مَرقُس 2
2
عیسا بیر فَلج کیشی‌‌یی شفا وئریر
1نئچه گؤندَن سورا، عیسا کَفَرناحوم شَهرینه دؤندو و خَبر گلدی کی عیسا ائوده دیر. 2چوخ آدام ییغیلدیلَر اؤرا، ائله کی قاپیدا ده یئر قالمادی. ائله بو موقعده کی عیسا تارئ کلامیندان اوللار ایچی دانیشیردی، 3نئچه نفر گلدیلَر کی بیر فَلج آدامی یئری ایچینده دؤرد یانلی اؤنونگ یانینا گتیر‌یرلَردی. 4آما جمعیتینگ چوخلیگی سَبرسینه عیسایا یاخین اولا بیلمه‌دیلَر. پس چیخدیلَر پُشت‌بام اوستونه و عیسانینگ باشی ایجینده‌کی سَقفی گؤتوردولَر و سَقفی آچاندا، او فَلجی ائله ایچینه یاتدیگی یئری اینَن آشاغی سالّادیلار. 5عیسا اوللارینگ ایمانینی گؤرَنده، او فَلجه دئدی: «اوغول، گُناه‌لارینگ باغیشلاندی.» 6بیر پارا تورات معلّم‌لَریندن کی اؤردا ایچری‌ده اوتورموشلاردی، اؤز اؤره‌ک‌لَرینده دئییرلَردی: 7«بو کیشی نه ایچی بئله‌یین دانیشیر؟ او کُفر دئییر! تارئ‌دان آیری کیم گُناه‌لاری باغیشلایا بیلیر؟» 8عیسا ائله او موقع، اؤز روحوندا آنگلادی کی اوللار اؤز اؤره‌ک‌لَرینده نه فکر ائدیرلَر. اوللارا دئدی: «نه ایچی اؤره‌کینزده بئله فکرلَر ائدیرَینز؟ 9بو فَلج آداما، هانی بیرسی‌نینگ دئمَکی آسانتر دیر؟ ”سَنینگ گُناه‌لارینگ باغیشلاندی“ دئمک یا ”تور آیاقی، تَک و تولینگی ییغ و یول گئد“ دئمک؟ 10آما بونونگ ایچی کی بیلَینز، انسان اوغلو، یئر اوستونده اِقتدار واری تا گُناه‌لاری باغیشلایا» - او فَلجه دئدی: 11«سَنه دئییرم، تور آیاقی، تَک و تولینگی ییغ و ائوینگه گئد.» 12او فَلج توردو آیاقی و فوری یئرینی گؤتوردو و واری کَسینگ گؤزو دَمینده چیخدی یازّیا. بوتون اؤرداکی آداملار تَعجّب ائدیلَر و تارئ‌یی حَمد و ثنا ائده-ائده دئدیلَر: «بیز هئچ‌وخت بیر بئله‌یین زاد گؤرمه‌میشدیک.»
عیسا لاوییی دَعوت ائدیر
13عیسا گئنه گئتدی دریاچه قیراقینا. واری جمعیت اؤنونگ یانینا گلیرلَردی و او بئللرینه تَعلیم وئریردی. 14اوندا کی اؤردان گچیردی، حَلْفای اوغلو، باج ییغَن لاوییی گؤردو کی باج‌خانه دا اوتورموشدو. عیسا اؤنا دئدی: «مَنیم آردیم سورا گَل.» او دا توردو آیاقی و عیسانینگ آردی سورا یولا دؤشدو. 15اوندا کی عیسا لاوی ائوینده سُفره قیراقیندا اوتورموشدو، چوخ آدام باج ییغَن‌لَردن و گُناه‌کارلاردان کی عیسایا ایمان گتیرمیشلَردی، عیسا و شاگردلَری اینن سُفره قیراقیندا اوتورموشلاردی. 16اوندا کی تورات معلّم‌لَری کی فَریسی فِرقه‌سیندن ایدیلَر گؤردولَر کی عیسا گُناه‌کارلار و باج ییغَن‌لَر اینن خورَکی یئییر، شاگردلَرینه دئدیلَر: «نه ایچی عیسا باج ییغَن‌لَر و گُناه‌کارلار اینان خورَکی یئییر؟» 17عیسا بو گپی ائشیدَنده اوللارا دئدی: «ساغ آداملار طَبیبه احتیاج یوخلاری، مَریض آداملار دیرلار کی طَبیبه مُحتاج دیرلار. من گلمه‌میشم کی صالح آداملاری چاغیرام، گلمیشَم کی گُناهکارلاری چاغیرام.»
سؤال اوروج باره‌سینده
18بیر گؤن کی یحیا شاگردلَری و فَریسی‌لَر اوروج ایدیلار، بیر پارا آدام عیسا یانینا گلدیلر و دئدیلر: «نه ایچی یحیا شاگردلَری و فَریسی‌لَر شاگردلَری اوروج توتیرلار، آما سنینگ شاگردلَرینگ اوروج توتمئیرلار؟» 19عیسا او آداملارا دئدی: «بئیه اولور کی تؤی قوناق‌لاری، اوندا کی کوره‌کَن بئللَری اینن دیر اوروج توتالّار؟ اَلبَت کی اوللار اوندایانچاز کی کوره‌کن بئللری اینان دیر، اوروج توتا بیلمئیرلَر. 20بیر گؤنلَر گلَر کی، کوره‌کَن اوللارینگ اَلیندَن آلینار، او گؤنده، اوللار دا اوروج توتارلار. 21هئچ کَس بیر تیکه، بیر تازّا و سویا گئدمه‌میش پارچادان، بیر کؤهنه رَخته یاماق وورماز. اگر بئله ائده یاماق اوندان قازیلار، تازّا پارچا کؤهنه رَختدَن قازیلار و ییرتیق بدتَر اولور. 22هئچ کَس ده تازّا شرابی کؤهنه مَشک‌لَره تؤکمز. بئله ائدسه شراب مَشک‌لَری ییرتَر. هم شراب آرادان گئده‌ر هم ده مَشک‌لَر. بلکی تازّا شراب تازّا مَشک‌لَره تؤکوله‌سی.»
عیسا، مُقدّس شنبه گؤنونگ اَیه‌سی دیر
23بیر مُقدّس شنبه گؤنونده، عیسا اَکین‌لَر ایچیندن گچیردی. ائله بئله کی گئدیرلَردی شاگردلَری بوغدا خوشالاری‌نینگ باشینی قوپارتماگا باشلادیلار. 24فَریسی‌لَر فِرقه‌سی‌نینگ عالِم‌لَری عیسایا دئدیلَر: «باخ، نه ایچی سَنینگ شاگردلَرینگ او ایشی کی گؤرمَکی مُقدّس شنبه گؤنونده جایز ده‌ییل، گؤرورلَر؟» 25عیسا اوللار دئدی: «بئیه هئچ‌وخت اوخومامیشاینز کی داوود پادشاه، اوندا کی اؤزو و اوللار کی بئلَسی اینن ایدیلَر، هئچ‌نه یوخلاریدی یئیَلَّر و آج ایدیلار، نیجه ائدّی؟ 26او، ائنگ بویوک کاهِن، اَبیّاتار زامانیندا، تارئ ائوی ایچینه گئتدی و مُقدّس چؤره‌کی یئدی و یانینداکی‌لارا دا وئردی، او چؤره‌کی کی یئمَکی هئچ‌کَسه جایز ده‌ییلدی، به‌غیری کاهِن‌لَره کی مَعبدینگ عالِم‌لَری ایدیلَر.» 27و عیسا بئللَرینه دئدی: «مُقدّس شنبه گؤنو انسان ایچی دؤزه‌لمیش، نه انسان مُقدّس شنبه گؤنو ایچی. 28پس، انسان اوغلو حتّی مُقدّس شنبه گؤنونونگ ده اَیه‌سی دیر.»
Currently Selected:
مَرقُس 2: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 2
2
عیسا بیر فَلج کیشی‌‌یی شفا وئریر
1نئچه گؤندَن سورا، عیسا کَفَرناحوم شَهرینه دؤندو و خَبر گلدی کی عیسا ائوده دیر. 2چوخ آدام ییغیلدیلَر اؤرا، ائله کی قاپیدا ده یئر قالمادی. ائله بو موقعده کی عیسا تارئ کلامیندان اوللار ایچی دانیشیردی، 3نئچه نفر گلدیلَر کی بیر فَلج آدامی یئری ایچینده دؤرد یانلی اؤنونگ یانینا گتیر‌یرلَردی. 4آما جمعیتینگ چوخلیگی سَبرسینه عیسایا یاخین اولا بیلمه‌دیلَر. پس چیخدیلَر پُشت‌بام اوستونه و عیسانینگ باشی ایجینده‌کی سَقفی گؤتوردولَر و سَقفی آچاندا، او فَلجی ائله ایچینه یاتدیگی یئری اینَن آشاغی سالّادیلار. 5عیسا اوللارینگ ایمانینی گؤرَنده، او فَلجه دئدی: «اوغول، گُناه‌لارینگ باغیشلاندی.» 6بیر پارا تورات معلّم‌لَریندن کی اؤردا ایچری‌ده اوتورموشلاردی، اؤز اؤره‌ک‌لَرینده دئییرلَردی: 7«بو کیشی نه ایچی بئله‌یین دانیشیر؟ او کُفر دئییر! تارئ‌دان آیری کیم گُناه‌لاری باغیشلایا بیلیر؟» 8عیسا ائله او موقع، اؤز روحوندا آنگلادی کی اوللار اؤز اؤره‌ک‌لَرینده نه فکر ائدیرلَر. اوللارا دئدی: «نه ایچی اؤره‌کینزده بئله فکرلَر ائدیرَینز؟ 9بو فَلج آداما، هانی بیرسی‌نینگ دئمَکی آسانتر دیر؟ ”سَنینگ گُناه‌لارینگ باغیشلاندی“ دئمک یا ”تور آیاقی، تَک و تولینگی ییغ و یول گئد“ دئمک؟ 10آما بونونگ ایچی کی بیلَینز، انسان اوغلو، یئر اوستونده اِقتدار واری تا گُناه‌لاری باغیشلایا» - او فَلجه دئدی: 11«سَنه دئییرم، تور آیاقی، تَک و تولینگی ییغ و ائوینگه گئد.» 12او فَلج توردو آیاقی و فوری یئرینی گؤتوردو و واری کَسینگ گؤزو دَمینده چیخدی یازّیا. بوتون اؤرداکی آداملار تَعجّب ائدیلَر و تارئ‌یی حَمد و ثنا ائده-ائده دئدیلَر: «بیز هئچ‌وخت بیر بئله‌یین زاد گؤرمه‌میشدیک.»
عیسا لاوییی دَعوت ائدیر
13عیسا گئنه گئتدی دریاچه قیراقینا. واری جمعیت اؤنونگ یانینا گلیرلَردی و او بئللرینه تَعلیم وئریردی. 14اوندا کی اؤردان گچیردی، حَلْفای اوغلو، باج ییغَن لاوییی گؤردو کی باج‌خانه دا اوتورموشدو. عیسا اؤنا دئدی: «مَنیم آردیم سورا گَل.» او دا توردو آیاقی و عیسانینگ آردی سورا یولا دؤشدو. 15اوندا کی عیسا لاوی ائوینده سُفره قیراقیندا اوتورموشدو، چوخ آدام باج ییغَن‌لَردن و گُناه‌کارلاردان کی عیسایا ایمان گتیرمیشلَردی، عیسا و شاگردلَری اینن سُفره قیراقیندا اوتورموشلاردی. 16اوندا کی تورات معلّم‌لَری کی فَریسی فِرقه‌سیندن ایدیلَر گؤردولَر کی عیسا گُناه‌کارلار و باج ییغَن‌لَر اینن خورَکی یئییر، شاگردلَرینه دئدیلَر: «نه ایچی عیسا باج ییغَن‌لَر و گُناه‌کارلار اینان خورَکی یئییر؟» 17عیسا بو گپی ائشیدَنده اوللارا دئدی: «ساغ آداملار طَبیبه احتیاج یوخلاری، مَریض آداملار دیرلار کی طَبیبه مُحتاج دیرلار. من گلمه‌میشم کی صالح آداملاری چاغیرام، گلمیشَم کی گُناهکارلاری چاغیرام.»
سؤال اوروج باره‌سینده
18بیر گؤن کی یحیا شاگردلَری و فَریسی‌لَر اوروج ایدیلار، بیر پارا آدام عیسا یانینا گلدیلر و دئدیلر: «نه ایچی یحیا شاگردلَری و فَریسی‌لَر شاگردلَری اوروج توتیرلار، آما سنینگ شاگردلَرینگ اوروج توتمئیرلار؟» 19عیسا او آداملارا دئدی: «بئیه اولور کی تؤی قوناق‌لاری، اوندا کی کوره‌کَن بئللَری اینن دیر اوروج توتالّار؟ اَلبَت کی اوللار اوندایانچاز کی کوره‌کن بئللری اینان دیر، اوروج توتا بیلمئیرلَر. 20بیر گؤنلَر گلَر کی، کوره‌کَن اوللارینگ اَلیندَن آلینار، او گؤنده، اوللار دا اوروج توتارلار. 21هئچ کَس بیر تیکه، بیر تازّا و سویا گئدمه‌میش پارچادان، بیر کؤهنه رَخته یاماق وورماز. اگر بئله ائده یاماق اوندان قازیلار، تازّا پارچا کؤهنه رَختدَن قازیلار و ییرتیق بدتَر اولور. 22هئچ کَس ده تازّا شرابی کؤهنه مَشک‌لَره تؤکمز. بئله ائدسه شراب مَشک‌لَری ییرتَر. هم شراب آرادان گئده‌ر هم ده مَشک‌لَر. بلکی تازّا شراب تازّا مَشک‌لَره تؤکوله‌سی.»
عیسا، مُقدّس شنبه گؤنونگ اَیه‌سی دیر
23بیر مُقدّس شنبه گؤنونده، عیسا اَکین‌لَر ایچیندن گچیردی. ائله بئله کی گئدیرلَردی شاگردلَری بوغدا خوشالاری‌نینگ باشینی قوپارتماگا باشلادیلار. 24فَریسی‌لَر فِرقه‌سی‌نینگ عالِم‌لَری عیسایا دئدیلَر: «باخ، نه ایچی سَنینگ شاگردلَرینگ او ایشی کی گؤرمَکی مُقدّس شنبه گؤنونده جایز ده‌ییل، گؤرورلَر؟» 25عیسا اوللار دئدی: «بئیه هئچ‌وخت اوخومامیشاینز کی داوود پادشاه، اوندا کی اؤزو و اوللار کی بئلَسی اینن ایدیلَر، هئچ‌نه یوخلاریدی یئیَلَّر و آج ایدیلار، نیجه ائدّی؟ 26او، ائنگ بویوک کاهِن، اَبیّاتار زامانیندا، تارئ ائوی ایچینه گئتدی و مُقدّس چؤره‌کی یئدی و یانینداکی‌لارا دا وئردی، او چؤره‌کی کی یئمَکی هئچ‌کَسه جایز ده‌ییلدی، به‌غیری کاهِن‌لَره کی مَعبدینگ عالِم‌لَری ایدیلَر.» 27و عیسا بئللَرینه دئدی: «مُقدّس شنبه گؤنو انسان ایچی دؤزه‌لمیش، نه انسان مُقدّس شنبه گؤنو ایچی. 28پس، انسان اوغلو حتّی مُقدّس شنبه گؤنونونگ ده اَیه‌سی دیر.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company