نامَه وَ تیتوس 2
2
تعلیم دِرسَه یای بییِه
1امّا تِ چییَلی نَه که طبقِ تعلیمِ دِرِسِه، یای بییِه. 2مِردَلِ ریشسَفی وَ هوش بون، سَنگین وِ خوددار بون وِ مِنِه ایمون وِ محبت وِ پاوَرجایی، دِرُس رفتار کِنِن.
3دالویَل هَم بایِس رفتاری خداپَسندانَه داشتَه بون، بهتون نَزَنِن، مِنِه بَندِ شراب زیاد نَبون. اونگَل بایِس چیئی نَه که خوبِه تعلیم بییِن، 4تا بِتَرِن وَ زَنَلِ جَوونتَر یای بییِن که میرَهدوس وِ اولاددوس بون، 5خوددار وِ پاکدامن بون، کِیبِنو، مِرَبون وِ مطیعِ میرَشون بون، تا وَ کلامِ خدا بَدگویی نَوابو.
6هَمیطو مِردَلِ جَوونَه تشویق کُ تا خوددار بون. 7وَ هر بابت خُوت مِنِه هَمَه چی سَرمشقِ کارَلِ خوب بو. مِنِه تعلیمِ خُوت ریراس وِ سنگین بو، 8وِ دِرِسیِ گَپَلِت طوری بو که کسی وَش ایراد نَگِرِه، تا کسی که وَ ضِدِمونِه وَ یِه که چیئی نَیارِه که وَمون بَدگویی کِنِه، شَرمَندَه وابو.
9غلامَلَه تشویق کُ که مِنِه هرچی وَ اربابَلِشون اطاعت کِنِن، بییِکِه یِکدو کِنِن اونگَلَه راضی نِگَه دارِن 10دِزی نَکِنِن، بَلکَم وَ تَمومی ایمونِ خوبَه نِشون بییِن، تا مِنِه هرچی، قشنگیِ تعلیمِ نجات دهندَهمون خدا نَه وَ خوبی نِشون بییِن.
11سییِکِه فیضِ خدا آشکار وابییِه، فیضی که هَمَه نَه نجات اییِه 12وَمون یای اییِه که بیدینی وِ هَوسلِ دنیا نَه وِل کِنیم، بِی خودداری، صالحی وِ دینداری مِنِه ای زمون زِندِیی کِنیم، 13وِ بَندیرِ او امیدِ مبارک بِیم، یعنی ظهورِ پُرجلالِ خِدِی عظیم وِ نجات دهندَهمون عیسی مسیح، 14که جونِ خِشَه نَها وَ رَمون تا ایما نَه وَ هَر شرارت آزاد کِنِه وِ قومی سی خُوش طاهر کِنِه که تِنا این خُوش بون که سی کارَلِ خوب غیرَت دارِن.
15ای چییَلَه اعلام کُ، وِ بِی اقتدارِ تَموم تشویق وِ توبیخ کُ. نَل کسی وَت بی اعتنایی کِنِه.
Currently Selected:
نامَه وَ تیتوس 2: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
