مَرقُس 4
4
بَرزگر مَثَلی
1عیسا گئنه دریاچه قیراقیندا تَعلیم وئرمَکه باشلادی. بیر بویوک جمعیت اؤنونگ دئییرینه ییغیلدیلَر، ائله کی عیسا سوداکی قایقا میندی و اوتوردو قایقینگ ایچینه، بوتون جمعیت دا دریاچه قیراقیندا، قورّولوقدا ایدیلار. 2عیسا مَثَل‌لَر اینن چوخ زادلار اوللارا اؤرگدیردی. او تَعلیم وئرَنده، اوللارا بو مَثَلی چَکدی: 3«قولاق آسینز! بیر بَرزگر دان سَپمَک ایچی یازّیا چیخدی. 4دان‌لاری سَپَنده، بیر پاراسی یول اوستونه تؤکولدو و قوش‌لار گلدیلَر و اوللاری یئدیلَر. 5بیر پارا داهاسی کوتورلو یئره کی تورپاقی آز ایدی تؤکولدو و تئز گئیَردیلَر بو سَبریه کی تورپاقدا عُمق یوخ ایدی. 6آما گؤن چالاندا پوسّورادیلار و ریشه‌سیز اولدوگلاری ایچی، قورّودولار. 7دانلارینگ بیر پارا داهاسی تیکان‌لار ایچینه تؤکولدو و تیکان‌لار گئیَردیلَر و اوللاری خَفه‌له‌دیلَر و او دان‌لار هئچ ثَمر ائدمه‌دیلَر. 8آما دانلارینگ باقّیسی خوب تورپاقا تؤکولدولَر و ثَمر ائدیلَر؛ بویوک اولدولار و چوخ اولدولار و ثَمر گتیردیلَر، بیر پاراسی اوتوز برابر، بیر پاراسی آلتمیش برابر، بیر پارا ده یوز برابر.» 9اوندا اوللارا دئدی: «هر‌کَسینگ کی ائشیدَن قولاق واری، ائشیدسین.»
10اوندا کی عیسا تَک ایدی، دئییرینده‌کی آداملار و او اون ایکّی شاگرد، بئلَسیندَن خبر آلدیلار کی نه ایچی مَثَل‌لَر اینن خلخه تَعلیم وئریر. 11عیسا اوللارا دئدی: «تارئ پادشاه‌لیگی‌نینگ سِرّینی آنگلاماگ، سیزه وئریلمیش، آما باقّی آداملار ایچی، مَثَل‌لَر اینن دئییلیر 12تا:
«”گرچَکدن باخالّار آما گؤرمه‌یَلَّر،
ائشیدلَّر، آما آنگلامیالّار،
تا ائدمئیه دؤنلَّر و باغیشلانالّار!“»
13اوندا اوللارا دئدی: «بو مَثَلی آنگلامئیراینز؟ پس باقّی مَثَل‌لَری نه‌یین آنگلایاراینز؟ 14بَرزگر او آدام له‌یین دیر کی تارئ کلامینی سَپیر. 15یول اوستونه تؤکولَن دان‌لار، او آداملار دیرلار کی تارئ کلامینی ائشیدیرلَر، آما ائشیتدیگی اینن شیطان گلیر و اوللاردا اَکیلَن کلامی قاپیر آپاریر. 16کوتورلو یئره تؤکولن دان‌لار، او آداملار دیرلار کی تارئ کلامینی ائشیدَنده فوری شادلیگ اینن اونو قبول ائدیرلَر. 17آما بو سَبریه کی کلام اوللاردا ریشه قَچیردمئیر فقط بیر مُدّت دوام گتیریرلَر؛ اوندا کی او کلام سَبرسینه مُصیبت یا دا جور و جَفا گلیر، فوری ایماندان دؤشیرلَر. 18تیکان‌لار ایچینه تؤکولن دان‌لار او آداملار دیرلار کی کلامی ائشیدیرلَر، 19آما دنیا نگرانلیگ‌لاری، دنیا مالینا آلّانماک و باقّی زادلارینگ هَوسی اوللارینگ اؤره‌کینه گیریر و کلامی خَفه‌له‌ییر و ثَمرسیز ائدیر. 20آما خوب تورپاقا تؤکولَن دان‌لار او آداملار دیرلار کی تارئ کلامینی ائشیدیرلَر و اونو قبول ائدیلَر و اوتوز برابر، آلتمیش برابر و یوز برابر ثَمر ائدیرلَر.»
چیراغ مَثَلی
21عیسا اوللارا دئدی: «بئیه چیراغی گتیریرَینز تا اونو پایلا آلتینا یا ده تخت آلتینا قؤیاینز؟ بئیه اونو چیراغدانا قؤیمئیرانز؟ 22ائله اوله‌یین دا هَر‌نه کی پنهان اولونموش، آشکار اولاسی و هَر‌نه کی پناه اولونموش، آله‌یین اولاسی. 23هَر کَسینگ کی ائشیدَن قولاق واری، ائشیدسین.» 24و اوللارا دئدی: «ائشیتدیگینزه هوش وئرینز. ائله او اؤلچو اینان کی اؤلچیرَینز، سیزینگ ایچی اؤلچَرلَر و بئلَینزه حتّی آرتیق دا وئریلَر. 25چونکی او آداما کی واری، آرتیق وئریلَر آما او آدام کی یوخو، ائله او ده کی واری، اَلیندن آلینار.»
گئیَرن دانینگ مَثَلی
26عیسا اوللارا دئدی: «تارئ پادشاهلیگی بیر آداما بنزه‌ییر کی دان سَپیر یئره. 27گئجه و گؤندوز، چه اوخودا اولا چه اویاق، او دان گئیَریر و بویوک اولیر. آما نه‌یین گئیَردیگینی او دان سَپن بیلمئیر. 28یئر اؤز اؤزونه ثَمر ائدیر: اَوّل لیخه، اوندا خوشا گئیَریر و اوندان سورا ده خوشا دولیر داندان. 29محصول ائتیشنده، بَرزگر فوری داسی آلیر اَلینه، بو سَبریه کی بیچمَک وختی ائتیشمیش.»
خَردل دانی‌نینگ مَثَلی
30عیسا بئللرینه دئدی: «تارئ پادشاهلیگینی نَمنه‌یه بنزه‌ده بیلَرَک، یا دا نه مَثَل اینن اونو تعریف ائدک؟ 31تارئ پادشاهلیگی بیر خَردَل داناسی له‌یین دیر. خَردَل داناسی یئرده اَکیلَن دانلارینگ ائنگ کوچوکی دیر. 32آما اوندا کی ائله بو دانی اَکیرلَر، بو دان گئیَریر و باغدا اَکیلَن‌لَرینگ واریسیندان بویوکتر اولیر و بویوک-بویوک شاخالار ائدیر، ائله کی گؤیونگ قوش‌لاری اؤنونگ کؤلگه‌سینده یووآ ائدیرلَر.»
33عیسا چوخ بئله‌یین مَثَل‌لَر اینن اؤرانچاز کی خلخ آنگلایا بیلیردی تارئ کلامیندان اوللار اینان دانیشیردی. 34او، مَثَل‌سیز خلخه هئچ‌نه دئمه‌دی؛ آما اوندا کی شاگردلَری اینن تَک ایدی، مَثَل‌لَرینگ معنی‌سینی اوللارا دئییردی.
عیسا دریاچه طیفانینی آرام ائدیر
35او گؤن قَرَنگی دؤشَنده، عیسا شاگردلَرینه دئدی: «گلینز تا گئدَک دریاچه‌نینگ او تئیینه.» 36اوللار دا عیسایی ائله او قایق اینن کی ایچینه اوتورموشدو، اؤزلَری اینن آپاردیلار و جمعیتدَن آیریلدیلار. نئچه آیری قایق ده عیسا و شاگردلَری یانی سورا گئدیرلَردی. 37بیردن بیر سَخت یئل و طیفان دؤشدو و موج‌لار ائله قایقا ده‌ییرلَردی کی آز قالمیشدی قایق سودان دؤلا. 38آما عیسا قایقینگ گئری‌سینده، باشینی بیر بالشت اوستونه قؤیموشدو و یاتمیشدی. شاگردلَر بئلَسینی اویاردیلار و دئدیلر: «اُستاد، سن هئچ فکرده ده‌ییلَینگ کی آرادان گئدیرَک؟» 39عیسا توردو آیاقی، یئله تَشَر ائدی و دریاچه‌یه دئدی: «بی‌سَس اول! آرام اول!» یئل یاتدی و بیر بویوک آراملوق دؤشدو. 40عیسا، شاگردلَرینه دئدی: «نه ایچی بوغاد قورخموشاینز؟ حَلی ده ایمان یوخینز؟» 41اوللار جانینا بیر بویوک قورخو دؤشموشدو و بیر بیره دئییرلَردی: «بو کیم دیر کی حتّی یئل و سو ده اوندان فرمان آپاریرلار؟»
Currently Selected:
مَرقُس 4: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 4
4
بَرزگر مَثَلی
1عیسا گئنه دریاچه قیراقیندا تَعلیم وئرمَکه باشلادی. بیر بویوک جمعیت اؤنونگ دئییرینه ییغیلدیلَر، ائله کی عیسا سوداکی قایقا میندی و اوتوردو قایقینگ ایچینه، بوتون جمعیت دا دریاچه قیراقیندا، قورّولوقدا ایدیلار. 2عیسا مَثَل‌لَر اینن چوخ زادلار اوللارا اؤرگدیردی. او تَعلیم وئرَنده، اوللارا بو مَثَلی چَکدی: 3«قولاق آسینز! بیر بَرزگر دان سَپمَک ایچی یازّیا چیخدی. 4دان‌لاری سَپَنده، بیر پاراسی یول اوستونه تؤکولدو و قوش‌لار گلدیلَر و اوللاری یئدیلَر. 5بیر پارا داهاسی کوتورلو یئره کی تورپاقی آز ایدی تؤکولدو و تئز گئیَردیلَر بو سَبریه کی تورپاقدا عُمق یوخ ایدی. 6آما گؤن چالاندا پوسّورادیلار و ریشه‌سیز اولدوگلاری ایچی، قورّودولار. 7دانلارینگ بیر پارا داهاسی تیکان‌لار ایچینه تؤکولدو و تیکان‌لار گئیَردیلَر و اوللاری خَفه‌له‌دیلَر و او دان‌لار هئچ ثَمر ائدمه‌دیلَر. 8آما دانلارینگ باقّیسی خوب تورپاقا تؤکولدولَر و ثَمر ائدیلَر؛ بویوک اولدولار و چوخ اولدولار و ثَمر گتیردیلَر، بیر پاراسی اوتوز برابر، بیر پاراسی آلتمیش برابر، بیر پارا ده یوز برابر.» 9اوندا اوللارا دئدی: «هر‌کَسینگ کی ائشیدَن قولاق واری، ائشیدسین.»
10اوندا کی عیسا تَک ایدی، دئییرینده‌کی آداملار و او اون ایکّی شاگرد، بئلَسیندَن خبر آلدیلار کی نه ایچی مَثَل‌لَر اینن خلخه تَعلیم وئریر. 11عیسا اوللارا دئدی: «تارئ پادشاه‌لیگی‌نینگ سِرّینی آنگلاماگ، سیزه وئریلمیش، آما باقّی آداملار ایچی، مَثَل‌لَر اینن دئییلیر 12تا:
«”گرچَکدن باخالّار آما گؤرمه‌یَلَّر،
ائشیدلَّر، آما آنگلامیالّار،
تا ائدمئیه دؤنلَّر و باغیشلانالّار!“»
13اوندا اوللارا دئدی: «بو مَثَلی آنگلامئیراینز؟ پس باقّی مَثَل‌لَری نه‌یین آنگلایاراینز؟ 14بَرزگر او آدام له‌یین دیر کی تارئ کلامینی سَپیر. 15یول اوستونه تؤکولَن دان‌لار، او آداملار دیرلار کی تارئ کلامینی ائشیدیرلَر، آما ائشیتدیگی اینن شیطان گلیر و اوللاردا اَکیلَن کلامی قاپیر آپاریر. 16کوتورلو یئره تؤکولن دان‌لار، او آداملار دیرلار کی تارئ کلامینی ائشیدَنده فوری شادلیگ اینن اونو قبول ائدیرلَر. 17آما بو سَبریه کی کلام اوللاردا ریشه قَچیردمئیر فقط بیر مُدّت دوام گتیریرلَر؛ اوندا کی او کلام سَبرسینه مُصیبت یا دا جور و جَفا گلیر، فوری ایماندان دؤشیرلَر. 18تیکان‌لار ایچینه تؤکولن دان‌لار او آداملار دیرلار کی کلامی ائشیدیرلَر، 19آما دنیا نگرانلیگ‌لاری، دنیا مالینا آلّانماک و باقّی زادلارینگ هَوسی اوللارینگ اؤره‌کینه گیریر و کلامی خَفه‌له‌ییر و ثَمرسیز ائدیر. 20آما خوب تورپاقا تؤکولَن دان‌لار او آداملار دیرلار کی تارئ کلامینی ائشیدیرلَر و اونو قبول ائدیلَر و اوتوز برابر، آلتمیش برابر و یوز برابر ثَمر ائدیرلَر.»
چیراغ مَثَلی
21عیسا اوللارا دئدی: «بئیه چیراغی گتیریرَینز تا اونو پایلا آلتینا یا ده تخت آلتینا قؤیاینز؟ بئیه اونو چیراغدانا قؤیمئیرانز؟ 22ائله اوله‌یین دا هَر‌نه کی پنهان اولونموش، آشکار اولاسی و هَر‌نه کی پناه اولونموش، آله‌یین اولاسی. 23هَر کَسینگ کی ائشیدَن قولاق واری، ائشیدسین.» 24و اوللارا دئدی: «ائشیتدیگینزه هوش وئرینز. ائله او اؤلچو اینان کی اؤلچیرَینز، سیزینگ ایچی اؤلچَرلَر و بئلَینزه حتّی آرتیق دا وئریلَر. 25چونکی او آداما کی واری، آرتیق وئریلَر آما او آدام کی یوخو، ائله او ده کی واری، اَلیندن آلینار.»
گئیَرن دانینگ مَثَلی
26عیسا اوللارا دئدی: «تارئ پادشاهلیگی بیر آداما بنزه‌ییر کی دان سَپیر یئره. 27گئجه و گؤندوز، چه اوخودا اولا چه اویاق، او دان گئیَریر و بویوک اولیر. آما نه‌یین گئیَردیگینی او دان سَپن بیلمئیر. 28یئر اؤز اؤزونه ثَمر ائدیر: اَوّل لیخه، اوندا خوشا گئیَریر و اوندان سورا ده خوشا دولیر داندان. 29محصول ائتیشنده، بَرزگر فوری داسی آلیر اَلینه، بو سَبریه کی بیچمَک وختی ائتیشمیش.»
خَردل دانی‌نینگ مَثَلی
30عیسا بئللرینه دئدی: «تارئ پادشاهلیگینی نَمنه‌یه بنزه‌ده بیلَرَک، یا دا نه مَثَل اینن اونو تعریف ائدک؟ 31تارئ پادشاهلیگی بیر خَردَل داناسی له‌یین دیر. خَردَل داناسی یئرده اَکیلَن دانلارینگ ائنگ کوچوکی دیر. 32آما اوندا کی ائله بو دانی اَکیرلَر، بو دان گئیَریر و باغدا اَکیلَن‌لَرینگ واریسیندان بویوکتر اولیر و بویوک-بویوک شاخالار ائدیر، ائله کی گؤیونگ قوش‌لاری اؤنونگ کؤلگه‌سینده یووآ ائدیرلَر.»
33عیسا چوخ بئله‌یین مَثَل‌لَر اینن اؤرانچاز کی خلخ آنگلایا بیلیردی تارئ کلامیندان اوللار اینان دانیشیردی. 34او، مَثَل‌سیز خلخه هئچ‌نه دئمه‌دی؛ آما اوندا کی شاگردلَری اینن تَک ایدی، مَثَل‌لَرینگ معنی‌سینی اوللارا دئییردی.
عیسا دریاچه طیفانینی آرام ائدیر
35او گؤن قَرَنگی دؤشَنده، عیسا شاگردلَرینه دئدی: «گلینز تا گئدَک دریاچه‌نینگ او تئیینه.» 36اوللار دا عیسایی ائله او قایق اینن کی ایچینه اوتورموشدو، اؤزلَری اینن آپاردیلار و جمعیتدَن آیریلدیلار. نئچه آیری قایق ده عیسا و شاگردلَری یانی سورا گئدیرلَردی. 37بیردن بیر سَخت یئل و طیفان دؤشدو و موج‌لار ائله قایقا ده‌ییرلَردی کی آز قالمیشدی قایق سودان دؤلا. 38آما عیسا قایقینگ گئری‌سینده، باشینی بیر بالشت اوستونه قؤیموشدو و یاتمیشدی. شاگردلَر بئلَسینی اویاردیلار و دئدیلر: «اُستاد، سن هئچ فکرده ده‌ییلَینگ کی آرادان گئدیرَک؟» 39عیسا توردو آیاقی، یئله تَشَر ائدی و دریاچه‌یه دئدی: «بی‌سَس اول! آرام اول!» یئل یاتدی و بیر بویوک آراملوق دؤشدو. 40عیسا، شاگردلَرینه دئدی: «نه ایچی بوغاد قورخموشاینز؟ حَلی ده ایمان یوخینز؟» 41اوللار جانینا بیر بویوک قورخو دؤشموشدو و بیر بیره دئییرلَردی: «بو کیم دیر کی حتّی یئل و سو ده اوندان فرمان آپاریرلار؟»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company