مَتّی 15
15
رَسم‌لَر و حُکم‌لار
1او زامان فَریسی فِرقه‌سی‌نینگ عالِم‌لَری و تورات معلّم‌لَری اورشلیم شَهریندَن عیسا یانینا گلدیلَر و دئدیلَر: 2«نه ایچی سَنینگ شاگردلَرینگ، جَدلَریمیزدن ائتیشَن رَسم‌لَری آیاق آلتینا قؤیورلار؟ نه ایچی اوللار چؤره‌ک یئیَندَن ایلَری اَل‌لَرینی یوومئیرلار؟» 3عیسا اوللارا جواب وئردی: «سیز نه ایچی اؤز رَسم‌لَرینز خاطرینه تارئ حکمینی آیاق آلتینا قؤیوراینز؟ 4چونکی تارئ حکم ائدی کی: ”آنا بووآنگ حُرمَتینی ساخلا“ و ”هَر کَس کی آناسینا یا بووآسینا سؤیوش وئره، جَزاسی اؤلوم دیر.“ 5آما سیز دئییرَینز: ”اگر بیر کَس آناسینا یا بووآسینا دئسه: ’او کؤمَک کی مَندَن سیزه ائتیشَسی ایدی، تارئ‌یا وقف اولونموش،‘ 6او آداما داها واجب ده‌ییل کی آنا بووآسینا کؤمَک ائدمک طَریقیندن، اوللارینگ حُرمَتینی ساخلایا.“ بئله، سیز اؤز رَسمینز خاطرینه، تارئ کلامینی آیاق آلتینا قؤیموشاینز. 7ای ایکّی‌ایزلی‌لَر! اِشعَیای پیغمبر سیزینگ باره‌ینزده نه خوب پیشگولیگ ائدی، اوندا کی دئدی:
8”بو خَلخ دوداق‌لاری اینان منه حُرمَت ائدیرلَر،
آما اؤره‌کلَری مَندَن ایراق دیر؛
9اوللارینگ پَرستشی هئچ دیر،
اوللار بَشر حکم‌لارینی، تارئ حکم‌لاری آدیندا خَلخه اؤرگدیرلَر.“»
نَمنه انسانی نَجس ائدیر؟
10او زامان عیسا خَلخی اؤز یانینا چاغیردی و اوللارا دئدی: «قولاق آسینز و آنگلاینز: 11آغیزدان ایچَری گئدَن ده‌ییل کی انسانی نَجس ائدیر، انسانی نَجس ائدَن آغیزدان چیخَن دیر.» 12اوندا شاگردلَر گلدیلَر و عیسایا دئدیلَر: «سَن بیلیرَینگ کی فَریسی‌لَر بو سؤزلَردَن یامانلاری گلمیش؟» 13عیسا جواب وئردی: «هَر نهال کی منیم گؤیده‌کی بووآم اَکمه‌میش اولا، ریشه‌دَن قازیلار. 14اوللاری اؤز حال‌لارینا قؤیونز. اوللار بیر پارا کور بَلَدچی دیرلَر. اگر کور، کورا بَلَدچی اولسا، ایکّی‌سی دا قویویا دؤشَرلَر.» 15پِطرُس عیسایا دئدی: «بو دئدیگینگ سؤزلَری بیزیم ایچی آچ.» 16عیسا دئدی: «آیا سیز حَلی دا آنگلامئیراینز؟ 17آیا بیلمئیرَینز کی آغیزدان ایچَری گئدَن، قارنا گئدیر و دَفع اولونیر؟ 18آما آغیزدان یازّیا چیخان، اؤره‌کدن سَرچشمه توتیر و بو دیر کی آدامی نَجِس ائدیر. 19چونکی اؤره‌کدَن دیر کی پیس فکرلَر گلیر، آدام اؤلدورمَک، زِناکارلیگ، عِفّت‌سیزلیگ، اوغورلوق، یالان شهادت وئرمَک و بوهتان وورماگ. 20بوللار دیرلار کی آدامی نَجِس ائدیرلَر. یویولمامیش اَل‌لَر اینَن خورَکی یئمَک هئچ کَسی نَجِس ائدمَز.»
بیر کَنعانلی آروادینگ ایمانی
21عیسا اؤردان چیخدی و صور و صِیدون منطقه‌سینه گئتدی. 22بیر کَنعانلی آرواد او منطقه‌نینگ آدامیندان عیسا یانینا گلدی و آغلایا-آغلایا دئدی: «آقا، ای داوود پادشاه اوغلو، منه رَحم ائد، بیر شیطانلی روح قیزیمی سَخت گرفتار ائدمیش.» 23آما عیسا اؤنا بیر کلام دا جواب وئرمه‌دی. عیسانینگ شاگردلَری، عیسا یانینا گلدیلَر، یالواردیلار و دئدیلَر: «بو آرواد لیکیله‌یه-لیکیله‌یه بیزیم قولونجوموزدان گلیر، اؤنو یولا سال تا وارا گئده.» 24عیسا دا جواب وئردی: «من فقط تارئ خَلخی‌نینگ ایتمیش قویون‌لاری ایچی یوللانمیشام.» 25آما او آرواد گلدی، عیسانینگ قیچینه دؤشدو و دئدی: «آقا، منه کؤمَک ائد.» 26عیسا جواب وئردی: «اوشاق‌لار چؤره‌کینی آلماگ و کؤپک‌لَر جلوسینا آتماک روآ ده‌ییل.» 27آرواد دئدی: «بَله آقا، آما کؤپک‌لَر دا اَیه‌لَری‌نینگ سُفره‌‌سیندَن یئره تؤکولَن خوردا چؤره‌کدن یئییرلَر.» 28اوندا عیسا اؤنا دئدی: «آرواد، سَنینگ ایمانینگ بویوک دیر. سنینگ سئدیگینگ، اولسون.» ائله او آن اؤنونگ قیزی شفا توتدو.
عیسا چوخ آداملاری شفا وئریر
29عیسا اؤردان جَلیل دریاچه‌سینه ساری گلدی. جَلیل دریاچه‌سی قیراقیندا بیر آز گزدی و اوندان سورا بیر داغ باشینا چیخدی و اؤردا اوتوردو. 30بیر بویوک جمعیت اؤنونگ یانینا گلدیلَر. اوللار اؤزلَری اینَن آخساق‌لاری، کورلاری، فَلج‌لَری، گُنگ‌لاری و آیری مَریض‌لَری گتیریرلَردی و عیسا قیچی دَمینه قؤیورلاردی، عیسا دا اوللاری شفا وئریردی. 31اوندا کی جمعیت گؤردولَر کی گُنگ‌لار دانیشیرلار، فَلج‌لَر ساغ دیرلَر، آخساق‌لار یول گئدیرلَر و کورلار گؤرورلَر، حیران قالدیلار و یهود خَلخی‌نینگ تارئ‌سینی حَمد و ثنا ائدیلَر.
عیسا دؤرد مینگ آداما خورَکی وئریر
32اوندان سورا عیسا شاگردلَرینی اؤز یانینا چاغیردی و دئدی: «اؤره‌کیم بو جمعیته یانیر چونکی اؤچ گؤن دیر منیم اینَن دیرلَر و داها هئچ‌نه یوخلاری یئیَلَّر. سمئیرَم اوللاری آج یولا سالام، ائدمئیه کی یولدا ضَعف ائدَلَّر.» 33شاگردلَر جواب وئردیلَر: «بیر بئله بیابان یئرده بو هَزَره آدامینگ دویاردماکی ایچی هاردان چؤره‌ک گتیرَک؟» 34عیسا خبر آلدی: «نئچه دانا چؤره‌ک وارینز؟» دئدیلَر: «یئتدی دانا چؤره‌ک و نئچه دانا کوچوک بالیق.» 35عیسا جمعیتی اوتورتدو. 36او، او یئتدی دانا چؤره‌کی و بالیق‌لاری گؤتوردو و شُکر ائدمَکدَن سورا اوللاری تیکه‌له‌دی و شاگردلَره وئردی، شاگردلَر دا اوللاری جمعیت آراسیندا بَهر ائدیلَر. 37واری‌کَس یئدیلَر و دویدولار و اضافه قالان خوردا تیکه‌لَردَن یئتدی سَبد دؤلدو. 38یئیَن آداملارینگ سایقوشی، آروادلار و اوشاق‌لاردان آیری، دؤرد مینگ کیشی ایدی. 39عیسا جمعیتی مُرخص ائدَندَن سورا، قایقا میندی و مَجَدان دیارینا گئتدی.
Currently Selected:
مَتّی 15: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 15
15
رَسم‌لَر و حُکم‌لار
1او زامان فَریسی فِرقه‌سی‌نینگ عالِم‌لَری و تورات معلّم‌لَری اورشلیم شَهریندَن عیسا یانینا گلدیلَر و دئدیلَر: 2«نه ایچی سَنینگ شاگردلَرینگ، جَدلَریمیزدن ائتیشَن رَسم‌لَری آیاق آلتینا قؤیورلار؟ نه ایچی اوللار چؤره‌ک یئیَندَن ایلَری اَل‌لَرینی یوومئیرلار؟» 3عیسا اوللارا جواب وئردی: «سیز نه ایچی اؤز رَسم‌لَرینز خاطرینه تارئ حکمینی آیاق آلتینا قؤیوراینز؟ 4چونکی تارئ حکم ائدی کی: ”آنا بووآنگ حُرمَتینی ساخلا“ و ”هَر کَس کی آناسینا یا بووآسینا سؤیوش وئره، جَزاسی اؤلوم دیر.“ 5آما سیز دئییرَینز: ”اگر بیر کَس آناسینا یا بووآسینا دئسه: ’او کؤمَک کی مَندَن سیزه ائتیشَسی ایدی، تارئ‌یا وقف اولونموش،‘ 6او آداما داها واجب ده‌ییل کی آنا بووآسینا کؤمَک ائدمک طَریقیندن، اوللارینگ حُرمَتینی ساخلایا.“ بئله، سیز اؤز رَسمینز خاطرینه، تارئ کلامینی آیاق آلتینا قؤیموشاینز. 7ای ایکّی‌ایزلی‌لَر! اِشعَیای پیغمبر سیزینگ باره‌ینزده نه خوب پیشگولیگ ائدی، اوندا کی دئدی:
8”بو خَلخ دوداق‌لاری اینان منه حُرمَت ائدیرلَر،
آما اؤره‌کلَری مَندَن ایراق دیر؛
9اوللارینگ پَرستشی هئچ دیر،
اوللار بَشر حکم‌لارینی، تارئ حکم‌لاری آدیندا خَلخه اؤرگدیرلَر.“»
نَمنه انسانی نَجس ائدیر؟
10او زامان عیسا خَلخی اؤز یانینا چاغیردی و اوللارا دئدی: «قولاق آسینز و آنگلاینز: 11آغیزدان ایچَری گئدَن ده‌ییل کی انسانی نَجس ائدیر، انسانی نَجس ائدَن آغیزدان چیخَن دیر.» 12اوندا شاگردلَر گلدیلَر و عیسایا دئدیلَر: «سَن بیلیرَینگ کی فَریسی‌لَر بو سؤزلَردَن یامانلاری گلمیش؟» 13عیسا جواب وئردی: «هَر نهال کی منیم گؤیده‌کی بووآم اَکمه‌میش اولا، ریشه‌دَن قازیلار. 14اوللاری اؤز حال‌لارینا قؤیونز. اوللار بیر پارا کور بَلَدچی دیرلَر. اگر کور، کورا بَلَدچی اولسا، ایکّی‌سی دا قویویا دؤشَرلَر.» 15پِطرُس عیسایا دئدی: «بو دئدیگینگ سؤزلَری بیزیم ایچی آچ.» 16عیسا دئدی: «آیا سیز حَلی دا آنگلامئیراینز؟ 17آیا بیلمئیرَینز کی آغیزدان ایچَری گئدَن، قارنا گئدیر و دَفع اولونیر؟ 18آما آغیزدان یازّیا چیخان، اؤره‌کدن سَرچشمه توتیر و بو دیر کی آدامی نَجِس ائدیر. 19چونکی اؤره‌کدَن دیر کی پیس فکرلَر گلیر، آدام اؤلدورمَک، زِناکارلیگ، عِفّت‌سیزلیگ، اوغورلوق، یالان شهادت وئرمَک و بوهتان وورماگ. 20بوللار دیرلار کی آدامی نَجِس ائدیرلَر. یویولمامیش اَل‌لَر اینَن خورَکی یئمَک هئچ کَسی نَجِس ائدمَز.»
بیر کَنعانلی آروادینگ ایمانی
21عیسا اؤردان چیخدی و صور و صِیدون منطقه‌سینه گئتدی. 22بیر کَنعانلی آرواد او منطقه‌نینگ آدامیندان عیسا یانینا گلدی و آغلایا-آغلایا دئدی: «آقا، ای داوود پادشاه اوغلو، منه رَحم ائد، بیر شیطانلی روح قیزیمی سَخت گرفتار ائدمیش.» 23آما عیسا اؤنا بیر کلام دا جواب وئرمه‌دی. عیسانینگ شاگردلَری، عیسا یانینا گلدیلَر، یالواردیلار و دئدیلَر: «بو آرواد لیکیله‌یه-لیکیله‌یه بیزیم قولونجوموزدان گلیر، اؤنو یولا سال تا وارا گئده.» 24عیسا دا جواب وئردی: «من فقط تارئ خَلخی‌نینگ ایتمیش قویون‌لاری ایچی یوللانمیشام.» 25آما او آرواد گلدی، عیسانینگ قیچینه دؤشدو و دئدی: «آقا، منه کؤمَک ائد.» 26عیسا جواب وئردی: «اوشاق‌لار چؤره‌کینی آلماگ و کؤپک‌لَر جلوسینا آتماک روآ ده‌ییل.» 27آرواد دئدی: «بَله آقا، آما کؤپک‌لَر دا اَیه‌لَری‌نینگ سُفره‌‌سیندَن یئره تؤکولَن خوردا چؤره‌کدن یئییرلَر.» 28اوندا عیسا اؤنا دئدی: «آرواد، سَنینگ ایمانینگ بویوک دیر. سنینگ سئدیگینگ، اولسون.» ائله او آن اؤنونگ قیزی شفا توتدو.
عیسا چوخ آداملاری شفا وئریر
29عیسا اؤردان جَلیل دریاچه‌سینه ساری گلدی. جَلیل دریاچه‌سی قیراقیندا بیر آز گزدی و اوندان سورا بیر داغ باشینا چیخدی و اؤردا اوتوردو. 30بیر بویوک جمعیت اؤنونگ یانینا گلدیلَر. اوللار اؤزلَری اینَن آخساق‌لاری، کورلاری، فَلج‌لَری، گُنگ‌لاری و آیری مَریض‌لَری گتیریرلَردی و عیسا قیچی دَمینه قؤیورلاردی، عیسا دا اوللاری شفا وئریردی. 31اوندا کی جمعیت گؤردولَر کی گُنگ‌لار دانیشیرلار، فَلج‌لَر ساغ دیرلَر، آخساق‌لار یول گئدیرلَر و کورلار گؤرورلَر، حیران قالدیلار و یهود خَلخی‌نینگ تارئ‌سینی حَمد و ثنا ائدیلَر.
عیسا دؤرد مینگ آداما خورَکی وئریر
32اوندان سورا عیسا شاگردلَرینی اؤز یانینا چاغیردی و دئدی: «اؤره‌کیم بو جمعیته یانیر چونکی اؤچ گؤن دیر منیم اینَن دیرلَر و داها هئچ‌نه یوخلاری یئیَلَّر. سمئیرَم اوللاری آج یولا سالام، ائدمئیه کی یولدا ضَعف ائدَلَّر.» 33شاگردلَر جواب وئردیلَر: «بیر بئله بیابان یئرده بو هَزَره آدامینگ دویاردماکی ایچی هاردان چؤره‌ک گتیرَک؟» 34عیسا خبر آلدی: «نئچه دانا چؤره‌ک وارینز؟» دئدیلَر: «یئتدی دانا چؤره‌ک و نئچه دانا کوچوک بالیق.» 35عیسا جمعیتی اوتورتدو. 36او، او یئتدی دانا چؤره‌کی و بالیق‌لاری گؤتوردو و شُکر ائدمَکدَن سورا اوللاری تیکه‌له‌دی و شاگردلَره وئردی، شاگردلَر دا اوللاری جمعیت آراسیندا بَهر ائدیلَر. 37واری‌کَس یئدیلَر و دویدولار و اضافه قالان خوردا تیکه‌لَردَن یئتدی سَبد دؤلدو. 38یئیَن آداملارینگ سایقوشی، آروادلار و اوشاق‌لاردان آیری، دؤرد مینگ کیشی ایدی. 39عیسا جمعیتی مُرخص ائدَندَن سورا، قایقا میندی و مَجَدان دیارینا گئتدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company