بیرینجی نامه، قُرِنتلیلَره 5
5
کلیسادا عِفّتسیزلیگ
1گرچکدَن خبر ائتیشمیش کی سیزینگ آراینزدا عِفّتسیزلیگ وار، او ده بیر رَقم کی هئچ بُتپرستلَر ده بونونگ اینان مُدارا ائدمئیرلَر، چونکی بیر کیشی اؤز بووآسی آروادی اینان یاتیر. 2و سیز فَخر ائدیرَینز! بئیه بونونگ یئرینه یاس توتمایاسینز؟ بو ایشی گؤرَن آدامی آراینزدان چیخارتینز یازّیا. 3چون هَرچند کی منیم جسمیم اؤردا دهییل آما روحوم اؤردا دیر. پس ائله کی انگار اؤردا حاضرم، بیر بئلهیین ایش گؤرَن آدامینگ حکمینی ائله ایندیسی ده وئرمیشَم. 4اوندا کی رَب عیسا آدیندا بئلینه یغیلیرَینز و منیم روحوم دا سیزینگ یانینزدا حاضر دیر، رَبّیمیز عیسانینگ قُدرتی اینن، 5سیز بو آدامی، جسمینینگ هلاک اولماکی ایچی شیطان اَلینه وئرهسینز، تا بئله اؤنونگ روحو رَب عیسانینگ بؤکولمهکی گؤنونده نجات توتا.
6سیزینگ بو غَرّه اولماکینز خوب دهییل. بئیه بیلمئیرَینز کی بیر ذرّه خمیر مایا، بوتون خمیری تُرشادیر؟ 7اؤزونزو کُهنه خمیر مایادان آرّیدینز تا بیر تازّا خمیر اولاینز. ائله اولهیین کی گرچکدَن ده سیزده خمیر مایا یوخ دور. چونکی پِسَخ قوزّوموز، مَسیح، قُربانلوق اولموش. 8پس گلینز تا عیدی جشن توتاک. نه کُهنه خمیر مایا اینان کی بدجنسلیگ و شَریرلیگ خمیر مایاسی دیر، بلکی خمیر مایاسیز چؤرهک اینن کی خالصلیگدَن و حَقیقتدَن دیر.
9ایلَرکی نامهمده بئلَینز ایچی یازدیم کی عِفّتسیز آداملار اینان مُعاشرت ائدمَینز. 10آما مَقصودوم بو گپدَن اصلاً بو دهییلدی کی، بو دنیانینگ عِفّتسیز آداملاری اینان، یا دا طمعکارلار و حُقّهبازلار اینان یا دا بُتپرستلَر اینان مُعاشرت ائدمئیَینز، بئله اولسا سیز بورّوجه بو دنیادان چیخهسینز. 11آما ایندی سیزه یازیرام کی او آدام اینان کی اؤزو اوستونه کاکا آدی قؤیور، اگر عِفّتسیز دیر، طمعکار دیر یا دا بُت پَرست ائدیر، یا دا سؤیوش وئرَن، عَرق خور یا حُقّهباز آدام دیر، مُعاشرت ائدمهینز، بیر بئلهیین آدام اینان حَتّی بیر سُفره قیراقینا دا اوتورمانز.
12چونکی منیم نه ایشیم وار کی کلیسادان یازّیداکی آداملارا حکم ائدَم؟ بئیه سیز، کلیسا ایچیندهکی آداملارا حکم ائدمئیهسینز؟ 13کلیسادان یازّیداکی آداملارا تارئ حکم ائدیر. «او شَریر آدامی اؤز آراینزدان چیخارتینز یازّیا.»
Currently Selected:
بیرینجی نامه، قُرِنتلیلَره 5: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
