نامَه وَ تیتوس 1

1وَ طرفِ پولُس، غلامِ خدا وِ رسولِ عیسی مسیح، مِ تعیین وابی‌یِمِه که ایمونِ بَرگزیده‌یَلِ خدا نَه تقویت کِنُم وِ حقیقتی نَه که طبقِ دینداری یَه بِگُم، 2ای حقیقت طبقِ امید وَ حیاتِ ابدی یَه که خِدِیی که اَصلاً دِرو نیکِنِه نِهِی شروعِ دوره‌یَل وَعدَشَه وَمون دا 3وِ مِنِه وَختِ دِرُس او وعدَه آشکار وابی، مِنِه کلامی که اعلامِش وَ حُکمِ نجات دهندَه‌مون خدا وَ دَسِ مِ دایَه وابی؛

4وَ تیتوس، که طبقِ ایمونی که نصیبِ هَمَمون وابی‌یِه، اولادِ حَقیقیمِه: فیض وِ صلح‌وُسلامتی وَ طرفِ خِدِی بُو وِ نجات‌ دهندَمون مسیح عیسی وَ تِ بو.

خِصلَتَلِ شیخَل

5سی یِه تِنَه نَهام مِنِه کِریت تا کارَلِ ناتَمومَه سَرِسامون بِیی وِ هَموطو که وَت گُتُم، مِنِه هر شهر شیخَلی بِنی.

6یعنی اَر کسی دیر وَ مَزِمَت، میرِی یِه زَن بو، وِ اولادَلِ ایمونداری داشتَه بو وِ متهم وَ هَرزِه‌ای وِ تور بییَن نبو. 7سی‌یِکِه یِه ناظر که مباشرِ خدایَه، بایِس دیر وَ مَزِمَت بو. وِّ نَبایس غُد یا تندمِزاج یا عَرَق‌خَر یا زورگو و یا حرصِ پیل داشتَه بو، 8بَلکَم خَش‌مِمون، خیر‌خوا، خوددار، درسکار، مقدّس و منظم بو. 9وِّ بایِس سِفت بِچَسبِه وَ کلامِ موردِ اِطمینونی که یای گِرُتِه تا بِتَرِه تعلیمِ دِرِسَه یای بییِه وِ اونگَلی نَه هَم که وَ ضِدِ ای تَعلیمِن توبیخ کِنِه.

10سی‌یِکِه آیَمَلِ تور، گَپِ مُفت‌زَن وِ حُقَه‌باز، زیادِن مَخصوصاً اونگَلی که وَ دسۀ طَرفدارَلِ خَتنَه یَن، 11بایِس کَپِ اونگَلَه بَس، سی‌یِکِه اونگَل سی طمعِ سود بِی تعلیمِ چییَلی که نَبایِس یای بییِن تَمومِ اَهلِ‌اَیالَلَ ایریزِن وَ یَک. 12یکی وَ پیغَمبَرَلِ خِشون گُتِه: «مردِمونِ کریت هَمیشَه مَردِمونی دِروکُن وِ حیوونَلی وحشی وِ کُم‌دِرِسَه‌یَلی تَمبَلِن.» 13ای شهادت راسِه. پَ اونگَلَه سخت توبیخ کُ تا مِنِه ایمون، دِرُس بون، 14وَ مَتَلَلِ خیالیِ یهود وِ دستورَلِ اونگَلی که وَ حقیقت دیر بییِنِه گوش نَیِن. 15سی پاکَل هَمَه چی پاکِه، امّا سی اونگَل که نَجِسِن وِ بی‌ایمون، هیچی پاک نی، بَلکَم هَم فِکرِشون نَجِسِه وِ هَم وجدانِشون. 16اونگَل اِدعا ایکِنِن خدا نَه ایشناسِن، امّا بِی کارَلِشون وِّ نَه حاشا ایکِنِن. اونگَل کِفارات و نافِرمونِن، وِ سی هر کارِ خوبی ناجورِن.

Currently Selected:

نامَه وَ تیتوس 1: SLB

Highlight

Copy