدا، شیطانلی روح‌لاری یازّیا چاخارتیردی آما چونکی بیزدَن ده‌ییلدی، تلاش ائدیک جلوسینی توتاک.» 39عیسا اؤنا دئدی: «اؤنونگ جلوسینی توتماینز، بو سَبریه کی هئچ‌کَس یوخدور کی منیم آدیمدا بیر قُدرتلی ایش گؤره و اوندان سورا ده، منیم حَقّیمده پیس دئیه. 40هَر کَس بیزیم ضدّیمیزه اولمایا، بیزیم اینن دیر. 41گرچَکدن سیزه دئییرم، هَر کَس بو سَبریه کی سیز وَعده وئریلَن مَسیحه تَعلّق وارینز، سیزه بیر پایلا سو دا وئره تا ایچینز، اصلاً اَجرسیز قالماز.
وَسوَسه و گُناه
42«هَر کَس باعث اولا بو کوچوک‌لارینگ بیری کی مَنه ایمان واری گُناه ائده، اؤنونگ ایچی یئی‌تَر دیر کی بیر بویوک دییرمان داشی بوینونا آسیلا و دریایا آتیلا. 43اگر اَلینگ سَنی گُناها آتیر، اؤنو کَس. سَنینگ ایچی یئی‌تَر دیر کی عَلیل اَبَدی زندلیگه گیرَینگ تا بو کی ایکّی اَل اینن جَهنّمه گئدَینگ، او اوت ایچینه کی هئچ‌وخت کور اولمئیر. 44اؤرا کی اوللارینگ قوردو اؤلمَز، اوتو ده کور اولماز. 45اگر قیچینگ سَنی گُناها آتیر، اؤنو کَس. سَنینگ ایچی یئی‌تَر دیر کی آخساق، اَبَدی زندلیگه گیرَینگ تا بو کی ایکّی قیچ اینَن جَهنّمه آتولانگ. 46اؤرا کی اوللارینگ قوردو اؤلمَز، اوتو ده کور اولماز. 47اگر گؤزونگ سَنی گُناها آتیر، اؤنو چاخارت. سَنینگ ایچی یئی‌تَر دیر کی بیر گؤز اینن تارئ پادشاهلیگینا گیرَینگ تا بو کی ایکّی گؤز اینن جَهنّمه آتولانگ. 48اؤرا کی اوللارینگ قوردو اؤلمَز، اوتو ده کور اولماز.
49«بوندان ایلَری کی قُربانلوق قُربانگاه اوستونده یانا دوز اونو آرّی ائدیر، ائله اوله‌یین دا زَجر او آدام‌لاری کی مَنه ایمان وارلاری آرّی ائدیر. 50دوز خوب دیر، آما اگر دوز اؤز شورلیگینی اَلدَن وئره، داها ایشدن گلمئیر و هئچ خورَکی‌یه داد وئرمَز. ایچینزده دوز وارینز اولسون و آراینزدا صُلح و صفا.»
Currently Selected:
مَرقُس 9: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 9
9
1عیسا او جمعیته و شاگردلَرینه دئدی: «گرچَکینی سیزه دئییرم، نئچه آدام بوردا تورموشلار کی اؤلمک‌لَریندن ایلَری گؤرَرلَر کی تارئ پادشاهلیگی قُوّت اینن گلمیش.»
عیسا ظاهری‌نینگ ده‌ییشیلمَکی
2آلتی گؤندَن سورا، عیسا، پِطرُس و یَعقوب و یوحَنّایی اؤزو اینن گؤتوردو و بیر اوجا داغ باشینا آپاردی تا تَک اولالّار. اوللارینگ گؤزو دَمینده عیسانینگ ظاهری ده‌ییشیلدی. 3رَختی ایشّیلییردی. ائله آغ کی یئر اوستونده هئچ‌کَس او رَختی بئله‌یین آغاردا بیلمزدی. 4اوندا اِلیاس پیغمبر و موسای پیغمبر، اوللارینگ گؤزو دَمینده ظاهر اولدولار و عیسا اینان دانیشماکا باشلادیلار. 5پِطرُس عیسایا دئدی: «اُستاد، نه خوب اولدو کی بیز بوردایاک! قؤی تا بوردا اؤچ سایبان ووراک، بیرسی سَنینگ ایچی، بیرسی موسا ایچی، بیری ده اِلیاسینگ اولسون.» 6پِطرُس بیلمئیردی نه دئیه، بو سَبریه کی اوللار سَخت قورخموشلاردی. 7بیر بولوت اوللار اوستونه کؤلگه آتدی و او بولوت‌دان بیر سَس گلدی کی: «بو مَنیم عَزیز اوغلوم دور، اؤنونگ سؤزونه قولاق آسینز.» 8بیردن، او شاگردلَر دئییر و بَره باخدیلار آما اؤز یانلاریندا، عیسادان آیری هئچ‌کَسی گؤرمه‌دیلَر.
9ائله بئله کی داغدان آشاغی گلیرلَردی، عیسا اوللارا قَدغَن ائدی و دئدی کی: «او زامانانچاز کی انسان اوغلو اؤلومدن دئرّیلمه‌میش، هئچ‌کَسه دئمه‌یینز کی نَمنه گؤرموشَینز.» 10اوللار ده هئچ‌کَسه دئمه‌دیلَر کی نَمنه گؤرموشلَر، آما اؤز آرالاریندا بیر بیردن خبر آلیرلاردی کی: «مَنظورو انسان اوغلونونگ اؤلومدن دئرّیلمکیندن نه ایدی؟» 11اوندا عیسادان خَبر آلدیلار: «نه ایچی تورات معلّم‌لَری دئییرلَر کی اَوّل اِلیاس پیغمبر گلَسی؟» 12عیسا دا اوللارا بئله جواب وئردی: «اَلبَت کی اَوّل اِلیاس گلیر تا واری زادی ایلَرکی‌سی له‌یین، دؤزَته. آما نه ایچی انسان اوغلو باره‌سینده یازیلمیش کی او چوخ زَجرلَر چَکه‌سی و اؤنو رَد ائده‌سیلَر؟ 13سیزه دئییرم کی اِلیاس گلمیش و اوللار هر ایش کی سئدیلَر اؤنونگ باشینا گتیردیلَر، ائله اوله‌یین کی اؤنونگ باره‌سینده یازیلمیش.»
عیسا بیر اوغلو کی شَریر روحا گرفتار دیر شفا وئریر
14اوندا کی عیسا و پِطرُس و یَعقوب و یوحَنّا باقّی شاگردلَر اولدوگو یئره ائتیشدیلَر، گؤردولَر کی بیر بویوک جمعیت اوللارینگ دئییرینی توتموشلار و تورات معلّم‌لَری شاگردلَر اینن بحث ائدیرلَر. 15جمعیت عیسایی گؤردیگی‌اینن، چوخ حیرت ائدیلَر و قَچه-قَچه عیسایا ساری گلدیلر و بئلَسینه سالام وئردیلر. 16عیسا تورات معلّم‌لَریندن خبر آلدی: «نَمنه باره‌سینده اوللار اینان بحث ائدیرَینز؟» 17جمعیت آراسیندان بیر کیشی دئدی: «اُستاد، اوغلومو گتیرمیشم سنینگ یانینگا. اوغلوم بیر روحا گرفتار دیر کی او روح اوغلومو گُنگ ائدمیش. 18او روح، اوغلومو توتاندا اؤنو چالیر یئره؛ اوغلومونگ آغیزیندان کف گئدیر و دیشلری قُفل اولیر، بوتون داری قورّوییر. سنینگ شاگردلَرینگدن سئدیم کی بو روحو اوغلومدان چیخارتالّار یازّیا، آما باشارمادیلار.» 19عیسا اوللارا دئدی: «ای ایمان‌سیز نَسل! هاچانانچاز سیزینگ اینَن اولام؟ هاچانانچاز سیزی تَحمّل ائدَم؟ اؤنو گتیرینز منیم یانیما.» 20اوللار اوغلو گتیردیلَر عیسا یانینا. او روح عیسایی گؤردوگو اینن، اوغلو تَشنّجا آتدی ائله کی اوغول یئره دؤشدو و آغیزیندان کف گئدیردی و تورپاقدا چابالئیردی. 21عیسا اوغلونگ بوآسیندان خبر آلدی: «هاچاندان بو اوشاق بئله‌یین اولیر؟» کیشی دئدی: «اوشاقلیگیندان بری. 22بو روح نئچه دَفعه اوغلومو اوتا آتمیش، سویا آتمیش تا بئلَسینی هلاک ائده. بیزه رَحم ائد و بیزه کؤمَک ائد، اگر باشاریرانگ.» 23عیسا دئدی: «اگر باشاریرام؟ ایمانی اولان آدام ایچی واری زاد ممکن دیر.» 24ائله او آن اوشاقینگ بووآسی اوجا سَس اینن دئدی: «ایمان واریم؛ منه کؤمَک ائد تا ایمان‌سیزلیگیمه گؤج اولام!» 25اوندا کی عیسا گؤردو بیر آیری بئیله جمعیت دا قَچه-قَچه گلیرلَر اؤرا، او شَریر روحا تَشَر ووردو و دئدی: «ای شَریر روح کی سَنینگ سَبرینگه بو اوغول کَر و لال اولموش، سنه اَمر ائدیرم کی اوندان یازّیا چیخ و داها هئچ‌وخت اؤنونگ ایچینه گیرمه!» 26روح بَغیردی و اوغلو سَخت تَشنّجا آتدی و بئلَسیندَن یازّیا چیخدی. اوغول بیر اؤلو آدام له‌یین اولدو، ائله کی خَلخینگ چوخو دئدیلَر: «او اؤلدو.» 27آما عیسا اوغلونگ اَلیندن توتدو و بئلَسینی اوخاری ائدی و اوغول آیاق اوستونده توردو. 28عیسا ائوه گئدَنده، شاگردلَری اؤز آرالاریندا عیسادان خبر آلدیلار: «نه ایچی بیز او شَریر روحو چاخارتا بیلمه‌دیک؟» 29عیسا اوللارا دئدی: «بو رَقم روح فقط دُعا ائدمَک اینن چیخیر.»
عیسا اؤلمک و دئرّیلمَکینی گئنه پیشگولیگ ائدیر
30عیسا اینان شاگردلَری اؤردان گئتدیلَر و جَلیل ولایتی ایچیندن گچدیلَر. عیسا سئمئیردی بیری بیله او هاردا دیر، 31بو سَبریه کی اؤز شاگردلَرینه تَعلیم وئریردی و اوللارا دئییردی: «انسان اوغلو آداملار اَلینه تَسلیم اولونار و اوللار اؤنو اؤلدورَرلَر. آما او اؤچونجو گؤنده دئرّیلَر.» 32اوللار حالی‌لاری اولمئیردی کی عیسا نه دئییر و قورخیرلاردی ده کی بو گپینگ باره‌سینده بئلَسیندَن خبر آلالّار.
بویوک‌‌لیگ نَمنه‌ده دیر؟
33عیسا اینان شاگردلَری کَفَرناحوم شَهرینه گلدیلر. اوندا کی ائوده ایدیلَر عیسا شاگردلَردن خبر آلدی: «یولدا نَمنه باره‌سینده بحث ائدیردینز؟» 34شاگردلَر هئچ جواب وئرمه‌دیلَر، بو سَبریه کی یولدا اوللار بیر بیر اینن بحث ائدیرلَردی کی آرالاریندا کیم واری کَسدن بویوک‌‌تر دیر. 35عیسا او اون ایکّی شاگردی ییغدی، اوتوردو و بئللرینه دئدی: «هَر کَس سئیر اَوّلکی اولا، واری کَسدن آخیر اولاسی و واری کَسه قوللوق ائده‌سی.» 36عیسا بیر اوشاقی گتیردی و اوللارینگ اورتاسینا قؤیدو، اؤنو قوجاقلادی و اوللارا دئدی: 37«هَر کَس کی بیر بئله‌یین اوشاقی منیم آدیمدا قبول ائده، منی قبول ائدیر و هَر کَس کی منی قبول ائده، منی یوللایان گؤیده‌کی بووآیی قبول ائدیر.»
بیزیم اینن ضدّ اولمایان آدام، بیزیم اینن دیر
38یوحَنّا عیسایا دئدی: «اُستاد، بیز بیر کیشی‌یی گؤردوک کی سَنینگ آدینگدا، شیطانلی روح‌لاری یازّیا چاخارتیردی آما چونکی بیزدَن ده‌ییلدی، تلاش ائدیک جلوسینی توتاک.» 39عیسا اؤنا دئدی: «اؤنونگ جلوسینی توتماینز، بو سَبریه کی هئچ‌کَس یوخدور کی منیم آدیمدا بیر قُدرتلی ایش گؤره و اوندان سورا ده، منیم حَقّیمده پیس دئیه. 40هَر کَس بیزیم ضدّیمیزه اولمایا، بیزیم اینن دیر. 41گرچَکدن سیزه دئییرم، هَر کَس بو سَبریه کی سیز وَعده وئریلَن مَسیحه تَعلّق وارینز، سیزه بیر پایلا سو دا وئره تا ایچینز، اصلاً اَجرسیز قالماز.
وَسوَسه و گُناه
42«هَر کَس باعث اولا بو کوچوک‌لارینگ بیری کی مَنه ایمان واری گُناه ائده، اؤنونگ ایچی یئی‌تَر دیر کی بیر بویوک دییرمان داشی بوینونا آسیلا و دریایا آتیلا. 43اگر اَلینگ سَنی گُناها آتیر، اؤنو کَس. سَنینگ ایچی یئی‌تَر دیر کی عَلیل اَبَدی زندلیگه گیرَینگ تا بو کی ایکّی اَل اینن جَهنّمه گئدَینگ، او اوت ایچینه کی هئچ‌وخت کور اولمئیر. 44اؤرا کی اوللارینگ قوردو اؤلمَز، اوتو ده کور اولماز. 45اگر قیچینگ سَنی گُناها آتیر، اؤنو کَس. سَنینگ ایچی یئی‌تَر دیر کی آخساق، اَبَدی زندلیگه گیرَینگ تا بو کی ایکّی قیچ اینَن جَهنّمه آتولانگ. 46اؤرا کی اوللارینگ قوردو اؤلمَز، اوتو ده کور اولماز. 47اگر گؤزونگ سَنی گُناها آتیر، اؤنو چاخارت. سَنینگ ایچی یئی‌تَر دیر کی بیر گؤز اینن تارئ پادشاهلیگینا گیرَینگ تا بو کی ایکّی گؤز اینن جَهنّمه آتولانگ. 48اؤرا کی اوللارینگ قوردو اؤلمَز، اوتو ده کور اولماز.
49«بوندان ایلَری کی قُربانلوق قُربانگاه اوستونده یانا دوز اونو آرّی ائدیر، ائله اوله‌یین دا زَجر او آدام‌لاری کی مَنه ایمان وارلاری آرّی ائدیر. 50دوز خوب دیر، آما اگر دوز اؤز شورلیگینی اَلدَن وئره، داها ایشدن گلمئیر و هئچ خورَکی‌یه داد وئرمَز. ایچینزده دوز وارینز اولسون و آراینزدا صُلح و صفا.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company