مَتّی 14
14
تَعمید وئرَن یحیانینگ اؤلمَکی
1اوندا کی هیرودیس حاکم، عیسا ائدیگی ایشلَرینگ خَبرینی ائشیتدی، 2اؤز یانینداکی آداملارا کی بئلَسینه قوللوق ائدیرلَردی، دئدی: «بو ائله تَعمید وئرَن یحیا دیر کی اؤلومدن دئرّیلمیش. بو سَبریه دیر کی بو قُدرتلی ایشلَری گؤره بیلیر.» 3چونکی بیر مُدّت بوندان ایلَری، هیرودیس اؤز ایندیکی آروادی، هیرودیا سَبرسینه کی ایلَرتر، کاکاسی فیلیپُس آروادی ایدی، یحیایی توتموشدو، باغلامیشدی و زندانا سالمیشدی. 4چونکی یحیا هیرودیسه دئییرمیش: «سَنه جایز ده‌ییل کی، بو آرواد اینان ائولَنینگ.» 5هیرودیس سئیردی کی یحیایی اؤلدوره، آما خَلخدَن قورخیردی چونکی اوللار یحیایی بیر پیغمبر بیلیرلَردی. 6هیرودیس حاکمینگ تولّدی جشنینده، هیرودیانینگ قیزی اورتادا اؤینادی. هیرودیسینگ ده خوشو گلدی، 7ائله کی آند ایچدی کی هَرنه کی قیز سئیه، اؤنا وئره‌ر. 8قیز دا آناسی تَحریکی اینَن دئدی: «تَعمید وئرَن یحیانینگ باشینی بوردا بیر مَجمه ایچینده منه وئر.» 9هیرودیس غَملی اولدو، آما ایچدیگی آند و قوناقلار سَبرسینه اَمر ائدی تا قیز سئدیگی‌یی، وئرَلَّر. 10هیرودیس، آدام یوللادی و زنداندا یحیانینگ باشینی کَسدیلَر، 11و اؤنونگ باشینی بیر مَجمه ایچینده گتیردیلَر و قیزه وئردیلَر. قیز دا اؤنو آناسی یانینا آپاردی. 12اوندان سورا دا، یحیا شاگردلَری گلدیلَر، اؤنونگ بَدنینی گؤتوردولَر آپاردیلار و تاپشیردیلار. او زامان گئتدیلَر و عیسایا خَبر وئردیلَر.
عیسا بئش مینگ نفره، خورَکی وئریر
13عیسا بو خَبری ائشیدَنده، قایق اینَن بیر خلوت یئره گئتدی. آما اوندا کی جماعت خَبر اولدولار، شَهرلَردَن پیادا اؤنونگ آردی سورا گئتدیلَر. 14عیسا قایقدن ائنَنده بیر بویوک جمعیت گؤردو و اؤره‌کی اوللارا یاندی و اوللارینگ مَریض‌لَرینی شفا وئردی. 15پَسین‌چاغی، شاگردلَر عیسا یانینا گلدیلَر و دئدیلَر: «بورا بیر بیابان یئر دیر و گؤن ده باتیر، بو خَلخی مُرخص ائد تا بو کَندلَره گئدَلّر و اؤزلَری ایچی خورَکی آلالّار.» 16آما عیسا دئدی: «لازم ده‌ییل گئدَلَّر، سیزینگ اؤزونز اوللارا خورَکی وئرینز.» 17اوللار عیسایا دئدیلَر: «بیزده فقط بئش دانا چؤره‌ک و ایکّی دانا بالیق وار.» 18عیسا دئدی: «اوللاری منیم یانیما گتیرینز.» 19اوندان سورا جمعیته اَمر ائدی کی گئی اوتلار اوستونه اوتورالّار. او زامان بئش دانا چؤره‌کی و ایکّی دانا بالیقی گؤتوردو، گؤیه باخدی و چؤره‌ک‌لَره و بالیق‌لارا بَرکت وئردی. اوندان سورا چؤره‌ک‌لَری تیکه‌له‌دی و شاگردلَره وئردی، شاگردلَر دا اوللاری جمعیته وئردیلَر. 20واری‌کَس یئدیلَر و دویدولار و اضافه قالان خوردا تیکه‌لَردَن اون ایکّی سَبد دؤلدو. 21یئیَن آداملارینگ سایقوشی، آروادلار و اوشاق‌لاردان آیری، بئش مینگ کیشیه یاخین ایدی.
عیسا سو اوستونده یول گئدیر
22اؤرایی تؤکتدیگی‌اینن عیسا، شاگردلَرینی بر پا ائدی تا ائله بئله کی اؤزو جمعیتی مُرخص ائدیر، شاگردلَر قایقا مینَلَّر و اؤزوندن ایلَری، دریاچه‌نینگ او تئیینه گئدَلَّر. 23عیسا جمعیتی مُرخص ائدَندَن سورا، اؤزو تَک، داغا گئتدی تا دُعا ائده. قَرَنگی دؤشَنده، او اؤردا تَک ایدی. 24بو موقعده، قایق قورّولوقدان چوخ ایراق ایدی و موج‌لاردان تلاطیما دؤشموشدو، چونکی یئل اوللارینگ مُخالفی اَسیردی. 25گئجه ساعت اؤچه یاخین، عیسا دریاچه‌نینگ اوستونده یول گئده-گئده اوللارا ساری گلیردی. 26اوندا کی شاگردلَر گؤردولَر کی عیسا سو اوستونده یول گئدیر، وحشت ائدیلَر، قورخودان لیکله‌دیلَر و دئدیلَر: «بو بیر روح دیر.» 27آما عیسا فوری دئدی: «اؤره‌کینز قایم اولسون، منم، قورخماینز.» 28پِطرُس اؤنا جواب وئردی: «آقا، اگر سَنینگ، فرمان وئر تا من ده سو اوستونه سَنینگ یانینا گَلَم.» 29عیسا دئدی: «گَل.» پِطرُس دا قایقدان یازّیا چیخدی، سو اوستونده یول گئتدی و عیسایا ساری گئتدی. 30آما یئلی گؤرَنده، قورخدو و سویا باتیردی کی، چاغیردی و عیسایا دئدی: «آقا، منی نجات وئر.» 31عیسا فوری اَلینی اوزاتدی، اؤنونگ اَلینی توتدو و دئدی: «ای ایمانی آز، نه ایچی شَک ائدینگ؟» 32اوللار قایقا مینَنده، یئل یاتدی. 33قایق ایچینده‌کی‌لَر عیسایا سجده ائدیلَر و دئدیلَر: «گرچَکدَن کی سَن تارئ اوغلو‌یانگ.»
جِنیسارِتده مَریض‌لَری شفا وئرمَک
34اوللار دریاچه‌نینگ او تئیینه ائتیشَنده، جِنیسارِت دیاریندا قایقدن ائندیلَر. 35اوندا کی اؤرانینگ آداملاری عیسایی تانیدیلار، بوتون او منطقه‌لَره آدام یوللادیلار و واری مَریض‌لَری عیسا یانینا گتیردیلَر. 36اوللار عیسایا یالواردیلار تا قؤیا مَریض‌لَر فقط قاباسی‌نینگ بالینا اَل وورالّار و هَر کَس کی اَل ووروردو، شفا توتیردی.
Currently Selected:
مَتّی 14: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 14
14
تَعمید وئرَن یحیانینگ اؤلمَکی
1اوندا کی هیرودیس حاکم، عیسا ائدیگی ایشلَرینگ خَبرینی ائشیتدی، 2اؤز یانینداکی آداملارا کی بئلَسینه قوللوق ائدیرلَردی، دئدی: «بو ائله تَعمید وئرَن یحیا دیر کی اؤلومدن دئرّیلمیش. بو سَبریه دیر کی بو قُدرتلی ایشلَری گؤره بیلیر.» 3چونکی بیر مُدّت بوندان ایلَری، هیرودیس اؤز ایندیکی آروادی، هیرودیا سَبرسینه کی ایلَرتر، کاکاسی فیلیپُس آروادی ایدی، یحیایی توتموشدو، باغلامیشدی و زندانا سالمیشدی. 4چونکی یحیا هیرودیسه دئییرمیش: «سَنه جایز ده‌ییل کی، بو آرواد اینان ائولَنینگ.» 5هیرودیس سئیردی کی یحیایی اؤلدوره، آما خَلخدَن قورخیردی چونکی اوللار یحیایی بیر پیغمبر بیلیرلَردی. 6هیرودیس حاکمینگ تولّدی جشنینده، هیرودیانینگ قیزی اورتادا اؤینادی. هیرودیسینگ ده خوشو گلدی، 7ائله کی آند ایچدی کی هَرنه کی قیز سئیه، اؤنا وئره‌ر. 8قیز دا آناسی تَحریکی اینَن دئدی: «تَعمید وئرَن یحیانینگ باشینی بوردا بیر مَجمه ایچینده منه وئر.» 9هیرودیس غَملی اولدو، آما ایچدیگی آند و قوناقلار سَبرسینه اَمر ائدی تا قیز سئدیگی‌یی، وئرَلَّر. 10هیرودیس، آدام یوللادی و زنداندا یحیانینگ باشینی کَسدیلَر، 11و اؤنونگ باشینی بیر مَجمه ایچینده گتیردیلَر و قیزه وئردیلَر. قیز دا اؤنو آناسی یانینا آپاردی. 12اوندان سورا دا، یحیا شاگردلَری گلدیلَر، اؤنونگ بَدنینی گؤتوردولَر آپاردیلار و تاپشیردیلار. او زامان گئتدیلَر و عیسایا خَبر وئردیلَر.
عیسا بئش مینگ نفره، خورَکی وئریر
13عیسا بو خَبری ائشیدَنده، قایق اینَن بیر خلوت یئره گئتدی. آما اوندا کی جماعت خَبر اولدولار، شَهرلَردَن پیادا اؤنونگ آردی سورا گئتدیلَر. 14عیسا قایقدن ائنَنده بیر بویوک جمعیت گؤردو و اؤره‌کی اوللارا یاندی و اوللارینگ مَریض‌لَرینی شفا وئردی. 15پَسین‌چاغی، شاگردلَر عیسا یانینا گلدیلَر و دئدیلَر: «بورا بیر بیابان یئر دیر و گؤن ده باتیر، بو خَلخی مُرخص ائد تا بو کَندلَره گئدَلّر و اؤزلَری ایچی خورَکی آلالّار.» 16آما عیسا دئدی: «لازم ده‌ییل گئدَلَّر، سیزینگ اؤزونز اوللارا خورَکی وئرینز.» 17اوللار عیسایا دئدیلَر: «بیزده فقط بئش دانا چؤره‌ک و ایکّی دانا بالیق وار.» 18عیسا دئدی: «اوللاری منیم یانیما گتیرینز.» 19اوندان سورا جمعیته اَمر ائدی کی گئی اوتلار اوستونه اوتورالّار. او زامان بئش دانا چؤره‌کی و ایکّی دانا بالیقی گؤتوردو، گؤیه باخدی و چؤره‌ک‌لَره و بالیق‌لارا بَرکت وئردی. اوندان سورا چؤره‌ک‌لَری تیکه‌له‌دی و شاگردلَره وئردی، شاگردلَر دا اوللاری جمعیته وئردیلَر. 20واری‌کَس یئدیلَر و دویدولار و اضافه قالان خوردا تیکه‌لَردَن اون ایکّی سَبد دؤلدو. 21یئیَن آداملارینگ سایقوشی، آروادلار و اوشاق‌لاردان آیری، بئش مینگ کیشیه یاخین ایدی.
عیسا سو اوستونده یول گئدیر
22اؤرایی تؤکتدیگی‌اینن عیسا، شاگردلَرینی بر پا ائدی تا ائله بئله کی اؤزو جمعیتی مُرخص ائدیر، شاگردلَر قایقا مینَلَّر و اؤزوندن ایلَری، دریاچه‌نینگ او تئیینه گئدَلَّر. 23عیسا جمعیتی مُرخص ائدَندَن سورا، اؤزو تَک، داغا گئتدی تا دُعا ائده. قَرَنگی دؤشَنده، او اؤردا تَک ایدی. 24بو موقعده، قایق قورّولوقدان چوخ ایراق ایدی و موج‌لاردان تلاطیما دؤشموشدو، چونکی یئل اوللارینگ مُخالفی اَسیردی. 25گئجه ساعت اؤچه یاخین، عیسا دریاچه‌نینگ اوستونده یول گئده-گئده اوللارا ساری گلیردی. 26اوندا کی شاگردلَر گؤردولَر کی عیسا سو اوستونده یول گئدیر، وحشت ائدیلَر، قورخودان لیکله‌دیلَر و دئدیلَر: «بو بیر روح دیر.» 27آما عیسا فوری دئدی: «اؤره‌کینز قایم اولسون، منم، قورخماینز.» 28پِطرُس اؤنا جواب وئردی: «آقا، اگر سَنینگ، فرمان وئر تا من ده سو اوستونه سَنینگ یانینا گَلَم.» 29عیسا دئدی: «گَل.» پِطرُس دا قایقدان یازّیا چیخدی، سو اوستونده یول گئتدی و عیسایا ساری گئتدی. 30آما یئلی گؤرَنده، قورخدو و سویا باتیردی کی، چاغیردی و عیسایا دئدی: «آقا، منی نجات وئر.» 31عیسا فوری اَلینی اوزاتدی، اؤنونگ اَلینی توتدو و دئدی: «ای ایمانی آز، نه ایچی شَک ائدینگ؟» 32اوللار قایقا مینَنده، یئل یاتدی. 33قایق ایچینده‌کی‌لَر عیسایا سجده ائدیلَر و دئدیلَر: «گرچَکدَن کی سَن تارئ اوغلو‌یانگ.»
جِنیسارِتده مَریض‌لَری شفا وئرمَک
34اوللار دریاچه‌نینگ او تئیینه ائتیشَنده، جِنیسارِت دیاریندا قایقدن ائندیلَر. 35اوندا کی اؤرانینگ آداملاری عیسایی تانیدیلار، بوتون او منطقه‌لَره آدام یوللادیلار و واری مَریض‌لَری عیسا یانینا گتیردیلَر. 36اوللار عیسایا یالواردیلار تا قؤیا مَریض‌لَر فقط قاباسی‌نینگ بالینا اَل وورالّار و هَر کَس کی اَل ووروردو، شفا توتیردی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company