مَتّی 28
28
عیسانینگ دئرّیلمَکی
1یهودی‌لارینگ مُقدّس شنبه گؤنوندَن بیر گؤن سورا کی هفته‌نینگ اَوّلکی گؤنو ایدی، یئر آچیلاندا، مَجدللی مریم و او بیر مریم گئتدیلَر تا مَقبره‌یی گؤرَلَّر. 2بیردَن بیر بویوک زلزله گلدی، چونکی رَبّینگ بیر فرشته‌سی گؤیدَن آشاغی گلدی، مَقبره آغیزی دَمینده‌کی داشی ایته‌له‌دی قیراقا و اوستونه اوتوردو. 3او فرشته‌نینگ ظاهری ایلدیریم له‌یین ایشّیله‌ییردی و رَختی قار له‌یین آغ ایدی. 4ناتّورلار اؤنونگ قورخوسوندان، تیترَمگه دؤشدولار و بیر اؤلو آدام گؤنونا دؤشدولار. 5او فرشته آروادلارا دئدی: «قورخماینز، چونکی بیلیرَم کی سیز صَلیبه چَکیلَن عیسا قولونجونا گزیرَینز. 6او بوردا ده‌ییل، بو سَبریه کی ائله اوله‌یین کی دئدی، دئرّیلمیش. گَلینز، اؤنو قؤیدوگو یئری گؤرونز. 7اوندان سورا تئز گئدینز و اؤنونگ شاگردلَرینه دئیینز کی او، اؤلومدَن دئرّیلمیش و سیزدَن ایلَری جَلیل ولایتینه گئدیر و سیز اؤردا اؤنو گؤره‌رَینز. باخینز، سیزه دئمیشَم.» 8پس آروادلار قورخو-قورخو و بیر بویوک شادلیگ اینَن فوری مَقبره‌دَن گئتدیلَر و قاچدیلار تا عیسا شاگردلَرینه خبر وئرَلَّر. 9بیردن اوللار عیسا اینان قَرشیلَشدیلَر. عیسا اوللارا دئدی: «سلام!» آروادلار ایلَری گلدیلَر، عیسا قیچینه دؤشدولار و اؤنو پَرست ائدیلَر. 10اوندا عیسا اوللارا دئدی: «قورخماینز! گئدینز و منیم کاکالاریما دئیینز کی جَلیل ولایتینه گئدَلَّر. اؤردا منی گؤرَرلَر.»
ناتّورلار وئرَن خبر
11آروادلار یولدا گئدَنده، ناتّورلارینگ بیر پاراسی شَهره گئتدیلَر و دؤشَن تَفاقلارینگ واریسینی، باش کاهِن‌لَره کی مَعبد عالِم‌لَری ایدیلَر، دئدیلَر. 12اوللار شیخلَر اینَن ییغیلَندَن و شوهْر ائدَندَن سورا، سربازلارا چوخ پیل وئردیلَر 13و دئدیلَر: «خَلخه دئیینز کی اؤنونگ شاگردلَری گئجه گلدیلَر و اوندا کی بیز اوخودا ایدیک، اؤنونگ جنازه‌سینی اوغورلادیلار. 14اگر بو گپ والی قولاقونا ائتیشه، بیزیم اؤزوموز اؤنو راضی ائده‌رَک و قؤیماک کی سیز دردسره دؤشَینز.» 15اوللار دا پیلی آلدیلار و ائله او طور کی اوللارا دئییلمیش ایدی، ائدیلَر. بو حکایت ایندی‌یانچاز یهودی‌لار آراسیندا داغیلمیش.
بویوک مأموریت
16عیسانینگ اون بیر شاگردی جَلیل ولایتینه، او داغا کی عیسا اوللارا دئمیشدی، گئتدیلَر. 17اوللار عیسایی گؤرَنده، اؤنو پَرست ائدیلَر؛ آما اوللارینگ بیر پاراسی شَک ائدیلَر. 18عیسا یاخین اولدو و اوللارا دئدی: «بوتون قُدرت یئرده و گؤیده منه وئریلمیش. 19پس گئدینز و بوتون ملّت‌لَری شاگرد ائدینز و اوللاری بووآ، اوغول و قُدّوس روح آدیندا تَعمید غُسلی وئرینز، 20و اوللارا اؤرگدینز کی واری او زادلاری کی سیزه فرمان وئرمیشَم، یئرینه ائتیردَلَّر. باخینز، من دنیانینگ آخیری‌نانچاز، هَر گؤن سیزینگ اینَنَم.»
Currently Selected:
مَتّی 28: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 28
28
عیسانینگ دئرّیلمَکی
1یهودی‌لارینگ مُقدّس شنبه گؤنوندَن بیر گؤن سورا کی هفته‌نینگ اَوّلکی گؤنو ایدی، یئر آچیلاندا، مَجدللی مریم و او بیر مریم گئتدیلَر تا مَقبره‌یی گؤرَلَّر. 2بیردَن بیر بویوک زلزله گلدی، چونکی رَبّینگ بیر فرشته‌سی گؤیدَن آشاغی گلدی، مَقبره آغیزی دَمینده‌کی داشی ایته‌له‌دی قیراقا و اوستونه اوتوردو. 3او فرشته‌نینگ ظاهری ایلدیریم له‌یین ایشّیله‌ییردی و رَختی قار له‌یین آغ ایدی. 4ناتّورلار اؤنونگ قورخوسوندان، تیترَمگه دؤشدولار و بیر اؤلو آدام گؤنونا دؤشدولار. 5او فرشته آروادلارا دئدی: «قورخماینز، چونکی بیلیرَم کی سیز صَلیبه چَکیلَن عیسا قولونجونا گزیرَینز. 6او بوردا ده‌ییل، بو سَبریه کی ائله اوله‌یین کی دئدی، دئرّیلمیش. گَلینز، اؤنو قؤیدوگو یئری گؤرونز. 7اوندان سورا تئز گئدینز و اؤنونگ شاگردلَرینه دئیینز کی او، اؤلومدَن دئرّیلمیش و سیزدَن ایلَری جَلیل ولایتینه گئدیر و سیز اؤردا اؤنو گؤره‌رَینز. باخینز، سیزه دئمیشَم.» 8پس آروادلار قورخو-قورخو و بیر بویوک شادلیگ اینَن فوری مَقبره‌دَن گئتدیلَر و قاچدیلار تا عیسا شاگردلَرینه خبر وئرَلَّر. 9بیردن اوللار عیسا اینان قَرشیلَشدیلَر. عیسا اوللارا دئدی: «سلام!» آروادلار ایلَری گلدیلَر، عیسا قیچینه دؤشدولار و اؤنو پَرست ائدیلَر. 10اوندا عیسا اوللارا دئدی: «قورخماینز! گئدینز و منیم کاکالاریما دئیینز کی جَلیل ولایتینه گئدَلَّر. اؤردا منی گؤرَرلَر.»
ناتّورلار وئرَن خبر
11آروادلار یولدا گئدَنده، ناتّورلارینگ بیر پاراسی شَهره گئتدیلَر و دؤشَن تَفاقلارینگ واریسینی، باش کاهِن‌لَره کی مَعبد عالِم‌لَری ایدیلَر، دئدیلَر. 12اوللار شیخلَر اینَن ییغیلَندَن و شوهْر ائدَندَن سورا، سربازلارا چوخ پیل وئردیلَر 13و دئدیلَر: «خَلخه دئیینز کی اؤنونگ شاگردلَری گئجه گلدیلَر و اوندا کی بیز اوخودا ایدیک، اؤنونگ جنازه‌سینی اوغورلادیلار. 14اگر بو گپ والی قولاقونا ائتیشه، بیزیم اؤزوموز اؤنو راضی ائده‌رَک و قؤیماک کی سیز دردسره دؤشَینز.» 15اوللار دا پیلی آلدیلار و ائله او طور کی اوللارا دئییلمیش ایدی، ائدیلَر. بو حکایت ایندی‌یانچاز یهودی‌لار آراسیندا داغیلمیش.
بویوک مأموریت
16عیسانینگ اون بیر شاگردی جَلیل ولایتینه، او داغا کی عیسا اوللارا دئمیشدی، گئتدیلَر. 17اوللار عیسایی گؤرَنده، اؤنو پَرست ائدیلَر؛ آما اوللارینگ بیر پاراسی شَک ائدیلَر. 18عیسا یاخین اولدو و اوللارا دئدی: «بوتون قُدرت یئرده و گؤیده منه وئریلمیش. 19پس گئدینز و بوتون ملّت‌لَری شاگرد ائدینز و اوللاری بووآ، اوغول و قُدّوس روح آدیندا تَعمید غُسلی وئرینز، 20و اوللارا اؤرگدینز کی واری او زادلاری کی سیزه فرمان وئرمیشَم، یئرینه ائتیردَلَّر. باخینز، من دنیانینگ آخیری‌نانچاز، هَر گؤن سیزینگ اینَنَم.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company