مَرقُس 6
6
ناصِره خلخی عیسایی رَد ائدیلَر
1عیسا اؤردان گئتدی و شاگردلَری اینن اؤز شَهرینه گلدی. 2یهودی‌لارینگ مُقدّس شنبه‌سی گؤنونده، عیسا اوللارینگ عبادتگاهیندا تَعلیم وئردی. چوخ آداملار اؤنونگ سؤزلَرینی ائشیدَنده مات قالدیلار. اوللار دئییرلَردی: «بو کیشی بوللاری هاردان اَله گتیرمیش؟ بو نه‌یین حِکمَت دیر کی اؤنا وئریلمیش؟ بو نه رَقم مُعجزه‌لَر دیر کی اؤنونگ اَلیندن اولونیر؟ 3بئیه بو آدام ائله او نجّار ده‌ییل؟ بئیه مریم اوغلو ده‌ییل؟ بئیه اؤنونگ کاکالاری یَعقوب و یوشا و یَهودا و شَمعون ده‌ییللَر؟ بئیه اؤنونگ باجی‌لاری بوردا، بیزیم اینن ده‌ییللَر؟» پس عیسادان ایز بؤکدولَر. 4عیسا اوللارا دئدی: «بیر پیغمبر هئچ یئرده حُرمَت‌سیز اولماز، به‌غیری اؤز شَهرینده و اؤز قوحوم و خویش‌لَری و اؤز اوباسی ایچینده.» 5به‌غیری نئچه مَریض آدام کی عیسا اَلینی اوللار اوستونه قؤیدو و بئللَرینی شفا وئردی، اؤردا آیری مُعجزه ائده بیلمه‌دی. 6عیسا او آداملارینگ ایمان‌سیزلیگیندن حیران اولموشدو.
عیسا اون ایکّی حَواری‌یی یوللاییر
عیسا او دئییر و بَرده‌کی کَندلَرده گزیردی و خلخه تَعلیم وئریردی. 7اوندان سورا، عیسا او اون ایکّی حَواری‌یی اؤز یانینا چاغیردی و اوللاری ایکّی-ایکّی یوللادی. عیسا اوللارا اِقتدار وئردی تا شَریر روح‌لاری آداملاردان یازّیا چیخارتالّار. 8ائله بئله دا اوللارا فرمان وئردی و دئدی کی: «یول ایچی اَل آغاجیندان آیری، هئچ‌نه اؤزونز اینن گؤتورمه‌ینز؛ نه چؤره‌ک، نه توربا و نه ده بئلی باغیلارینزدا پیل. 9قیچینزه کَلَش سالینز و اؤزونز اینن اضافه کؤینَک گؤتورمه‌یینز. 10هر ائوه کی بئلَینزی یوئودّولار، او مَحلده اولانانچاز، اؤردا قالینز. 11اگر ده کی بیر یئرده سیزی یوئودمادیلار یا دا سیزینگ سؤزلَرینزه قولاق آسمادیلار، اؤردان یازّیا چیخَنده، او مَحلینگ تورپاقینی قیچینزدَن سیلکینز تا اوللار ضدّینه بیر شهادت اولا.» 12پس اوللار گئتدیلَر و خلخه اعلام ائدیرلَردی و دئییرلَردی کی: «توبه ائده‌سینز.» 13اوللار چوخ آداملاردان شیطانلی روح‌لار یازّیا چاخارتدیلار و چوخ مَریض آداملاری یاغ اینان مَسح ائدیلَر و بئللَرینی شفا وئردیلَر.
تَعمید وئرَن یحیانینگ اؤلمَگی
14هیرودیس پادشاه عیسا باره‌سینده ائشیتدی، بو سَبریه کی عیسانینگ آدی واری یئرده داغیلمیشدی. بیر پارا آدام عیسا باره‌سینده دئییرلَردی: «بو آدام تَعمید وئرَن یحیا دیر کی اؤلولَردن دئرّیلمیش. بو سَبریه دیر کی اوندان بئله قُدرتلی ایشلَر آشکار اولیر.» 15بیر پارا دئییرلردی: «او، اِلیاس پیغمبر دیر.» بیر پاراسی ده دئییرلَردی: «او بیر پیغمبر دیر، قَدیم پیغمبرلَری له‌یین.» 16آما هیرودیس خلخ گپ‌لَرینی ائشیدَنده دئدی: «بو آدام ائله او یحیا دیر کی من فرمان وئردیم باشینی کَسدیلَر، او دئرّیلمیش.»
17چونکی بیر مُدّت بوندان ایلَری، هیرودیس اؤز ایندیکی آروادی، هیرودیا سَبرسینه کی ایلَرتر، کاکاسی فیلیپُس آروادی ایدی، فرمان وئرمیشدی کی یحیایی توتالّار، باغلایالّار و زندانا سالالّار. 18هیرودیس بو ایشی گؤردو بو سَبریه کی یحیا بئلَسینه دئییرمیش: «سَنه جایز ده‌ییل کی کاکانگ آروادینی آلانگ.» 19بو سَبریه دا یحیا کینه‌سی هیرودیا اؤره‌کینده ایدی و سئیردی کی یحیایی اؤلومه وئره آما باشارمئیردی 20بو خاطره کی هیرودیس یحیادان محافظت ائدیردی. هیرودیس بیلیردی کی یحیا بیر صالح و مُقدّس آدام دیر و یحیادان قورخیردی. هر وخت هیرودیس یحیا سؤزلَرینی ائشیدیردی چوخ پریشان اولیردی آما گئنه دا خوشی گلیردی یحیا سؤزلَرینه قولاق آسا گؤره او نه دئییر.
21آخیر هیرودیا بیر فُرصت اَله گتیردی. هیرودیس اؤز تولّدی گؤنو ایچی بیر بویوک جشن توتدو. او اؤز اَصیل زاده‌لَرینی و سَرلشکر‌لَرینی و جَلیل ولایتی‌نینگ باشی بویوک‌لَرینی قوناقلادی. 22هیرودیانینگ قیزی گلدی ایچری و اوینادی و هیرودیس و اؤنونگ قوناق‌لاری‌نینگ ده خوشلاری گلدی. هیرودیسِ پادشاه، قیزه دئدی: «هَرنه کی سئیرَینگ مندن سئه و من اونو سنه وئره‌رَم.» 23او آند ایچدی و قیزه دئدی کی: «هَرنه کی مندن سئیَنگ سنه وئره‌رَم، حتّی مملکتیمینگ یاریسینی دا کی سئیَنگ وئره‌رَم.» 24قیز ده گئتدی یازّیا و آناسیندان خبر آلدی: «نَمنه سئیَم؟» آناسی دا دئدی: «تَعمید وئرَن یحیانینگ باشینی.» 25قیز فوری تَلَسیق پادشاه یانینا گلدی و اؤنا دئدی: «سئیرم کی ائله ایندی تَعمید وئرَن یحیانینگ باشینی بیر مَجمَه ایچینده منه وئرَینگ.» 26هیرودیسِ پادشاه چوخ غَملی اولدو، آما ایچدیگی آند و قوناق‌لار سَبرسینه، سئمه‌دی قیزینگ سئدیگینی رَد ائده. 27پادشاه فوری بیر جَلّاد یوللادی و فرمان وئردی تا یحیانینگ باشینی گتیره. جَلّاد ده گئتدی و زنداندا یحیانینگ باشینی کَسدی 28و باشینی بیر مَجمَه ایچینده گتیردی و وئردی قیزه. قیز ده اونو آناسینا وئردی. 29یحیانینگ شاگردلَری بونو ائشیدَنده، گلدیلر اؤنونگ جنازه‌سینی گؤتوردولَر، مزارا قؤیدولار.
عیسا بئش مینگ نفره خورَکی وئریر
30حَواری‌لر بؤکولدولَر عیسا یانینا و هر ایش کی گؤرموشلاردی و هَرنه‌یی کی تَعلیم وئرمیشلَردی بئلَسینه دئدیلَر. 31بو موقعده ائله تَردّید چوخ ایدی کی اوللار بیر چؤره‌ک دا یئیه بیلمئیرلَردی. پس عیسا اوللارا دئدی: «گلینز منیم‌اینن بیر خلوت یئره گئدَک و قیلَنجه یورناقینزی آلینز.» 32اوندا اؤزلَری تَک، قایق اینن بیر خلوت یئره گئتدیلَر. 33چوخ آداملار گؤردولَر کی اوللار گئدیرلَر. پس خلخ او منطقه‌نینگ واری شَهرلَریندن، عیسا و شاگردلَری گئتدیگی یئره ساری قَچدیلَر و اوللاردان ایلَری ائتیشدیلَر اؤرا. 34عیسا قایقدن ائننده بیر بویوک جمعیت گؤردو. خَلخی گؤرَنده، اؤره‌کی اوللارا یاندی چونکی چوبان‌سیز قویون‌لار له‌یین ایدیلار. عیسا اوللارا چوخ زادلار اؤرگتدی. 35آغشام چاغی شاگردلَر گلدیلَر عیسا یانینا و دئدیلَر: «بورا بیر بیابان یئر دیر و گئج‌وخت دیر. 36خلخی مُرخص ائد تا بو دئییر و بَرده‌کی اَکینلَره و کَندلَره گئدَلَّر و اؤزلَری ایچی خورَکی آلالّار.» 37آما عیسا اوللارا دئدی: «سیزینگ اؤزونز اوللارا خورَکی وئرینز.» شاگردلَر اؤنا دئدیلر: «سئیرَینگ گئدَک ایکّی‌ایز دینارلیگ کی بیر فَحله‌نینگ آلتی آیی‌نینگ دستمزدیندان آرتیق دیر، چؤره‌ک آلاک و وئرَک بئللَرینه تا یئیَلَّر؟» 38عیسا اوللارا دئدی: «نئچه دانا چؤره‌ک وارینز؟ گئدینز و گؤرونز.» اوللار خبرلَشنده، عیسایا دئدیلر: «بئش دانا چؤره‌ک و ایکّی دانا بالیق.» 39عیسا، شاگردلَرینه اَمر ائدی کی آداملارینگ واریسینی بئیله بئیله گئی اوتلار اوستونه اوتوردالّار. 40شاگردلَر دا آداملارینگ واریسینی بئیله بئیله، یوز نفر یوز نفر و اَللی نفر اَللی نفر اوتوردولار. 41اوندا عیسا او بئش دانا چؤره‌کی و ایکّی دانا بالیقی گؤتوردو، گؤیه باخدی و چؤره‌ک‌لَره و بالیق‌لارا بَرکت وئردی. اوندان سورا چؤره‌ک‌لَری تیکه‌لَه‌دی و شاگردلَره وئردی تا خلخ ایچینده داغیدالّار. عیسا او ایکّی بالیقی ده واری‌کَسینگ آراسیندا بَهر ائدی. 42واری کَس یئدی و دویدو، 43و شاگردلَر چؤره‌ک‌لَر و بالیق‌لارینگ اضافه قالان خوردا تیکه‌لَریندَن اون ایکّی سَبد دؤلدوردولار. 44او چؤره‌ک‌لَری یئیَن آداملارینگ سایقوشی بئش مینگ کیشی ایدی.
عیسا سو اوستونده یول گئدیر
45اؤرایی تؤکتدیگی‌اینن عیسا اؤز شاگردلَرینی بر پا ائدی تا ائله بئله کی اؤزو جمعیتی مُرخص ائدیر، شاگردلَر قایقا مینَلَّر و اؤزوندن ایلَری، دریاچه‌نینگ او تئیینه، بِیت‌صِیْدا شَهرینه گئدَلَّر. 46عیسا، خلخی یولا سالاندان سورا داغا گئتدی تا دُعا ائده. 47قَرَنگی دؤشَنده، شاگردلَر قایق اینن دریاچه‌نینگ اورتاسیندا ایدیلار و عیسا قورّولوقدا تَک ایدی. 48عیسا گؤردو کی اوللار سَخت‌لیگ‌اینن پاررو وورورلار بو سَبریه کی یئل اوللارینگ مُخالفی اَسیردی. گئجه ساعت اؤچه یاخین، عیسا دریاچه اوستونده یول گئده-گئده اوللارا ساری گلیردی و سئیردی کی یانلاریندان گچه. 49اوندا کی شاگردلَر گؤردولَر کی عیسا سو اوستونده یول گئدیر، گمان ائدیلَر کی بیر روح دیر و لیکله‌دیلَر. 50اوللارینگ واریسی اؤنو گؤرَنده وَحشت ائدمیشلَردی. عیسا فوری اوللار اینان دانیشدی و بئللَرینه دئدی: «اؤره‌کینز قایم اولسون، منم، قورخماینز.» 51اوندان سورا گئتدی قایق ایچینه اوللار یانینا و یئل یاتدی. اوللار بی حَدّ و اندازه حیرت ائدمیشلَردی، 52بو سَبریه کی چؤره‌ک‌لَر مُعجزه‌سینی آنگلامامیشلاردی، بلکی اؤره‌ک‌لَری کوتور له‌یین اولموشدو.
عیسا مَریض‌لَری جِنیسارتدا شفا وئریر
53اوللار سویونگ او تئیینه ائتیشنده، جِنیسارت دیارینا گلدیلر و اؤردا لَنگر آتدیلار. 54اوللار قایقدن ائننده، خلخ فوری عیسایی تانیدیلار 55و قَچه-قَچه او منطقه‌نینگ واری یئرینه گئتدیلَر و مَریض‌لَری ائله ایچینه یاتدیگی یئرلَری اینن هر یئره کی ائشیتدیلَر عیسا اؤردا دیر، آپاردیلار. 56عیسا هَر کَنده یا هَر شَهره یا دا هَر اَکینه کی گئدیردی، خلخ، مَریض‌لَری میدانلارا گتیریرلَردی و عیسایا یالواریرلاردی تا قؤیا مَریض‌لَر فقط قاباسی‌نینگ بالینا اَل وورالّار؛ و هَر کَس کی اَل ووروردو، شفا توتیردی.
Currently Selected:
مَرقُس 6: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 6
6
ناصِره خلخی عیسایی رَد ائدیلَر
1عیسا اؤردان گئتدی و شاگردلَری اینن اؤز شَهرینه گلدی. 2یهودی‌لارینگ مُقدّس شنبه‌سی گؤنونده، عیسا اوللارینگ عبادتگاهیندا تَعلیم وئردی. چوخ آداملار اؤنونگ سؤزلَرینی ائشیدَنده مات قالدیلار. اوللار دئییرلَردی: «بو کیشی بوللاری هاردان اَله گتیرمیش؟ بو نه‌یین حِکمَت دیر کی اؤنا وئریلمیش؟ بو نه رَقم مُعجزه‌لَر دیر کی اؤنونگ اَلیندن اولونیر؟ 3بئیه بو آدام ائله او نجّار ده‌ییل؟ بئیه مریم اوغلو ده‌ییل؟ بئیه اؤنونگ کاکالاری یَعقوب و یوشا و یَهودا و شَمعون ده‌ییللَر؟ بئیه اؤنونگ باجی‌لاری بوردا، بیزیم اینن ده‌ییللَر؟» پس عیسادان ایز بؤکدولَر. 4عیسا اوللارا دئدی: «بیر پیغمبر هئچ یئرده حُرمَت‌سیز اولماز، به‌غیری اؤز شَهرینده و اؤز قوحوم و خویش‌لَری و اؤز اوباسی ایچینده.» 5به‌غیری نئچه مَریض آدام کی عیسا اَلینی اوللار اوستونه قؤیدو و بئللَرینی شفا وئردی، اؤردا آیری مُعجزه ائده بیلمه‌دی. 6عیسا او آداملارینگ ایمان‌سیزلیگیندن حیران اولموشدو.
عیسا اون ایکّی حَواری‌یی یوللاییر
عیسا او دئییر و بَرده‌کی کَندلَرده گزیردی و خلخه تَعلیم وئریردی. 7اوندان سورا، عیسا او اون ایکّی حَواری‌یی اؤز یانینا چاغیردی و اوللاری ایکّی-ایکّی یوللادی. عیسا اوللارا اِقتدار وئردی تا شَریر روح‌لاری آداملاردان یازّیا چیخارتالّار. 8ائله بئله دا اوللارا فرمان وئردی و دئدی کی: «یول ایچی اَل آغاجیندان آیری، هئچ‌نه اؤزونز اینن گؤتورمه‌ینز؛ نه چؤره‌ک، نه توربا و نه ده بئلی باغیلارینزدا پیل. 9قیچینزه کَلَش سالینز و اؤزونز اینن اضافه کؤینَک گؤتورمه‌یینز. 10هر ائوه کی بئلَینزی یوئودّولار، او مَحلده اولانانچاز، اؤردا قالینز. 11اگر ده کی بیر یئرده سیزی یوئودمادیلار یا دا سیزینگ سؤزلَرینزه قولاق آسمادیلار، اؤردان یازّیا چیخَنده، او مَحلینگ تورپاقینی قیچینزدَن سیلکینز تا اوللار ضدّینه بیر شهادت اولا.» 12پس اوللار گئتدیلَر و خلخه اعلام ائدیرلَردی و دئییرلَردی کی: «توبه ائده‌سینز.» 13اوللار چوخ آداملاردان شیطانلی روح‌لار یازّیا چاخارتدیلار و چوخ مَریض آداملاری یاغ اینان مَسح ائدیلَر و بئللَرینی شفا وئردیلَر.
تَعمید وئرَن یحیانینگ اؤلمَگی
14هیرودیس پادشاه عیسا باره‌سینده ائشیتدی، بو سَبریه کی عیسانینگ آدی واری یئرده داغیلمیشدی. بیر پارا آدام عیسا باره‌سینده دئییرلَردی: «بو آدام تَعمید وئرَن یحیا دیر کی اؤلولَردن دئرّیلمیش. بو سَبریه دیر کی اوندان بئله قُدرتلی ایشلَر آشکار اولیر.» 15بیر پارا دئییرلردی: «او، اِلیاس پیغمبر دیر.» بیر پاراسی ده دئییرلَردی: «او بیر پیغمبر دیر، قَدیم پیغمبرلَری له‌یین.» 16آما هیرودیس خلخ گپ‌لَرینی ائشیدَنده دئدی: «بو آدام ائله او یحیا دیر کی من فرمان وئردیم باشینی کَسدیلَر، او دئرّیلمیش.»
17چونکی بیر مُدّت بوندان ایلَری، هیرودیس اؤز ایندیکی آروادی، هیرودیا سَبرسینه کی ایلَرتر، کاکاسی فیلیپُس آروادی ایدی، فرمان وئرمیشدی کی یحیایی توتالّار، باغلایالّار و زندانا سالالّار. 18هیرودیس بو ایشی گؤردو بو سَبریه کی یحیا بئلَسینه دئییرمیش: «سَنه جایز ده‌ییل کی کاکانگ آروادینی آلانگ.» 19بو سَبریه دا یحیا کینه‌سی هیرودیا اؤره‌کینده ایدی و سئیردی کی یحیایی اؤلومه وئره آما باشارمئیردی 20بو خاطره کی هیرودیس یحیادان محافظت ائدیردی. هیرودیس بیلیردی کی یحیا بیر صالح و مُقدّس آدام دیر و یحیادان قورخیردی. هر وخت هیرودیس یحیا سؤزلَرینی ائشیدیردی چوخ پریشان اولیردی آما گئنه دا خوشی گلیردی یحیا سؤزلَرینه قولاق آسا گؤره او نه دئییر.
21آخیر هیرودیا بیر فُرصت اَله گتیردی. هیرودیس اؤز تولّدی گؤنو ایچی بیر بویوک جشن توتدو. او اؤز اَصیل زاده‌لَرینی و سَرلشکر‌لَرینی و جَلیل ولایتی‌نینگ باشی بویوک‌لَرینی قوناقلادی. 22هیرودیانینگ قیزی گلدی ایچری و اوینادی و هیرودیس و اؤنونگ قوناق‌لاری‌نینگ ده خوشلاری گلدی. هیرودیسِ پادشاه، قیزه دئدی: «هَرنه کی سئیرَینگ مندن سئه و من اونو سنه وئره‌رَم.» 23او آند ایچدی و قیزه دئدی کی: «هَرنه کی مندن سئیَنگ سنه وئره‌رَم، حتّی مملکتیمینگ یاریسینی دا کی سئیَنگ وئره‌رَم.» 24قیز ده گئتدی یازّیا و آناسیندان خبر آلدی: «نَمنه سئیَم؟» آناسی دا دئدی: «تَعمید وئرَن یحیانینگ باشینی.» 25قیز فوری تَلَسیق پادشاه یانینا گلدی و اؤنا دئدی: «سئیرم کی ائله ایندی تَعمید وئرَن یحیانینگ باشینی بیر مَجمَه ایچینده منه وئرَینگ.» 26هیرودیسِ پادشاه چوخ غَملی اولدو، آما ایچدیگی آند و قوناق‌لار سَبرسینه، سئمه‌دی قیزینگ سئدیگینی رَد ائده. 27پادشاه فوری بیر جَلّاد یوللادی و فرمان وئردی تا یحیانینگ باشینی گتیره. جَلّاد ده گئتدی و زنداندا یحیانینگ باشینی کَسدی 28و باشینی بیر مَجمَه ایچینده گتیردی و وئردی قیزه. قیز ده اونو آناسینا وئردی. 29یحیانینگ شاگردلَری بونو ائشیدَنده، گلدیلر اؤنونگ جنازه‌سینی گؤتوردولَر، مزارا قؤیدولار.
عیسا بئش مینگ نفره خورَکی وئریر
30حَواری‌لر بؤکولدولَر عیسا یانینا و هر ایش کی گؤرموشلاردی و هَرنه‌یی کی تَعلیم وئرمیشلَردی بئلَسینه دئدیلَر. 31بو موقعده ائله تَردّید چوخ ایدی کی اوللار بیر چؤره‌ک دا یئیه بیلمئیرلَردی. پس عیسا اوللارا دئدی: «گلینز منیم‌اینن بیر خلوت یئره گئدَک و قیلَنجه یورناقینزی آلینز.» 32اوندا اؤزلَری تَک، قایق اینن بیر خلوت یئره گئتدیلَر. 33چوخ آداملار گؤردولَر کی اوللار گئدیرلَر. پس خلخ او منطقه‌نینگ واری شَهرلَریندن، عیسا و شاگردلَری گئتدیگی یئره ساری قَچدیلَر و اوللاردان ایلَری ائتیشدیلَر اؤرا. 34عیسا قایقدن ائننده بیر بویوک جمعیت گؤردو. خَلخی گؤرَنده، اؤره‌کی اوللارا یاندی چونکی چوبان‌سیز قویون‌لار له‌یین ایدیلار. عیسا اوللارا چوخ زادلار اؤرگتدی. 35آغشام چاغی شاگردلَر گلدیلَر عیسا یانینا و دئدیلَر: «بورا بیر بیابان یئر دیر و گئج‌وخت دیر. 36خلخی مُرخص ائد تا بو دئییر و بَرده‌کی اَکینلَره و کَندلَره گئدَلَّر و اؤزلَری ایچی خورَکی آلالّار.» 37آما عیسا اوللارا دئدی: «سیزینگ اؤزونز اوللارا خورَکی وئرینز.» شاگردلَر اؤنا دئدیلر: «سئیرَینگ گئدَک ایکّی‌ایز دینارلیگ کی بیر فَحله‌نینگ آلتی آیی‌نینگ دستمزدیندان آرتیق دیر، چؤره‌ک آلاک و وئرَک بئللَرینه تا یئیَلَّر؟» 38عیسا اوللارا دئدی: «نئچه دانا چؤره‌ک وارینز؟ گئدینز و گؤرونز.» اوللار خبرلَشنده، عیسایا دئدیلر: «بئش دانا چؤره‌ک و ایکّی دانا بالیق.» 39عیسا، شاگردلَرینه اَمر ائدی کی آداملارینگ واریسینی بئیله بئیله گئی اوتلار اوستونه اوتوردالّار. 40شاگردلَر دا آداملارینگ واریسینی بئیله بئیله، یوز نفر یوز نفر و اَللی نفر اَللی نفر اوتوردولار. 41اوندا عیسا او بئش دانا چؤره‌کی و ایکّی دانا بالیقی گؤتوردو، گؤیه باخدی و چؤره‌ک‌لَره و بالیق‌لارا بَرکت وئردی. اوندان سورا چؤره‌ک‌لَری تیکه‌لَه‌دی و شاگردلَره وئردی تا خلخ ایچینده داغیدالّار. عیسا او ایکّی بالیقی ده واری‌کَسینگ آراسیندا بَهر ائدی. 42واری کَس یئدی و دویدو، 43و شاگردلَر چؤره‌ک‌لَر و بالیق‌لارینگ اضافه قالان خوردا تیکه‌لَریندَن اون ایکّی سَبد دؤلدوردولار. 44او چؤره‌ک‌لَری یئیَن آداملارینگ سایقوشی بئش مینگ کیشی ایدی.
عیسا سو اوستونده یول گئدیر
45اؤرایی تؤکتدیگی‌اینن عیسا اؤز شاگردلَرینی بر پا ائدی تا ائله بئله کی اؤزو جمعیتی مُرخص ائدیر، شاگردلَر قایقا مینَلَّر و اؤزوندن ایلَری، دریاچه‌نینگ او تئیینه، بِیت‌صِیْدا شَهرینه گئدَلَّر. 46عیسا، خلخی یولا سالاندان سورا داغا گئتدی تا دُعا ائده. 47قَرَنگی دؤشَنده، شاگردلَر قایق اینن دریاچه‌نینگ اورتاسیندا ایدیلار و عیسا قورّولوقدا تَک ایدی. 48عیسا گؤردو کی اوللار سَخت‌لیگ‌اینن پاررو وورورلار بو سَبریه کی یئل اوللارینگ مُخالفی اَسیردی. گئجه ساعت اؤچه یاخین، عیسا دریاچه اوستونده یول گئده-گئده اوللارا ساری گلیردی و سئیردی کی یانلاریندان گچه. 49اوندا کی شاگردلَر گؤردولَر کی عیسا سو اوستونده یول گئدیر، گمان ائدیلَر کی بیر روح دیر و لیکله‌دیلَر. 50اوللارینگ واریسی اؤنو گؤرَنده وَحشت ائدمیشلَردی. عیسا فوری اوللار اینان دانیشدی و بئللَرینه دئدی: «اؤره‌کینز قایم اولسون، منم، قورخماینز.» 51اوندان سورا گئتدی قایق ایچینه اوللار یانینا و یئل یاتدی. اوللار بی حَدّ و اندازه حیرت ائدمیشلَردی، 52بو سَبریه کی چؤره‌ک‌لَر مُعجزه‌سینی آنگلامامیشلاردی، بلکی اؤره‌ک‌لَری کوتور له‌یین اولموشدو.
عیسا مَریض‌لَری جِنیسارتدا شفا وئریر
53اوللار سویونگ او تئیینه ائتیشنده، جِنیسارت دیارینا گلدیلر و اؤردا لَنگر آتدیلار. 54اوللار قایقدن ائننده، خلخ فوری عیسایی تانیدیلار 55و قَچه-قَچه او منطقه‌نینگ واری یئرینه گئتدیلَر و مَریض‌لَری ائله ایچینه یاتدیگی یئرلَری اینن هر یئره کی ائشیتدیلَر عیسا اؤردا دیر، آپاردیلار. 56عیسا هَر کَنده یا هَر شَهره یا دا هَر اَکینه کی گئدیردی، خلخ، مَریض‌لَری میدانلارا گتیریرلَردی و عیسایا یالواریرلاردی تا قؤیا مَریض‌لَر فقط قاباسی‌نینگ بالینا اَل وورالّار؛ و هَر کَس کی اَل ووروردو، شفا توتیردی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company