انجیلِ مَرقُس 1
1
یحیِی تعمیددَهندَه، رَه مسیح نَه آمایَه ایکِنِه
1شروع خَوَرِ خَش درموردِ عیسی مسیح، کِرِ خدا.
2دِرُس هَموطو که مِنِه کتابِ اِشعیایِ پیغمبر اومَیِه که:
«ایسِه قاصدِ خِمَه نِهِی تِ بِسی ایکِنُم،
که رَتَه سیت آمایَه ایکِنِه؛»
3«صییِی وِه که مِنِه بیابون قیرَه ایزَنِه:
"رَه خداوندَ آمایَه کِنیت!
رَیَلِ وِّ نَه صاف کِنیت."»
4یحیِی تعمیددَهندَه مِنِه بیابون ظهور کِه، وِ سی مردم موعظَه ایکِه که سی آمرزشِ گِنایَلِشون تعمیدِ توبَه بِگِرِن. 5تَمومِ مردِمِ دیار یهودیَه وِ تَمومِ مَردِمونِ اورشلیم، ایرَتِن طِیش وُ وَ گِنایَلِ خِشون اعتراف ایکِردِن وِ مِنِه رو اردن وَ دَسِش تعمید ایگِرُتِن. 6یحیی جومه‌ای وَ پشمِ شتر ایکِه وَرِش وِ دویالی چرمی ایبَس وَ قَدِش، وِ کِلُو وِ عسلِ کُویی ایخَه. 7وِّ موعظه ایکِه وِ ایگُت: «بعدَ مو، کسی قَویتَر وَ مِ ایایِه که مِ حتی لیاقت نَیارُم خَل وابوم وِ بندِ اُرسی‌یَلِشَه واز کِنُم. 8مِ ایشا نَه بِی اُو تعمید دامِه، امّا وِّ ایشا نَه بِی روح‌القدس تعمید اییِه.»
تعمید عیسی
9مِنِه او روزَل، عیسی وَ ناصرۀ جلیل اومَه وِ مِنِه رو اردن وَ دَسِ یحیی تعمید گِرُت. 10وختی عیسی وَ اُو اییومَه وَدَر، هَمو دَقَه دی که آسمون واز وابی‌یِه وِ روحِ خدا نَه دی که مِی کَموتری ایا دومِن وَ ریش. 11وِ صییِی وَ آسمون اومَه که «تِ کِرِ عزیزِ مِنی، مِ وَت مَهلی راضی‌یَم.»
امتحان وابی‌یَنِ عیسی
12روحِ خدا فوراً عیسی نَه بُرد وَ بیابون. 13عیسی چل رو مِنِه بیابون بی وِ شِیطون امتحانِش ایکِه. وِّ بِی حِیونَلِ وحشی سَر ایکِه وِ فرشته‌یَل خذمَتِش ایکِردِن.
عیسی خِذمَتِشَه شروع ایکِنِه
14بعدَ گرفتار وابی‌یَنِ یحیی، عیسی رَت وَ وِلاتِ جلیل. وِّ خَوَرِ خَشِ پادشاییِ خدا نَه اعلام ایکِه 15وِ ایگُت: «وَختِش رَسییِه وِ پادشاییِ خدا نِزِنگ وابی‌یِه. توبَه کِنیت وُ وَ ای خَوَرِ خَش ایمون بیاریت.»
اَوَلین شاگردَلِ عیسی
16وختی عیسی وَ هیبِی دریاچۀ جلیل رَی ایابی، شمعون وِ کَکاش آندریاسَ دی که تور ایبِسِن مِنِه دریا، سی‌یِکِه صیاد بییِن. 17عیسی وَشون گُت: «وَ دینِ مِ بی‌یِیت، مِ ایشا نَه صیادِ مَردِمون ایکِنُم.» 18اونگَل فوراً تورَلِشونَه نَهان وَ زمین وُ وَ دینِ عیسی رُونَه وابی‌یِن. 19وختی یِچِی رَت جِلوتر، یعقوب کِرِ زِبِدی وِ کَکاش یوحنا نَه دی که مِنِه قایقی تورَلِشونَه آمایَه ایکِردِن. 20فوراً صیاشون کِه. اوسِه اونگَل بُوشون زِبدی نَه بِی کارِگَرَل وِل کِردِن مِنِه قایق وُ وَ دینِ عیسی رُونَه وابی‌یِن.
شفِی مِردی که روحِ ناپاک داشت
21اونگَل رَتِن وَ کفرناحوم. وختی روز شبّات رَسی یعنی روزِ شنبَه که روزِ مقدسِ یَهودی‌یَلِه، عیسی فوراً رَت وَ کَنیسَه که عبادتگاهِ یَهودی‌یَلِه وِ مشغولِ تعلیم دایَن وابی. 22اونگَل وَ تعلیمِش حیرت‌زَیَه وابی‌یِن، سی‌یِکِه بِی اقتدار تعلیم ایدا، نَه مِی معلملِ تورات. 23مِنِه او موقَع، مِنِه کنیسۀ اونگَل مِردی بی که روح ناپاک داشت. او مِرد قیرَه زَه: 24«ای عیسِی ناصری، تِ چه کارِ ایما داری؟ مَه اومِی‌یِی نابودِمون کِنی؟ دونُم کییِی! تِ هَمو قدوسِ خدایِی!» 25امّا عیسی روحِ ناپاکَه نهیب دا وِ گُت: «صیا مَکُ وِ وَش دَرآ!» 26اوسِه روحِ ناپاک او مِردَ سخت تکون دا وِ در حالی که قیرَه ایزَه وَش دَراومَه. 27تَمومِ مردم طوری حیرت‌زَیَه وابی‌یَه بییِن که وَ یَک ایپُرسییِن: «یِه دَ چِنِه؟ چه درسِ تازَه وِ چه اقتداری! وِّ حتی وَ روحَلِ ناپاک هم امر ایکِنِه وِ اونگَل وَش اطاعت ایکِنِن.» 28پَ طولی نَکَشی که آوازۀ وِّ مِنِه سرتاسرِ منطقۀ جلیل پیچِس.
شفِی خَسی پِطرُس وِ خیلی‌یَلِ دَ
29وختی عیسی وَ کَنیسَه اومَه وَدَر، فوراً بِی یعقوب وُ یوحنا رَت وَ حونۀ شَمعون وِ آندریاس. 30خَسی شمعون تُو داشت وِ مِنِه جا بی. اونگَل فوراً عیسی نَه وَ حالِش باخَوَر کِردِن. 31پَ عیسی رَت بالِی سَرِش وِ دَسِشَه گِرُت، وِّ نَه وَریسَنا. تُو او زن بَند اومَه وِ مشغولِ پذیرایی وَ اونگَل وابی.
32سرِ شُو، وَختی اَفتو نِشَس، تَمومِ مریضَل وِ دیوزَدَه‌یَلَه آوُردِن طِی عیسی. 33تَمومِ مَردِم شهر دَمِ درِ او حونَه جَم وابی‌یَه بییِن! 34عیسی خیلی‌یَلَه که گرفتار مریضی‌یَلِ جورواجور بییِن، شفا دا وِ هم دیوَلِ زیادی نَه کِه وَدَر، امّا نَلِشت دیوَل گَپی بِزَنِن، سی‌یِکِه وِّ نَه ایشناختِن.
دِعِی عیسی مِنِه خلفَت
35گَکون که هَنی هوا تاریک بی، عیسی وَریسا وُ وَ حونه زَه وَدَر، رَت وَ جِی خَلفَتی وِ وُچِه مشغولِ دعا وابی. 36شمعون وِ اونگَلی که باش بییِن وَ دینِش گَشتِن. 37وختی وِّ نَه جُسِن، وَش گُتِن: «همه وَ دینِ تِ ایگَردِن!» 38عیسی وَشون گُت: «بی‌یِیت تا بِرِیم وَ آبایی‌یَلِ ای دوروبال تا وُچِه هم موعظه کِنُم، سی‌یِکِه سی هَمیِه اومَمِه.» 39اوسِه رُونَه وابی، مِنِه سرتاسرِ جلیل مِنِه کنیسه‌یَلِ اونگَل موعظَه ایکِه وِ دیوَلَه ایکِه وَدَر.
شَفِی مِردِ جذامی
40مِردی جذامی اومَه طِی عیسی، زونی زَه وِ بِی التماس گُت: «اَر بِخِی، ایتَری شفام بِیی.» 41عیسی دِلِش سیش سُت، دَسِشَه دراز کِه وِ دَس نَها وَ او مِرد وِ وَش گُت: «ایخوام، شفا بِگِه!» 42هَمو دَقَه، جذام وِلِش کِه وُ وِّ شفا گِرُت. 43عیسی فوراً وِّ نَه مرخص کِه وِ وَش قَدَقَن کِه 44وَش گُت: «حَواسِت بو که در موردِ یِه وَ کسی چیئی نَگی؛ بلکم بِرَه وِ خِتَه وَ کاهن نِشون بییِه وِ سی شفا گِرُتَنِت، او قُربونیئی نَه که موسی امر کِه، تقدیم کُ تا سی اونگَل نِشونه‌ای بو.» 45امّا او مرد وختی زَه وَدَر، بی‌پروا درموردِ یِه گَپ زَه وِ خَوَرِ وِه نَه پخش کِه. سی هَمیو عیسی دَ نَتَرِس آشکارا بیایِه وَ شهر، بلکم ایوِیسا مِنِه جایَلِ دیراُفتایَه صَرا وَ شهر. وا ای حال، مردم وَ همه جا اییومَن طِیش.
Currently Selected:
انجیلِ مَرقُس 1: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَرقُس 1
1
یحیِی تعمیددَهندَه، رَه مسیح نَه آمایَه ایکِنِه
1شروع خَوَرِ خَش درموردِ عیسی مسیح، کِرِ خدا.
2دِرُس هَموطو که مِنِه کتابِ اِشعیایِ پیغمبر اومَیِه که:
«ایسِه قاصدِ خِمَه نِهِی تِ بِسی ایکِنُم،
که رَتَه سیت آمایَه ایکِنِه؛»
3«صییِی وِه که مِنِه بیابون قیرَه ایزَنِه:
"رَه خداوندَ آمایَه کِنیت!
رَیَلِ وِّ نَه صاف کِنیت."»
4یحیِی تعمیددَهندَه مِنِه بیابون ظهور کِه، وِ سی مردم موعظَه ایکِه که سی آمرزشِ گِنایَلِشون تعمیدِ توبَه بِگِرِن. 5تَمومِ مردِمِ دیار یهودیَه وِ تَمومِ مَردِمونِ اورشلیم، ایرَتِن طِیش وُ وَ گِنایَلِ خِشون اعتراف ایکِردِن وِ مِنِه رو اردن وَ دَسِش تعمید ایگِرُتِن. 6یحیی جومه‌ای وَ پشمِ شتر ایکِه وَرِش وِ دویالی چرمی ایبَس وَ قَدِش، وِ کِلُو وِ عسلِ کُویی ایخَه. 7وِّ موعظه ایکِه وِ ایگُت: «بعدَ مو، کسی قَویتَر وَ مِ ایایِه که مِ حتی لیاقت نَیارُم خَل وابوم وِ بندِ اُرسی‌یَلِشَه واز کِنُم. 8مِ ایشا نَه بِی اُو تعمید دامِه، امّا وِّ ایشا نَه بِی روح‌القدس تعمید اییِه.»
تعمید عیسی
9مِنِه او روزَل، عیسی وَ ناصرۀ جلیل اومَه وِ مِنِه رو اردن وَ دَسِ یحیی تعمید گِرُت. 10وختی عیسی وَ اُو اییومَه وَدَر، هَمو دَقَه دی که آسمون واز وابی‌یِه وِ روحِ خدا نَه دی که مِی کَموتری ایا دومِن وَ ریش. 11وِ صییِی وَ آسمون اومَه که «تِ کِرِ عزیزِ مِنی، مِ وَت مَهلی راضی‌یَم.»
امتحان وابی‌یَنِ عیسی
12روحِ خدا فوراً عیسی نَه بُرد وَ بیابون. 13عیسی چل رو مِنِه بیابون بی وِ شِیطون امتحانِش ایکِه. وِّ بِی حِیونَلِ وحشی سَر ایکِه وِ فرشته‌یَل خذمَتِش ایکِردِن.
عیسی خِذمَتِشَه شروع ایکِنِه
14بعدَ گرفتار وابی‌یَنِ یحیی، عیسی رَت وَ وِلاتِ جلیل. وِّ خَوَرِ خَشِ پادشاییِ خدا نَه اعلام ایکِه 15وِ ایگُت: «وَختِش رَسییِه وِ پادشاییِ خدا نِزِنگ وابی‌یِه. توبَه کِنیت وُ وَ ای خَوَرِ خَش ایمون بیاریت.»
اَوَلین شاگردَلِ عیسی
16وختی عیسی وَ هیبِی دریاچۀ جلیل رَی ایابی، شمعون وِ کَکاش آندریاسَ دی که تور ایبِسِن مِنِه دریا، سی‌یِکِه صیاد بییِن. 17عیسی وَشون گُت: «وَ دینِ مِ بی‌یِیت، مِ ایشا نَه صیادِ مَردِمون ایکِنُم.» 18اونگَل فوراً تورَلِشونَه نَهان وَ زمین وُ وَ دینِ عیسی رُونَه وابی‌یِن. 19وختی یِچِی رَت جِلوتر، یعقوب کِرِ زِبِدی وِ کَکاش یوحنا نَه دی که مِنِه قایقی تورَلِشونَه آمایَه ایکِردِن. 20فوراً صیاشون کِه. اوسِه اونگَل بُوشون زِبدی نَه بِی کارِگَرَل وِل کِردِن مِنِه قایق وُ وَ دینِ عیسی رُونَه وابی‌یِن.
شفِی مِردی که روحِ ناپاک داشت
21اونگَل رَتِن وَ کفرناحوم. وختی روز شبّات رَسی یعنی روزِ شنبَه که روزِ مقدسِ یَهودی‌یَلِه، عیسی فوراً رَت وَ کَنیسَه که عبادتگاهِ یَهودی‌یَلِه وِ مشغولِ تعلیم دایَن وابی. 22اونگَل وَ تعلیمِش حیرت‌زَیَه وابی‌یِن، سی‌یِکِه بِی اقتدار تعلیم ایدا، نَه مِی معلملِ تورات. 23مِنِه او موقَع، مِنِه کنیسۀ اونگَل مِردی بی که روح ناپاک داشت. او مِرد قیرَه زَه: 24«ای عیسِی ناصری، تِ چه کارِ ایما داری؟ مَه اومِی‌یِی نابودِمون کِنی؟ دونُم کییِی! تِ هَمو قدوسِ خدایِی!» 25امّا عیسی روحِ ناپاکَه نهیب دا وِ گُت: «صیا مَکُ وِ وَش دَرآ!» 26اوسِه روحِ ناپاک او مِردَ سخت تکون دا وِ در حالی که قیرَه ایزَه وَش دَراومَه. 27تَمومِ مردم طوری حیرت‌زَیَه وابی‌یَه بییِن که وَ یَک ایپُرسییِن: «یِه دَ چِنِه؟ چه درسِ تازَه وِ چه اقتداری! وِّ حتی وَ روحَلِ ناپاک هم امر ایکِنِه وِ اونگَل وَش اطاعت ایکِنِن.» 28پَ طولی نَکَشی که آوازۀ وِّ مِنِه سرتاسرِ منطقۀ جلیل پیچِس.
شفِی خَسی پِطرُس وِ خیلی‌یَلِ دَ
29وختی عیسی وَ کَنیسَه اومَه وَدَر، فوراً بِی یعقوب وُ یوحنا رَت وَ حونۀ شَمعون وِ آندریاس. 30خَسی شمعون تُو داشت وِ مِنِه جا بی. اونگَل فوراً عیسی نَه وَ حالِش باخَوَر کِردِن. 31پَ عیسی رَت بالِی سَرِش وِ دَسِشَه گِرُت، وِّ نَه وَریسَنا. تُو او زن بَند اومَه وِ مشغولِ پذیرایی وَ اونگَل وابی.
32سرِ شُو، وَختی اَفتو نِشَس، تَمومِ مریضَل وِ دیوزَدَه‌یَلَه آوُردِن طِی عیسی. 33تَمومِ مَردِم شهر دَمِ درِ او حونَه جَم وابی‌یَه بییِن! 34عیسی خیلی‌یَلَه که گرفتار مریضی‌یَلِ جورواجور بییِن، شفا دا وِ هم دیوَلِ زیادی نَه کِه وَدَر، امّا نَلِشت دیوَل گَپی بِزَنِن، سی‌یِکِه وِّ نَه ایشناختِن.
دِعِی عیسی مِنِه خلفَت
35گَکون که هَنی هوا تاریک بی، عیسی وَریسا وُ وَ حونه زَه وَدَر، رَت وَ جِی خَلفَتی وِ وُچِه مشغولِ دعا وابی. 36شمعون وِ اونگَلی که باش بییِن وَ دینِش گَشتِن. 37وختی وِّ نَه جُسِن، وَش گُتِن: «همه وَ دینِ تِ ایگَردِن!» 38عیسی وَشون گُت: «بی‌یِیت تا بِرِیم وَ آبایی‌یَلِ ای دوروبال تا وُچِه هم موعظه کِنُم، سی‌یِکِه سی هَمیِه اومَمِه.» 39اوسِه رُونَه وابی، مِنِه سرتاسرِ جلیل مِنِه کنیسه‌یَلِ اونگَل موعظَه ایکِه وِ دیوَلَه ایکِه وَدَر.
شَفِی مِردِ جذامی
40مِردی جذامی اومَه طِی عیسی، زونی زَه وِ بِی التماس گُت: «اَر بِخِی، ایتَری شفام بِیی.» 41عیسی دِلِش سیش سُت، دَسِشَه دراز کِه وِ دَس نَها وَ او مِرد وِ وَش گُت: «ایخوام، شفا بِگِه!» 42هَمو دَقَه، جذام وِلِش کِه وُ وِّ شفا گِرُت. 43عیسی فوراً وِّ نَه مرخص کِه وِ وَش قَدَقَن کِه 44وَش گُت: «حَواسِت بو که در موردِ یِه وَ کسی چیئی نَگی؛ بلکم بِرَه وِ خِتَه وَ کاهن نِشون بییِه وِ سی شفا گِرُتَنِت، او قُربونیئی نَه که موسی امر کِه، تقدیم کُ تا سی اونگَل نِشونه‌ای بو.» 45امّا او مرد وختی زَه وَدَر، بی‌پروا درموردِ یِه گَپ زَه وِ خَوَرِ وِه نَه پخش کِه. سی هَمیو عیسی دَ نَتَرِس آشکارا بیایِه وَ شهر، بلکم ایوِیسا مِنِه جایَلِ دیراُفتایَه صَرا وَ شهر. وا ای حال، مردم وَ همه جا اییومَن طِیش.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company