مَرقُس 5
5
عیسا بیر کیشی‌یی کی شیطانلی روحا گرفتار دیر شفا وئریر
1اوللار دریاچه‌نینگ او تئیینه، جِراسیلَر دیارینا گئدیلَر. 2عیسا قایقدن ائندیگی‌اینن، بیر کیشی کی شَریر روحا گرفتار ایدی، مَزار صانلوقدان چیخدی و عیسا اینان قَرشیلَشدی. 3بو آدام مَزار صانلوقدا زندلیگ ائدیردی و داها هئچ‌کَسینگ گؤجو ائتیشمئیردی کی حتّی بئلَسینی زَنجیر اینن دا باغلایا. 4بو سَبریه کی اؤنو نئچه دفعه غُل و زَنجیر ائدمیشلَردی. آما کیشی، زَنجیرلَری قیرمیشدی و قیچینه باغلانان دمیرلَری دا سیندیرمیشدی. هئچ‌کَسینگ گؤجو ائتیشمئیردی اؤنو آرام ائده. 5گئجه-گؤندوز مَزارلار آراسیندا و یال‌لاردا بَغیریردی و اؤزونو داش اینان یارالاییردی. 6بو آدام عیسایی ایراقدان گؤرَنده، قَچه-قَچه گلدی و عیسانینگ قیچینه دؤشدو. 7اوجا سَس اینن بَغیردی کی: «ای عیسا، مُتعال تارئ‌نینگ اوغلو، منده نه ایشینگ وار؟ سنی تارئ‌یا آند وئریرَم منی عذاب وئرمه!» 8بو سَبریه کی عیسا اؤنا دئییردی: «ای شَریر روح، بو آدامدان یازّیا چیخ!» 9عیسا اوندان خبر آلدی: «آدینگ نه دیر؟» او جواب وئردی: «مَنیم آدیم قوشون دور؛ بو سَبریه کی بیز چوخاک.» 10و عیسایا چوخ یالواردی کی اوللاری او دیاردان چیخارتمیا یازّیا. 11بیر بویوک دونقوز سؤروسو اؤرداکی یال‌لاردا، یاییلیرلاردی. 12شَریر روح‌لار عیسایا یالواردیلار و دئدیلر: «بیزی یوللا دونقوزلار ایچینه؛ قؤی تا گیرَک اوللار ایچینه.» 13عیسا دا اوللارا اجازه وئردی. شَریر روح‌لار او آدامدان یازّیا چیخدیلَر و دونقوزلار ایچینه گیردیلَر. او سؤرونونگ دونقوزلاری سایقوشی ایکّی مینگه یاخین ایدی. او دونقوزلار یالدان اؤزوقولاندیلار و دریاچه‌یه تؤکولدولار و سودا بوغولدولار. 14دونقوزلار چوبان‌لاری قَچدیلَر و بو خَبری شَهرده و کَندده داغیتدیلار. خلخ ده یازّیا گلدیلر تا بو دؤشَن تَفاقی گؤرَلَّر. 15اوللار عیسا یانینا گلدیلر و اوندا کی او کیشی‌یی کی شیطانلی روح اؤنونگ وجودی ایچینه گیرمیشدی گؤردولَر، ائله او کی ایلَرتر او قوشونا گرفتار ایدی و گؤردولَر دا کی رَخت گئییلی و عَقلی باشیندا، اؤردا اوتورموش، چوخ قورخدولار. 16او آدام‌لار کی بو تَفاق‌لاری گؤز اینن گؤرموشلَردی، هَر‌نه‌یی کی شیطانلی روحا گرفتار اولان کیشی و دونقوزلار باشینا گلمیشدی خلخ ایچی تعریف ائدیلَر. 17اوندا خلخ عیسایا یالواردیلار کی اوللارینگ دیاریندان گئده. 18عیسا قایقا میننده، او کیشی کی ايلَرتر شیطانلی روحا گرفتار ایدی، عیسایا یالواردی و دئدی کی: «قؤی تا بئلینگ اینن گَلَم.» 19آما عیسا اؤنا اجازه وئرمه‌دی و بئلَسینه دئدی: «گئد اوبایا یولداش‌لارینگ یانینا و اوللارا دئ کی رَب سَنینگ ایچی نه ایش گؤرموش و نه‌یین سنه رَحم ائدمیش.» 20او کیشی دا گئتدی و دِکاپولیس منطقه‌سینده اعلام ائدی کی عیسا بئلَسی ایچی نه ایش گؤرموش. خلخ بونو ائشیدَنده حیران قالدیلار.
عیسا بیر آروادی و بیر رئیسنگ قیزینی شفا وئریر
21عیسا قایق اینن گئنه دریاچه‌نینگ او تئیینه گئتدی. دریاچه قیراقیندا، بیر بویوک جمعیت عیسا دئییرینه ییغیلدی. 22یهودی‌لار عبادتگاهی‌نینگ بیر رئیس‌لَریندن کی آدی یایروس ایدی گلدی. او، عیسایی گؤرَنده قیچینه دؤشدو 23و یالوارا-یالوارا بئلَسینه دئدی: «کوموجا قیزم اؤلمه‌لی دیر. سَنه یالواریرام گل و اَلینگی اؤنونگ اوستونه قؤی تا خوب اولا و دئرّی قالا.» 24عیسا، او رئیس اینن گئتدی.
بیر بویوک جمعیت دا عیسا آردی سورا گئتدی. خلخ هر یاندان عیسایی باسیرلاردی. 25او جمعیت آراسیندا بیر آرواد وار ایدی کی اون ایکّی ایل ایدی بئلَسیندَن قان گئدیردی. 26بو آرواد چوخ طَبیب‌لَر اَلی آلتیندا زَجرلَر چَکمیشدی و بوتون وار و یوخونو خَرج ائدمیشدی. آما یئی‌تَر کی اولماموشدو هئچ، بدتَر دا اولموشدو. 27بو آرواد عیسا باره‌سینده ائشیتمیشدی و جمعیت آراسیندان گلدی عیسانینگ دالی آردینا و قاباسی‌نینگ بالینی اَللَدی. 28بو سَبریه کی آرواد اؤز یانیندا دئییردی: «حتّی اَلیم قاباسینا دَیسه ده، شفا توتارام.» 29ائله او آن، آروادینگ قانی توردو و اؤز بَدنینده حالیسی اولدو کی مَریضلیگیندن شفا توتموش. 30عیسا فوری بیلدی کی بئلَسیندَن بیر قوّت چیخمیش. بؤکولدو، دئییر و برینه جمعیت ایچینه باخدی و دئدی: «کیم مَنیم قابامی اَللَدی؟» 31شاگردلَری بئلَسینه دئدیلر: «گؤرورَینگ کی جمعیت هر یاندان دئییرینگی آلمیش، سن گئنه خبر آلیرانگ، ”کیم مَنه اَل ووردو؟“» 32آما عیسا اؤز دئییرینه باخیردی گؤره کی کیم بو ایشی گؤرموش. 33پس او آرواد کی بیلیردی نیجه اولموش، قورخو-قورخو و تیتریه-تیتریه گلدی و عیسانینگ قیچینه دؤشدو و واری حَقیقتی عیسایا دئدی. 34عیسا او آروادا دئدی: «قیزیم، ایمانینگ سنی شفا وئرمیش. سلامَت گئد و مَریضلیگ‌ینگدن آزاد اول.»
35عیسا حَلی دانیشیردی کی عبادتگاه رئیسی‌نینگ ائویندن بیر پارا آدام گلدی و دئدی کی: «قیزینگ اؤلدو! داها نه ایچی اُستادا زَحمت وئریرَینگ؟» 36آما عیسا اوللارینگ سؤزلَرینی ائشیدَنده، عبادتگاه رئیسینه دئدی: «قورخما، فقط ایمان وارینگ اولسون.» 37عیسا قؤیمادی کی پِطرُس و یَعقوب و یَعقوبونگ کاکاسی یوحَنّادان آیری، بیری قولونجوندان گئده. 38اوللار عبادتگاه رئیسی‌نینگ ائوینه ائتیشنده، عیسا گؤردو کی اؤردا قیامت قوپموش و خلخ آغلاییرلار و اوجا سَس اینن شیون ائدیرلَر. 39ائوینگ ایچینه گئدَنده، اوللارا دئدی: «نه ایچی شیون یولا سالمیشاینز و آغلاشیراینز؟ اوشاق اؤلمه‌میش، بلکی یاتمیش.» 40اوللار عیسایا ریشخند ائدیلَر. آما عیسا اوللارینگ واریسینی سالدی یازّیا و قیزینگ آنا بووآسینی و او شاگردلَری کی بئلَسی اینن ایدیلَر گؤتوردو و گئتدی ایچری، اوشاق یاتدیگی یئره. 41عیسا قیزینگ اَلیندن توتدو و بئلَسینه دئدی: «تالیتا کوم!» کی آرامی دیلده یعنی: «کوموجا قیز، سنه دئییرم، تور آیاقی!» 42ائله او آن، او اون ایکّی یاشار قیز، یئریندَن توردو آیاقی و یول گئدمکه باشلادی. اوللار بو ایشدن مات قالمیشلاردی. 43عیسا اوللارا قَدغَن ائدی کی هئچ‌کَس بونو بیلمه‌یه‌سی و بئللرینه دئدی کی قیزه بیر زاد وئرَلَّر تا یئیه.
Currently Selected:
مَرقُس 5: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 5
5
عیسا بیر کیشی‌یی کی شیطانلی روحا گرفتار دیر شفا وئریر
1اوللار دریاچه‌نینگ او تئیینه، جِراسیلَر دیارینا گئدیلَر. 2عیسا قایقدن ائندیگی‌اینن، بیر کیشی کی شَریر روحا گرفتار ایدی، مَزار صانلوقدان چیخدی و عیسا اینان قَرشیلَشدی. 3بو آدام مَزار صانلوقدا زندلیگ ائدیردی و داها هئچ‌کَسینگ گؤجو ائتیشمئیردی کی حتّی بئلَسینی زَنجیر اینن دا باغلایا. 4بو سَبریه کی اؤنو نئچه دفعه غُل و زَنجیر ائدمیشلَردی. آما کیشی، زَنجیرلَری قیرمیشدی و قیچینه باغلانان دمیرلَری دا سیندیرمیشدی. هئچ‌کَسینگ گؤجو ائتیشمئیردی اؤنو آرام ائده. 5گئجه-گؤندوز مَزارلار آراسیندا و یال‌لاردا بَغیریردی و اؤزونو داش اینان یارالاییردی. 6بو آدام عیسایی ایراقدان گؤرَنده، قَچه-قَچه گلدی و عیسانینگ قیچینه دؤشدو. 7اوجا سَس اینن بَغیردی کی: «ای عیسا، مُتعال تارئ‌نینگ اوغلو، منده نه ایشینگ وار؟ سنی تارئ‌یا آند وئریرَم منی عذاب وئرمه!» 8بو سَبریه کی عیسا اؤنا دئییردی: «ای شَریر روح، بو آدامدان یازّیا چیخ!» 9عیسا اوندان خبر آلدی: «آدینگ نه دیر؟» او جواب وئردی: «مَنیم آدیم قوشون دور؛ بو سَبریه کی بیز چوخاک.» 10و عیسایا چوخ یالواردی کی اوللاری او دیاردان چیخارتمیا یازّیا. 11بیر بویوک دونقوز سؤروسو اؤرداکی یال‌لاردا، یاییلیرلاردی. 12شَریر روح‌لار عیسایا یالواردیلار و دئدیلر: «بیزی یوللا دونقوزلار ایچینه؛ قؤی تا گیرَک اوللار ایچینه.» 13عیسا دا اوللارا اجازه وئردی. شَریر روح‌لار او آدامدان یازّیا چیخدیلَر و دونقوزلار ایچینه گیردیلَر. او سؤرونونگ دونقوزلاری سایقوشی ایکّی مینگه یاخین ایدی. او دونقوزلار یالدان اؤزوقولاندیلار و دریاچه‌یه تؤکولدولار و سودا بوغولدولار. 14دونقوزلار چوبان‌لاری قَچدیلَر و بو خَبری شَهرده و کَندده داغیتدیلار. خلخ ده یازّیا گلدیلر تا بو دؤشَن تَفاقی گؤرَلَّر. 15اوللار عیسا یانینا گلدیلر و اوندا کی او کیشی‌یی کی شیطانلی روح اؤنونگ وجودی ایچینه گیرمیشدی گؤردولَر، ائله او کی ایلَرتر او قوشونا گرفتار ایدی و گؤردولَر دا کی رَخت گئییلی و عَقلی باشیندا، اؤردا اوتورموش، چوخ قورخدولار. 16او آدام‌لار کی بو تَفاق‌لاری گؤز اینن گؤرموشلَردی، هَر‌نه‌یی کی شیطانلی روحا گرفتار اولان کیشی و دونقوزلار باشینا گلمیشدی خلخ ایچی تعریف ائدیلَر. 17اوندا خلخ عیسایا یالواردیلار کی اوللارینگ دیاریندان گئده. 18عیسا قایقا میننده، او کیشی کی ايلَرتر شیطانلی روحا گرفتار ایدی، عیسایا یالواردی و دئدی کی: «قؤی تا بئلینگ اینن گَلَم.» 19آما عیسا اؤنا اجازه وئرمه‌دی و بئلَسینه دئدی: «گئد اوبایا یولداش‌لارینگ یانینا و اوللارا دئ کی رَب سَنینگ ایچی نه ایش گؤرموش و نه‌یین سنه رَحم ائدمیش.» 20او کیشی دا گئتدی و دِکاپولیس منطقه‌سینده اعلام ائدی کی عیسا بئلَسی ایچی نه ایش گؤرموش. خلخ بونو ائشیدَنده حیران قالدیلار.
عیسا بیر آروادی و بیر رئیسنگ قیزینی شفا وئریر
21عیسا قایق اینن گئنه دریاچه‌نینگ او تئیینه گئتدی. دریاچه قیراقیندا، بیر بویوک جمعیت عیسا دئییرینه ییغیلدی. 22یهودی‌لار عبادتگاهی‌نینگ بیر رئیس‌لَریندن کی آدی یایروس ایدی گلدی. او، عیسایی گؤرَنده قیچینه دؤشدو 23و یالوارا-یالوارا بئلَسینه دئدی: «کوموجا قیزم اؤلمه‌لی دیر. سَنه یالواریرام گل و اَلینگی اؤنونگ اوستونه قؤی تا خوب اولا و دئرّی قالا.» 24عیسا، او رئیس اینن گئتدی.
بیر بویوک جمعیت دا عیسا آردی سورا گئتدی. خلخ هر یاندان عیسایی باسیرلاردی. 25او جمعیت آراسیندا بیر آرواد وار ایدی کی اون ایکّی ایل ایدی بئلَسیندَن قان گئدیردی. 26بو آرواد چوخ طَبیب‌لَر اَلی آلتیندا زَجرلَر چَکمیشدی و بوتون وار و یوخونو خَرج ائدمیشدی. آما یئی‌تَر کی اولماموشدو هئچ، بدتَر دا اولموشدو. 27بو آرواد عیسا باره‌سینده ائشیتمیشدی و جمعیت آراسیندان گلدی عیسانینگ دالی آردینا و قاباسی‌نینگ بالینی اَللَدی. 28بو سَبریه کی آرواد اؤز یانیندا دئییردی: «حتّی اَلیم قاباسینا دَیسه ده، شفا توتارام.» 29ائله او آن، آروادینگ قانی توردو و اؤز بَدنینده حالیسی اولدو کی مَریضلیگیندن شفا توتموش. 30عیسا فوری بیلدی کی بئلَسیندَن بیر قوّت چیخمیش. بؤکولدو، دئییر و برینه جمعیت ایچینه باخدی و دئدی: «کیم مَنیم قابامی اَللَدی؟» 31شاگردلَری بئلَسینه دئدیلر: «گؤرورَینگ کی جمعیت هر یاندان دئییرینگی آلمیش، سن گئنه خبر آلیرانگ، ”کیم مَنه اَل ووردو؟“» 32آما عیسا اؤز دئییرینه باخیردی گؤره کی کیم بو ایشی گؤرموش. 33پس او آرواد کی بیلیردی نیجه اولموش، قورخو-قورخو و تیتریه-تیتریه گلدی و عیسانینگ قیچینه دؤشدو و واری حَقیقتی عیسایا دئدی. 34عیسا او آروادا دئدی: «قیزیم، ایمانینگ سنی شفا وئرمیش. سلامَت گئد و مَریضلیگ‌ینگدن آزاد اول.»
35عیسا حَلی دانیشیردی کی عبادتگاه رئیسی‌نینگ ائویندن بیر پارا آدام گلدی و دئدی کی: «قیزینگ اؤلدو! داها نه ایچی اُستادا زَحمت وئریرَینگ؟» 36آما عیسا اوللارینگ سؤزلَرینی ائشیدَنده، عبادتگاه رئیسینه دئدی: «قورخما، فقط ایمان وارینگ اولسون.» 37عیسا قؤیمادی کی پِطرُس و یَعقوب و یَعقوبونگ کاکاسی یوحَنّادان آیری، بیری قولونجوندان گئده. 38اوللار عبادتگاه رئیسی‌نینگ ائوینه ائتیشنده، عیسا گؤردو کی اؤردا قیامت قوپموش و خلخ آغلاییرلار و اوجا سَس اینن شیون ائدیرلَر. 39ائوینگ ایچینه گئدَنده، اوللارا دئدی: «نه ایچی شیون یولا سالمیشاینز و آغلاشیراینز؟ اوشاق اؤلمه‌میش، بلکی یاتمیش.» 40اوللار عیسایا ریشخند ائدیلَر. آما عیسا اوللارینگ واریسینی سالدی یازّیا و قیزینگ آنا بووآسینی و او شاگردلَری کی بئلَسی اینن ایدیلَر گؤتوردو و گئتدی ایچری، اوشاق یاتدیگی یئره. 41عیسا قیزینگ اَلیندن توتدو و بئلَسینه دئدی: «تالیتا کوم!» کی آرامی دیلده یعنی: «کوموجا قیز، سنه دئییرم، تور آیاقی!» 42ائله او آن، او اون ایکّی یاشار قیز، یئریندَن توردو آیاقی و یول گئدمکه باشلادی. اوللار بو ایشدن مات قالمیشلاردی. 43عیسا اوللارا قَدغَن ائدی کی هئچ‌کَس بونو بیلمه‌یه‌سی و بئللرینه دئدی کی قیزه بیر زاد وئرَلَّر تا یئیه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company