ایکّینجی نامه، تیموتائوسا 3
3
تارئسیزلیگ آخیرکی گؤنلَرده
1آما بونو آنگلا کی آخیرکی گؤنلَرده، سختلیگ زامانلاری گلَر. 2چونکی خَلخ خودپَرست، پیلپَرست و تَکبّرلی اولارلار، غَرّهلیگ ائدرلَر، سؤیوش وئرَن و آنا بووآلاریندان اطاعت ائدمهیَن اولارلار، قَدر بیلمهین و ناپاک اولارلار، 3عاطفهسیز، گذشت ائدمهیَن و بوهتان ووران اولارلار، نَفْس جلوسینی توتمایان، وَحشی و خوبلیگدان یامانی گلَن اولارلار، 4خیانت ائدَن و مُلاحظه ائدمهیَن اولارلار، غَرّهلیگدَن کیپرلَر و عَیّاشلیگی تارئدان آرتیق چوخ سئیرلَر، 5ظاهرده دیندار آما قُدرتینی حاشا ائدَرلَر. بئلهیین آداملاردان اوزاق تور.
6چونکی اوللار آراسیندا بیر پارا آداملار وار دیرلار کی گیریرلَر اوبالار ایچینه و عَقلی یوخ آروادلاری اَسیر ائدیرلَر، او آروادلاری کی گُناهلار یوکو آلتیندا اَگیلمیشلَر و رَقم به رَقم هَوی و هَوسلَر اینن یولدان چیخیرلَر. 7بو آروادلار همیشه تعلیم توتیرلار، آما هئچ وَخت باشارمئیرلار کی حَقیقتینگ مَعرفتینه ائتیشلَّر. 8ائله اولهیین کی یَنّیس و یَمبریس، موسای پیغمبر اینن ضدّ ائدیلَر، بو کیشیلَر ده کی فکرلَری فاسد دیر و ایماندا رَد اولموشلار، حَقیقت اینن ضدّ ائدیرلَر. 9آما اوللار بوندان آرتیق ایلَری گئده بیلمَزلَر، چونکی اوللارینگ نافَهملیگی واری کَسه آشکار اولور، ائله اولهیین کی او ایکّی آدامینگ نافَهملیگی آشکار اولدو.
مُقدّس یازیلینینگ واریسی تارئ اِلهامی دیر
10آما سَن یاخیندَن شاهِد ایمیشانگ منیم تَعلیمیمه، رووآلیما، او هَدفه کی زندلیگده واریم، ایمانیما، صَبریمه، مُحبّتیمه و اِستقامتیمه 11و اَنطاکیه و قونیه و لِستْره شَهرلَرینده باشیما گلن جور و جفالارا و چکدیگیم زجرلَره؛ ائله او تَحمّل ائدیگیم جور و جفالار؛ آما رَب منی اوللارینگ واریسیندان قورتاردی. 12گرچکدن، واری او آداملار کی گؤینلَری سئیر مَسیح عیسادا دیندارلیگ اینن زندلیگ ائدَلّر، جور و جفا چَکرلَر، 13آما شَریر آداملار و حُقّهبازلار بدتردَن بدتر اولارلار، آلداتیرلار و آلدانیرلار؛ 14آما سَن او زاددا کی اؤرگنمیشَینگ و بئلَسینه بیر قایم ایمان گتیرمیشَینگ ائله بئله ایلَری گئد، چونکی بیلیرَینگ کی بوللاری کیملَردن اؤرگنمیشَینگ، 15و نهیین اوشاقلیگدان مُقدّس یازیلیلاری بیلمیشَینگ کی بو یازیلیلار باشاریرلار سَنی حِکمتلی ائدلَّر، او نجات ایچی کی مَسیح عیسایا اولان ایمان طریقیندَن دیر. 16بوتون مُقدّس یازیلیلار تارئ اِلهامی دیر و تَعلیم وئرمَک ایچی، توبیخ ائدمَک ایچی، تَصحیح ائدمَک ایچی و صالحلیگده تَربیت ائدمک ایچی فایدهلی دیر، 17تا بئله، تارئ کیشیسی کامل اولا و هر خوب ایش ایچی آماده اولا.
Currently Selected:
ایکّینجی نامه، تیموتائوسا 3: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
