مَرقُس 1
1
تَعمید وئرَن یحیا یول آچیر
1بو خوش خَبر، تارئ اوغلو، عیسا مَسیح‌نینگ باره‌سینده دیر. 2بو خبر، ائله اوله‌یین کی اِشعیای پیغمبر کتابیندا یازیلمیش، باشلانیر، کی دئییر:
«سَندن ایلَری اؤز ائلچیمی یولا سالیرام.
او سَنینگ یولونگو، آماده ائده‌ر.
3بیر آدام بیاباندا جار چَکیر کی:
”رَبّینگ یولونو آماده ائدینز،
اؤنونگ یول‌لارینی دؤز ائدینز.“»
4بئله تَعمید وئرَن یحیا گلدی و بیاباندا خَلخی تَعمید وئریردی. یحیا خَلخه تَعلیم وئریردی و دئییردی: «گُناه‌لارینزینگ باغیشلانماکی ایچی توبه ائدینز و تَعمید غُسلی توتینز.» 5یهودیه ولایتی‌نینگ آداملاری و اورشلیم شَهری‌نینگ خلخی واری، یحیا یانینا گئدیرلَردی. اوللار اؤز گُناه‌لارینا اِعتراف ائدیرلَردی و اوردون چئیینده یحیا اَلیندن تَعمید غُسلی توتیرلاردی.
6یحیا دؤوه اینگیندن رَخت گئیَردی و بئلی‌باغیسی درّی‌دَن ایدی و مَلَخ و داغ بالی یئییردی. 7او، خلخه تَعلیم وئریردی و دئییردی: «مندن سورا، بیری گلیر کی مندن قُوّتلی‌تر دیر. من حتّی لایق ده‌ییلَم کی اَگیلَم و اؤنونگ آیاق‌قابیسی‌نینگ باغینی دا آچام. 8من سیزی سو اینان تَعمید غُسلی وئرمیشَم، آما او سیزی تارئ‌نینگ قُدّوس روحو اینان تَعمید وئره‌ر.»
عیسانینگ تَعمید غُسلی توتماکی
9او گؤن‌لَرده، عیسا، ناصِره شَهریندَن کی جَلیل ولایتینده ایدی گلدی و اوردون چئیینده یحیا اَلیندن تَعمید غُسلی توتدو. 10عیسا سودان چیخَنده فوری گؤردو کی گؤی‌لَر آچیلدی و تارئ روحو بیر گؤی‌اَرچین له‌یین اؤنونگ اوستونه قوندو 11و گؤیدَن بیر سَس گلدی کی: «سَن مَنیم عَزیز اوغلومانگ؛ سَندن چوخ راضی‌یام.»
شیطان، عیسایی اِمتحان ائدیر
12تارئ روحو فوری عیسایی بیابانا آپاردی. 13عیسا قیرخ گؤن بیاباندا ایدی و شیطان بئلَسینی اِمتحان ائدیردی. عیسا، وحشی حیوان‌لار اینان ائدی و فرشته‌لَر بئلَسینه خدمت ائدیرلَردی.
عیسا اؤز خدمتینی باشلاییر
14یحیا توتولماگیندان سورا، عیسا جَلیل ولایتینه گئتدی و تارئ یوللادیگی خوش خَبری اعلام ائدیردی. 15عیسا دئییردی: «داها وختی ائتیشمیش، تارئ پادشاه‌لیگی یاخین دیر؛ توبه ائدینز و بو خوش خَبره ایمان گتیرینز.»
عیسانینگ اَوّلکی شاگردلَری
16اوندا کی عیسا جَلیل دریاچه‌سی‌نینگ قیراقیندان گچیردی، شَمعون و شَمعونینگ کاکاسی آندریاسی گؤردو کی سویا تور آتیرلاردی، چونکی اوللار بالیق توتان ایدیلار. 17عیسا اوللارا دئدی: «منیم قولونجومدان گلینز و من سیزی آداملار صَیّادی ائده‌رَم.» 18اوللار فوری تورلارینی ویل ائدیلَر و عیسا قولونجوندان گئدیلَر. 19اؤردان بیر آز ایلری‌تر، عیسا، ایکّی کاکایی گؤردو، کی آدلاری یَعقوب و یوحَنّا ایدی و زِبِدی اوغول‌لاری ایدیلر. اوللار اؤز قایق‌لَری ایچینده ایدیلار و تورلارینی دؤزه‌تیرلَردی. 20عیسا فوری اوللاری چاغیردی تا قولونجوندان گئدَلَّر. اوللار دا بووآلاری زِبِدی‌یی و کارگرلَری قایقده ویل ائدیلَر و عیسا قولونجوندان گئدیلَر.
عیسا، بیر شیطانلی روحا گرفتار اولان کیشی‌یی شفا وئریر
21عیسا اینان او کیشی‌لَر کَفَرناحوم شَهرینه گئتدیلَر. یهودی‌لارینگ مُقدّس شنبه گؤنو ائتیشنده، عیسا یهودی‌لارینگ عبادتگاهینا گئتدی و تَعلیم وئریردی. 22جماعت اؤنونگ تَعلیم‌لَریندن مات قالمیشلاردی. چونکی عیسا، اِقتدار اینان اوللارا تَعلیم وئریردی، نه تورات معلّم‌لَری له‌یین. 23ائله او موقع، اوللارینگ عبادتگاهیندا بیر کیشی وار ایدی کی شَریر روحا گرفتار ایدی. او آدام بَغیره-بَغیره دئدی: 24«ای ناصِره‌لی عیسا، بیزیم اینَن نه ایشینگ وار؟ گلمیشَینگ بیزی هلاک ائدَینگ؟ بیلیرَم سَن کیمَینگ، سَن، تارئ‌نینگ قُدّوسی‌ینگ.» 25عیسا اؤنا تَشَر ووردو و دئدی: «بی‌سَس اول و بو آدامدان یازّیا چیخ!» 26اوندا او شَریر روح او آدامی سَخت سیلکه‌له‌دی و اوجا سَس‌اینن بَغیره-بَغیره او کیشیدن یازّیا چیخدی. 27واری‌کَس حیران قالمیشلاردی و بیر بیردن خبر آلیرلاردی کی: «بو نه رَقم تَعلیم دیر؟ بیر تازّا و اِقتدارلی تَعلیم! او حتّی شَریر روح‌لارا فرمان وئریر، اوللار دا بئلسیندَن اطاعت ائدیرلَر.» 28چوخ وخت گچمه‌میشدی کی عیسانینگ آد و سانی، جَلیل ولایتی‌نینگ واری یئرینده داغیلدی.
عیسا چوخ آداملاری شفا وئریر
29عیسا عبادتگاه‌دان چیخدیگی‌اینن، یَعقوب و یوحَنّا اینان، شَمعون و آندریاس ائوینه گلدی. 30شَمعون آروادی‌نینگ آناسی ایسیتمه واریدی و دؤشولو ایدی. اوللار فوری عیسایا دئدیلَر کی او مَریض دیر. 31عیسا او آروادینگ یانینا گلدی و اَلیندَن توتدو و بئلَسینی اوخاری ائدی. آروادینگ ایسیتمه‌سی کَسیلدی و اوللاردان پذیرالیگ ائدی.
32آغشام چاغی، گؤن باتاندا، خلخ واری مَریض آداملاری و اوللاری کی شیطانلی روح‌لارا گرفتار ایدیلَر عیسا یانینا گتیردیلَر. 33شَهرینگ بوتون خلخی بئلینه قاپیدا ییغیلمیشلَردی! 34عیسا چوخ آداملاری کی رَقم به رَقم مَریض‌لیگ‌لَره دچار ایدیلار شفا وئردی و چوخ شیطانلی روح‌لاری دا آداملاردان یازّیا چاخارتدی. آما عیسا شیطانلی روح‌لارا اجازه وئرمه‌دی کی دانیشالّار بو سَبریه کی اوللار بیلیرلَردی کی عیسا کیم دیر.
عیسا جَلیل ولایتینده تَعلیم وئریر
35سَحر گئجه‌دَن عیسا توردو آیاقی و ائودَن چیخدی. او بیر بیابان یئره گئتدی و اؤردا دُعا ائدی. 36شَمعون و یانینداکی‌لار عیسا قولونجونا گزدیلَر. 37اوللار عیسایی بولاندا، بئلَسینه دئدیلر: «واری کَس سَنی گزیر!» 38عیسا اوللارا دئدی: «گلینز تا بو دئییر و بَرده‌کی کَندلَره گئدَک تا اؤرالاردا دا تَعلیم وئرَم. بو سَبریه کی من ائله بونونگ ایچی گلمیشَم.» 39بئله، عیسا جَلیل ولایتی‌نینگ واری یئرینه گئتدی و یهودی‌لارینگ عبادتگاه‌لاریندا خلخه تَعلیم وئریردی و شیطانلی روح‌لاری آداملاردان یازّیا چیخارتیردی.
عیسا بیر جُذاملی کیشی‌یی شفا وئریر
40بیر جُذاملی آدام گلدی عیسا یانینا. دیز ووردو و یالوارا-یالوارا عیسایا دئدی: «اگر سئیَنگ، منی شفا وئره بیلَرَینگ.» 41عیسا اؤره‌کی او آداما یاندی، اؤز اَلینی اوزاتدی و قؤیدو او آدام اوستونه و بئلَسینه دئدی: «سئیرَم؛ شفا توت.» 42ائله او آن، او آدام جُذام مَرضیندن خوب اولدو و شفا توتدو. 43-44عیسا او آدامی یوللادی و بئلَسینه قَدغَن ائدی و دئدی: «گؤزله کی هئچ‌کَسه هئچ‌نه دئمیه‌‌ینگ، آما فوری گئد و اؤزونگو کاهِنا کی مَعبدینگ عالِمی دیر گؤرسَد و شفا توتدیگینگ خاطرینه موسای پیغمبر فرمان وئردیگی قُربانلوق‌لاری تقدیم ائد، تا اوللارا، بیر گواهلیگ اولا.» 45آما او آدام گئتدی و بو ایشینگ باره‌سینده واری یئرده دانیشدی و خَبرینی داغیتدی. بو سَبریه ده عیسا داها آله‌یینده شَهره گئده بیلمه‌دی، بلکی شَهردن یازّیا، خلوت یئرلَرده قالیردی. آما با بو حال، خلخ هر یئردَن اؤنونگ یانینا گلیرلَردی.
Currently Selected:
مَرقُس 1: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 1
1
تَعمید وئرَن یحیا یول آچیر
1بو خوش خَبر، تارئ اوغلو، عیسا مَسیح‌نینگ باره‌سینده دیر. 2بو خبر، ائله اوله‌یین کی اِشعیای پیغمبر کتابیندا یازیلمیش، باشلانیر، کی دئییر:
«سَندن ایلَری اؤز ائلچیمی یولا سالیرام.
او سَنینگ یولونگو، آماده ائده‌ر.
3بیر آدام بیاباندا جار چَکیر کی:
”رَبّینگ یولونو آماده ائدینز،
اؤنونگ یول‌لارینی دؤز ائدینز.“»
4بئله تَعمید وئرَن یحیا گلدی و بیاباندا خَلخی تَعمید وئریردی. یحیا خَلخه تَعلیم وئریردی و دئییردی: «گُناه‌لارینزینگ باغیشلانماکی ایچی توبه ائدینز و تَعمید غُسلی توتینز.» 5یهودیه ولایتی‌نینگ آداملاری و اورشلیم شَهری‌نینگ خلخی واری، یحیا یانینا گئدیرلَردی. اوللار اؤز گُناه‌لارینا اِعتراف ائدیرلَردی و اوردون چئیینده یحیا اَلیندن تَعمید غُسلی توتیرلاردی.
6یحیا دؤوه اینگیندن رَخت گئیَردی و بئلی‌باغیسی درّی‌دَن ایدی و مَلَخ و داغ بالی یئییردی. 7او، خلخه تَعلیم وئریردی و دئییردی: «مندن سورا، بیری گلیر کی مندن قُوّتلی‌تر دیر. من حتّی لایق ده‌ییلَم کی اَگیلَم و اؤنونگ آیاق‌قابیسی‌نینگ باغینی دا آچام. 8من سیزی سو اینان تَعمید غُسلی وئرمیشَم، آما او سیزی تارئ‌نینگ قُدّوس روحو اینان تَعمید وئره‌ر.»
عیسانینگ تَعمید غُسلی توتماکی
9او گؤن‌لَرده، عیسا، ناصِره شَهریندَن کی جَلیل ولایتینده ایدی گلدی و اوردون چئیینده یحیا اَلیندن تَعمید غُسلی توتدو. 10عیسا سودان چیخَنده فوری گؤردو کی گؤی‌لَر آچیلدی و تارئ روحو بیر گؤی‌اَرچین له‌یین اؤنونگ اوستونه قوندو 11و گؤیدَن بیر سَس گلدی کی: «سَن مَنیم عَزیز اوغلومانگ؛ سَندن چوخ راضی‌یام.»
شیطان، عیسایی اِمتحان ائدیر
12تارئ روحو فوری عیسایی بیابانا آپاردی. 13عیسا قیرخ گؤن بیاباندا ایدی و شیطان بئلَسینی اِمتحان ائدیردی. عیسا، وحشی حیوان‌لار اینان ائدی و فرشته‌لَر بئلَسینه خدمت ائدیرلَردی.
عیسا اؤز خدمتینی باشلاییر
14یحیا توتولماگیندان سورا، عیسا جَلیل ولایتینه گئتدی و تارئ یوللادیگی خوش خَبری اعلام ائدیردی. 15عیسا دئییردی: «داها وختی ائتیشمیش، تارئ پادشاه‌لیگی یاخین دیر؛ توبه ائدینز و بو خوش خَبره ایمان گتیرینز.»
عیسانینگ اَوّلکی شاگردلَری
16اوندا کی عیسا جَلیل دریاچه‌سی‌نینگ قیراقیندان گچیردی، شَمعون و شَمعونینگ کاکاسی آندریاسی گؤردو کی سویا تور آتیرلاردی، چونکی اوللار بالیق توتان ایدیلار. 17عیسا اوللارا دئدی: «منیم قولونجومدان گلینز و من سیزی آداملار صَیّادی ائده‌رَم.» 18اوللار فوری تورلارینی ویل ائدیلَر و عیسا قولونجوندان گئدیلَر. 19اؤردان بیر آز ایلری‌تر، عیسا، ایکّی کاکایی گؤردو، کی آدلاری یَعقوب و یوحَنّا ایدی و زِبِدی اوغول‌لاری ایدیلر. اوللار اؤز قایق‌لَری ایچینده ایدیلار و تورلارینی دؤزه‌تیرلَردی. 20عیسا فوری اوللاری چاغیردی تا قولونجوندان گئدَلَّر. اوللار دا بووآلاری زِبِدی‌یی و کارگرلَری قایقده ویل ائدیلَر و عیسا قولونجوندان گئدیلَر.
عیسا، بیر شیطانلی روحا گرفتار اولان کیشی‌یی شفا وئریر
21عیسا اینان او کیشی‌لَر کَفَرناحوم شَهرینه گئتدیلَر. یهودی‌لارینگ مُقدّس شنبه گؤنو ائتیشنده، عیسا یهودی‌لارینگ عبادتگاهینا گئتدی و تَعلیم وئریردی. 22جماعت اؤنونگ تَعلیم‌لَریندن مات قالمیشلاردی. چونکی عیسا، اِقتدار اینان اوللارا تَعلیم وئریردی، نه تورات معلّم‌لَری له‌یین. 23ائله او موقع، اوللارینگ عبادتگاهیندا بیر کیشی وار ایدی کی شَریر روحا گرفتار ایدی. او آدام بَغیره-بَغیره دئدی: 24«ای ناصِره‌لی عیسا، بیزیم اینَن نه ایشینگ وار؟ گلمیشَینگ بیزی هلاک ائدَینگ؟ بیلیرَم سَن کیمَینگ، سَن، تارئ‌نینگ قُدّوسی‌ینگ.» 25عیسا اؤنا تَشَر ووردو و دئدی: «بی‌سَس اول و بو آدامدان یازّیا چیخ!» 26اوندا او شَریر روح او آدامی سَخت سیلکه‌له‌دی و اوجا سَس‌اینن بَغیره-بَغیره او کیشیدن یازّیا چیخدی. 27واری‌کَس حیران قالمیشلاردی و بیر بیردن خبر آلیرلاردی کی: «بو نه رَقم تَعلیم دیر؟ بیر تازّا و اِقتدارلی تَعلیم! او حتّی شَریر روح‌لارا فرمان وئریر، اوللار دا بئلسیندَن اطاعت ائدیرلَر.» 28چوخ وخت گچمه‌میشدی کی عیسانینگ آد و سانی، جَلیل ولایتی‌نینگ واری یئرینده داغیلدی.
عیسا چوخ آداملاری شفا وئریر
29عیسا عبادتگاه‌دان چیخدیگی‌اینن، یَعقوب و یوحَنّا اینان، شَمعون و آندریاس ائوینه گلدی. 30شَمعون آروادی‌نینگ آناسی ایسیتمه واریدی و دؤشولو ایدی. اوللار فوری عیسایا دئدیلَر کی او مَریض دیر. 31عیسا او آروادینگ یانینا گلدی و اَلیندَن توتدو و بئلَسینی اوخاری ائدی. آروادینگ ایسیتمه‌سی کَسیلدی و اوللاردان پذیرالیگ ائدی.
32آغشام چاغی، گؤن باتاندا، خلخ واری مَریض آداملاری و اوللاری کی شیطانلی روح‌لارا گرفتار ایدیلَر عیسا یانینا گتیردیلَر. 33شَهرینگ بوتون خلخی بئلینه قاپیدا ییغیلمیشلَردی! 34عیسا چوخ آداملاری کی رَقم به رَقم مَریض‌لیگ‌لَره دچار ایدیلار شفا وئردی و چوخ شیطانلی روح‌لاری دا آداملاردان یازّیا چاخارتدی. آما عیسا شیطانلی روح‌لارا اجازه وئرمه‌دی کی دانیشالّار بو سَبریه کی اوللار بیلیرلَردی کی عیسا کیم دیر.
عیسا جَلیل ولایتینده تَعلیم وئریر
35سَحر گئجه‌دَن عیسا توردو آیاقی و ائودَن چیخدی. او بیر بیابان یئره گئتدی و اؤردا دُعا ائدی. 36شَمعون و یانینداکی‌لار عیسا قولونجونا گزدیلَر. 37اوللار عیسایی بولاندا، بئلَسینه دئدیلر: «واری کَس سَنی گزیر!» 38عیسا اوللارا دئدی: «گلینز تا بو دئییر و بَرده‌کی کَندلَره گئدَک تا اؤرالاردا دا تَعلیم وئرَم. بو سَبریه کی من ائله بونونگ ایچی گلمیشَم.» 39بئله، عیسا جَلیل ولایتی‌نینگ واری یئرینه گئتدی و یهودی‌لارینگ عبادتگاه‌لاریندا خلخه تَعلیم وئریردی و شیطانلی روح‌لاری آداملاردان یازّیا چیخارتیردی.
عیسا بیر جُذاملی کیشی‌یی شفا وئریر
40بیر جُذاملی آدام گلدی عیسا یانینا. دیز ووردو و یالوارا-یالوارا عیسایا دئدی: «اگر سئیَنگ، منی شفا وئره بیلَرَینگ.» 41عیسا اؤره‌کی او آداما یاندی، اؤز اَلینی اوزاتدی و قؤیدو او آدام اوستونه و بئلَسینه دئدی: «سئیرَم؛ شفا توت.» 42ائله او آن، او آدام جُذام مَرضیندن خوب اولدو و شفا توتدو. 43-44عیسا او آدامی یوللادی و بئلَسینه قَدغَن ائدی و دئدی: «گؤزله کی هئچ‌کَسه هئچ‌نه دئمیه‌‌ینگ، آما فوری گئد و اؤزونگو کاهِنا کی مَعبدینگ عالِمی دیر گؤرسَد و شفا توتدیگینگ خاطرینه موسای پیغمبر فرمان وئردیگی قُربانلوق‌لاری تقدیم ائد، تا اوللارا، بیر گواهلیگ اولا.» 45آما او آدام گئتدی و بو ایشینگ باره‌سینده واری یئرده دانیشدی و خَبرینی داغیتدی. بو سَبریه ده عیسا داها آله‌یینده شَهره گئده بیلمه‌دی، بلکی شَهردن یازّیا، خلوت یئرلَرده قالیردی. آما با بو حال، خلخ هر یئردَن اؤنونگ یانینا گلیرلَردی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company