مَتّی 17
17
عیسا ظاهری‌نینگ ده‌ییشیلمَکی
1آلتی گؤندَن سورا عیسا، پِطرُس و یَعقوب و اؤنونگ کاکاسی یوحَنّایی اؤزو اینَن گؤتوردو و بیر اوجا داغ باشینا آپاردی تا اؤردا تَک اولالّار. 2اوللار گؤزو دَمینده عیسانینگ ظاهری ده‌ییشیلدی، ایزی گؤن له‌یین ایشّیله‌دی و رَختلَری ایشّیق له‌یین آغ آپاغی اولدو. 3بیردَن موسای پیغمبر و اِلیاس پیغمبر، اوللارینگ گؤزو دَمینده ظاهر اولدولار و عیسا اینان دانیشیرلار ایدی. 4پِطرُس عیسایا دئدی: «آقا، نه خوب اولدو کی بیز بوردایاک! اگر سئیَنگ بوردا اؤچ سایبان وورارام، بیرسی سَنینگ ایچی، بیرسی موسا ایچی، بیری دا اِلیاسینگ اولسون.» 5پِطرُس حَلی دانیشیردی کی بیردَن بیر ایشّیلیَن بولوت اوللار اوستونه کؤلگه آتدی و او بولوت‌دان بیر سَس گلدی کی: «بو مَنیم عَزیز اوغلوم دور کی اوندان چوخ راضی‌یام، اؤنونگ سؤزونه قولاق آسینز.» 6شاگردلَر بو سَسی ائشیدَنده، ایزلَری اوستونه یئره دؤشدولار و سَخت قورخدولار. 7آما عیسا گلدی، اَلینی اوللار اوستونه قؤیدو و دئدی: «تورینز آیاقی، قورخماینز.» 8شاگردلَر اوخاری باخاندا، عیسا‌دان آیری، هئچ کَسی گؤرمه‌دیلَر. 9ائله بئله کی داغدان آشاغی گلیرلَردی، عیسا اوللارا اَمر ائدی و دئدی: «او زامانانچاز کی انسان اوغلو اؤلومدن دئرّیله، گؤردیگینزی هئچ کَسه دئمه‌ینز.» 10شاگردلَر خَبر آلدیلار: «نه ایچی تورات معلّم‌لَری دئییرلَر کی اَوّل اِلیاس پیغمبر گلَسی؟» 11عیسا جواب وئردی: «اَلبَت کی اِلیاس گلیر و واری زادی ایلَرکی‌سی له‌یین دؤزه‌تر. 12آما من سیزه دئییرم کی ائله ایندیسی ده اِلیاس گلمیش آما اؤنو تانیمادیلار و هر ایش کی سئدیلَر اؤنونگ باشینا گتیردیلَر. ائله بئله ده انسان اوغلو اوللار اَلیندَن زَجر چَکر.» 13او زامان شاگردلَر آنگلادیلار کی او تَعمید وئرَن یحیا باره‌سینده اوللار اینان دانیشیر.
عیسا بیر ناپاک روحا گرفتار اولان اوغلو شفا وئریر
14اوللار داغدان آشاغی، جمعیت یانینا گلَنده، بیر کیشی عیسا یانینا گلدی و عیسا جلوسیندا دیز ووردو، 15و دئدی: «آقا، منیم اوغلوما رَحم ائد چونکی غَشّئ دیر و سَخت عَذاب چَکیر، اوتا دؤشیر، سویا دؤشیر. 16اؤنو سَنینگ شاگردلَرینگ یانینا گتیردیم، آما شاگردلَرینگ اؤنو شفا وئره بیلمه‌دیلَر.» 17عیسا جواب وئردی: «ای ایمان‌سیز و ناخَلَف نَسل! هاچانانچاز سیزینگ اینَن اولام؟ هاچانانچاز سیزی تَحمّل ائدَم؟ اؤنو منیم یانیما گتیرینز.» 18عیسا شیطانلی روحا تَشَر ووردو و شیطانلی روح، اوغولدان یازّیا چیخدی و اوغول ائله او آن شفا توتدو. 19اوندان سورا شاگردلَر خَلوتده عیسا یانینا گلدیلَر و دئدیلَر: «نه ایچی بیز او شیطانلی روحو چاخارتا بیلمه‌دیک؟» 20عیسا اوللارا دئدی: «ایمانینزینگ آزلیگی سَبرسینه. گرچَکینی سیزه دئییرم، اگر کی بیر خَردَل دانی‌چاز ایمانینز اولسا، بو داغا دئیه‌رَینز ”بوردان اؤرایا کؤچ“ داغ دا کؤچَر. ایمانی اولان آدام ایچی، هئچ‌نه غیرممکن اولماز. 21آما بو جنس شیطانلی روح یازّیا چیخماز، به‌غیری دُعا و اوروج اینان.»
عیسا اؤلمک و دئرّیلمَکینی گئنه پیشگولیگ ائدیر
22عیسا و شاگردلَری جَلیل ولایتینده ییغیلنده، عیسا اوللارا دئدی: «بو تئزلیگده انسان اوغلو آداملار اَلینه تَسلیم اولونار. 23اوللار اؤنو اؤلدورَرلَر و او، اؤچونجو گؤنده دئرّیلَر.» شاگردلَر چوخ پریشان اولدولار.
مَعبد مالیاتی
24عیسا و شاگردلَری کَفَرناحوم شَهرینه گلَنده، او مأمورلار کی ایکّی دِرهَملیگ مالیاتی کی مَعبد ایچی ایدی، ییغیرلَردی، پِطرُس یانینا گئتدیلَر و دئدیلَر: «سیزینگ اُستادینز مالیات وئرمئیر؟» 25پِطرُس دئدی: «اَلبَت کی وئریر.» پِطرُس ائوه گلَنده، بوندان ایلَری کی دانیشا، عیسا اؤنا دئدی: «شَمعون، سَن نه فکر ائدیرَینگ؟ دنیانینگ پادشاهلاری کیملَردَن باج و خَراج آلیرلار؟ اؤز اولادلاریندان یا اؤزگه‌لَردَن؟» 26پِطرُس دئدی: «اؤزگه‌لَردَن.» عیسا دئدی: «پس اولادلار مُعاف دیرلار! 27آما بونونگ ایچی کی اوللارا اِهانَت ائدمه‌یَک، دریاچه‌یه گئد و سویا قُلّاب آت، اَوّلکی توتدوگونگ بالیقینگ آغیزینی آچاندا، بیر دؤرد دِرهَملی سِکّه بولارانگ. اؤنو گؤتور و منیم سَهمیمی و اؤزونگکونو وئر.»
Currently Selected:
مَتّی 17: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 17
17
عیسا ظاهری‌نینگ ده‌ییشیلمَکی
1آلتی گؤندَن سورا عیسا، پِطرُس و یَعقوب و اؤنونگ کاکاسی یوحَنّایی اؤزو اینَن گؤتوردو و بیر اوجا داغ باشینا آپاردی تا اؤردا تَک اولالّار. 2اوللار گؤزو دَمینده عیسانینگ ظاهری ده‌ییشیلدی، ایزی گؤن له‌یین ایشّیله‌دی و رَختلَری ایشّیق له‌یین آغ آپاغی اولدو. 3بیردَن موسای پیغمبر و اِلیاس پیغمبر، اوللارینگ گؤزو دَمینده ظاهر اولدولار و عیسا اینان دانیشیرلار ایدی. 4پِطرُس عیسایا دئدی: «آقا، نه خوب اولدو کی بیز بوردایاک! اگر سئیَنگ بوردا اؤچ سایبان وورارام، بیرسی سَنینگ ایچی، بیرسی موسا ایچی، بیری دا اِلیاسینگ اولسون.» 5پِطرُس حَلی دانیشیردی کی بیردَن بیر ایشّیلیَن بولوت اوللار اوستونه کؤلگه آتدی و او بولوت‌دان بیر سَس گلدی کی: «بو مَنیم عَزیز اوغلوم دور کی اوندان چوخ راضی‌یام، اؤنونگ سؤزونه قولاق آسینز.» 6شاگردلَر بو سَسی ائشیدَنده، ایزلَری اوستونه یئره دؤشدولار و سَخت قورخدولار. 7آما عیسا گلدی، اَلینی اوللار اوستونه قؤیدو و دئدی: «تورینز آیاقی، قورخماینز.» 8شاگردلَر اوخاری باخاندا، عیسا‌دان آیری، هئچ کَسی گؤرمه‌دیلَر. 9ائله بئله کی داغدان آشاغی گلیرلَردی، عیسا اوللارا اَمر ائدی و دئدی: «او زامانانچاز کی انسان اوغلو اؤلومدن دئرّیله، گؤردیگینزی هئچ کَسه دئمه‌ینز.» 10شاگردلَر خَبر آلدیلار: «نه ایچی تورات معلّم‌لَری دئییرلَر کی اَوّل اِلیاس پیغمبر گلَسی؟» 11عیسا جواب وئردی: «اَلبَت کی اِلیاس گلیر و واری زادی ایلَرکی‌سی له‌یین دؤزه‌تر. 12آما من سیزه دئییرم کی ائله ایندیسی ده اِلیاس گلمیش آما اؤنو تانیمادیلار و هر ایش کی سئدیلَر اؤنونگ باشینا گتیردیلَر. ائله بئله ده انسان اوغلو اوللار اَلیندَن زَجر چَکر.» 13او زامان شاگردلَر آنگلادیلار کی او تَعمید وئرَن یحیا باره‌سینده اوللار اینان دانیشیر.
عیسا بیر ناپاک روحا گرفتار اولان اوغلو شفا وئریر
14اوللار داغدان آشاغی، جمعیت یانینا گلَنده، بیر کیشی عیسا یانینا گلدی و عیسا جلوسیندا دیز ووردو، 15و دئدی: «آقا، منیم اوغلوما رَحم ائد چونکی غَشّئ دیر و سَخت عَذاب چَکیر، اوتا دؤشیر، سویا دؤشیر. 16اؤنو سَنینگ شاگردلَرینگ یانینا گتیردیم، آما شاگردلَرینگ اؤنو شفا وئره بیلمه‌دیلَر.» 17عیسا جواب وئردی: «ای ایمان‌سیز و ناخَلَف نَسل! هاچانانچاز سیزینگ اینَن اولام؟ هاچانانچاز سیزی تَحمّل ائدَم؟ اؤنو منیم یانیما گتیرینز.» 18عیسا شیطانلی روحا تَشَر ووردو و شیطانلی روح، اوغولدان یازّیا چیخدی و اوغول ائله او آن شفا توتدو. 19اوندان سورا شاگردلَر خَلوتده عیسا یانینا گلدیلَر و دئدیلَر: «نه ایچی بیز او شیطانلی روحو چاخارتا بیلمه‌دیک؟» 20عیسا اوللارا دئدی: «ایمانینزینگ آزلیگی سَبرسینه. گرچَکینی سیزه دئییرم، اگر کی بیر خَردَل دانی‌چاز ایمانینز اولسا، بو داغا دئیه‌رَینز ”بوردان اؤرایا کؤچ“ داغ دا کؤچَر. ایمانی اولان آدام ایچی، هئچ‌نه غیرممکن اولماز. 21آما بو جنس شیطانلی روح یازّیا چیخماز، به‌غیری دُعا و اوروج اینان.»
عیسا اؤلمک و دئرّیلمَکینی گئنه پیشگولیگ ائدیر
22عیسا و شاگردلَری جَلیل ولایتینده ییغیلنده، عیسا اوللارا دئدی: «بو تئزلیگده انسان اوغلو آداملار اَلینه تَسلیم اولونار. 23اوللار اؤنو اؤلدورَرلَر و او، اؤچونجو گؤنده دئرّیلَر.» شاگردلَر چوخ پریشان اولدولار.
مَعبد مالیاتی
24عیسا و شاگردلَری کَفَرناحوم شَهرینه گلَنده، او مأمورلار کی ایکّی دِرهَملیگ مالیاتی کی مَعبد ایچی ایدی، ییغیرلَردی، پِطرُس یانینا گئتدیلَر و دئدیلَر: «سیزینگ اُستادینز مالیات وئرمئیر؟» 25پِطرُس دئدی: «اَلبَت کی وئریر.» پِطرُس ائوه گلَنده، بوندان ایلَری کی دانیشا، عیسا اؤنا دئدی: «شَمعون، سَن نه فکر ائدیرَینگ؟ دنیانینگ پادشاهلاری کیملَردَن باج و خَراج آلیرلار؟ اؤز اولادلاریندان یا اؤزگه‌لَردَن؟» 26پِطرُس دئدی: «اؤزگه‌لَردَن.» عیسا دئدی: «پس اولادلار مُعاف دیرلار! 27آما بونونگ ایچی کی اوللارا اِهانَت ائدمه‌یَک، دریاچه‌یه گئد و سویا قُلّاب آت، اَوّلکی توتدوگونگ بالیقینگ آغیزینی آچاندا، بیر دؤرد دِرهَملی سِکّه بولارانگ. اؤنو گؤتور و منیم سَهمیمی و اؤزونگکونو وئر.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company