مَتّی 19
19
عیسا تَعلیمی طلاق باره‌سینده
1عیسا بو گپلَری تؤکدنده، جَلیل ولایتیندَن گئتدی و اوردون چئیی‌نینگ او تئیینه، یهودیه دیارینا گلدی. 2بیر بویوک جمعیت عیسا آردی سورا گئتدیلَر، عیسا دا اؤردا اوللاری شفا وئردی. 3فَریسی فِرقه‌سی‌نینگ عالِم‌لَری عیسا یانینا گلدیلَر و اؤنو امتحان ائدمَک ایچی، اوندان خَبر آلدیلار: «آیا جایز دیر کی کیشی هَر علّته، اؤز آروادینی طلاق وئره؟» 4عیسا دا جواب وئردی: «بئیه مُقدّس یازیلی‌لاردا اوخومامیشاینز کی، او کی باشلانماکدا آدامی یاراتدی، ”اوللاری کیشی و آرواد یاراتدی“، 5و دئدی ”بو خاطره ده کیشی اؤز آنا-بووآسیندان آیریلار، اؤز آروادینا یاپیشار و ایکّی‌سی بیر بَدن اولارلار“؟ 6بئله، اوللار داها نه ایکّی، بلکی بیر بَدن دیرلَر. پس اوللاری کی تارئ بیر ائدمیش، انسان آییرماسین.» 7اوللار عیسایا دئدیلَر: «پس نه ایچی موسا حکم ائدی کی کیشی آروادینا بیر طلاقنامه وئره و اؤنو ویل ائده؟» 8عیسا اوللارا دئدی: «بو سَبریه کی سیزینگ اؤره‌کینز داش دیر، موسا سیزه اجازه وئردی تا آروادلارینزی طلاق وئرَینز آما اَوّلدَن بئله ده‌ییلدی. 9سیزه دئییرم، هَر کَس کی آروادینی زِنا‌دان آیری، بیر آیری علّت اوستونه طلاق وئره و بیر آیری آرواد آلا، زِنا ائدیر.»
10شاگردلَر عیسایا دئدیلَر: «بو حساب اینان، پس ائله ائولَنمَزلیگ یئی‌تَر دیر.» 11آما عیسا اوللارا دئدی: «هَر کَس ده عَضَب قالماگی قبول ائده بیلمئیر، به‌غیری او آداملار کی اوللارا وئریلمیش اولا. 12چونکی بیر پارا خواجه آدام وار، کی آنادان اولاندان، بئله دیرلَر و بیر پارا خواجه آدام دا وار، کی آداملار اَلینه خواجه اولموشلار و بیر پارا دا، اؤزلَرینی گؤی پادشاه‌لیگی سَبرسینه خواجه ساییرلار. قؤی تا هَر کَس کی بونو قبول ائده بیلیر، قبول ائده.»
قؤیونز تا اوشاق‌لار منیم یانیما گلَلَّر
13او زامان خَلخ اوشاق‌لاری عیسا یانینا گتیردیلَر تا اوللار اوستونه اَل قؤیا و اوللار ایچی دُعا ائده. شاگردلَر خَلخی هَیله‌دیلَر، 14آما عیسا دئدی: «قؤیونز تا کوموجا اوشاق‌لار منیم یانیما گلَلَّر و اوللارینگ جلوسینی توتماینز، چونکی گؤی پادشاه‌لیگی کی ائله تارئ پادشاه‌لیگی دیر، بئله‌یین آداملارینگ دیر.» 15عیسا اوشاق‌لار اوستونه اَل قؤیدو، اوللارا بَرکت وئردی و اؤردان گئتدی.
وارلی جاهال کیشی
16ائله او موقع، بیر کیشی عیسا یانینا گلدی و دئدی: «اُستاد، من نه خوب ایش گؤره‌سیم تا اَبَدی زندلیگی واریم اولا؟» 17عیسا اؤنا دئدی: «نه ایچی مَندَن خَبر آلیرانگ کی نَمنه خوب دور؟ فقط تارئ دیر کی خوب دیر. اگر سئیرَینگ اَبَدی زندلیگه گیرَینگ، تارئ حکم‌لارینی یئرینه ائتیرد.» 18او کیشی عیسایا دئدی: «حکم‌لارینگ هانی‌لارینی؟» عیسا دئدی: «آدام اؤلدورمه؛ زِنا ائدمه؛ اوغورلوق ائدمه؛ یالان شهادت وئرمه؛ 19آنا بووآنگ حُرمَتینی ساخلا و قونشونگو اؤزونگ له‌یین چوخ سئه.» 20او جاهال کیشی عیسایا دئدی: «بوللارینگ واریسینی یئرینه ائتیردمیشم، داها ایشیمده نه آز واریم؟» 21عیسا اؤنا دئدی: «اگر سئیرَینگ ایشینگده هئچ نَقص اولمایا، گئد، هَرنه کی وارینگ سات و یوخسول‌لارا وئر کی گؤیده بیر خزئنه‌ینگ اولور؛ او زامان گَل منیم یولومو گئد.» 22او جاهال کیشی بونو ائشیدَنده، اؤردان غَملی گئتدی چونکی دارالیگی چوخ ایدی.
23عیسا اؤز شاگردلَرینه دئدی: «گرچَکینی سیزه دئییرم، وارلی آداملارینگ گؤی پادشاه‌لیگینا گیرمَکلَری چوخ چَتین دیر. 24بو دور سیزه دئییرم، دؤوه‌نینگ اینگه دَلیگیندن گچمَکی چوخ آسانتر دیر تا بیر وارلی آدامینگ تارئ پادشاه‌لیگینا گیرمَکی.» 25شاگردلَر بو سؤزو ائشیدَنده، چوخ تَعجّب ائدیلَر و دئدیلَر: «پس کیم نجات توتا بیلَر؟» 26آما عیسا اوللارا باخدی و دئدی: «بو، آدامیزاد ایچی غیرممکن دیر، آما تارئ ایچی واری زاد ممکن دیر.» 27او زامان پِطرُس جواب وئردی: «باخ، بیز واری زادی ویل ائدمیشَک و سنینگ آردینگ سورا گلمیشَک. پس بیزیم نه گیریمیزه گلَر؟» 28عیسا اوللارا دئدی: «گرچَکینی سیزه دئییرم، تازّالانمیش دنیادا، او زامان کی انسان اوغلو، اؤز شوکتلی پادشاه‌لیگی تختینه اوتورا، سیزلَر ده کی منیم یولومو گئدمیشَینز، اون ایکّی تختلَره اوتورارانز و تارئ خَلخی‌نینگ اون ایکّی طایفه‌سینه حُکم سؤرَرَینز. 29و هَر کَس کی منیم آدیم خاطرینه، ائوینی یا کاکالارینی یا باجی‌لارینی یا بووآسینی یا آناسینی، یا اوشاق‌لارینی یا دا یئرلَرینی ویل ائدمیش، یوز برابرینی آلار و اَبَدی زندلیگی میراث آپارار. 30آما چوخ آداملار کی اَوّلکی دیرلَر، آخیرکی اولارلار و آخیرکی‌لار، اَوّلکی اولارلار.
Currently Selected:
مَتّی 19: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 19
19
عیسا تَعلیمی طلاق باره‌سینده
1عیسا بو گپلَری تؤکدنده، جَلیل ولایتیندَن گئتدی و اوردون چئیی‌نینگ او تئیینه، یهودیه دیارینا گلدی. 2بیر بویوک جمعیت عیسا آردی سورا گئتدیلَر، عیسا دا اؤردا اوللاری شفا وئردی. 3فَریسی فِرقه‌سی‌نینگ عالِم‌لَری عیسا یانینا گلدیلَر و اؤنو امتحان ائدمَک ایچی، اوندان خَبر آلدیلار: «آیا جایز دیر کی کیشی هَر علّته، اؤز آروادینی طلاق وئره؟» 4عیسا دا جواب وئردی: «بئیه مُقدّس یازیلی‌لاردا اوخومامیشاینز کی، او کی باشلانماکدا آدامی یاراتدی، ”اوللاری کیشی و آرواد یاراتدی“، 5و دئدی ”بو خاطره ده کیشی اؤز آنا-بووآسیندان آیریلار، اؤز آروادینا یاپیشار و ایکّی‌سی بیر بَدن اولارلار“؟ 6بئله، اوللار داها نه ایکّی، بلکی بیر بَدن دیرلَر. پس اوللاری کی تارئ بیر ائدمیش، انسان آییرماسین.» 7اوللار عیسایا دئدیلَر: «پس نه ایچی موسا حکم ائدی کی کیشی آروادینا بیر طلاقنامه وئره و اؤنو ویل ائده؟» 8عیسا اوللارا دئدی: «بو سَبریه کی سیزینگ اؤره‌کینز داش دیر، موسا سیزه اجازه وئردی تا آروادلارینزی طلاق وئرَینز آما اَوّلدَن بئله ده‌ییلدی. 9سیزه دئییرم، هَر کَس کی آروادینی زِنا‌دان آیری، بیر آیری علّت اوستونه طلاق وئره و بیر آیری آرواد آلا، زِنا ائدیر.»
10شاگردلَر عیسایا دئدیلَر: «بو حساب اینان، پس ائله ائولَنمَزلیگ یئی‌تَر دیر.» 11آما عیسا اوللارا دئدی: «هَر کَس ده عَضَب قالماگی قبول ائده بیلمئیر، به‌غیری او آداملار کی اوللارا وئریلمیش اولا. 12چونکی بیر پارا خواجه آدام وار، کی آنادان اولاندان، بئله دیرلَر و بیر پارا خواجه آدام دا وار، کی آداملار اَلینه خواجه اولموشلار و بیر پارا دا، اؤزلَرینی گؤی پادشاه‌لیگی سَبرسینه خواجه ساییرلار. قؤی تا هَر کَس کی بونو قبول ائده بیلیر، قبول ائده.»
قؤیونز تا اوشاق‌لار منیم یانیما گلَلَّر
13او زامان خَلخ اوشاق‌لاری عیسا یانینا گتیردیلَر تا اوللار اوستونه اَل قؤیا و اوللار ایچی دُعا ائده. شاگردلَر خَلخی هَیله‌دیلَر، 14آما عیسا دئدی: «قؤیونز تا کوموجا اوشاق‌لار منیم یانیما گلَلَّر و اوللارینگ جلوسینی توتماینز، چونکی گؤی پادشاه‌لیگی کی ائله تارئ پادشاه‌لیگی دیر، بئله‌یین آداملارینگ دیر.» 15عیسا اوشاق‌لار اوستونه اَل قؤیدو، اوللارا بَرکت وئردی و اؤردان گئتدی.
وارلی جاهال کیشی
16ائله او موقع، بیر کیشی عیسا یانینا گلدی و دئدی: «اُستاد، من نه خوب ایش گؤره‌سیم تا اَبَدی زندلیگی واریم اولا؟» 17عیسا اؤنا دئدی: «نه ایچی مَندَن خَبر آلیرانگ کی نَمنه خوب دور؟ فقط تارئ دیر کی خوب دیر. اگر سئیرَینگ اَبَدی زندلیگه گیرَینگ، تارئ حکم‌لارینی یئرینه ائتیرد.» 18او کیشی عیسایا دئدی: «حکم‌لارینگ هانی‌لارینی؟» عیسا دئدی: «آدام اؤلدورمه؛ زِنا ائدمه؛ اوغورلوق ائدمه؛ یالان شهادت وئرمه؛ 19آنا بووآنگ حُرمَتینی ساخلا و قونشونگو اؤزونگ له‌یین چوخ سئه.» 20او جاهال کیشی عیسایا دئدی: «بوللارینگ واریسینی یئرینه ائتیردمیشم، داها ایشیمده نه آز واریم؟» 21عیسا اؤنا دئدی: «اگر سئیرَینگ ایشینگده هئچ نَقص اولمایا، گئد، هَرنه کی وارینگ سات و یوخسول‌لارا وئر کی گؤیده بیر خزئنه‌ینگ اولور؛ او زامان گَل منیم یولومو گئد.» 22او جاهال کیشی بونو ائشیدَنده، اؤردان غَملی گئتدی چونکی دارالیگی چوخ ایدی.
23عیسا اؤز شاگردلَرینه دئدی: «گرچَکینی سیزه دئییرم، وارلی آداملارینگ گؤی پادشاه‌لیگینا گیرمَکلَری چوخ چَتین دیر. 24بو دور سیزه دئییرم، دؤوه‌نینگ اینگه دَلیگیندن گچمَکی چوخ آسانتر دیر تا بیر وارلی آدامینگ تارئ پادشاه‌لیگینا گیرمَکی.» 25شاگردلَر بو سؤزو ائشیدَنده، چوخ تَعجّب ائدیلَر و دئدیلَر: «پس کیم نجات توتا بیلَر؟» 26آما عیسا اوللارا باخدی و دئدی: «بو، آدامیزاد ایچی غیرممکن دیر، آما تارئ ایچی واری زاد ممکن دیر.» 27او زامان پِطرُس جواب وئردی: «باخ، بیز واری زادی ویل ائدمیشَک و سنینگ آردینگ سورا گلمیشَک. پس بیزیم نه گیریمیزه گلَر؟» 28عیسا اوللارا دئدی: «گرچَکینی سیزه دئییرم، تازّالانمیش دنیادا، او زامان کی انسان اوغلو، اؤز شوکتلی پادشاه‌لیگی تختینه اوتورا، سیزلَر ده کی منیم یولومو گئدمیشَینز، اون ایکّی تختلَره اوتورارانز و تارئ خَلخی‌نینگ اون ایکّی طایفه‌سینه حُکم سؤرَرَینز. 29و هَر کَس کی منیم آدیم خاطرینه، ائوینی یا کاکالارینی یا باجی‌لارینی یا بووآسینی یا آناسینی، یا اوشاق‌لارینی یا دا یئرلَرینی ویل ائدمیش، یوز برابرینی آلار و اَبَدی زندلیگی میراث آپارار. 30آما چوخ آداملار کی اَوّلکی دیرلَر، آخیرکی اولارلار و آخیرکی‌لار، اَوّلکی اولارلار.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company