انجیلِ مَرقُس 3
3
شَفِی مِردی که دَسِش خشک وابی‌یَه بی
1عیسی یِه دَف‌دَه رَت وَ کنیسه. وُچِه مِردی بی که یِه دَسِش خُشک وابی‌یَه بی. 2اونگل عیسی نَه زِرِ نَظر داشتِن که بینِن مَه مِنِه روزِ شبّات او مِردَ شفا اییِه، تا بُونِه‌ای سی مَحکوم کِردَنِش بِجورِن. 3عیسی وَ مِردی که دَسِش خشک وابی‌یَه بی گُت: «بیو وِچُو.» 4اوسِه وَشون پُرسی: «مِنِه روزِ شبّات خوبی کِردَن جایزِه یا بَدی کِردَن؟ جونِ کسی نَه نجات دایَن یا کُشتَن؟» امّا اونگَل صیا نَکِردِن. 5عیسی، بِی خِشم وَ کَسَلی که دورِوَرِش بییِن سِیل کِه وِ غَم وَبار وَ بیرَحمی اونگَل، وَ او مِرد گُت: «دَسِتَه دراز کُ.» وِّ دَسِشَه دراز کِه وِ دَسِش مِی اَوَلِش خوب وابی. 6اوسِه عالِمَلِ فرقۀ فَریسی رَتِن وَدَر وِ فوراً بِی طَرفدارَلِ هیرودیس نَخشَه کَشییِن که چطو عیسی نَه وَ بِین بُویَرِن.
جماعتی وَ مردم وَ دینِ عیسی بییِن
7عیسی بِی شاگردَلِش رَت هیبِی دریا. عدۀ زیادی وَ جلیلی‌یَل هَم وَ دینِ عیسی رُونَه وابی‌یِن. 8هَمیطو، عِدۀ زیادی وَ مردمِ یهودیه وِ اورشلیم وِ اِدومیَه وِ منطقه‌یَلِ اولَتِ رو اردن وِ دورِبالِ صور وِ صیدون، وختی خَوَرِ کارَلِ وِّ نَه اِشنُفتِن، اومَن طِیش. 9وَ خاطرِ زیادی جمعیت، عیسی وَ شاگردلِش فرمایش کِه قایقی سیش آمایَه کِنِن، تا مردم هِلَش نَیارِن. 10سی‌یِکِه وَ وُچِه که خیلی‌یَلَه شفا دایَه بی، دردَبارَل هِلَش ایاوُردِن تا دَسَش بِزَنِن. 11هر وخت روحَلِ ناپاک وِّ نَه ایدییِن، در برابرِش اییُفتان وَ خَک وِ قیرَه ایزَن: «تِ کِرِ خدایِی!» 12امّا عیسی وَشون قَدقَن ایکِه وَ بقیَه نَگُن وِّ کیَه.
جیا کِردَنِ دُوازَه رسول
13عیسی وَ کُویی رَت بالا وِ اونگَلی نَه که مِنِه نظرش بییِن، صیا کِه وِ اونگَل اومَن طِیش. 14وِّ دُوازَه نَفَرَ جیا کِه وِ اونگَلَه رسول نوم نَها، تا بِی وِّ بُون وِ اونگَلَه بِسی کِنِه سی موعظه، 15وِ ای اقتدارَ داشتَه بُون که دیوَلَه کِنِن وَدَر. 16او دُوازَه نَفَری که جیا کِه اینگَل بییِن: شمعون، هَم وِه که نومِشَه نَها پطرس؛ 17یعقوب کِرِ زِبِدی وِ کَکاش یوحنا، هَمونگَل که نومِشونَه نَها «بوآنِرجِس»، یعنی «کُرَلِ تَشِ‌برق»؛ 18آندریاس، فیلیپُس، بَرتولما، مَتّی، توما، یعقوب کِرِ حَلفای، تَدّای، شمعون غیور، 19وِ یهودایِ اَسخَریوطی که عیسی نَه تسلیم دشمن کِه.
20یِه رو دَ عیسی رَت وَ حونَه وِ اُمبِلا عِدِۀ زیادی جَم وابی‌یِن، طوری که عیسی وِ شاگردَلِش حتی وختِ غذا خَردَن نَیاشتِن. 21وختی خیشَلِ عیسی یِنَه اِشنُفتِن، رُونَه وابی‌یِن تا وِّ نَه وَگِرِن بِی خِشون بُویَرِن، سی‌یِکِه ایگُتِن: «عقلِشَه وَ دَس دایِه.»
کُفر وَ روح‌القدس
22معلملِ تورات هم که وَ اورشلیم اومَیَه بییِن ایگُتِن: «بِعلزِبول که رئیسِ دیوَلِه وِّ نَه گِرُته، وِ دیوَلَه وَ کِمَکِ وِه ایکِنِه وَدَر.» 23پَ عیسی صیاشون کِه وِ مَثَلَلی سیشون آوُرد وِ گُت: «چطو ایابو شیطون، شیطونَه کِنِه وَدَر؟ 24اَر مَملِکَتی وَ ضدِ خُوش وَریسِه، پاوَرجا نیوِیسِه. 25هَمیطو اَر حونه‌ای وَ ضدِ خُوش وَریسِه: او حونَه پاوَرجا نیوِیسِه. 26شیطون هَم اَر وَ ضدِ خُوش وَریسِه وِ دِ دَسَه وابو، نیتَرِه پاوَرجا وِیسِه، بلکم دَ رَسییِه وَ آخِرِش. 27وَراسی هیشکَه نیتَرِه بِرَه مِنِه حونۀ مِردِ زورداری وِ مالِ‌مِنالِشَه غارت کِنِه، غیرَ یِکِه اَوَل او مِردِ زوردارَ بُویَندِه. اوسِه ایتَرِه حونَشَه غارت کِنِه.
28«وَراسی، وَ ایشا ایگُم که تمومِ گِنایَلِ بَنی‌بَشَر وِ هر کُفری که بِگُ آمرزییَه ایابو؛ 29امّا هرکه وَ روح‌القدس کُفر بِگُ، وَتَه آمرزییَه نیابو، بلکم خطاکار وَ گناهِ ابدی یَه.» 30ای گَپِ عیسی سی یِه بی که ایگُتِن «روح ناپاک دارِه.»
دِی وِ کَکایَلِ عیسی
31اوسِه دِی وِ کَکایَلِ عیسی اومَن. اونگَل وِیسان وَدَر، کسی نَه بِسی کِردِن تا عیسی نَه صیا کِنِه. 32جماعتی که دورِ عیسی نِشَسَه بییِن وَش گُتِن: «دِی وِ کَکایَلِت وِیسانِه وَدَر وِ تِنَه ایجورِن.» 33عیسی جواب دا: «دِی وِ کَکایَلِ مِ کی یَن؟» 34اوسِه وَ اونگَل که دورِش نِشَسَه بییِن، سِیل کِه وِ گُت: «اینگَلِن دِی وِ کَکایَلُم! 35سی‌یِکِه هرکه ارادۀ خدا نَه وَجا بیارِه، کَکا وِ دَیَه وِ دِی مِنِه.»
Currently Selected:
انجیلِ مَرقُس 3: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَرقُس 3
3
شَفِی مِردی که دَسِش خشک وابی‌یَه بی
1عیسی یِه دَف‌دَه رَت وَ کنیسه. وُچِه مِردی بی که یِه دَسِش خُشک وابی‌یَه بی. 2اونگل عیسی نَه زِرِ نَظر داشتِن که بینِن مَه مِنِه روزِ شبّات او مِردَ شفا اییِه، تا بُونِه‌ای سی مَحکوم کِردَنِش بِجورِن. 3عیسی وَ مِردی که دَسِش خشک وابی‌یَه بی گُت: «بیو وِچُو.» 4اوسِه وَشون پُرسی: «مِنِه روزِ شبّات خوبی کِردَن جایزِه یا بَدی کِردَن؟ جونِ کسی نَه نجات دایَن یا کُشتَن؟» امّا اونگَل صیا نَکِردِن. 5عیسی، بِی خِشم وَ کَسَلی که دورِوَرِش بییِن سِیل کِه وِ غَم وَبار وَ بیرَحمی اونگَل، وَ او مِرد گُت: «دَسِتَه دراز کُ.» وِّ دَسِشَه دراز کِه وِ دَسِش مِی اَوَلِش خوب وابی. 6اوسِه عالِمَلِ فرقۀ فَریسی رَتِن وَدَر وِ فوراً بِی طَرفدارَلِ هیرودیس نَخشَه کَشییِن که چطو عیسی نَه وَ بِین بُویَرِن.
جماعتی وَ مردم وَ دینِ عیسی بییِن
7عیسی بِی شاگردَلِش رَت هیبِی دریا. عدۀ زیادی وَ جلیلی‌یَل هَم وَ دینِ عیسی رُونَه وابی‌یِن. 8هَمیطو، عِدۀ زیادی وَ مردمِ یهودیه وِ اورشلیم وِ اِدومیَه وِ منطقه‌یَلِ اولَتِ رو اردن وِ دورِبالِ صور وِ صیدون، وختی خَوَرِ کارَلِ وِّ نَه اِشنُفتِن، اومَن طِیش. 9وَ خاطرِ زیادی جمعیت، عیسی وَ شاگردلِش فرمایش کِه قایقی سیش آمایَه کِنِن، تا مردم هِلَش نَیارِن. 10سی‌یِکِه وَ وُچِه که خیلی‌یَلَه شفا دایَه بی، دردَبارَل هِلَش ایاوُردِن تا دَسَش بِزَنِن. 11هر وخت روحَلِ ناپاک وِّ نَه ایدییِن، در برابرِش اییُفتان وَ خَک وِ قیرَه ایزَن: «تِ کِرِ خدایِی!» 12امّا عیسی وَشون قَدقَن ایکِه وَ بقیَه نَگُن وِّ کیَه.
جیا کِردَنِ دُوازَه رسول
13عیسی وَ کُویی رَت بالا وِ اونگَلی نَه که مِنِه نظرش بییِن، صیا کِه وِ اونگَل اومَن طِیش. 14وِّ دُوازَه نَفَرَ جیا کِه وِ اونگَلَه رسول نوم نَها، تا بِی وِّ بُون وِ اونگَلَه بِسی کِنِه سی موعظه، 15وِ ای اقتدارَ داشتَه بُون که دیوَلَه کِنِن وَدَر. 16او دُوازَه نَفَری که جیا کِه اینگَل بییِن: شمعون، هَم وِه که نومِشَه نَها پطرس؛ 17یعقوب کِرِ زِبِدی وِ کَکاش یوحنا، هَمونگَل که نومِشونَه نَها «بوآنِرجِس»، یعنی «کُرَلِ تَشِ‌برق»؛ 18آندریاس، فیلیپُس، بَرتولما، مَتّی، توما، یعقوب کِرِ حَلفای، تَدّای، شمعون غیور، 19وِ یهودایِ اَسخَریوطی که عیسی نَه تسلیم دشمن کِه.
20یِه رو دَ عیسی رَت وَ حونَه وِ اُمبِلا عِدِۀ زیادی جَم وابی‌یِن، طوری که عیسی وِ شاگردَلِش حتی وختِ غذا خَردَن نَیاشتِن. 21وختی خیشَلِ عیسی یِنَه اِشنُفتِن، رُونَه وابی‌یِن تا وِّ نَه وَگِرِن بِی خِشون بُویَرِن، سی‌یِکِه ایگُتِن: «عقلِشَه وَ دَس دایِه.»
کُفر وَ روح‌القدس
22معلملِ تورات هم که وَ اورشلیم اومَیَه بییِن ایگُتِن: «بِعلزِبول که رئیسِ دیوَلِه وِّ نَه گِرُته، وِ دیوَلَه وَ کِمَکِ وِه ایکِنِه وَدَر.» 23پَ عیسی صیاشون کِه وِ مَثَلَلی سیشون آوُرد وِ گُت: «چطو ایابو شیطون، شیطونَه کِنِه وَدَر؟ 24اَر مَملِکَتی وَ ضدِ خُوش وَریسِه، پاوَرجا نیوِیسِه. 25هَمیطو اَر حونه‌ای وَ ضدِ خُوش وَریسِه: او حونَه پاوَرجا نیوِیسِه. 26شیطون هَم اَر وَ ضدِ خُوش وَریسِه وِ دِ دَسَه وابو، نیتَرِه پاوَرجا وِیسِه، بلکم دَ رَسییِه وَ آخِرِش. 27وَراسی هیشکَه نیتَرِه بِرَه مِنِه حونۀ مِردِ زورداری وِ مالِ‌مِنالِشَه غارت کِنِه، غیرَ یِکِه اَوَل او مِردِ زوردارَ بُویَندِه. اوسِه ایتَرِه حونَشَه غارت کِنِه.
28«وَراسی، وَ ایشا ایگُم که تمومِ گِنایَلِ بَنی‌بَشَر وِ هر کُفری که بِگُ آمرزییَه ایابو؛ 29امّا هرکه وَ روح‌القدس کُفر بِگُ، وَتَه آمرزییَه نیابو، بلکم خطاکار وَ گناهِ ابدی یَه.» 30ای گَپِ عیسی سی یِه بی که ایگُتِن «روح ناپاک دارِه.»
دِی وِ کَکایَلِ عیسی
31اوسِه دِی وِ کَکایَلِ عیسی اومَن. اونگَل وِیسان وَدَر، کسی نَه بِسی کِردِن تا عیسی نَه صیا کِنِه. 32جماعتی که دورِ عیسی نِشَسَه بییِن وَش گُتِن: «دِی وِ کَکایَلِت وِیسانِه وَدَر وِ تِنَه ایجورِن.» 33عیسی جواب دا: «دِی وِ کَکایَلِ مِ کی یَن؟» 34اوسِه وَ اونگَل که دورِش نِشَسَه بییِن، سِیل کِه وِ گُت: «اینگَلِن دِی وِ کَکایَلُم! 35سی‌یِکِه هرکه ارادۀ خدا نَه وَجا بیارِه، کَکا وِ دَیَه وِ دِی مِنِه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company