انجیلِ مَرقُس 4
4
مَثَل بَرزِگر
1یِه دَف‌دَه عیسی مِنِه هیبِی دریا شروع کِه وَ تعلیم دایَن. عِدۀ زیادی دورِشَه گِرُتَه بییِن طوری که وَ ناچار سُوارِ قایقی وابی که مِنِه دریا بی وِ نِشَس مِنِش، وِ تمومِ مردم مِنِه خشکی بییِن. 2اوسِه بِی مَثَلَل، چییَلِ زیادی وَشون یای دا. وِّ مِنِه تعلیمِ خُوش وَشون گُت: 3«گوش کِنیت! یِه رو بَرزِگری سی تیم دایَن رَت وَدَر. 4وختی تیم ایدا، یِه‌پاره‌ای اُفتا مِنِه رَه وِ باهِندِه‌یَل اومَن وِ اونگَلَه خَردِن. 5یِه‌پاره‌ای وَ تیمَل اُفتا وَ زمینِ بَردَلی‌دون که خَکِ زیادی نَیاشت. پَ زی سُوز وابی، سی‌یِکِه ریشَش مِنِه خَکِ کَمی بی. 6وختی اَفتو زَه، همَشون سُتِن وِ خُشک وابی‌یِن، سی‌یِکِه ریشه نَیاشتِن. 7یِه‌پاره‌ای هم اُفتا مِلِی خارَل. خارَل سُوز کِه، اونگَلَه خَفَه کِه وِ ثَمَری وَشون وَ دَس نَیومَه. 8امّا باقیِ تیمَل اُفتا وَ زمینِ خوب وِ تِنجَه زَه، سُوز کِه وِ ثمر آوُرد، زیاد وابی، یِه‌پاره‌ای سی، یِه‌پاره‌ای شَص وِ یِه‌پاره‌ای حتی صد برابر.» 9اوسِه عیسی گُت: «هرکه گوشِ شنوا دارِه، بِشنِفِه.»
10موقِی که عیسی تِنا بی، او دُوازَه نَفَر وِ کَسَلی که دورِش بییِن، درموردِ مَثَلَل وَش پُرسییِن. 11عیسی وَشون گُت: «فَهمِ رازِ پادشاییِ خدا وَ ایشا دایَه وابی‌یِه، امّا سی مردمِ وَدَر، هَمَه چی وَ صورتِ مَثَلِه؛ 12تا:
«"سِیل کِنِن، امّا حالیشون نَوابو،
بِشنِفِن، امّا نَفَمِن،
نِکِنِه وَرگَردِن وِ آمرزییَه وابون!"»
13اوسِه وَشون گُت: «مَه ای مَثَلَه نیفَمیت؟ پَ چطو ایتَریت مَثَلَلِ دَ نَه بِفَمیت؟ 14بَرزِگر کلامَه ایکارِه. 15یِه‌پاره‌ای وَ مردم مِی تیمَلِ هیبِی رَه‌یَن، وُچِه که کلام کاشتَه ایابو؛ هَمیِکِه کلامَه ایشنِفِن، شِیطون زی ایا وِ او کلامی نَه که مِنِشون کاشتَه وابی‌یِه، ایدِزِه. 16بقیَه، مِی تیمَلِ کاشتَه وابی‌یَه وَ بَردَلی‌دونِن؛ اونگَل کلامَه ایشنِفِن وِ زی وِه نَه بِی شایی قبول ایکِنِن، 17امّا سی‌یِکِه مِنِه خِشون ریشَه نَیارِن، تِنا یِچِی طاقت ایارِن. امّا هَمیِکِه وَ خاطرِ کلام، سختی یا آزاری وَشون بِرَسِه، زی ایمونِشونَه وَ دَس اییِن. 18عِدِه‌ای دَ، مِی تیمَلِ کاشتَه وابی‌یَه مِلِی خارَلِن؛ کلامَه ایشنِفِن، 19امّا هول‌وهراسَلِ ای دنیا وِ عشقِ مال وُ ثروت وِ هوسِ چییَلِ دَ رَه ایجورِه مِنِشون وِ کلامَه مِنِه اونگَل خَفَه ایکِنِه وُ وَ ثمر نیرَسِه. 20بقیَه، مِی تیمَلِ کاشتَه وابی‌یَه مِنِه زمینِ خوبِن؛ کلامَه ایشنِفِن، وِه نَه قبول ایکِنِن وِ سی، شَص وِ حتی صد برابر ثَمَر ایارِن.»
مَثَل چراغ
21عیسی وَشون گُت: «مَه چراغَه ایاریت تا وِه نَه بِنیت زِرِ کاسَه یا تخت؟ مَه وِه نَه نینیت وَ چراغدون؟ 22سی‌یِکِه چیئی پَنون نی که آشکار نَوابو، وِ چیئی پوشییَه نی که دیار نَوابو. 23هرکه گوشِ شنوا دارِه، بِشنِفِه.» 24اوسِه یِنَه هَم گُت: «حواسِتون بو چه ایشنِفیت. بِی هَمو پِیمونه‌ای که کِیل کِنیت، سیتون کِیل ایابو، وِ حتی بیشتر. 25سی‌یِکِه وَ وِه که دارِه، بیشتر دایَه ایابو وُ وَ وِه که نَیارِه، هَموِنَم که داره اِسَیَه ایابو.»
مَثَل تیمی که سُوز ایکِنِه
26عیسی گُت: «پادشاییِ خدا مِی مِردی یَه که ری زمین تیم اییِه. 27شُو وِ رو، چه وِّ مِنِه خُو بو چه دِیار، تیم سُوز ایکِنِه وِ گَپو ایابو. چِطوشَه؟ وِّ نُونِه. 28زمین وَ وِل ثمَر اییِه: اَوَل کِلور، دِنداش خُوش سُوز ایکِنِه وِ اوسِه خوش پِر ایابو وَ دون. 29وختی دون بِرَسِه، بَرزِگر فوراً داسَه اییَگِرِه، سی‌یِکِه مُوسِمِ بِرییَن رَسییِه.»
مَثَل دونۀ خردل
30عیسی یِه دَف‌دَه گُت: «ایتَریم بِگیم پادشاییِ خدا شَبی چِنِه، یا چه مَثَلی سیش بیاریم؟ 31مِی دونۀ خردلِه. خردل، کِچِلوترین دونه‌ای یَه که مِنِه زمین ایکارِن، 32امّا وختی کاشتَه وابی، سُوز ایکِنِه وُ وَ تَمومِ گیایَلِ باغ گَپوتَر ایابو، کِلغِه‌یَلِش گَپو ایابو، طوری که باهِندِه‌‌یلِ آسمون ایان وِ مِنِه سایَش چال ایکِنِن.»
33عیسی بِی مَثَلَلِ زیادی مِی ای مَثَل، تا وُچِه که ایتَرِسِن بِفَمِن، کلامِ خدا نَه سیشون ایگُت. 34وِّ غیرَ بِی مَثَل چیئی وَشون نیگُت؛ امّا وختی بِی شاگردلِش مِنِه خَلفت بی، سیشون معنیِ مَثَلَلَه ایگُت.
آروم کِردَنِ تیفونِ دریا
35تَنگِ پَسینِ هَمو روز، عیسی وَ شاگردَلِش گُت: «بی‌یِیت بِرِیم وَ اولَتِ دریاچَه.» 36اونگَل وَ طِی جمعیت رَتِن وِ عیسی نَه مِنِه هَمو قایقی که بی، بِی خِشون بُردِن. چَن قایقِ دَ هَم باشون بی. 37یِه دَفَه تندبایِ سختی وَریسا. موجَل طوری وَ قایق ایخَه که نِزیک بی پِر وابو وَ اُو. 38امّا عیسی پَسِ قایق، سَرِشَه نَهایَه بی ری بَلِشتی وِ خُوسییَه بی. شاگردل وِّ نَه دیار کِردِن وِ گُتِن: «استاد، تِ باکیت نی که غرق وابِیم؟» 39عیسی وَریسا وُ وَ بای نهیب زَه وُ وَ دریا امر کِه: «صیا مَکُ! آروم بُو!» اوسِه بای خُوسی وِ هَمَه جا آروم وابی. 40اوسِه وَ شاگردلِش گُت: «سیچه ایطو زَلَتون رَتِه؟ مَه هَنی ایمون نَیاریت؟» 41اونگَل مَهلی هراسون وابی‌یَه بییِن، وَ یَک ایگُتِن: «یِه دَ کیَه که حتی بای وِ دریا هَم وَش اطاعت ایکِنِن!»
Currently Selected:
انجیلِ مَرقُس 4: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَرقُس 4
4
مَثَل بَرزِگر
1یِه دَف‌دَه عیسی مِنِه هیبِی دریا شروع کِه وَ تعلیم دایَن. عِدۀ زیادی دورِشَه گِرُتَه بییِن طوری که وَ ناچار سُوارِ قایقی وابی که مِنِه دریا بی وِ نِشَس مِنِش، وِ تمومِ مردم مِنِه خشکی بییِن. 2اوسِه بِی مَثَلَل، چییَلِ زیادی وَشون یای دا. وِّ مِنِه تعلیمِ خُوش وَشون گُت: 3«گوش کِنیت! یِه رو بَرزِگری سی تیم دایَن رَت وَدَر. 4وختی تیم ایدا، یِه‌پاره‌ای اُفتا مِنِه رَه وِ باهِندِه‌یَل اومَن وِ اونگَلَه خَردِن. 5یِه‌پاره‌ای وَ تیمَل اُفتا وَ زمینِ بَردَلی‌دون که خَکِ زیادی نَیاشت. پَ زی سُوز وابی، سی‌یِکِه ریشَش مِنِه خَکِ کَمی بی. 6وختی اَفتو زَه، همَشون سُتِن وِ خُشک وابی‌یِن، سی‌یِکِه ریشه نَیاشتِن. 7یِه‌پاره‌ای هم اُفتا مِلِی خارَل. خارَل سُوز کِه، اونگَلَه خَفَه کِه وِ ثَمَری وَشون وَ دَس نَیومَه. 8امّا باقیِ تیمَل اُفتا وَ زمینِ خوب وِ تِنجَه زَه، سُوز کِه وِ ثمر آوُرد، زیاد وابی، یِه‌پاره‌ای سی، یِه‌پاره‌ای شَص وِ یِه‌پاره‌ای حتی صد برابر.» 9اوسِه عیسی گُت: «هرکه گوشِ شنوا دارِه، بِشنِفِه.»
10موقِی که عیسی تِنا بی، او دُوازَه نَفَر وِ کَسَلی که دورِش بییِن، درموردِ مَثَلَل وَش پُرسییِن. 11عیسی وَشون گُت: «فَهمِ رازِ پادشاییِ خدا وَ ایشا دایَه وابی‌یِه، امّا سی مردمِ وَدَر، هَمَه چی وَ صورتِ مَثَلِه؛ 12تا:
«"سِیل کِنِن، امّا حالیشون نَوابو،
بِشنِفِن، امّا نَفَمِن،
نِکِنِه وَرگَردِن وِ آمرزییَه وابون!"»
13اوسِه وَشون گُت: «مَه ای مَثَلَه نیفَمیت؟ پَ چطو ایتَریت مَثَلَلِ دَ نَه بِفَمیت؟ 14بَرزِگر کلامَه ایکارِه. 15یِه‌پاره‌ای وَ مردم مِی تیمَلِ هیبِی رَه‌یَن، وُچِه که کلام کاشتَه ایابو؛ هَمیِکِه کلامَه ایشنِفِن، شِیطون زی ایا وِ او کلامی نَه که مِنِشون کاشتَه وابی‌یِه، ایدِزِه. 16بقیَه، مِی تیمَلِ کاشتَه وابی‌یَه وَ بَردَلی‌دونِن؛ اونگَل کلامَه ایشنِفِن وِ زی وِه نَه بِی شایی قبول ایکِنِن، 17امّا سی‌یِکِه مِنِه خِشون ریشَه نَیارِن، تِنا یِچِی طاقت ایارِن. امّا هَمیِکِه وَ خاطرِ کلام، سختی یا آزاری وَشون بِرَسِه، زی ایمونِشونَه وَ دَس اییِن. 18عِدِه‌ای دَ، مِی تیمَلِ کاشتَه وابی‌یَه مِلِی خارَلِن؛ کلامَه ایشنِفِن، 19امّا هول‌وهراسَلِ ای دنیا وِ عشقِ مال وُ ثروت وِ هوسِ چییَلِ دَ رَه ایجورِه مِنِشون وِ کلامَه مِنِه اونگَل خَفَه ایکِنِه وُ وَ ثمر نیرَسِه. 20بقیَه، مِی تیمَلِ کاشتَه وابی‌یَه مِنِه زمینِ خوبِن؛ کلامَه ایشنِفِن، وِه نَه قبول ایکِنِن وِ سی، شَص وِ حتی صد برابر ثَمَر ایارِن.»
مَثَل چراغ
21عیسی وَشون گُت: «مَه چراغَه ایاریت تا وِه نَه بِنیت زِرِ کاسَه یا تخت؟ مَه وِه نَه نینیت وَ چراغدون؟ 22سی‌یِکِه چیئی پَنون نی که آشکار نَوابو، وِ چیئی پوشییَه نی که دیار نَوابو. 23هرکه گوشِ شنوا دارِه، بِشنِفِه.» 24اوسِه یِنَه هَم گُت: «حواسِتون بو چه ایشنِفیت. بِی هَمو پِیمونه‌ای که کِیل کِنیت، سیتون کِیل ایابو، وِ حتی بیشتر. 25سی‌یِکِه وَ وِه که دارِه، بیشتر دایَه ایابو وُ وَ وِه که نَیارِه، هَموِنَم که داره اِسَیَه ایابو.»
مَثَل تیمی که سُوز ایکِنِه
26عیسی گُت: «پادشاییِ خدا مِی مِردی یَه که ری زمین تیم اییِه. 27شُو وِ رو، چه وِّ مِنِه خُو بو چه دِیار، تیم سُوز ایکِنِه وِ گَپو ایابو. چِطوشَه؟ وِّ نُونِه. 28زمین وَ وِل ثمَر اییِه: اَوَل کِلور، دِنداش خُوش سُوز ایکِنِه وِ اوسِه خوش پِر ایابو وَ دون. 29وختی دون بِرَسِه، بَرزِگر فوراً داسَه اییَگِرِه، سی‌یِکِه مُوسِمِ بِرییَن رَسییِه.»
مَثَل دونۀ خردل
30عیسی یِه دَف‌دَه گُت: «ایتَریم بِگیم پادشاییِ خدا شَبی چِنِه، یا چه مَثَلی سیش بیاریم؟ 31مِی دونۀ خردلِه. خردل، کِچِلوترین دونه‌ای یَه که مِنِه زمین ایکارِن، 32امّا وختی کاشتَه وابی، سُوز ایکِنِه وُ وَ تَمومِ گیایَلِ باغ گَپوتَر ایابو، کِلغِه‌یَلِش گَپو ایابو، طوری که باهِندِه‌‌یلِ آسمون ایان وِ مِنِه سایَش چال ایکِنِن.»
33عیسی بِی مَثَلَلِ زیادی مِی ای مَثَل، تا وُچِه که ایتَرِسِن بِفَمِن، کلامِ خدا نَه سیشون ایگُت. 34وِّ غیرَ بِی مَثَل چیئی وَشون نیگُت؛ امّا وختی بِی شاگردلِش مِنِه خَلفت بی، سیشون معنیِ مَثَلَلَه ایگُت.
آروم کِردَنِ تیفونِ دریا
35تَنگِ پَسینِ هَمو روز، عیسی وَ شاگردَلِش گُت: «بی‌یِیت بِرِیم وَ اولَتِ دریاچَه.» 36اونگَل وَ طِی جمعیت رَتِن وِ عیسی نَه مِنِه هَمو قایقی که بی، بِی خِشون بُردِن. چَن قایقِ دَ هَم باشون بی. 37یِه دَفَه تندبایِ سختی وَریسا. موجَل طوری وَ قایق ایخَه که نِزیک بی پِر وابو وَ اُو. 38امّا عیسی پَسِ قایق، سَرِشَه نَهایَه بی ری بَلِشتی وِ خُوسییَه بی. شاگردل وِّ نَه دیار کِردِن وِ گُتِن: «استاد، تِ باکیت نی که غرق وابِیم؟» 39عیسی وَریسا وُ وَ بای نهیب زَه وُ وَ دریا امر کِه: «صیا مَکُ! آروم بُو!» اوسِه بای خُوسی وِ هَمَه جا آروم وابی. 40اوسِه وَ شاگردلِش گُت: «سیچه ایطو زَلَتون رَتِه؟ مَه هَنی ایمون نَیاریت؟» 41اونگَل مَهلی هراسون وابی‌یَه بییِن، وَ یَک ایگُتِن: «یِه دَ کیَه که حتی بای وِ دریا هَم وَش اطاعت ایکِنِن!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company