مَتّی 18
18
کیم واری‌کَسدَن بویوکتر دیر
1او زامان شاگردلَر عیسا یانینا گلدیلَر و دئدیلَر: «گؤی پادشاه‌لیگیندا کیم واری‌کَسدَن بویوکتر دیر؟» 2عیسا بیر اوشاقی اؤز یانینا چاغیردی و اؤنو اورتایا گتیردی 3و دئدی: «گرچَکینی سیزه دئییرم کی، تا ده‌ییشیلمه‌یَینز و اوشاق‌لار له‌یین اولمایاینز، هئچ زامان گؤی پادشاه‌لیگینا گیرمَینز. 4هَر کَس اؤزونو بو اوشاق له‌یین گؤنگول آلچاق ائده، گؤی پادشاه‌لیگیندا ائنگ بویوک آدام اولور. 5هَر کَس کی بیر بئله اوشاقی منیم آدیمدا قبول ائده، منی قبول ائدیر، 6آما هَر کَس باعث اولا بو کوچوک‌لارینگ بیری کی مَنه ایمان واری گُناه ائده، اؤنونگ ایچی یئی‌تَر دیر کی بیر بویوک دییرمان داشی بوینونا آسیلا و دریانینگ عمیق‌لیگینه آتیلا و بوغولا. 7وای دنیا حالینا وَسوَسه‌لَر سَبرسینه کی آداملاری گُناها آتیر! اَلبَت کی وَسوَسه‌لَر اولور، آما وای او آدام حالینا کی وَسوَسه اؤنونگ طَریقیندَن گلیر! 8اگر اَلینگ یا قیچینگ، سَنی گُناها آتیر، اؤنو کَس و یازّیا آت. سَنینگ ایچی یئی‌تَر دیر فَلج یا دا آخساق اَبَدی زندلیگه گئدَینگ، تا بو کی ایکّی اَل یا دا ایکّی قیچ اینَن اَبَدی اوت ایچینه آتولانگ. 9اگر گؤزونگ سَنی گُناها آتیر، اؤنو چاخارت و یازّیا آت. سَنینگ ایچی یئی‌تَر دیر کی بیر گؤز اینَن اَبَدی زندلیگه گئدَینگ، تا بو کی ایکّی گؤز اینن جَهنّم اوتو ایچینه آتولانگ.
ایتمیش قویون مَثَلی
10«گؤزله‌یینز بو کوچوک‌لارینگ هئچ بیرینی حَقیر سایمیاینز. چونکی سیزه دئییرم کی گؤیده، اوللارینگ فرشته‌لَری، منیم گؤیده‌کی بووآمینگ ایزینی همیشه گؤرورلَر. 11چونکی انسان اوغلو گلمیش تا لایلانانی نجات وئره. 12سیز نه فکر ائدیرَینز؟ اگر بیر کیشی‌نینگ یوز دانا قویونو اولا و اوللارینگ بیرسی یولدان چیخه، بئیه بو کیشی او دوقسان دوقوز دانا قالان قویونو داغدا ویل ائدمَز تا گئده او یولدان چیخَن قویونونگ قولونجونا گزه؟ 13و اگر اؤنو بولسا، گرچَکینی سیزه دئییرم، او بیر دانا قویون ایچی آرتیق خوشحال‌لیگ ائده‌ر تا او دوقسان دوقوز دانا قالان قویون ایچی کی یولدان چیخمه‌دیلَر. 14ائله بئله ده منیم گؤیده‌کی بووآمینگ سئدیگی ده‌ییل کی بو کوچوک‌لارینگ بیرسی ده هلاک اولا.
اگر کاکانگ سَنینگ حَقّینده گُناه ائده
15«اگر کاکانگ سَنینگ حَقّینده گُناه ائدسه، گئد و اؤز آراینزدا، خطاسینی اؤنا دئ. اگر سَنه قولاق آسسا، کاکانگی اَله گتیرمیشَینگ. 16آما اگر قولاق آسمیا، بیر یا ایکّی آدامی اؤزونگ اینَن آپار تا هر گپ کی چالونیر، ایکّی یا اؤچ شاهدینگ گواهلیگی اینَن ثابت اولا. 17اگر سئمیه اوللارا قولاق آسا، اؤز جماعتینزه دئ. و اگر سئمیه جماعتینزه ده قولاق آسا، قؤی تا سنینگ ایچی بیر بُت پَرست و بیر باج ییغَن له‌یین اولا. 18گرچَکینی سیزه دئییرم، هَرنه‌یی کی یئر اوستونده باغلایاینز، گؤیده ده باغلانار و هَرنه‌یی کی یئر اوستونده آچاینز، گؤیده ده آچیلار. 19بونو ده سیزه دئییرم کی، اگر سیزدن ایکّی آدام، یئر اوستونده سئدیگیلَری زاد اوستونه، بئلینه موافق اولالّار، منیم گؤیده‌کی بووآم طَریقیندَن اوللار ایچی اولونار. 20چونکی هَر یئرده کی ایکّی یا اؤچ نفر منیم آدیمدا ییغیلَلَّر، من اؤردا اوللارینگ آراسیندایام.»
رَحم‌سیز نوکرینگ مَثَلی
21اوندان سورا پِطرُس عیسا یانینا گلدی و خَبر آلدی: «آقا، نئچه دفعه‌یَنچاز کاکام منیم حَقّیمده گُناه ائدسه، اؤنو باغیشلایاسیم؟ یئتدی دفعه‌یَنچاز؟» 22عیسا اؤنا دئدی: «سنه دئییرم، نه یئتدی دفعه، بلکی یئدمیش دفعه، یئتدی دفعه.
23«پس گؤی پادشاه‌لیگی کی ائله تارئ پادشاه‌لیگی دیر او پادشاها بَنزه‌ییر کی سئدی اؤز نوکرلَری اینَن حساب-کتاب ائده. 24حساب-کتابی باشلایاندا، بیر آدامی اؤنونگ یانینا گتیردیلَر کی بیر فَحله‌نینگ ایکّی یوز مینگ ایلی‌نینگ دستمزدی اندازه‌سینه پادشاها وئره‌جَک ایدی. 25و چونکی قَرضینی وئره بیلمئیردی، اَربابی فرمان وئردی تا او کیشی، آروادی و اوشاق‌لاری و بوتون وار و یوخو اینان ساتیلا تا طَلَب وصول اولا. 26پس او نوکر اَربابی‌نینگ قیچینه دؤشدو و یالواردی: ”منه مُهلت وئر، قَرضیمینگ واریسینی وئره‌رَم.“ 27اَربابینگ اؤره‌کی اؤنا یاندی. اؤنو آزاد ائدی و قَرضینی باغیشلادی. 28آما ائله او نوکر یازّیا چیخَنده، همکارلاری‌نینگ بیرینی گؤردو کی اوندان بیر فَحله‌نینگ اؤچ آیی‌نینگ دستمزدی اندازه‌سینه آلاجاق ایدی، اؤنو توتدو و اَل قؤیدو خیریقینه و دئدی: ”قَرضینگی وئر.“ 29همکاری اؤنونگ قیچینه دؤشدو و اؤنا یالواردی: ”منه مُهلت وئر، من قَرضیمی سَنه وئره‌رَم.“ 30آما او قبول ائدمه‌دی و گئتدی و او کیشی‌یی، اوندایانچاز کی قَرضینی وئره زندانا سالدی. 31اوندا کی اؤنونگ آیری همکارلاری گؤردولَر کی نیجه اولموش چوخ پریشان اولدولار و اؤز اَربابلاری پادشاه یانینا گئتدیلَر و هَرنه‌یی کی اولموشدو اؤنا خبر وئردیلَر. 32او زامان اَرباب دا او نوکری اؤز یانینا چاغیردی و اؤنا دئدی: ”ای شَریر نوکر! من سَنینگ بوتون قَرضینگی، بو سَبریه کی منه یالواردینگ، باغیشلادیم. 33سَن دا ائله او طور کی من سَنه رَحم ائدیم، اؤز همکارینگا رَحم ائدمه‌یه‌سیدینگ؟“ 34اَرباب چوخ عصبانی اولدو و فرمان وئردی تا اؤنو زندانا آتالّار و شکنجه وئرَلَّر و او زامانانچاز کی قَرضی‌نینگ آخیرکی قِرّانی‌سینی وئرمه‌میش، اؤنو آزاد ائدمه‌یه‌لَر. 35ائله بئله ده منیم گؤیده‌کی بووآم، سیزینگ هَر بیرینز اینَن بئله رووآل ائده‌ر، اگر سیز ده اؤز کاکاینزی اؤره‌کدَن باغیشلامایاینز.»
Currently Selected:
مَتّی 18: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 18
18
کیم واری‌کَسدَن بویوکتر دیر
1او زامان شاگردلَر عیسا یانینا گلدیلَر و دئدیلَر: «گؤی پادشاه‌لیگیندا کیم واری‌کَسدَن بویوکتر دیر؟» 2عیسا بیر اوشاقی اؤز یانینا چاغیردی و اؤنو اورتایا گتیردی 3و دئدی: «گرچَکینی سیزه دئییرم کی، تا ده‌ییشیلمه‌یَینز و اوشاق‌لار له‌یین اولمایاینز، هئچ زامان گؤی پادشاه‌لیگینا گیرمَینز. 4هَر کَس اؤزونو بو اوشاق له‌یین گؤنگول آلچاق ائده، گؤی پادشاه‌لیگیندا ائنگ بویوک آدام اولور. 5هَر کَس کی بیر بئله اوشاقی منیم آدیمدا قبول ائده، منی قبول ائدیر، 6آما هَر کَس باعث اولا بو کوچوک‌لارینگ بیری کی مَنه ایمان واری گُناه ائده، اؤنونگ ایچی یئی‌تَر دیر کی بیر بویوک دییرمان داشی بوینونا آسیلا و دریانینگ عمیق‌لیگینه آتیلا و بوغولا. 7وای دنیا حالینا وَسوَسه‌لَر سَبرسینه کی آداملاری گُناها آتیر! اَلبَت کی وَسوَسه‌لَر اولور، آما وای او آدام حالینا کی وَسوَسه اؤنونگ طَریقیندَن گلیر! 8اگر اَلینگ یا قیچینگ، سَنی گُناها آتیر، اؤنو کَس و یازّیا آت. سَنینگ ایچی یئی‌تَر دیر فَلج یا دا آخساق اَبَدی زندلیگه گئدَینگ، تا بو کی ایکّی اَل یا دا ایکّی قیچ اینَن اَبَدی اوت ایچینه آتولانگ. 9اگر گؤزونگ سَنی گُناها آتیر، اؤنو چاخارت و یازّیا آت. سَنینگ ایچی یئی‌تَر دیر کی بیر گؤز اینَن اَبَدی زندلیگه گئدَینگ، تا بو کی ایکّی گؤز اینن جَهنّم اوتو ایچینه آتولانگ.
ایتمیش قویون مَثَلی
10«گؤزله‌یینز بو کوچوک‌لارینگ هئچ بیرینی حَقیر سایمیاینز. چونکی سیزه دئییرم کی گؤیده، اوللارینگ فرشته‌لَری، منیم گؤیده‌کی بووآمینگ ایزینی همیشه گؤرورلَر. 11چونکی انسان اوغلو گلمیش تا لایلانانی نجات وئره. 12سیز نه فکر ائدیرَینز؟ اگر بیر کیشی‌نینگ یوز دانا قویونو اولا و اوللارینگ بیرسی یولدان چیخه، بئیه بو کیشی او دوقسان دوقوز دانا قالان قویونو داغدا ویل ائدمَز تا گئده او یولدان چیخَن قویونونگ قولونجونا گزه؟ 13و اگر اؤنو بولسا، گرچَکینی سیزه دئییرم، او بیر دانا قویون ایچی آرتیق خوشحال‌لیگ ائده‌ر تا او دوقسان دوقوز دانا قالان قویون ایچی کی یولدان چیخمه‌دیلَر. 14ائله بئله ده منیم گؤیده‌کی بووآمینگ سئدیگی ده‌ییل کی بو کوچوک‌لارینگ بیرسی ده هلاک اولا.
اگر کاکانگ سَنینگ حَقّینده گُناه ائده
15«اگر کاکانگ سَنینگ حَقّینده گُناه ائدسه، گئد و اؤز آراینزدا، خطاسینی اؤنا دئ. اگر سَنه قولاق آسسا، کاکانگی اَله گتیرمیشَینگ. 16آما اگر قولاق آسمیا، بیر یا ایکّی آدامی اؤزونگ اینَن آپار تا هر گپ کی چالونیر، ایکّی یا اؤچ شاهدینگ گواهلیگی اینَن ثابت اولا. 17اگر سئمیه اوللارا قولاق آسا، اؤز جماعتینزه دئ. و اگر سئمیه جماعتینزه ده قولاق آسا، قؤی تا سنینگ ایچی بیر بُت پَرست و بیر باج ییغَن له‌یین اولا. 18گرچَکینی سیزه دئییرم، هَرنه‌یی کی یئر اوستونده باغلایاینز، گؤیده ده باغلانار و هَرنه‌یی کی یئر اوستونده آچاینز، گؤیده ده آچیلار. 19بونو ده سیزه دئییرم کی، اگر سیزدن ایکّی آدام، یئر اوستونده سئدیگیلَری زاد اوستونه، بئلینه موافق اولالّار، منیم گؤیده‌کی بووآم طَریقیندَن اوللار ایچی اولونار. 20چونکی هَر یئرده کی ایکّی یا اؤچ نفر منیم آدیمدا ییغیلَلَّر، من اؤردا اوللارینگ آراسیندایام.»
رَحم‌سیز نوکرینگ مَثَلی
21اوندان سورا پِطرُس عیسا یانینا گلدی و خَبر آلدی: «آقا، نئچه دفعه‌یَنچاز کاکام منیم حَقّیمده گُناه ائدسه، اؤنو باغیشلایاسیم؟ یئتدی دفعه‌یَنچاز؟» 22عیسا اؤنا دئدی: «سنه دئییرم، نه یئتدی دفعه، بلکی یئدمیش دفعه، یئتدی دفعه.
23«پس گؤی پادشاه‌لیگی کی ائله تارئ پادشاه‌لیگی دیر او پادشاها بَنزه‌ییر کی سئدی اؤز نوکرلَری اینَن حساب-کتاب ائده. 24حساب-کتابی باشلایاندا، بیر آدامی اؤنونگ یانینا گتیردیلَر کی بیر فَحله‌نینگ ایکّی یوز مینگ ایلی‌نینگ دستمزدی اندازه‌سینه پادشاها وئره‌جَک ایدی. 25و چونکی قَرضینی وئره بیلمئیردی، اَربابی فرمان وئردی تا او کیشی، آروادی و اوشاق‌لاری و بوتون وار و یوخو اینان ساتیلا تا طَلَب وصول اولا. 26پس او نوکر اَربابی‌نینگ قیچینه دؤشدو و یالواردی: ”منه مُهلت وئر، قَرضیمینگ واریسینی وئره‌رَم.“ 27اَربابینگ اؤره‌کی اؤنا یاندی. اؤنو آزاد ائدی و قَرضینی باغیشلادی. 28آما ائله او نوکر یازّیا چیخَنده، همکارلاری‌نینگ بیرینی گؤردو کی اوندان بیر فَحله‌نینگ اؤچ آیی‌نینگ دستمزدی اندازه‌سینه آلاجاق ایدی، اؤنو توتدو و اَل قؤیدو خیریقینه و دئدی: ”قَرضینگی وئر.“ 29همکاری اؤنونگ قیچینه دؤشدو و اؤنا یالواردی: ”منه مُهلت وئر، من قَرضیمی سَنه وئره‌رَم.“ 30آما او قبول ائدمه‌دی و گئتدی و او کیشی‌یی، اوندایانچاز کی قَرضینی وئره زندانا سالدی. 31اوندا کی اؤنونگ آیری همکارلاری گؤردولَر کی نیجه اولموش چوخ پریشان اولدولار و اؤز اَربابلاری پادشاه یانینا گئتدیلَر و هَرنه‌یی کی اولموشدو اؤنا خبر وئردیلَر. 32او زامان اَرباب دا او نوکری اؤز یانینا چاغیردی و اؤنا دئدی: ”ای شَریر نوکر! من سَنینگ بوتون قَرضینگی، بو سَبریه کی منه یالواردینگ، باغیشلادیم. 33سَن دا ائله او طور کی من سَنه رَحم ائدیم، اؤز همکارینگا رَحم ائدمه‌یه‌سیدینگ؟“ 34اَرباب چوخ عصبانی اولدو و فرمان وئردی تا اؤنو زندانا آتالّار و شکنجه وئرَلَّر و او زامانانچاز کی قَرضی‌نینگ آخیرکی قِرّانی‌سینی وئرمه‌میش، اؤنو آزاد ائدمه‌یه‌لَر. 35ائله بئله ده منیم گؤیده‌کی بووآم، سیزینگ هَر بیرینز اینَن بئله رووآل ائده‌ر، اگر سیز ده اؤز کاکاینزی اؤره‌کدَن باغیشلامایاینز.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company