مَرقُس 7
7
رَسم‌لَر و حُکم‌لار
1فَریسی فِرقه‌سی‌نینگ عالِم‌لَری، تورات معلّم‌لَری‌نینگ بیر پاراسی اینان کی اورشلیم شَهریندن گلمیشلَردی، عیسا یانینا ییغیلدیلَر. 2اوللار گؤردولَر کی عیسا شاگردلَری‌نینگ بیر پاراسی نَجِس اَل‌لَر اینن، یعنی یوویولماموش اَل‌لَر اینن خورَکی یئییرلَر. 3فَریسی‌لَر و بوتون یهودی‌لار، جَدلَریندن ائتیشَن رَسم‌لَره گؤره تا اؤز اَل‌لَرینی خوب یوومیالاردی، خورَکی یئمَزلَردی، 4بازاردان گلَنده دا تا یوومیالّار هئچ‌نه یئمَزلَر. ائله بئله دا چوخ آیری رَسم‌لَری ساخلاییرلار، پایلالارینی، پاتول‌لارینی، مِس دَرف‌لَرینی و صندلی‌لَرینی یووماگ له‌یین. 5فَریسی‌لَر و تورات معلّم‌لَری عیسادان خبر آلدیلار: «نه ایچی سنینگ شاگردلَرینگ جَدلَریندن ائتیشَن رَسم‌لَره گؤره رووآل ائدمئیرلَر و نَجِس اَل‌لَر اینن خورَکی یئییرلَر؟» 6عیسا اوللارا دئدی: «اِشعیای پیغمبر سیز ایکّی ایزلی‌لَر باره‌سینده نه خوب پیشگولیگ ائدی، اوندا کی دئدی:
«”بو خَلخ دوداقلاری اینان مَنه حُرمَت ائدیرلَر،
آما اؤره‌کلَری مَندَن ایراق دیر؛
7اوللارینگ پَرستشی هئچ دیر،
اوللار بَشر حکم‌لارینی، تارئ حکم‌لاری آدیندا خَلخه اؤرگدیرلَر.“
8سیز تارئ حکمینی ویل ائدمیشینز و یاپیشمیشاینز بَشر رَسم‌لَرینه.» 9اوللارا دئدی: «سیز کِهره‌لیگ اینن تارئ حکمینی رَد ائدیرَینز تا اؤز رَسم‌لَرینزی برقرار ائدَینز. 10چونکی موسای پیغمبر دئدی: ”آنا بووآنگ حُرمَتینی ساخلا“ و ”هَر کَس کی آناسینا یا دا بووآسینا سؤیوش وئره، جَزاسی اؤلوم دیر.“ 11آما سیز دئییرَینز: ”اگر بیر آدام آناسینا یا دا بووآسینا دئیه: ’او کؤمَک کی مَندَن سیزه ائتیشه‌سیدی، تارئ‌یا وقف اولونموش‘“ 12بئله‌یین داها قؤیمئیراینز کی او آدام آناسی ایچی یا دا بووآسی ایچی بیر ایش گؤره. 13سیز بئله، اؤز رَسمینزی اولاد بر اولاد اؤرگدمیشَینز، سیز تارئ کلامینی باطل ائدیرَینز و چوخ بئله‌یین ایشلَردن گؤرورَینز.»
14عیسا گئنه خلخی اؤز یانینا چاغیردی و اوللارا دئدی: «وارینز منه قولاق آسینز و آنگلاینز: 15هئچ‌نه یوخدور کی یازّی‌دان آدامینگ وجودی ایچینه گئده و اؤنو نَجس ائده بیله، بلکی آدامی نَجس ائدَن، اؤنونگ وجودی ایچیندن گلَن دیر. 16هَرکَسینگ کی ائشیدَن قولاق واری، ائشیدسین.» 17عیسا خلخ یانیندان ائوه گئری دؤننده، شاگردلَری او مَثَلینگ معنی‌سینی بئلَسیندَن خبر آلدیلار. 18عیسا اوللارا دئدی: «بئیه سیز ده آنگلامئیراینز؟ بئیه بیلمئیرَینز هَرنه کی یازّی‌دان آدامینگ وجودی ایچینه گئده اؤنو نَجس ائده بیلمَز؟ 19بو سَبریه کی او، آدامینگ اؤره‌کینه گئدمئیر بلکی قارنینا گئدیر و دَفع اولونیر.» عیسا بو گپ اینن، اعلام ائدی کی واری یئملی‌لَر آرّی دیرلار. 20و دئدی: «آدامی نَجس ائدَن، آدامینگ وجودی ایچیندن گلَن دیر. 21چونکی بوللار دیر کی انسانینگ وجودی ایچیندن و اؤره‌کیندن گلیر: پیس فکرلَر، عِفّت‌سیزلیگ، اوغورلوق، آدام اؤلدورمَک، زِناکارلیگ، 22طَمع‌کارلیگ، بدخواه‌لیگ، حُقّه‌بازلیگ، هَرزه‌لیگ، حَسودلیگ، بوهتان وورماگ، تَکّبر و نافَهم‌لیگ. 23بو پیس‌لیگ‌لَرینگ واریسی آدامینگ وجودی ایچیندن گلیر و اؤنو نَجس ائدیر.»
بیر غیری‌یهودی آروادینگ ایمانی
24عیسا اؤردان چیخدی و صور و صِیدون منطقه‌سینه گئتدی. او بیر ائوه گئتدی و سئمئیردی کی هئچ کَس خبر اولا کی اؤردا دیر آما با بو حال اؤزونو پناه ائده بیلمه‌دی. 25بیر آرواد ایدی کی کوچوک قیزی شَریر روحا گرفتار ایدی. آرواد، عیسا باره‌سینده ائشیدَنده، فوری گلدی و عیسانینگ قیچینه دؤشدو. 26بو آرواد غیر‌یهودی ایدی و سوریه‌نینگ فینیقیه آداملاریندان ایدی. او، عیسایا یالواردی کی شیطانلی روحو قیزیندن یازّیا چیخارتا. 27عیسا آروادا دئدی: «قؤی تا اَوّل اوشاق‌لار دویالّار، بو سَبریه کی اوشاق‌لار چؤره‌کینی آلماگ و کؤپَک‌لَر جلوسینا آتماک روآ ده‌ییل.» 28آرواد عیسایا دئدی: «بَله آقا؛ آما کؤپک‌لَر دا اوشاق‌لار سُفره‌سیندن یئره تؤکولَن خوردا تیکه‌لَردَن یئییرلَر.» 29عیسا آروادا دئدی: «دؤز جواب وئردیگینگ سَبرسینه گئد کی او شیطانلی روح قیزینگدن یازّیا چیخدی!» 30آرواد ائوه گئتدی و گؤردو کی قیز یئری ایچینه اوزانمیش و شیطانلی روح دا قیزدَن چیخمیش.
عیسا بیر کَر کیشی‌یی شفا وئریر
31عیسا صور منطقه‌سیندن بؤکولدو و صِیدون یولوندان جَلیل دریاچه‌سینه ساری گئتدی. او دِکاپولیس منطقه‌سیندن گچیردی. 32اؤردا بیر کیشی‌یی گتیردیلَر عیسا یانینا کی هم کَر ایدی، هم ده پَلتَک ایدی. اوللار عیسایا یالواردیلار کی اَلینی او کیشی اوستونه قؤیا تا او شفا توتا. 33عیسا او کیشی‌یی جمعیت ایچیندن آپاردی بیر قیراقا و بورماق‌لارینی او کیشی‌نینگ قولاق‌لاری ایچینه قؤیدو. اوندان سورا تیفیردی و اَلینی قؤیدو او کیشی‌نینگ دیلی اوستونه، 34و گؤیه باخدی، آه چَکدی و او کیشی‌یه دئدی: «اِفَّتَح!» یعنی «آچیل!» 35ائله او آن کیشی‌نینگ قولاق‌لاری ائشیتدی، دیلی آچیلدی و راحت دانیشدی. 36عیسا اوللارا قَدغَن ائدی کی هئچ‌کَسه هئچ‌نه دئمیَلَّر. آما هَرنه آرتیق قَدغَن ائدیردی، آرتیق بو دؤشَن تَفاقدان دانیشیرلاردی. 37خلخ کی چوخ حیرت ائدمیشلَردی، دئییرلَردی: «هر ایش گؤرموش، خوب دیر؛ او حتّی کَرلَرینگ قولاق‌لارینی و گُنگ‌لارینگ دیلینی آچیر!»
Currently Selected:
مَرقُس 7: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 7
7
رَسم‌لَر و حُکم‌لار
1فَریسی فِرقه‌سی‌نینگ عالِم‌لَری، تورات معلّم‌لَری‌نینگ بیر پاراسی اینان کی اورشلیم شَهریندن گلمیشلَردی، عیسا یانینا ییغیلدیلَر. 2اوللار گؤردولَر کی عیسا شاگردلَری‌نینگ بیر پاراسی نَجِس اَل‌لَر اینن، یعنی یوویولماموش اَل‌لَر اینن خورَکی یئییرلَر. 3فَریسی‌لَر و بوتون یهودی‌لار، جَدلَریندن ائتیشَن رَسم‌لَره گؤره تا اؤز اَل‌لَرینی خوب یوومیالاردی، خورَکی یئمَزلَردی، 4بازاردان گلَنده دا تا یوومیالّار هئچ‌نه یئمَزلَر. ائله بئله دا چوخ آیری رَسم‌لَری ساخلاییرلار، پایلالارینی، پاتول‌لارینی، مِس دَرف‌لَرینی و صندلی‌لَرینی یووماگ له‌یین. 5فَریسی‌لَر و تورات معلّم‌لَری عیسادان خبر آلدیلار: «نه ایچی سنینگ شاگردلَرینگ جَدلَریندن ائتیشَن رَسم‌لَره گؤره رووآل ائدمئیرلَر و نَجِس اَل‌لَر اینن خورَکی یئییرلَر؟» 6عیسا اوللارا دئدی: «اِشعیای پیغمبر سیز ایکّی ایزلی‌لَر باره‌سینده نه خوب پیشگولیگ ائدی، اوندا کی دئدی:
«”بو خَلخ دوداقلاری اینان مَنه حُرمَت ائدیرلَر،
آما اؤره‌کلَری مَندَن ایراق دیر؛
7اوللارینگ پَرستشی هئچ دیر،
اوللار بَشر حکم‌لارینی، تارئ حکم‌لاری آدیندا خَلخه اؤرگدیرلَر.“
8سیز تارئ حکمینی ویل ائدمیشینز و یاپیشمیشاینز بَشر رَسم‌لَرینه.» 9اوللارا دئدی: «سیز کِهره‌لیگ اینن تارئ حکمینی رَد ائدیرَینز تا اؤز رَسم‌لَرینزی برقرار ائدَینز. 10چونکی موسای پیغمبر دئدی: ”آنا بووآنگ حُرمَتینی ساخلا“ و ”هَر کَس کی آناسینا یا دا بووآسینا سؤیوش وئره، جَزاسی اؤلوم دیر.“ 11آما سیز دئییرَینز: ”اگر بیر آدام آناسینا یا دا بووآسینا دئیه: ’او کؤمَک کی مَندَن سیزه ائتیشه‌سیدی، تارئ‌یا وقف اولونموش‘“ 12بئله‌یین داها قؤیمئیراینز کی او آدام آناسی ایچی یا دا بووآسی ایچی بیر ایش گؤره. 13سیز بئله، اؤز رَسمینزی اولاد بر اولاد اؤرگدمیشَینز، سیز تارئ کلامینی باطل ائدیرَینز و چوخ بئله‌یین ایشلَردن گؤرورَینز.»
14عیسا گئنه خلخی اؤز یانینا چاغیردی و اوللارا دئدی: «وارینز منه قولاق آسینز و آنگلاینز: 15هئچ‌نه یوخدور کی یازّی‌دان آدامینگ وجودی ایچینه گئده و اؤنو نَجس ائده بیله، بلکی آدامی نَجس ائدَن، اؤنونگ وجودی ایچیندن گلَن دیر. 16هَرکَسینگ کی ائشیدَن قولاق واری، ائشیدسین.» 17عیسا خلخ یانیندان ائوه گئری دؤننده، شاگردلَری او مَثَلینگ معنی‌سینی بئلَسیندَن خبر آلدیلار. 18عیسا اوللارا دئدی: «بئیه سیز ده آنگلامئیراینز؟ بئیه بیلمئیرَینز هَرنه کی یازّی‌دان آدامینگ وجودی ایچینه گئده اؤنو نَجس ائده بیلمَز؟ 19بو سَبریه کی او، آدامینگ اؤره‌کینه گئدمئیر بلکی قارنینا گئدیر و دَفع اولونیر.» عیسا بو گپ اینن، اعلام ائدی کی واری یئملی‌لَر آرّی دیرلار. 20و دئدی: «آدامی نَجس ائدَن، آدامینگ وجودی ایچیندن گلَن دیر. 21چونکی بوللار دیر کی انسانینگ وجودی ایچیندن و اؤره‌کیندن گلیر: پیس فکرلَر، عِفّت‌سیزلیگ، اوغورلوق، آدام اؤلدورمَک، زِناکارلیگ، 22طَمع‌کارلیگ، بدخواه‌لیگ، حُقّه‌بازلیگ، هَرزه‌لیگ، حَسودلیگ، بوهتان وورماگ، تَکّبر و نافَهم‌لیگ. 23بو پیس‌لیگ‌لَرینگ واریسی آدامینگ وجودی ایچیندن گلیر و اؤنو نَجس ائدیر.»
بیر غیری‌یهودی آروادینگ ایمانی
24عیسا اؤردان چیخدی و صور و صِیدون منطقه‌سینه گئتدی. او بیر ائوه گئتدی و سئمئیردی کی هئچ کَس خبر اولا کی اؤردا دیر آما با بو حال اؤزونو پناه ائده بیلمه‌دی. 25بیر آرواد ایدی کی کوچوک قیزی شَریر روحا گرفتار ایدی. آرواد، عیسا باره‌سینده ائشیدَنده، فوری گلدی و عیسانینگ قیچینه دؤشدو. 26بو آرواد غیر‌یهودی ایدی و سوریه‌نینگ فینیقیه آداملاریندان ایدی. او، عیسایا یالواردی کی شیطانلی روحو قیزیندن یازّیا چیخارتا. 27عیسا آروادا دئدی: «قؤی تا اَوّل اوشاق‌لار دویالّار، بو سَبریه کی اوشاق‌لار چؤره‌کینی آلماگ و کؤپَک‌لَر جلوسینا آتماک روآ ده‌ییل.» 28آرواد عیسایا دئدی: «بَله آقا؛ آما کؤپک‌لَر دا اوشاق‌لار سُفره‌سیندن یئره تؤکولَن خوردا تیکه‌لَردَن یئییرلَر.» 29عیسا آروادا دئدی: «دؤز جواب وئردیگینگ سَبرسینه گئد کی او شیطانلی روح قیزینگدن یازّیا چیخدی!» 30آرواد ائوه گئتدی و گؤردو کی قیز یئری ایچینه اوزانمیش و شیطانلی روح دا قیزدَن چیخمیش.
عیسا بیر کَر کیشی‌یی شفا وئریر
31عیسا صور منطقه‌سیندن بؤکولدو و صِیدون یولوندان جَلیل دریاچه‌سینه ساری گئتدی. او دِکاپولیس منطقه‌سیندن گچیردی. 32اؤردا بیر کیشی‌یی گتیردیلَر عیسا یانینا کی هم کَر ایدی، هم ده پَلتَک ایدی. اوللار عیسایا یالواردیلار کی اَلینی او کیشی اوستونه قؤیا تا او شفا توتا. 33عیسا او کیشی‌یی جمعیت ایچیندن آپاردی بیر قیراقا و بورماق‌لارینی او کیشی‌نینگ قولاق‌لاری ایچینه قؤیدو. اوندان سورا تیفیردی و اَلینی قؤیدو او کیشی‌نینگ دیلی اوستونه، 34و گؤیه باخدی، آه چَکدی و او کیشی‌یه دئدی: «اِفَّتَح!» یعنی «آچیل!» 35ائله او آن کیشی‌نینگ قولاق‌لاری ائشیتدی، دیلی آچیلدی و راحت دانیشدی. 36عیسا اوللارا قَدغَن ائدی کی هئچ‌کَسه هئچ‌نه دئمیَلَّر. آما هَرنه آرتیق قَدغَن ائدیردی، آرتیق بو دؤشَن تَفاقدان دانیشیرلاردی. 37خلخ کی چوخ حیرت ائدمیشلَردی، دئییرلَردی: «هر ایش گؤرموش، خوب دیر؛ او حتّی کَرلَرینگ قولاق‌لارینی و گُنگ‌لارینگ دیلینی آچیر!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company