مَرقُس 10
10
عیسادان طلاق باره‌سینده خبر آلیرلار
1عیسا اؤردان چیخدی و یهودیه دیارینا و یهودیه‌نینگ او تئیینه، اوردون چئیی‌نینگ شرق طَرفینه گئتدی. گئنه جماعت ییغیلدیلَر عیسا یانینا و او دا گئنه همیشه‌کی‌سی له‌یین، اوللارا تَعلیم وئردی. 2بیر گؤن فَریسی فِرقه‌سی‌نینگ عالِم‌لَری عیسا یانینا گلدیلَر و اؤنو امتحان ائدمَک ایچی، بئلَسیندَن خَبر آلدیلار: «آیا جایز دیر کی کیشی آروادینی طلاق وئره؟» 3عیسا اوللارا جواب وئردی: «موسای پیغمبر سیزه نه حکم وئردی؟» 4اوللار دئدیلر: «موسا اجازه وئرمیش کی کیشی بیر طلاقنامه یازا و آروادینی ویل ائده.» 5عیسا اوللارا دئدی: «بو سَبریه کی سیزینگ اؤره‌کینز داش دیر، او بو حکمی سیزه یازدی. 6آما یارادیلیشینگ باشلانماکیندان، ائله اوله‌یین کی مُقدّس یازیلیدا دئییر: ”تارئ، انسانی کیشی و آرواد یاراتدی،“ 7و ”بو خاطره ده کیشی اؤز آنا-بووآسیندان آیریلار، اؤز آروادینا یاپیشار 8و ایکّی‌سی بیر بَدن اولارلار.“ بئله، اوللار داها نه ایکّی، بلکی بیر بَدن دیرلَر. 9پس اوللاری کی تارئ بیر ائدمیش، انسان آییرماسین.»
10اوندا کی عیسا اینان شاگردلَر ائوده ایدیلَر، شاگردلَر او گپ باره‌سینده کی عیسا فَریسی‌لَره دئمیشدی بئلَسیندَن خبر آلدیلار. 11عیسا اوللارا دئدی: «هَر کَس کی آروادینی طلاق وئره و بیر آیری آرواد آلا، اؤز آروادی حَقّینده زِنا ائدیر. 12و اگر آرواد اؤز اَریندن طلاق آلا و بیر آیری اَره گئده، زِنا ائدیر.»
عیسا دئییر قؤیینز تا اوشاق‌لار مَنه ساری گلَلَّر
13خَلخ اوشاق‌لاری عیسا یانینا گتیریرلَردی تا عیسا اوللار اوستونه اَل قؤیا و اوللار ایچی دُعا ائده. آما شاگردلَر خَلخی هَیله‌دیلَر. 14عیسا بونو گؤرَنده، عَصبانی اولدو و شاگردلَرینه دئدی: «قؤیونز تا اوشاق‌لار منیم یانیما گلَلَّر و اوللارینگ جلوسینی توتماینز، چونکی تارئ پادشاه‌لیگی بئله‌یین آداملارینگ دیر. 15گرچَکینی سیزه دئییرم، هَر کَس تارئ پادشاه‌لیگینی بیر اوشاق له‌یین قبول ائدمئیه، هئچ زامان اؤرایا گیرمَز.» 16عیسا، اوشاق‌لاری قوجاقینا آلدی، اَل‌لَرینی اوللار اوستونه قؤیدو و اوللارا بَرکت وئردی.
وارلی جاهال کیشی
17عیسا یولا دؤشَنده، بیر کیشی قَچه-قَچه گلدی عیسا یانینا و اؤنونگ جلوسیندا دیز ووردو و بئلَسیندَن خبر آلدی: «ای خوب اُستاد، نیجه ائده‌سیم تا اَبَدی زندلیگی میراث آپارام؟» 18عیسا او کیشی‌یه دئدی: «نه ایچی منه دئییرنگ خوب؟ تارئ‌دان آیری هئچ کَس خوب ده‌ییل. 19تارئ حکم‌لارینی بیلیرَینگ: آدام اؤلدورمه، زِنا ائدمه، اوغورلوق ائدمه، یالان شهادت وئرمه، حُقّه‌بازلیگ ائدمه و آنا بووآنگ حُرمَتینی ساخلا.» 20او آدام عیسایا دئدی: «اُستاد، جاهال‌لیگیمدان بَری بوللارینگ واریسینی یئرینه ائتیردمیشم.» 21عیسا او کیشی‌یه مُحبّت اینن باخدی و بئلَسینه دئدی: «ایشینگده بیر زاد آز وارینگ؛ گئد، هَر‌نه کی وارینگ سات و یوخسول‌لارا وئر، کی گؤیده بیر خزئنه‌ینگ اولور؛ اوندا گل، منیم یولومو گئد.» 22او جاهال کیشی بونو ائشیدَنده مأیوس اولدو و اؤردان غَملی گئتدی چونکی دارالیگی چوخ ایدی. 23عیسا دئییرینه باخدی و اؤز شاگردلَرینه دئدی: «ناغاد چَتین دیر کی وارلی‌لار تارئ پادشاهلیگینا گیرَلَّر!» 24شاگردلَر اؤنونگ سؤزلَریندن حیران قالدیلار. پس عیسا دوبارادان اوللارا دئدی: «اولادلاریم، ناغاد چَتین دیر تارئ پادشاهلیگینا گیرمَک! 25دؤوه‌نینگ اینگه دَلیگیندن گچمَکی چوخ آسانتر دیر تا بیر وارلی آدامینگ تارئ پادشاهلیگینا گیرمَکی.» 26شاگردلَر چوخ حیرت ائدیلَر و عیسایا دئدیلر: «پس کیم نجات توتا بیلَر؟» 27عیسا اوللارا باخدی و دئدی: «بو، آدامیزاد ایچی غیرممکن دیر، آما تارئ ایچی بئله ده‌ییل. تارئ ایچی واری زاد ممکن دیر.» 28اوندا پِطرُس عیسایا دئدی: «باخ، بیز واری زادی ویل ائدمیشَک و سنینگ آردینگ سورا گلمیشَک.» 29عیسا دئدی: «گرچَکینی سیزه دئییرم، هئچ‌کَس یوخ کی منیم خاطریمه و تارئ پادشاه‌لیگی‌نینگ خوش خَبری خاطرینه، ائوینی یا کاکالارینی یا باجی‌لارینی یا آناسینی یا بووآسینی، یا اولادلارینی یا دا یئرلَرینی ویل ائدمیش اولا، 30و بو دنیادا یوز برابر آرتیق ائو‌لَر، کاکالار، باجی‌لار، آنالار، اولادلار و یئرلَر - و اؤنونگ اینان، جور و جَفا - اَله گتیرمه‌میش اولا و او دنیادا ده اَبَدی زندلیگ اؤنا نَصیب اولماموش اولا. 31آما چوخ آداملار کی اَوّلکی دیرلَر، آخیرکی اولارلار و آخیرکی‌لار، اَوّلکی اولارلار.»
عیسانینگ اؤلمَک و دئرّیلمَکی‌نینگ اؤچونجو پیشگولیگی
32عیسا اینان شاگردلَری یولدا گئدیرلَردی اورشلیمه. شاگردلَری تَعجّب ائدمیشلَردی کی او سئیر گئده اورشلیمه و عیسا قولونجوندان گئدَن‌لَرینگ باقّیسی دا قورخموشلاردی. عیسا کی اوللارینگ واریسیندان ایلَرتر گئدیردی، او اون ایکّی شاگردی بیر قیراقا چَکدی و گئنه اوللارا دئدی کی نه گلَسی باشینا. 33دئدی: «باخینز، اورشلیم شَهرینه گئدیرَک و انسان اوغلو اؤردا باش کاهِن‌لَر کی مَعبد عالِم‌لَری دیرلار و تورات معلّم‌لَری اَلینه وئریلَر. اوللار انسان اوغلونو اؤلومه محکوم ائده‌رلَر و اؤنو بُت‌پَرست خَلخ اَلینه وئره‌رلَر. 34اوللار اؤنا ریشخند ائده‌رلَّر و اؤنا تیفیرَرلَر و شلّاق وورارلار و اؤنو اؤلدورَرلَر و او اؤچونجو گؤنده دئرّیلَر.»
یَعقوب و یوحَنّا‌نینگ سئدیگی
35زِبِدی اوغول‌لاری یَعقوب و یوحَنّا، گلدیلر عیسا یانینا و اؤنا دئدیلر: «اُستاد، بیز سئیرَک کی بیزیم ایچی بیر ایش گؤرَینگ.» 36عیسا اوللارا دئدی: «سئیرَینز سیزینگ ایچی نه ایش گؤرَم؟» 37اوللار عیسایا دئدیلر: «قؤی تا اوندا کی شوکت اینن پادشاهلیگینگ تختینه اوتوردونگ، بیزیم بیریمیز سنینگ ساغ طَرفینگه اوتورا و او بیریمیز دا چَپ طَرفینگه.» 38عیسا اوللارا دئدی: «سیز بیلمئیرَینز کی نه سئیرَینز. او عَذاب پایلا‌سیندن کی من ایچیرَم، سیز ده باشاریراینز ایچَینز یا دا او زَجری کی من چَکیرَم سیز ده باشاریراینز چَکَینز؟» 39دئدیلر: «بَله، باشاریراک.» عیسا اوللارا دئدی: «او پایلادان کی من ایچیرَم، سیزده ایچَرَینز و او زَجری کی من چَکیرَم سیزده چَکرَینز، 40آما منیم ساغ طَرفیمه یا دا چَپ طَرفیمه اوتورماکینگ اختیاری منیم اَلیمده ده‌ییل کی اؤنو بیرینه وئرَم. تارئ بو یئرلَری اوللار ایچی کی بئللرینی سَچمیش آماده ائدمیش.»
41او اون شاگرد بونو ائشیدَنده، یَعقوب و یوحَنّایا غُصّالاندیلار. 42عیسا اوللاری اؤز یانینا چاغیردی و دئدی: «سیز بیلیرَینز اوللار کی بُت پَرستلَرینگ رَئیس‌لَری چاغیریلیرلار، اوللارا آقالیگ ائدیرلَر و اوللارینگ بویوک‌لَری، اوللارا حکم سؤرورلَر. 43آما سیزینگ آراینزدا بئله‌یین اولماسین. بلکی آراینزدا هَر کَس کی سئیر بویوک اولا، نوکرینز اولاسی 44و هَر کَس کی سئیر سیزینگ آراینزدا اَوّل اولا، واری کَسینگ غُلامی اولاسی. 45بو سَبریه کی حتّی انسان اوغلو گلمه‌دی تا خدمت اولونا، بلکی گلدی تا خدمت ائده و اؤز جانینی چوخ آداملارینگ آزادلیگی ایچی وئره.»
عیسا کور کیشی‌نینگ گؤزلَرینی آچیر
46عیسا اینان شاگردلَری و بیر بویوک جمعیت کی عیسا قولونجوندان گئدیرلَردی، اَریحا شَهرینه گلدیلر. ائله بئله کی اوللار اَریحادان چیخیرلَردی، بیر بارتیمائوس آدلی کور گدا یول قیراقیندا اوتورموشدو. او تیمائوس اوغلو ایدی. 47اوندا کی بارتیمائوس ائشیتدی کی او، ناصِره‌لی عیسا دیر کی اؤردان گچیر، اوجا سَس اینن چاغیردی و دئدی: «عیسا، داوود پادشاه اوغلو، منه رَحم ائد!» 48چوخ آداملار اؤنو هَیله‌دیلَر و اؤنا دئییرلَردی کی بی سَس اولا، آما او اوجاتر چاغیریردی و دئییردی: «ای داوود پادشاه اوغلو، منه رَحم ائد.» 49عیسا توردو و دئدی: «اؤنو چاغیرینز تا گله.» اوللار او کورو چاغیردیلار و بئلَسینه دئدیلر: «اؤره‌کینگ قایم اولسون! تور آیاقی؛ سَنی چاغیریر.» 50بارتیمائوس اؤز عاباسینی آتدی و یئریندَن سیچیرَدی و گلدی عیسا یانینا. 51عیسا بئلَسیندَن خبر آلدی: «سئیرَینگ سَنینگ ایچی نه ایش گؤرَم؟» کور دئدی: «اُستاد، سئیرم گؤزلَریم گؤره.» 52عیسا اؤنا دئدی: «گئد کی ایمانینگ سَنی شفا وئرمیش.» ائله او آن او آدامینگ گؤزلَری آچیلدی و عیسا قولونجوندان یولا دؤشدو.
Currently Selected:
مَرقُس 10: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 10
10
عیسادان طلاق باره‌سینده خبر آلیرلار
1عیسا اؤردان چیخدی و یهودیه دیارینا و یهودیه‌نینگ او تئیینه، اوردون چئیی‌نینگ شرق طَرفینه گئتدی. گئنه جماعت ییغیلدیلَر عیسا یانینا و او دا گئنه همیشه‌کی‌سی له‌یین، اوللارا تَعلیم وئردی. 2بیر گؤن فَریسی فِرقه‌سی‌نینگ عالِم‌لَری عیسا یانینا گلدیلَر و اؤنو امتحان ائدمَک ایچی، بئلَسیندَن خَبر آلدیلار: «آیا جایز دیر کی کیشی آروادینی طلاق وئره؟» 3عیسا اوللارا جواب وئردی: «موسای پیغمبر سیزه نه حکم وئردی؟» 4اوللار دئدیلر: «موسا اجازه وئرمیش کی کیشی بیر طلاقنامه یازا و آروادینی ویل ائده.» 5عیسا اوللارا دئدی: «بو سَبریه کی سیزینگ اؤره‌کینز داش دیر، او بو حکمی سیزه یازدی. 6آما یارادیلیشینگ باشلانماکیندان، ائله اوله‌یین کی مُقدّس یازیلیدا دئییر: ”تارئ، انسانی کیشی و آرواد یاراتدی،“ 7و ”بو خاطره ده کیشی اؤز آنا-بووآسیندان آیریلار، اؤز آروادینا یاپیشار 8و ایکّی‌سی بیر بَدن اولارلار.“ بئله، اوللار داها نه ایکّی، بلکی بیر بَدن دیرلَر. 9پس اوللاری کی تارئ بیر ائدمیش، انسان آییرماسین.»
10اوندا کی عیسا اینان شاگردلَر ائوده ایدیلَر، شاگردلَر او گپ باره‌سینده کی عیسا فَریسی‌لَره دئمیشدی بئلَسیندَن خبر آلدیلار. 11عیسا اوللارا دئدی: «هَر کَس کی آروادینی طلاق وئره و بیر آیری آرواد آلا، اؤز آروادی حَقّینده زِنا ائدیر. 12و اگر آرواد اؤز اَریندن طلاق آلا و بیر آیری اَره گئده، زِنا ائدیر.»
عیسا دئییر قؤیینز تا اوشاق‌لار مَنه ساری گلَلَّر
13خَلخ اوشاق‌لاری عیسا یانینا گتیریرلَردی تا عیسا اوللار اوستونه اَل قؤیا و اوللار ایچی دُعا ائده. آما شاگردلَر خَلخی هَیله‌دیلَر. 14عیسا بونو گؤرَنده، عَصبانی اولدو و شاگردلَرینه دئدی: «قؤیونز تا اوشاق‌لار منیم یانیما گلَلَّر و اوللارینگ جلوسینی توتماینز، چونکی تارئ پادشاه‌لیگی بئله‌یین آداملارینگ دیر. 15گرچَکینی سیزه دئییرم، هَر کَس تارئ پادشاه‌لیگینی بیر اوشاق له‌یین قبول ائدمئیه، هئچ زامان اؤرایا گیرمَز.» 16عیسا، اوشاق‌لاری قوجاقینا آلدی، اَل‌لَرینی اوللار اوستونه قؤیدو و اوللارا بَرکت وئردی.
وارلی جاهال کیشی
17عیسا یولا دؤشَنده، بیر کیشی قَچه-قَچه گلدی عیسا یانینا و اؤنونگ جلوسیندا دیز ووردو و بئلَسیندَن خبر آلدی: «ای خوب اُستاد، نیجه ائده‌سیم تا اَبَدی زندلیگی میراث آپارام؟» 18عیسا او کیشی‌یه دئدی: «نه ایچی منه دئییرنگ خوب؟ تارئ‌دان آیری هئچ کَس خوب ده‌ییل. 19تارئ حکم‌لارینی بیلیرَینگ: آدام اؤلدورمه، زِنا ائدمه، اوغورلوق ائدمه، یالان شهادت وئرمه، حُقّه‌بازلیگ ائدمه و آنا بووآنگ حُرمَتینی ساخلا.» 20او آدام عیسایا دئدی: «اُستاد، جاهال‌لیگیمدان بَری بوللارینگ واریسینی یئرینه ائتیردمیشم.» 21عیسا او کیشی‌یه مُحبّت اینن باخدی و بئلَسینه دئدی: «ایشینگده بیر زاد آز وارینگ؛ گئد، هَر‌نه کی وارینگ سات و یوخسول‌لارا وئر، کی گؤیده بیر خزئنه‌ینگ اولور؛ اوندا گل، منیم یولومو گئد.» 22او جاهال کیشی بونو ائشیدَنده مأیوس اولدو و اؤردان غَملی گئتدی چونکی دارالیگی چوخ ایدی. 23عیسا دئییرینه باخدی و اؤز شاگردلَرینه دئدی: «ناغاد چَتین دیر کی وارلی‌لار تارئ پادشاهلیگینا گیرَلَّر!» 24شاگردلَر اؤنونگ سؤزلَریندن حیران قالدیلار. پس عیسا دوبارادان اوللارا دئدی: «اولادلاریم، ناغاد چَتین دیر تارئ پادشاهلیگینا گیرمَک! 25دؤوه‌نینگ اینگه دَلیگیندن گچمَکی چوخ آسانتر دیر تا بیر وارلی آدامینگ تارئ پادشاهلیگینا گیرمَکی.» 26شاگردلَر چوخ حیرت ائدیلَر و عیسایا دئدیلر: «پس کیم نجات توتا بیلَر؟» 27عیسا اوللارا باخدی و دئدی: «بو، آدامیزاد ایچی غیرممکن دیر، آما تارئ ایچی بئله ده‌ییل. تارئ ایچی واری زاد ممکن دیر.» 28اوندا پِطرُس عیسایا دئدی: «باخ، بیز واری زادی ویل ائدمیشَک و سنینگ آردینگ سورا گلمیشَک.» 29عیسا دئدی: «گرچَکینی سیزه دئییرم، هئچ‌کَس یوخ کی منیم خاطریمه و تارئ پادشاه‌لیگی‌نینگ خوش خَبری خاطرینه، ائوینی یا کاکالارینی یا باجی‌لارینی یا آناسینی یا بووآسینی، یا اولادلارینی یا دا یئرلَرینی ویل ائدمیش اولا، 30و بو دنیادا یوز برابر آرتیق ائو‌لَر، کاکالار، باجی‌لار، آنالار، اولادلار و یئرلَر - و اؤنونگ اینان، جور و جَفا - اَله گتیرمه‌میش اولا و او دنیادا ده اَبَدی زندلیگ اؤنا نَصیب اولماموش اولا. 31آما چوخ آداملار کی اَوّلکی دیرلَر، آخیرکی اولارلار و آخیرکی‌لار، اَوّلکی اولارلار.»
عیسانینگ اؤلمَک و دئرّیلمَکی‌نینگ اؤچونجو پیشگولیگی
32عیسا اینان شاگردلَری یولدا گئدیرلَردی اورشلیمه. شاگردلَری تَعجّب ائدمیشلَردی کی او سئیر گئده اورشلیمه و عیسا قولونجوندان گئدَن‌لَرینگ باقّیسی دا قورخموشلاردی. عیسا کی اوللارینگ واریسیندان ایلَرتر گئدیردی، او اون ایکّی شاگردی بیر قیراقا چَکدی و گئنه اوللارا دئدی کی نه گلَسی باشینا. 33دئدی: «باخینز، اورشلیم شَهرینه گئدیرَک و انسان اوغلو اؤردا باش کاهِن‌لَر کی مَعبد عالِم‌لَری دیرلار و تورات معلّم‌لَری اَلینه وئریلَر. اوللار انسان اوغلونو اؤلومه محکوم ائده‌رلَر و اؤنو بُت‌پَرست خَلخ اَلینه وئره‌رلَر. 34اوللار اؤنا ریشخند ائده‌رلَّر و اؤنا تیفیرَرلَر و شلّاق وورارلار و اؤنو اؤلدورَرلَر و او اؤچونجو گؤنده دئرّیلَر.»
یَعقوب و یوحَنّا‌نینگ سئدیگی
35زِبِدی اوغول‌لاری یَعقوب و یوحَنّا، گلدیلر عیسا یانینا و اؤنا دئدیلر: «اُستاد، بیز سئیرَک کی بیزیم ایچی بیر ایش گؤرَینگ.» 36عیسا اوللارا دئدی: «سئیرَینز سیزینگ ایچی نه ایش گؤرَم؟» 37اوللار عیسایا دئدیلر: «قؤی تا اوندا کی شوکت اینن پادشاهلیگینگ تختینه اوتوردونگ، بیزیم بیریمیز سنینگ ساغ طَرفینگه اوتورا و او بیریمیز دا چَپ طَرفینگه.» 38عیسا اوللارا دئدی: «سیز بیلمئیرَینز کی نه سئیرَینز. او عَذاب پایلا‌سیندن کی من ایچیرَم، سیز ده باشاریراینز ایچَینز یا دا او زَجری کی من چَکیرَم سیز ده باشاریراینز چَکَینز؟» 39دئدیلر: «بَله، باشاریراک.» عیسا اوللارا دئدی: «او پایلادان کی من ایچیرَم، سیزده ایچَرَینز و او زَجری کی من چَکیرَم سیزده چَکرَینز، 40آما منیم ساغ طَرفیمه یا دا چَپ طَرفیمه اوتورماکینگ اختیاری منیم اَلیمده ده‌ییل کی اؤنو بیرینه وئرَم. تارئ بو یئرلَری اوللار ایچی کی بئللرینی سَچمیش آماده ائدمیش.»
41او اون شاگرد بونو ائشیدَنده، یَعقوب و یوحَنّایا غُصّالاندیلار. 42عیسا اوللاری اؤز یانینا چاغیردی و دئدی: «سیز بیلیرَینز اوللار کی بُت پَرستلَرینگ رَئیس‌لَری چاغیریلیرلار، اوللارا آقالیگ ائدیرلَر و اوللارینگ بویوک‌لَری، اوللارا حکم سؤرورلَر. 43آما سیزینگ آراینزدا بئله‌یین اولماسین. بلکی آراینزدا هَر کَس کی سئیر بویوک اولا، نوکرینز اولاسی 44و هَر کَس کی سئیر سیزینگ آراینزدا اَوّل اولا، واری کَسینگ غُلامی اولاسی. 45بو سَبریه کی حتّی انسان اوغلو گلمه‌دی تا خدمت اولونا، بلکی گلدی تا خدمت ائده و اؤز جانینی چوخ آداملارینگ آزادلیگی ایچی وئره.»
عیسا کور کیشی‌نینگ گؤزلَرینی آچیر
46عیسا اینان شاگردلَری و بیر بویوک جمعیت کی عیسا قولونجوندان گئدیرلَردی، اَریحا شَهرینه گلدیلر. ائله بئله کی اوللار اَریحادان چیخیرلَردی، بیر بارتیمائوس آدلی کور گدا یول قیراقیندا اوتورموشدو. او تیمائوس اوغلو ایدی. 47اوندا کی بارتیمائوس ائشیتدی کی او، ناصِره‌لی عیسا دیر کی اؤردان گچیر، اوجا سَس اینن چاغیردی و دئدی: «عیسا، داوود پادشاه اوغلو، منه رَحم ائد!» 48چوخ آداملار اؤنو هَیله‌دیلَر و اؤنا دئییرلَردی کی بی سَس اولا، آما او اوجاتر چاغیریردی و دئییردی: «ای داوود پادشاه اوغلو، منه رَحم ائد.» 49عیسا توردو و دئدی: «اؤنو چاغیرینز تا گله.» اوللار او کورو چاغیردیلار و بئلَسینه دئدیلر: «اؤره‌کینگ قایم اولسون! تور آیاقی؛ سَنی چاغیریر.» 50بارتیمائوس اؤز عاباسینی آتدی و یئریندَن سیچیرَدی و گلدی عیسا یانینا. 51عیسا بئلَسیندَن خبر آلدی: «سئیرَینگ سَنینگ ایچی نه ایش گؤرَم؟» کور دئدی: «اُستاد، سئیرم گؤزلَریم گؤره.» 52عیسا اؤنا دئدی: «گئد کی ایمانینگ سَنی شفا وئرمیش.» ائله او آن او آدامینگ گؤزلَری آچیلدی و عیسا قولونجوندان یولا دؤشدو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company