مَرقُس 3
3
عیسا بیر کیشی‌یی کی اَلی قورّوموشدو شفا وئریر
1عیسا گئنه یهودی‌لارینگ عبادتگاهینا گلدی. اؤردا بیر کیشی ایدی کی بیر اَلی قورّوموشدو. 2اؤردا توران فَریسی‌لَرینگ بیر پاراسی عیسایی گؤزله‌ییرلَردی گؤرَلَّر کی عیسا مُقدّس شنبه گؤنونده او کیشی‌یی شفا وئره‌ر یا یو تا بئله عیسایا بوهتان وورماک ایچی بیر ماهان بولالّار. 3عیسا او کیشی‌یه کی اَلی قورّوموشدو دئدی: «گَل بورا.» 4و اوللاردان خبر آلدی: «هانیسی مُقدّس شنبه گؤنونده جایز دیر؛ خوبلیگ ائدمَک یا پیس‌لیگ ائدمَک؟ بیر آدامینگ جانینی نجات وئرمَک یا اؤلدورمَک؟» اوللار هئچ جواب وئرمه‌دیلَر. 5عیسا غَضّب‌اینن دئییرنده‌کی آداملارا باخدی و غَملی ایدی کی اوللارینگ اؤره‌ک‌لَری بئله داش دیر. اوندا او کیشیه دئدی: «اَلینگی اوزات.» او کیشی دا اَلینی اوزاتدی و اَلی خوب اولدو. 6فَریسی فِرقه‌سی‌نینگ عالِم‌لَری گئتدیلَر یازّیا و فوری هیرود طَرفدارلاری اینن بئلینه شوهْر ائدیلَر کی نه‌یین عیسایی نابود ائدَلَّر.
بیر بویوک جمعیت عیسا آردی سورا گئدیر
7اوندان سورا عیسا اؤز شاگردلَری اینن دریاچه‌یه ساری گئتدی. بیر بویوک جمعیت دا جَلیل ولایتیندن، یهودیه ولایتیندن، 8اورشلیم شَهریندن، اَدومیه ولایتیندن، اوردون چئیی‌نینگ او تئییندَن و صور و صِیدون شهرلَری‌نینگ دئییرو بَریندَن عیسا آردی سورا گئتدیلَر. اوندا کی او بویوک جمعیت عیسا ائتدیگی ایشلَرینگ واریسینی ائشیتدیلَر گلدیلَر اؤنونگ یانینا. 9جمعیتینگ چوخلیگی سَبرسینه، عیسا اؤز شاگردلَرینه دئدی کی بئلَسی ایچی بیر قایق آماده ائدلَّر، تا خلخ اؤنا هُجوم گتیرمئیَلَّر. 10بو سَبریه کی عیسا چوخ آداملاری شفا وئرمیشدی، واری مَریض‌لَر اؤنا ساری هُجوم گتیریرلَردی تا اَل‌لَری عیسایا ده‌یه. 11شَریر روح‌لار عیسایی گؤرَنده، قیچی دَمینده یئره دؤشیرلَردی و بَغیریرلَردی کی: «سَن تارئ اوغلویانگ!» 12آما عیسا اوللارا سَخت فرمان وئریردی کی بئلَسینی تانیدّیرمیالار.
اون ایکّی حَواری
13عیسا داغ اوستونه چیخدی و او آداملاری کی سئیردی، چاغیردی اؤز یانینا. اوللار دا گلدیلَر. 14عیسا اون ایکّی نفر سَچدی و اوللار اوستونه حَواری آدی قؤیدو تا بئلَسی اینن اولالّار و بئللرینی یوللایا تا خلخه تَعلیم وئرَلَّر 15و بو اِقتداری وارلاری اولا تا شیطانلی روح‌لاری آداملاردان یازّیا چیخارتالّار. 16عیسا سَچدیگی اون ایکّی نفر بوللار ایدیلار: شَمعون کی اؤنونگ اوستونه پِطرُس آدی قؤیدو؛ 17زِبِدی اوغوللاری یَعقوب و یوحَنّا کی اوللار اوستونه بوآنِرجِس آدی قؤیدو کی مَعنی‌سی ایلدیریم اوغوللاری دیر؛ 18آندریاس، فیلیپُس، بَرتولْما، مَتّا، توما، حَلْفای اوغلو یَعقوب، تَدّای، وَطنپرست شَمعون 19و یَهودا اَسخریوط کی عیسایی اَله وئردی.
عیسا و بِعِلزِبول
20اوندان سورا عیسا ائوه گئتدی و گئنه چوخ آدام ییغیلدی، ائله کی عیسا اینان شاگردلَری چؤره‌ک دا یئیه بیلمه‌دیلَر. 21عیسانینگ اوباسی بونو ائشیدَنده، گلدیلر کی اؤنو گؤتورَلَّر آپارالّار، چونکی دئییرلردی: «بو آدام دَلی اولموش.» 22اورشلیم شَهریندن گلَن تورات معلّم‌لَری دئییرلردی: «بِعِلزِبول اؤنونگ جیلدینه گیرمیش،» و «عیسا، شیطانلی روح‌لارینگ بویوکی کؤمَکینه، شیطانلی روح‌لاری یازّیا چیخارتیر.» 23عیسا اوللاری اؤز یانینا چاغیردی و اوللارا بو مَثَل‌لَری چَکدی و دئدی: «نه‌یین اولا بیلَر کی شیطان، شیطانی یازّیا چیخارتا؟ 24اگر بیر پادشاه‌لیگ اؤز ضدّینه آیریلیق سالا، او پادشاه‌لیگ دوام گتیره بیلمَز 25و اگر بیر اوبا اؤز ضدّینه آیریلیق سالا او اوبا باشارماز دوام گتیره. 26اگر شیطان اؤز ضدّینه تورا آیاقی و آیریلیق سالا، دوام گتیره بیلمَز، بلکی نابود اولور. 27هئچ‌کَس باشارماز بیر گؤجلو آدامینگ ائوینه گیره و اؤنونگ مالینی چاپا. به‌غیری کی اَوّل او گؤجلی آدامینگ اَل-آیاقینی باغلایا. اوندا گرچَکدن باشارار او آدامینگ ائوینی چاپا.
28«گرچَکینی سیزه دئییرَم، آدامیزادینگ واری گُناه‌لاری و هر کُفر کی دئسه باغیشلانار؛ 29آما هَر کَس تارئ‌نینگ قُدّوس روحونا کُفر دئیه هئچ‌وخت باغیشلانماز، بلکی گُناهی اَبَدنچاز اوستونده قالار.» 30عیسانینگ بو سؤزو بو سَبریه ایدی کی اوللار دئییرلَردی: «عیسا شَریر روح واری.»
عیسانینگ آناسی و کاکالاری
31عیسانینگ آناسی و کاکالاری گلدیلر و ائله بئله کی یازّیدا تورموشلاردی، بیر آدامی یوللادیلار عیسا یانینا تا بئلَسینی چاغیرا. 32عیسانینگ دئییرینده اوتوران جمعیت عیسایا دئدیلَر: «آنانگ اینن کاکالارینگ یازّیدا دیرلار و سَنی گزیرلَر.» 33عیسا اوللارا دئدی: «منیم آنام و کاکالاریم کیم‌لَر دیرلَر؟» 34اوندا دئییرینده اوتوران آداملارا باخدی و دئدی: «منیم آنام و کاکالاریم بوللار دیرلار! 35بو سَبریه کی هَر‌کَس تارئ سئدیگینی یئرینه ائتیشتیره، مَنیم کاکام، باجیم و آنام، او دور.»
Currently Selected:
مَرقُس 3: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 3
3
عیسا بیر کیشی‌یی کی اَلی قورّوموشدو شفا وئریر
1عیسا گئنه یهودی‌لارینگ عبادتگاهینا گلدی. اؤردا بیر کیشی ایدی کی بیر اَلی قورّوموشدو. 2اؤردا توران فَریسی‌لَرینگ بیر پاراسی عیسایی گؤزله‌ییرلَردی گؤرَلَّر کی عیسا مُقدّس شنبه گؤنونده او کیشی‌یی شفا وئره‌ر یا یو تا بئله عیسایا بوهتان وورماک ایچی بیر ماهان بولالّار. 3عیسا او کیشی‌یه کی اَلی قورّوموشدو دئدی: «گَل بورا.» 4و اوللاردان خبر آلدی: «هانیسی مُقدّس شنبه گؤنونده جایز دیر؛ خوبلیگ ائدمَک یا پیس‌لیگ ائدمَک؟ بیر آدامینگ جانینی نجات وئرمَک یا اؤلدورمَک؟» اوللار هئچ جواب وئرمه‌دیلَر. 5عیسا غَضّب‌اینن دئییرنده‌کی آداملارا باخدی و غَملی ایدی کی اوللارینگ اؤره‌ک‌لَری بئله داش دیر. اوندا او کیشیه دئدی: «اَلینگی اوزات.» او کیشی دا اَلینی اوزاتدی و اَلی خوب اولدو. 6فَریسی فِرقه‌سی‌نینگ عالِم‌لَری گئتدیلَر یازّیا و فوری هیرود طَرفدارلاری اینن بئلینه شوهْر ائدیلَر کی نه‌یین عیسایی نابود ائدَلَّر.
بیر بویوک جمعیت عیسا آردی سورا گئدیر
7اوندان سورا عیسا اؤز شاگردلَری اینن دریاچه‌یه ساری گئتدی. بیر بویوک جمعیت دا جَلیل ولایتیندن، یهودیه ولایتیندن، 8اورشلیم شَهریندن، اَدومیه ولایتیندن، اوردون چئیی‌نینگ او تئییندَن و صور و صِیدون شهرلَری‌نینگ دئییرو بَریندَن عیسا آردی سورا گئتدیلَر. اوندا کی او بویوک جمعیت عیسا ائتدیگی ایشلَرینگ واریسینی ائشیتدیلَر گلدیلَر اؤنونگ یانینا. 9جمعیتینگ چوخلیگی سَبرسینه، عیسا اؤز شاگردلَرینه دئدی کی بئلَسی ایچی بیر قایق آماده ائدلَّر، تا خلخ اؤنا هُجوم گتیرمئیَلَّر. 10بو سَبریه کی عیسا چوخ آداملاری شفا وئرمیشدی، واری مَریض‌لَر اؤنا ساری هُجوم گتیریرلَردی تا اَل‌لَری عیسایا ده‌یه. 11شَریر روح‌لار عیسایی گؤرَنده، قیچی دَمینده یئره دؤشیرلَردی و بَغیریرلَردی کی: «سَن تارئ اوغلویانگ!» 12آما عیسا اوللارا سَخت فرمان وئریردی کی بئلَسینی تانیدّیرمیالار.
اون ایکّی حَواری
13عیسا داغ اوستونه چیخدی و او آداملاری کی سئیردی، چاغیردی اؤز یانینا. اوللار دا گلدیلَر. 14عیسا اون ایکّی نفر سَچدی و اوللار اوستونه حَواری آدی قؤیدو تا بئلَسی اینن اولالّار و بئللرینی یوللایا تا خلخه تَعلیم وئرَلَّر 15و بو اِقتداری وارلاری اولا تا شیطانلی روح‌لاری آداملاردان یازّیا چیخارتالّار. 16عیسا سَچدیگی اون ایکّی نفر بوللار ایدیلار: شَمعون کی اؤنونگ اوستونه پِطرُس آدی قؤیدو؛ 17زِبِدی اوغوللاری یَعقوب و یوحَنّا کی اوللار اوستونه بوآنِرجِس آدی قؤیدو کی مَعنی‌سی ایلدیریم اوغوللاری دیر؛ 18آندریاس، فیلیپُس، بَرتولْما، مَتّا، توما، حَلْفای اوغلو یَعقوب، تَدّای، وَطنپرست شَمعون 19و یَهودا اَسخریوط کی عیسایی اَله وئردی.
عیسا و بِعِلزِبول
20اوندان سورا عیسا ائوه گئتدی و گئنه چوخ آدام ییغیلدی، ائله کی عیسا اینان شاگردلَری چؤره‌ک دا یئیه بیلمه‌دیلَر. 21عیسانینگ اوباسی بونو ائشیدَنده، گلدیلر کی اؤنو گؤتورَلَّر آپارالّار، چونکی دئییرلردی: «بو آدام دَلی اولموش.» 22اورشلیم شَهریندن گلَن تورات معلّم‌لَری دئییرلردی: «بِعِلزِبول اؤنونگ جیلدینه گیرمیش،» و «عیسا، شیطانلی روح‌لارینگ بویوکی کؤمَکینه، شیطانلی روح‌لاری یازّیا چیخارتیر.» 23عیسا اوللاری اؤز یانینا چاغیردی و اوللارا بو مَثَل‌لَری چَکدی و دئدی: «نه‌یین اولا بیلَر کی شیطان، شیطانی یازّیا چیخارتا؟ 24اگر بیر پادشاه‌لیگ اؤز ضدّینه آیریلیق سالا، او پادشاه‌لیگ دوام گتیره بیلمَز 25و اگر بیر اوبا اؤز ضدّینه آیریلیق سالا او اوبا باشارماز دوام گتیره. 26اگر شیطان اؤز ضدّینه تورا آیاقی و آیریلیق سالا، دوام گتیره بیلمَز، بلکی نابود اولور. 27هئچ‌کَس باشارماز بیر گؤجلو آدامینگ ائوینه گیره و اؤنونگ مالینی چاپا. به‌غیری کی اَوّل او گؤجلی آدامینگ اَل-آیاقینی باغلایا. اوندا گرچَکدن باشارار او آدامینگ ائوینی چاپا.
28«گرچَکینی سیزه دئییرَم، آدامیزادینگ واری گُناه‌لاری و هر کُفر کی دئسه باغیشلانار؛ 29آما هَر کَس تارئ‌نینگ قُدّوس روحونا کُفر دئیه هئچ‌وخت باغیشلانماز، بلکی گُناهی اَبَدنچاز اوستونده قالار.» 30عیسانینگ بو سؤزو بو سَبریه ایدی کی اوللار دئییرلَردی: «عیسا شَریر روح واری.»
عیسانینگ آناسی و کاکالاری
31عیسانینگ آناسی و کاکالاری گلدیلر و ائله بئله کی یازّیدا تورموشلاردی، بیر آدامی یوللادیلار عیسا یانینا تا بئلَسینی چاغیرا. 32عیسانینگ دئییرینده اوتوران جمعیت عیسایا دئدیلَر: «آنانگ اینن کاکالارینگ یازّیدا دیرلار و سَنی گزیرلَر.» 33عیسا اوللارا دئدی: «منیم آنام و کاکالاریم کیم‌لَر دیرلَر؟» 34اوندا دئییرینده اوتوران آداملارا باخدی و دئدی: «منیم آنام و کاکالاریم بوللار دیرلار! 35بو سَبریه کی هَر‌کَس تارئ سئدیگینی یئرینه ائتیشتیره، مَنیم کاکام، باجیم و آنام، او دور.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company