مَرقُس 8
8
عیسا دؤرد مینگ نفره خورَکی وئریر
1او گؤنلَرده، گئنه بیر بویوک جمعیت ییغیلدی. اوندا کی اوللارینگ خورَکی‌لَری تؤکندی، عیسا شاگردلَرینی اؤز یانینا چاغیردی و بئللرینه دئدی: 2«اؤره‌کیم بو جمعیته یانیر چونکی اؤچ گؤن دیر منیم اینن دیرلَر و داها هئچ‌نه یوخلاری یئیَلَّر. 3اگر اوللاری آج یولا سالام تا گئدَلَّر ائولَرینه، یولدا ضَعف ائده‌رلَّر. اوللارینگ بیر پاراسی دا ایراق یولدان گلمیشلَر.» 4شاگردلَری دئدیلَر: «بیر بئله‌یین بیابان یئرده، هاردان بیری باشارار بو هَزَره آدامینگ دویاردماکی ایچی چؤره‌ک بولا؟» 5عیسا خبر آلدی: «نئچه دانا چؤره‌ک وارینز؟» دئدیلَر: «یئتدی دانا.» 6اوندا عیسا اَمر ائدی تا جمعیت یئره اوتورالّار. عیسا، او یئتدی دانا چؤره‌کی گؤتوردو و شُکر ائدمَکدن سورا اوللاری تیکه‌له‌دی و اؤز شاگردلَرینه وئردی تا خلخ ایچینده داغیدالّار؛ شاگردلر دا بئله ائدیلَر. 7اوللارینگ نئچه کوچوک بالیق ده وارلاریدی. عیسا او بالیق‌لارا ده بَرکت وئردی و دئدی تا اوللاری دا خلخ ایچینده داغیدالّار. 8واری کَس یئدی و دویدو. شاگردلَر اضافه قالان خوردا تیکه‌لَردن یئتدی سَبد دؤلدوردولار. 9اؤردا دؤردمینگ نفره یاخین آدام وار ایدی. عیسا خلخی مُرخص ائدی 10و فوری شاگردلَری اینن قایقا میندی و دَلمانوتَه منطقه‌سینه گئتدی.
فَریسی‌لَر بیر آسیمانلی نیشانا سئیرلَر
11فَریسی فِرقه‌سی‌نینگ عالِم‌لَری گلدیلَر عیسا یانینا و اؤنو امتحان ائدمَک ایچی بئلَسیندَن سئدیلَر کی اوللارا بیر آسیمانلی نیشانا گؤرسَده. 12عیسا اؤره‌کدَن بیر آه چَکدی و دئدی: «نه ایچی بو نَسل نیشانا سئیرلَر؟ گرچَکینی سیزه دئییرم، هئچ نیشانا بو نَسله وئریلمَز.» 13اوندا اوللاردان آرالاندی و گئنه قایقا میندی و جَلیل دریاچه‌سی‌نینگ او تئیینه گئتدی.
فَریسی‌لَر و هیرودیس خَمیر مایا‌سی
14شاگردلَر یادلاریندان چیخمیشدی کی چؤره‌ک گؤتورَلَّر و قایقدا اؤزلَری اینن فقط بیر دانا چؤره‌ک وارلاریدی. 15عیسا، شاگردلَرینی هوشکار ائدی و بئللرینه دئدی: «گؤزله‌یینز؛ اؤزونزو فَریسی‌لَر و هیرودیس خَمیر مایاسیندان ایراق ساخلاینز.» 16عیسا بونو دئیَنده شاگردلَر بونونگ باره‌سینده کی چؤره‌ک یوخلاری بیر بیر اینن گپ و گفت ائدمَکه باشلادیلار. 17عیسا کی بوندان آگاه ایدی، اوللارا دئدی: «نه ایچی بونونگ باره‌سینده کی چؤره‌ک یوخینز بیر بیر اینن گپ و گفت ائدیرَینز؟ حَلی ده بیلمئیرَینز و آنگلامئیراینز؟ حَلی دا اؤره‌کینز کوتور دور؟ 18گؤز وارینز و گؤرمئیرَینز؟ قولاق وارینز و ائشیتمه‌ییرَینز؟ یادا گتیرمئیرَینز؟ 19اوندا کی او بئش دانا چؤره‌کی کی بئش‌مینگ کیشی‌یی دویارتدی تیکه‌لَدیم، نئچه سَبد اضافه قالان خوردا تیکه‌لَردن دؤلدوردینز؟» شاگردلَر جواب وئردیلر: «اون ایکّی سَبد.» 20و دئدی: «او یئتدی دانا چؤره‌کدَن کی دؤردمینگ کیشی‌یی دویارتدی، نئچه سَبد اضافه قالان خوردا تیکه‌لَردن دؤلدوردینز؟» اوللار جواب وئردیلَر: «یئتدی سَبد.» 21اوندا عیسا بئللَرینه دئدی: «حَلی ده آنگلامئیراینز؟»
عیسا بِیت‌صِیْدادا بیر کور آدامی شفا وئریر
22اوللار بِیت‌صِیْدا شَهرینه گلَنده، بیر پارا آدام بیر کور کیشی‌یی گتیردیلَر عیسا یانینا و عیسایا یالواردیلار کی اؤز اَلینی اؤنونگ اوستونه قؤیا تا او شفا توتا. 23عیسا او کورینگ اَلیندن توتدو و اؤنو کَنددَن یازّیا آپاردی. عیسا اؤز تیفیرجکینی اؤنونگ گؤزلَری اوستونه آتدی و اَل‌لَرینی اؤنونگ اوستونه قؤیدو و بئلَسیندَن خبر آلدی: «بیر زاد گؤرورَینگ؟» 24او کور، اوخاری باخدی و دئدی: «آداملاری گؤرورَم، آما اوللار اینگار آغاج دیرلار کی یول گئدیرلَر.» 25عیسا دوبارادان اؤز اَل‌لَرینی او کورینگ گؤزلَری اوستونه قؤیدو؛ اوندا او کور گئنه باخدی و گؤزلَری خوب اولموشدو. او واری زادی آچیق گؤروردو. 26عیسا اؤنا دئدی: «ائوه گئد و کَند ایچینه بؤکولمه.»
پِطرُس دیلَه گتیریر کی عیسا ائله او وَعده وئریلَن مَسیح دیر
27عیسا، شاگردلَری اینن فیلیپ قیصریه‌سی‌نینگ دئییرنده‌کی کَندلَره گئتدی. یولدا شاگردلَریندن خبر آلدی: «خَلخ دئییرلَر من کیمَم؟» 28اوللار جواب وئردیلَر: «بیر پارا دئییرلَر کی سَن تَعمید وئرَن یحیایانگ؛ بیر پارا دئییرلَر کی سَن اِلیاس پیغمبرینگ و باقّی آداملار دا دئییرلَر کی پیغمبرلَرینگ بیرسی‌یَنگ.» 29عیسا اوللاردان خبر آلدی: «آما سیز نه دئییرَینز؟ سیز دئییرَینز من کیمَم؟» پِطرُس عیسایا جواب وئردی: «سَن وَعده وئریلَن مَسیحَینگ.» 30عیسا اوللارا سَخت قَدغَن ائدی کی هئچ‌کَسه دئمیَلَّر کی او کیم دیر.
عیسانینگ اؤلمَک و دئرّیلمَکی‌نینگ پیشگولیگی
31اوندا عیسا اوللارا تَعلیم وئرمَکه باشلادی و بئله دئدی: «انسان اوغلو، چوخ سَخت زَجرلَر چَکه‌سی و شیخ‌لَر، باش کاهِن‌لَر کی مَعبد عالِم‌لَری دیرلَر و تورات معلّم‌لَری طَرفیندَن رَد اولوناسی، اؤنو اؤلدوره‌سی‌لَر و او اؤچونجو گؤنده، دئرّیله‌سی.» 32عیسا بو گپی آچیق اوللارا دئدی. پِطرُس عیسایی بیر قیراقا چَکدی و دئدیگی گپ اوستونه اؤنا تَشَر ائدی. 33آما عیسا بؤکولدو، شاگردلَرینه باخدی و پِطرُسی هَیله‌دی و دئدی: «مندَن ایراق اول ای شیطان! بو سَبریه کی سَنینگ فکرلَرینگ تارئ فکرلَری ده‌ییل، بلکی انسان فکرلَری دیر.»
34عیسا جمعیتی و شاگردلَرینی اؤز یانینا چاغیردی و اوللارا دئدی: «هَر کَس کی سئیر مَنیم یولومو گئده، اؤز جانیندان اَل چَکسین، اؤز صَلیبینی گؤتورسین و منیم آردیم سورا گلسین. 35هَر کَس کی سئیه اؤز جانینی ساخلایا، اؤنو اَلدن وئره‌ر آما هَر کَس کی منیم خاطریمه و تارئ پادشاه‌لیگی‌نینگ خوش خَبری خاطرینه اؤز جانیندان گچه، جانینی قورتارار. 36آدام ایچی نه فایده واری کی واری دنیایی اَله گتیره آما جانینی اَلدَن وئره؟ 37آدام اؤز جانی عَوضینه نه وئره بیلَر؟ 38بو زِناکار و گُناهکار نَسلینگ آداملاریندان هَر کَس کی مندَن و منیم سؤزلَریمدَن عاری اولا، انسان اوغلو دا اوندا کی گؤیده‌کی بووآسی شوکتی اینن مُقدّس فرشته‌لَر اینن گله، او آدامدان عاری اولور.»
Currently Selected:
مَرقُس 8: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 8
8
عیسا دؤرد مینگ نفره خورَکی وئریر
1او گؤنلَرده، گئنه بیر بویوک جمعیت ییغیلدی. اوندا کی اوللارینگ خورَکی‌لَری تؤکندی، عیسا شاگردلَرینی اؤز یانینا چاغیردی و بئللرینه دئدی: 2«اؤره‌کیم بو جمعیته یانیر چونکی اؤچ گؤن دیر منیم اینن دیرلَر و داها هئچ‌نه یوخلاری یئیَلَّر. 3اگر اوللاری آج یولا سالام تا گئدَلَّر ائولَرینه، یولدا ضَعف ائده‌رلَّر. اوللارینگ بیر پاراسی دا ایراق یولدان گلمیشلَر.» 4شاگردلَری دئدیلَر: «بیر بئله‌یین بیابان یئرده، هاردان بیری باشارار بو هَزَره آدامینگ دویاردماکی ایچی چؤره‌ک بولا؟» 5عیسا خبر آلدی: «نئچه دانا چؤره‌ک وارینز؟» دئدیلَر: «یئتدی دانا.» 6اوندا عیسا اَمر ائدی تا جمعیت یئره اوتورالّار. عیسا، او یئتدی دانا چؤره‌کی گؤتوردو و شُکر ائدمَکدن سورا اوللاری تیکه‌له‌دی و اؤز شاگردلَرینه وئردی تا خلخ ایچینده داغیدالّار؛ شاگردلر دا بئله ائدیلَر. 7اوللارینگ نئچه کوچوک بالیق ده وارلاریدی. عیسا او بالیق‌لارا ده بَرکت وئردی و دئدی تا اوللاری دا خلخ ایچینده داغیدالّار. 8واری کَس یئدی و دویدو. شاگردلَر اضافه قالان خوردا تیکه‌لَردن یئتدی سَبد دؤلدوردولار. 9اؤردا دؤردمینگ نفره یاخین آدام وار ایدی. عیسا خلخی مُرخص ائدی 10و فوری شاگردلَری اینن قایقا میندی و دَلمانوتَه منطقه‌سینه گئتدی.
فَریسی‌لَر بیر آسیمانلی نیشانا سئیرلَر
11فَریسی فِرقه‌سی‌نینگ عالِم‌لَری گلدیلَر عیسا یانینا و اؤنو امتحان ائدمَک ایچی بئلَسیندَن سئدیلَر کی اوللارا بیر آسیمانلی نیشانا گؤرسَده. 12عیسا اؤره‌کدَن بیر آه چَکدی و دئدی: «نه ایچی بو نَسل نیشانا سئیرلَر؟ گرچَکینی سیزه دئییرم، هئچ نیشانا بو نَسله وئریلمَز.» 13اوندا اوللاردان آرالاندی و گئنه قایقا میندی و جَلیل دریاچه‌سی‌نینگ او تئیینه گئتدی.
فَریسی‌لَر و هیرودیس خَمیر مایا‌سی
14شاگردلَر یادلاریندان چیخمیشدی کی چؤره‌ک گؤتورَلَّر و قایقدا اؤزلَری اینن فقط بیر دانا چؤره‌ک وارلاریدی. 15عیسا، شاگردلَرینی هوشکار ائدی و بئللرینه دئدی: «گؤزله‌یینز؛ اؤزونزو فَریسی‌لَر و هیرودیس خَمیر مایاسیندان ایراق ساخلاینز.» 16عیسا بونو دئیَنده شاگردلَر بونونگ باره‌سینده کی چؤره‌ک یوخلاری بیر بیر اینن گپ و گفت ائدمَکه باشلادیلار. 17عیسا کی بوندان آگاه ایدی، اوللارا دئدی: «نه ایچی بونونگ باره‌سینده کی چؤره‌ک یوخینز بیر بیر اینن گپ و گفت ائدیرَینز؟ حَلی ده بیلمئیرَینز و آنگلامئیراینز؟ حَلی دا اؤره‌کینز کوتور دور؟ 18گؤز وارینز و گؤرمئیرَینز؟ قولاق وارینز و ائشیتمه‌ییرَینز؟ یادا گتیرمئیرَینز؟ 19اوندا کی او بئش دانا چؤره‌کی کی بئش‌مینگ کیشی‌یی دویارتدی تیکه‌لَدیم، نئچه سَبد اضافه قالان خوردا تیکه‌لَردن دؤلدوردینز؟» شاگردلَر جواب وئردیلر: «اون ایکّی سَبد.» 20و دئدی: «او یئتدی دانا چؤره‌کدَن کی دؤردمینگ کیشی‌یی دویارتدی، نئچه سَبد اضافه قالان خوردا تیکه‌لَردن دؤلدوردینز؟» اوللار جواب وئردیلَر: «یئتدی سَبد.» 21اوندا عیسا بئللَرینه دئدی: «حَلی ده آنگلامئیراینز؟»
عیسا بِیت‌صِیْدادا بیر کور آدامی شفا وئریر
22اوللار بِیت‌صِیْدا شَهرینه گلَنده، بیر پارا آدام بیر کور کیشی‌یی گتیردیلَر عیسا یانینا و عیسایا یالواردیلار کی اؤز اَلینی اؤنونگ اوستونه قؤیا تا او شفا توتا. 23عیسا او کورینگ اَلیندن توتدو و اؤنو کَنددَن یازّیا آپاردی. عیسا اؤز تیفیرجکینی اؤنونگ گؤزلَری اوستونه آتدی و اَل‌لَرینی اؤنونگ اوستونه قؤیدو و بئلَسیندَن خبر آلدی: «بیر زاد گؤرورَینگ؟» 24او کور، اوخاری باخدی و دئدی: «آداملاری گؤرورَم، آما اوللار اینگار آغاج دیرلار کی یول گئدیرلَر.» 25عیسا دوبارادان اؤز اَل‌لَرینی او کورینگ گؤزلَری اوستونه قؤیدو؛ اوندا او کور گئنه باخدی و گؤزلَری خوب اولموشدو. او واری زادی آچیق گؤروردو. 26عیسا اؤنا دئدی: «ائوه گئد و کَند ایچینه بؤکولمه.»
پِطرُس دیلَه گتیریر کی عیسا ائله او وَعده وئریلَن مَسیح دیر
27عیسا، شاگردلَری اینن فیلیپ قیصریه‌سی‌نینگ دئییرنده‌کی کَندلَره گئتدی. یولدا شاگردلَریندن خبر آلدی: «خَلخ دئییرلَر من کیمَم؟» 28اوللار جواب وئردیلَر: «بیر پارا دئییرلَر کی سَن تَعمید وئرَن یحیایانگ؛ بیر پارا دئییرلَر کی سَن اِلیاس پیغمبرینگ و باقّی آداملار دا دئییرلَر کی پیغمبرلَرینگ بیرسی‌یَنگ.» 29عیسا اوللاردان خبر آلدی: «آما سیز نه دئییرَینز؟ سیز دئییرَینز من کیمَم؟» پِطرُس عیسایا جواب وئردی: «سَن وَعده وئریلَن مَسیحَینگ.» 30عیسا اوللارا سَخت قَدغَن ائدی کی هئچ‌کَسه دئمیَلَّر کی او کیم دیر.
عیسانینگ اؤلمَک و دئرّیلمَکی‌نینگ پیشگولیگی
31اوندا عیسا اوللارا تَعلیم وئرمَکه باشلادی و بئله دئدی: «انسان اوغلو، چوخ سَخت زَجرلَر چَکه‌سی و شیخ‌لَر، باش کاهِن‌لَر کی مَعبد عالِم‌لَری دیرلَر و تورات معلّم‌لَری طَرفیندَن رَد اولوناسی، اؤنو اؤلدوره‌سی‌لَر و او اؤچونجو گؤنده، دئرّیله‌سی.» 32عیسا بو گپی آچیق اوللارا دئدی. پِطرُس عیسایی بیر قیراقا چَکدی و دئدیگی گپ اوستونه اؤنا تَشَر ائدی. 33آما عیسا بؤکولدو، شاگردلَرینه باخدی و پِطرُسی هَیله‌دی و دئدی: «مندَن ایراق اول ای شیطان! بو سَبریه کی سَنینگ فکرلَرینگ تارئ فکرلَری ده‌ییل، بلکی انسان فکرلَری دیر.»
34عیسا جمعیتی و شاگردلَرینی اؤز یانینا چاغیردی و اوللارا دئدی: «هَر کَس کی سئیر مَنیم یولومو گئده، اؤز جانیندان اَل چَکسین، اؤز صَلیبینی گؤتورسین و منیم آردیم سورا گلسین. 35هَر کَس کی سئیه اؤز جانینی ساخلایا، اؤنو اَلدن وئره‌ر آما هَر کَس کی منیم خاطریمه و تارئ پادشاه‌لیگی‌نینگ خوش خَبری خاطرینه اؤز جانیندان گچه، جانینی قورتارار. 36آدام ایچی نه فایده واری کی واری دنیایی اَله گتیره آما جانینی اَلدَن وئره؟ 37آدام اؤز جانی عَوضینه نه وئره بیلَر؟ 38بو زِناکار و گُناهکار نَسلینگ آداملاریندان هَر کَس کی مندَن و منیم سؤزلَریمدَن عاری اولا، انسان اوغلو دا اوندا کی گؤیده‌کی بووآسی شوکتی اینن مُقدّس فرشته‌لَر اینن گله، او آدامدان عاری اولور.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company