مکاشِفۀ یوحنا 22
22
رو حیات
1اوسِه او فرشتَه، رو اُو حیاتَه وَم نِشون دا که مِی بلور بِرچ ایزَه وُ وَ تختِ خدا وِ بَرَه رُو ایکِه 2وُ وَ دل مِیدونِ شهر رَی ایابی. هَمیطو مِنِه هَر لَتِ رو، دارِ حیات بی، بِی دُوازَه طور میوۀ جورواجورِش، که هر ماه میوۀ خِشَه ایدا. بَلگَلِ او دار سی شَفِی مِلَتَل بی. 3دَ هیچ لعنتی نیسی، بَلکَم تختِ خدا وِ تختِ بَرَه وُچِنِه وِ غلامَلِش وِّ نَه ایپَرَستِن. 4اونگَل ری وِّ نَه ایبینِن، وِ نومِش وَ ری پیشونیشونِه. 5وِ دَ شُو نیابو. اونگَل اِتیاجی وَ نورِ چراغ یا اَفتو نَیارِن، سییِکِه خداوند خدا نورِشون ایابو، وِ اونگَل تا ابدالآباد سلطنت ایکِنِن.
عیسی ایا
6وِ فرشتَه وَم گُت: «ای گَپَل قابلِ اِطمینون وِ راسِه. وِ خداوند، خِدِی روحَلِ پِیغمبَرَل، فرشتۀ خِشَه بِسی کِردِه تا اوچیئی نَه که بایِس وَ زیئی اتفاق بییُفتِه، وَ خادِمَلِش نِشون بییِه.»
7«سِی کُ! مِ وَ هَمی زیئی ایام! خَش وَ حالِ کسی که گَپَلِ نبوتِ ای کتابَه نِگَه کِنِه.»
8مو، یوحنا، هَمو کسی یَم که ای چییَلَه اِشنُفتُم و دییُم. وِ هَمیِکِه اینگَلَه اِشنُفتُم وِ دییُم، اُفتام وَ پِی او فرشتَهای که ای چییَلَه وَم نِشون دایَه بی تا وِّ نَه بِپَرَستُم، 9امّا وِّ وَم گُت: «نَکِنِه ای کارَ کِنی! مِ بِی تو وِ کَکایَلِت، یعنی پِیغَمبرَل، وِ بِی اونگَلی که گَپَلِ ای کتابَه نِگَه ایکِنِن، هُم خِذمَتُم. خدا نَه بِپَرَست.»
10اوسِه وَم گُت: «گَپَلِ نبوتِ ای کتابَه مُهرِموم نَکُ، سییِکِه موقَش نِزیکِه. 11بِل آیَمِ گَندَکار، هَمیطو گَندی کِنِه وِ آیَمِ فاسد، هَمیطو فاسد بو؛ وِ آیَمِ صالح، اوچیئی نَه که دِرِسِه اَنجوم بییِه وِ آیَمِ مقدس، هَمیطو مقدس بو.»
12«سِی کُ! وَ هَمی زیئی ایام وِ پاداشِ خِمَه بام ایارُم تا وَ هر کس طبقِ کارَلِش، پاداش بییُم. 13مِ "الف" وُ "ی"، اوَل وُ آخِر، شروع وِ آخِرِسَرُم.»
14خَش وَ حالِ اونگَلی که قَباشونَه ایشورِن تا حقِ خَردَن وَ دارِ حیاتَه داشتَه بون وُ وَ شهر، وَ دَروازهیَلِش بیان داخل. 15سَگَل وِ جادوگَرَل وِ زِناکارَل وِ آیَمکِشَل وِ بُتپَرَستَل وِ هر کَسی که دِرو نَه دوس دارِه وِ کارَلِش وَ ری دِرو یَه، صَرا وَ شهرِه.
16«مو، عیسی، فرشتۀ خِمَه بِسی کِردِمِه طِیتون تا ای چییَلَه وَ کلیسایَل شهادت بییِه. مِ ریشَه وِ نسلِ داوود وِ ستارۀ نورانیِ صُبُم.»
17روحِ خدا وِ عروس ایگُن: «بیو!»
هرکه ایشنِفِه بِگُ: «بیو!»
وِ هرکه تِشنه یَه بیایِه؛
وِ هرکه ایخوا، اُو حیاتَه بِسونِه، بی یِکِه چیئی بییِه.
18مِ وَ هر کسی که گَپَلِ نبوتِ ای کتابَه ایشنِفِه هُشتار اییُم: که اَر کسی چیئی وَش اِضاف کِنِه، خدا بَلایَلی نَه که مِنِه ای کتاب اومَیِه، ایارِه وَ سَرِش. 19وِ اَر کسی وَ گَپَلِ نبوتِ ای کتاب چیئی کَم کِنِه، خدا وِّ نَه وَ دارِ حیات وُ وَ شهرِ مقدس، کِه مِنِه ای کتاب اومَیِه، بینصیب ایکِنِه.
20وِّ که وَ ای چییَل شهادت اییِه، ایطو ایگُ: «بَله، وَ هَمی زیئی ایام.»
آمین. بیو، ای خداوند عیسی!
21فیضِ خداوند عیسی بِی تَمومِ ایشا بو. آمین.
Currently Selected:
مکاشِفۀ یوحنا 22: SLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
