انجیلِ مَرقُس 5
5
شَفِی مِردِ دیوزَیَه
1اونگَل رَتِن وَ اولَتِ دریاچَه، وَ منطقۀ جِراسی‌یَل. 2وختی عیسی وَ قایق اومَه دومِن، هَمودَقَه مِردی که گرفتار روحِ ناپاک بی، وَ قَبرِسون اومَه وَدَر وِ عیسی نَه دی. 3او مِرد مِنِه قَبرسون وَ سَر ایبُرد وِ دَ کسی جونِ یِنَه نَیاشت که وِّ نَه حتی بِی زنجیر بُویَندِه. 4سی‌یِکِه هَر دَفَه که وِّ نَه بِی زنجیر وُ کُندَه بَسَه بییِن، زنجیرَلَه وَرَنایَه بی وِ کُندِه‌یَلَه اِشکَسَه بی. هیشکَه نیتَرِس وَ رَه بیارِش. 5شُو وِ رو مابینِ مَزارَل وِ ری کُویَل قیرَه ایزَه وِ خِشَه بِی بَرد زخمی ایکِه. 6وختی عیسی نَه وَ دیر دی، در حالی که ایدُویِس اومَه و دَمِ ریش اُفتا وَ زمین، 7بِی صییِی بلند قیرَه زَه: «ای عیسی، کِرِ خِدِی متعال، تِ چِکارِ مِ داری؟ قَسَمِت اییُم وَ خدا که عذابُم نَئی!» 8سی‌یِکِه عیسی وَش گُتَه بی: «ای روحِ ناپاک، وَ ای مِرد بِزَه وَدَر!» 9اوسِه عیسی وَش پُرسی: «نومِت چِنِه؟» جواب دا: «نومُم قِشونِه؛ سی‌یِکِه یِکِلی یِیم.» 10وِ مَهلی وَ عیسی التماس کِه، که اونگَلَه وَ او منطقَه نَکِنِه وَدَر. 11مِنِه تُلَلِ او دورِبال، گلۀ گَپویی خوک ایچَردِن. 12روحَلِ ناپاک وَ عیسی التماس کِردِن وِ گُتِن: «ایما نَه بِسی کِ مِنِه خوکَل؛ بِل بِرِیم مِنِه خوکَل.» 13عیسی وَشون اجازَه دا. پَ روحَلِ ناپاک اومَن وَدَر وِ رَتِن مِنِه خوکَل. گله‌ای که شمارِش حدودِ دِ هزار خوک بی، وَ سَرَزیریِ تِلی هجوم بُردِن مِنِه دریاچَه وِ مِنِه اُو غرق وابی‌یِن.
14خوک‌چَرونَل دَرَتِن وِ مِنِه شهر وِ دهات وَ هر جا که رَسییِن، جَریانَه تعریف کِردِن، طوری که مردم اومَن وَدَر تا اوچیئی نَه که اتّفاق اُفتایَه بی، بِوینِن. 15اونگَل اومَن طِی عیسی وِ وَختی دییِن او مِردِ دیوزَیَه که زیتَر گرفتارِ قِشونِ دیوَل بی، ایسِه جومه کِردِه وَرِش وِ عاقل نِشَسِه وُچه، زَلَه‌تَرَک وابی‌یِن. 16کَسَلی که ای جَریانَه بِی تییَشون دییَه بییِن، اوچیئی نَه که وَ سَرِ مِردِ دیوزَیَه وِ خوکَل اومَیَه بی، سی مردم تعریف کِردِن. 17اوسِه مردم وَ عیسی التماس کِردِن که وَ دیارِشون بِزَنِه وَدَر.
18وختی عیسی سُوارِ قایق ایابی، مِردی که زیتَر دیوزَیَه بی، التماس کِه، که باش بِرَه. 19امّا عیسی اجازَه نَدا وِ گُت: «بِرَه وَ حونَه، طِی رَفیقَلِت وُ وَشون بِگُ که خداوند چه کِردِه سیت وِ چطو وَت رحم کِردِه.» 20پَ او مِرد رَت وِ مِنِه دیارِ دِکاپولیس، شروع کِه وَ اعلام کِردَنِ هر چیئی که عیسی سیش کِردَه بی، وِ مردم هَمَه حیرت‌زَیَه ایابییِن.
شفِی یِه زن و دُویَرِ یایروس
21وَختی عیسی یِه دَف‌دَه بِی قایق رَت وَ اولَتِ اُو. جمعیتِ زیادی طِیش جَم وابی‌یِن وِ عیسی هیبِی اُو بی. 22هَمو موقَع یکی وَ رئیسَلِ کَنیسَه که نومِش یایروس بی اومَه وُچِه وِ بِی دییَنِ عیسی اُفتا وَ پاش 23وِ بِی التماس گُت: «دُویَرِ کِچِلوم دارِه ایمیرِه. تمنا ایکِنُم بییِی، دَسِتَه وَش بِنی تا شفا بِگِرِه وِ زندَه وِیسِه.» 24پَ عیسی باش رَت.
عِدۀ زیادی هَم وَ دینِ عیسی اُفتان وَ رَه. اونگَل وَ هَمَه لَت هِلَش اینان. 25مِنِه او بین، زنی بی که دُوازَه سال گرفتارِ خینریزی بی. 26وِّ زِرِ دَوا دَرمونِ دکتِرَلِ زیادی، مَهلی عذاب کشییَه بی وِ تَمومِ داراییشَه خرج کِردَه بی؛ امّا وَ جِی یِکِه خوب وابو، بَتَر وابی‌یَه بی. 27وِّ درموردِ عیسی اِشنُفتَه بی، سی هَمیو وَ مِلِی جمعیت وَ پَسِ سَرِ عیسی اومَه وِ دَس زَه وَ قَباش. 28سی‌یِکِه بِی خُوش گُتَه بی: «اَر حتی دَس بِزَنُم وَ قَباش، شفا ایگِرُم.» 29هَمو دَقَه خینریزیش بَند اومَه وِ خُوش فَمِس وَ او بلا شفا گِرُتِه. 30عیسی هَمو دَقَه فَمِس که نیرویی وَش زَه وَدَر. پَ وَ جمعیت سِیلی کِه وِ پُرسی: «کی دَس زَه وَ جومَم؟» 31شاگردلِش جواب دان: «ایبینی که مردم هِلَت اینِن؛ اوسِه ایپُرسی، "کی دَسَم زَه؟"» 32امّا عیسی سِیلَ دورِبال ایکِه تا بِوینِه کی ای کارَ کِردِه. 33پَ او زن که دونِس چه وَ سَرِش رَتِه، بِی ترسِ لرز اومَه جلو وِ اُفتا وَ پِی عیسی وِ تَمومِ حقیقتَه وَش گُت. 34عیسی وَش گُت: «ای دویَر، ایمونِت تِنَه شفا دایِه. وَ سلامت بِرَه وُ وَ ای بلا آزاد بُو!»
35عیسی هَنی گَپ ایزَه که عِدِه‌ای وَ حونِی یایروس، رئیس کنیسَه، اومَن وِ گُتِن: «دویَرت مُرد! دَ سیچه استادَ زَحمَت ایئی؟» 36عیسی وختی گَپَلِ اونگَلَه اِشنُفت، وَ رئیس کَنیسَه گُت: «زَلَت مَرَه! فقط ایمون داشتَه بو.» 37وِ نَلِشت غیرَ پطرس وِ یعقوب وِ یوحنا، کَکِی یعقوب، کسی دَ وَ دینِش بِرَه. 38وختی رَسییِن وَ حونِی رئیسِ کنیسَه، عیسی دی قیامَتی وَ پایَه وِ عِدِه‌ای بِی صییِی بلند ایگِریوِن وِ شیوَن ایکِنِن. 39وَختی رَت مِنِه حونَه وَشون گُت: «ای شیوَنِ زاری سی چِنِه؟ دُویَر نَمُردِه، بلکم وَ خُویَه.» 40اونگَل وَش خَندِسِن. امّا بعدَ یِکِه تَمومِ اونگَلَه کِه وَدَر، دِی‌بُو دُویَر وِ هَمیطو شاگردَلی نَه که باش بییِن بِی خُوش بُرد داخل وَ جِیئی که دُویَر بی. 41اوسِه دَسِ دویَرَ گِرُت وِ وَش گُت: «تالیتا کوم!» یعنی: «ای دُویَرِ کُشکِلو، وَ تِ ایگُم وَری!» 42وِّ فوراً وَریسا وِ شروع کِه وَ رَه رَتَن. او دُویَر دُوازَه سالَه بی. اونگَل وَ ای جریان مَهلی حیرت‌زَیَه وابی‌یِن. 43عیسی وَشون قَدَقَن کِه نَلِن کسی وَ ای جریان باخَوَر وابو، وُ وَشون فرمایش کِه چیئی بییِن وَ او دُویَر تا بِخَرِه.
Currently Selected:
انجیلِ مَرقُس 5: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَرقُس 5
5
شَفِی مِردِ دیوزَیَه
1اونگَل رَتِن وَ اولَتِ دریاچَه، وَ منطقۀ جِراسی‌یَل. 2وختی عیسی وَ قایق اومَه دومِن، هَمودَقَه مِردی که گرفتار روحِ ناپاک بی، وَ قَبرِسون اومَه وَدَر وِ عیسی نَه دی. 3او مِرد مِنِه قَبرسون وَ سَر ایبُرد وِ دَ کسی جونِ یِنَه نَیاشت که وِّ نَه حتی بِی زنجیر بُویَندِه. 4سی‌یِکِه هَر دَفَه که وِّ نَه بِی زنجیر وُ کُندَه بَسَه بییِن، زنجیرَلَه وَرَنایَه بی وِ کُندِه‌یَلَه اِشکَسَه بی. هیشکَه نیتَرِس وَ رَه بیارِش. 5شُو وِ رو مابینِ مَزارَل وِ ری کُویَل قیرَه ایزَه وِ خِشَه بِی بَرد زخمی ایکِه. 6وختی عیسی نَه وَ دیر دی، در حالی که ایدُویِس اومَه و دَمِ ریش اُفتا وَ زمین، 7بِی صییِی بلند قیرَه زَه: «ای عیسی، کِرِ خِدِی متعال، تِ چِکارِ مِ داری؟ قَسَمِت اییُم وَ خدا که عذابُم نَئی!» 8سی‌یِکِه عیسی وَش گُتَه بی: «ای روحِ ناپاک، وَ ای مِرد بِزَه وَدَر!» 9اوسِه عیسی وَش پُرسی: «نومِت چِنِه؟» جواب دا: «نومُم قِشونِه؛ سی‌یِکِه یِکِلی یِیم.» 10وِ مَهلی وَ عیسی التماس کِه، که اونگَلَه وَ او منطقَه نَکِنِه وَدَر. 11مِنِه تُلَلِ او دورِبال، گلۀ گَپویی خوک ایچَردِن. 12روحَلِ ناپاک وَ عیسی التماس کِردِن وِ گُتِن: «ایما نَه بِسی کِ مِنِه خوکَل؛ بِل بِرِیم مِنِه خوکَل.» 13عیسی وَشون اجازَه دا. پَ روحَلِ ناپاک اومَن وَدَر وِ رَتِن مِنِه خوکَل. گله‌ای که شمارِش حدودِ دِ هزار خوک بی، وَ سَرَزیریِ تِلی هجوم بُردِن مِنِه دریاچَه وِ مِنِه اُو غرق وابی‌یِن.
14خوک‌چَرونَل دَرَتِن وِ مِنِه شهر وِ دهات وَ هر جا که رَسییِن، جَریانَه تعریف کِردِن، طوری که مردم اومَن وَدَر تا اوچیئی نَه که اتّفاق اُفتایَه بی، بِوینِن. 15اونگَل اومَن طِی عیسی وِ وَختی دییِن او مِردِ دیوزَیَه که زیتَر گرفتارِ قِشونِ دیوَل بی، ایسِه جومه کِردِه وَرِش وِ عاقل نِشَسِه وُچه، زَلَه‌تَرَک وابی‌یِن. 16کَسَلی که ای جَریانَه بِی تییَشون دییَه بییِن، اوچیئی نَه که وَ سَرِ مِردِ دیوزَیَه وِ خوکَل اومَیَه بی، سی مردم تعریف کِردِن. 17اوسِه مردم وَ عیسی التماس کِردِن که وَ دیارِشون بِزَنِه وَدَر.
18وختی عیسی سُوارِ قایق ایابی، مِردی که زیتَر دیوزَیَه بی، التماس کِه، که باش بِرَه. 19امّا عیسی اجازَه نَدا وِ گُت: «بِرَه وَ حونَه، طِی رَفیقَلِت وُ وَشون بِگُ که خداوند چه کِردِه سیت وِ چطو وَت رحم کِردِه.» 20پَ او مِرد رَت وِ مِنِه دیارِ دِکاپولیس، شروع کِه وَ اعلام کِردَنِ هر چیئی که عیسی سیش کِردَه بی، وِ مردم هَمَه حیرت‌زَیَه ایابییِن.
شفِی یِه زن و دُویَرِ یایروس
21وَختی عیسی یِه دَف‌دَه بِی قایق رَت وَ اولَتِ اُو. جمعیتِ زیادی طِیش جَم وابی‌یِن وِ عیسی هیبِی اُو بی. 22هَمو موقَع یکی وَ رئیسَلِ کَنیسَه که نومِش یایروس بی اومَه وُچِه وِ بِی دییَنِ عیسی اُفتا وَ پاش 23وِ بِی التماس گُت: «دُویَرِ کِچِلوم دارِه ایمیرِه. تمنا ایکِنُم بییِی، دَسِتَه وَش بِنی تا شفا بِگِرِه وِ زندَه وِیسِه.» 24پَ عیسی باش رَت.
عِدۀ زیادی هَم وَ دینِ عیسی اُفتان وَ رَه. اونگَل وَ هَمَه لَت هِلَش اینان. 25مِنِه او بین، زنی بی که دُوازَه سال گرفتارِ خینریزی بی. 26وِّ زِرِ دَوا دَرمونِ دکتِرَلِ زیادی، مَهلی عذاب کشییَه بی وِ تَمومِ داراییشَه خرج کِردَه بی؛ امّا وَ جِی یِکِه خوب وابو، بَتَر وابی‌یَه بی. 27وِّ درموردِ عیسی اِشنُفتَه بی، سی هَمیو وَ مِلِی جمعیت وَ پَسِ سَرِ عیسی اومَه وِ دَس زَه وَ قَباش. 28سی‌یِکِه بِی خُوش گُتَه بی: «اَر حتی دَس بِزَنُم وَ قَباش، شفا ایگِرُم.» 29هَمو دَقَه خینریزیش بَند اومَه وِ خُوش فَمِس وَ او بلا شفا گِرُتِه. 30عیسی هَمو دَقَه فَمِس که نیرویی وَش زَه وَدَر. پَ وَ جمعیت سِیلی کِه وِ پُرسی: «کی دَس زَه وَ جومَم؟» 31شاگردلِش جواب دان: «ایبینی که مردم هِلَت اینِن؛ اوسِه ایپُرسی، "کی دَسَم زَه؟"» 32امّا عیسی سِیلَ دورِبال ایکِه تا بِوینِه کی ای کارَ کِردِه. 33پَ او زن که دونِس چه وَ سَرِش رَتِه، بِی ترسِ لرز اومَه جلو وِ اُفتا وَ پِی عیسی وِ تَمومِ حقیقتَه وَش گُت. 34عیسی وَش گُت: «ای دویَر، ایمونِت تِنَه شفا دایِه. وَ سلامت بِرَه وُ وَ ای بلا آزاد بُو!»
35عیسی هَنی گَپ ایزَه که عِدِه‌ای وَ حونِی یایروس، رئیس کنیسَه، اومَن وِ گُتِن: «دویَرت مُرد! دَ سیچه استادَ زَحمَت ایئی؟» 36عیسی وختی گَپَلِ اونگَلَه اِشنُفت، وَ رئیس کَنیسَه گُت: «زَلَت مَرَه! فقط ایمون داشتَه بو.» 37وِ نَلِشت غیرَ پطرس وِ یعقوب وِ یوحنا، کَکِی یعقوب، کسی دَ وَ دینِش بِرَه. 38وختی رَسییِن وَ حونِی رئیسِ کنیسَه، عیسی دی قیامَتی وَ پایَه وِ عِدِه‌ای بِی صییِی بلند ایگِریوِن وِ شیوَن ایکِنِن. 39وَختی رَت مِنِه حونَه وَشون گُت: «ای شیوَنِ زاری سی چِنِه؟ دُویَر نَمُردِه، بلکم وَ خُویَه.» 40اونگَل وَش خَندِسِن. امّا بعدَ یِکِه تَمومِ اونگَلَه کِه وَدَر، دِی‌بُو دُویَر وِ هَمیطو شاگردَلی نَه که باش بییِن بِی خُوش بُرد داخل وَ جِیئی که دُویَر بی. 41اوسِه دَسِ دویَرَ گِرُت وِ وَش گُت: «تالیتا کوم!» یعنی: «ای دُویَرِ کُشکِلو، وَ تِ ایگُم وَری!» 42وِّ فوراً وَریسا وِ شروع کِه وَ رَه رَتَن. او دُویَر دُوازَه سالَه بی. اونگَل وَ ای جریان مَهلی حیرت‌زَیَه وابی‌یِن. 43عیسی وَشون قَدَقَن کِه نَلِن کسی وَ ای جریان باخَوَر وابو، وُ وَشون فرمایش کِه چیئی بییِن وَ او دُویَر تا بِخَرِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company