انجیلِ مَتّی 28
28
زندَه وابی‌یَنِ عیسی
1بعدَ روزِ شَبات، مِنِه شَفَقِ اَوَلین روزِ هفتَه، مریمِ مجدلیَّه وِ اویکی مریمِ بِی یَک رَتِن سی دییَنِ مقبَرَه. 2یِه دَفَه زمین‌جِمِشتِ سَختی اومَه، سی‌یِکِه یکی وَ فرشتَه‌یَلِ خداوند وَ آسمون اومَه دومِن وِ رَت وَ طرفِ مقبَرَه وِ بَردَ وَ جِلوش تِر دا اولَت وِ نِشَس سَرِش. 3ری او فرشتَه مِی برقِ آسمون بِرچ ایزَه وِ جومَش مِی برف، سَفی بی. 4ناتورَل وَ زَلِی ایدَکِسِن وِ مِی مُردَه اُفتان وَ ری زمین! 5اوسِه فرشتَه وَ زَنَل گُت: «زَلَتون مَرَه! دونُم که وَ دینِ عیسِی مصلوب ایگَردیت. 6وِّ نَوِیچِنِه، سی‌یِکِه هَموطو که خُوش گُتَه بی، زِندَه وابی‌یِه! بی‌یِیت وِ جِیئی نَه که وِّ خوسییَه بی، بِوینیت، 7وِ فوراً بِرِیت وُ وَ شاگردَلِش بِگِیت که "وِّ وَ مُردِه‌یَل زِندَه وابی‌یِه وِ نِهِی ایشا ایرَه وَ شهرِ جلیل وِ وُچه وِّ نَه ایبینیت." سِی کِنیت! مِ وَ ایشا گُتُم!» 8پَ زَنَل بِی ترس وِ شاییِ زیاد، فوراً وَ مقبَرَه رُونَه وابی‌یِن وِ جِکِسِن وَ طرفِ شاگردَل تا ای اتّفاقَه وَشون خَوَر بییِن. 9یِه دَفَه عیسی باشون روبرو وابی وِ گُت: «سلام وَ ایشا بو!» زَنَل اومَن جِلو اُفتان وَ پایَلِش، وِّ نَه پرستش کِردِن. 10اوسِه عیسی وَشون فرمایش کِه: «زَلَتون مَرَه! بِرِیت وُ وَ کَکایَلُم بِگِیت که بِرَن وَ جلیل. وُچه مِنَه ایبینِن.»
گزارش ناتورَل
11هَنی زَنَل مِنِه رَه بییِن، که عِدِه‌ای وَ ناتورَل رَتِن وَ شهر، تَمومِ اتّفاقَلَه وَ کاهنلِ گپو گزارش دان. 12کاهِنَلِ گَپو هَم بعدَ یِکِه شِیخَلَه دییِن وِ باشون شُور کِردِن، وَ سربازَل پیلِ زیادی دان، 13وِ گُتِن: «وَ مردم بِگِیت، "شاگردلِ عیسی شبانَه اومَن وِ موقِی که ایما وَ خُو بیئیم، جنازَشَه دِزییِن." 14اَر ای خَوَر وَ گوشِ فَرمُندار بِرَسِه، ایما خِمون وِّ نَه قانع ایکِنیم تا سیتون مشکلی پیش نَیا.» 15ناتورَل پیلَه اِسَن وِ طبق اوچیئی که وَشون گُتَه وابی‌یَه بی عمل کِردِن. وِ ای داستان هَنی که هَنی یَه مابینِ یهودی‌یَل گُتَه ایابو.
مأموریت گَپو
16اوسِه او یازَه شاگرد رَتِن وَ جلیل، سَرِ کُویی که عیسی وَشون فرمایش کِردَه بی. 17وختی عیسی نَه وُچه دییِن، وِّ نَه پرستش کِردِن. امّا یِه‌پاره‌ایشون شک کِردِن. 18اوسِه عیسی اومَه نِزِنگ وُ وَشون فرمایش کِه: «تمومِ اقتدار مِنِه آسمون وِ زمین وَ مِ دایَه وابی‌یِه. 19پَ بِرِیت وِ تَمومِ مِلَتَلَه شاگردِ مِ کِنیت وِ اونگَلَه وَ نومِ بُو، کُر وِ روح‌القدس تعمید بِئیت 20وُ وَشون تعلیم بِئیت که تَمومِ چییَلی نَه که وَ ایشا دستور دایِمِه، وَجا بیارِن. مطمئن بِیت، ایسِه مِ هَمیشَه تا آخِرِ ای دورَه باتونُم!»
Currently Selected:
انجیلِ مَتّی 28: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 28
28
زندَه وابی‌یَنِ عیسی
1بعدَ روزِ شَبات، مِنِه شَفَقِ اَوَلین روزِ هفتَه، مریمِ مجدلیَّه وِ اویکی مریمِ بِی یَک رَتِن سی دییَنِ مقبَرَه. 2یِه دَفَه زمین‌جِمِشتِ سَختی اومَه، سی‌یِکِه یکی وَ فرشتَه‌یَلِ خداوند وَ آسمون اومَه دومِن وِ رَت وَ طرفِ مقبَرَه وِ بَردَ وَ جِلوش تِر دا اولَت وِ نِشَس سَرِش. 3ری او فرشتَه مِی برقِ آسمون بِرچ ایزَه وِ جومَش مِی برف، سَفی بی. 4ناتورَل وَ زَلِی ایدَکِسِن وِ مِی مُردَه اُفتان وَ ری زمین! 5اوسِه فرشتَه وَ زَنَل گُت: «زَلَتون مَرَه! دونُم که وَ دینِ عیسِی مصلوب ایگَردیت. 6وِّ نَوِیچِنِه، سی‌یِکِه هَموطو که خُوش گُتَه بی، زِندَه وابی‌یِه! بی‌یِیت وِ جِیئی نَه که وِّ خوسییَه بی، بِوینیت، 7وِ فوراً بِرِیت وُ وَ شاگردَلِش بِگِیت که "وِّ وَ مُردِه‌یَل زِندَه وابی‌یِه وِ نِهِی ایشا ایرَه وَ شهرِ جلیل وِ وُچه وِّ نَه ایبینیت." سِی کِنیت! مِ وَ ایشا گُتُم!» 8پَ زَنَل بِی ترس وِ شاییِ زیاد، فوراً وَ مقبَرَه رُونَه وابی‌یِن وِ جِکِسِن وَ طرفِ شاگردَل تا ای اتّفاقَه وَشون خَوَر بییِن. 9یِه دَفَه عیسی باشون روبرو وابی وِ گُت: «سلام وَ ایشا بو!» زَنَل اومَن جِلو اُفتان وَ پایَلِش، وِّ نَه پرستش کِردِن. 10اوسِه عیسی وَشون فرمایش کِه: «زَلَتون مَرَه! بِرِیت وُ وَ کَکایَلُم بِگِیت که بِرَن وَ جلیل. وُچه مِنَه ایبینِن.»
گزارش ناتورَل
11هَنی زَنَل مِنِه رَه بییِن، که عِدِه‌ای وَ ناتورَل رَتِن وَ شهر، تَمومِ اتّفاقَلَه وَ کاهنلِ گپو گزارش دان. 12کاهِنَلِ گَپو هَم بعدَ یِکِه شِیخَلَه دییِن وِ باشون شُور کِردِن، وَ سربازَل پیلِ زیادی دان، 13وِ گُتِن: «وَ مردم بِگِیت، "شاگردلِ عیسی شبانَه اومَن وِ موقِی که ایما وَ خُو بیئیم، جنازَشَه دِزییِن." 14اَر ای خَوَر وَ گوشِ فَرمُندار بِرَسِه، ایما خِمون وِّ نَه قانع ایکِنیم تا سیتون مشکلی پیش نَیا.» 15ناتورَل پیلَه اِسَن وِ طبق اوچیئی که وَشون گُتَه وابی‌یَه بی عمل کِردِن. وِ ای داستان هَنی که هَنی یَه مابینِ یهودی‌یَل گُتَه ایابو.
مأموریت گَپو
16اوسِه او یازَه شاگرد رَتِن وَ جلیل، سَرِ کُویی که عیسی وَشون فرمایش کِردَه بی. 17وختی عیسی نَه وُچه دییِن، وِّ نَه پرستش کِردِن. امّا یِه‌پاره‌ایشون شک کِردِن. 18اوسِه عیسی اومَه نِزِنگ وُ وَشون فرمایش کِه: «تمومِ اقتدار مِنِه آسمون وِ زمین وَ مِ دایَه وابی‌یِه. 19پَ بِرِیت وِ تَمومِ مِلَتَلَه شاگردِ مِ کِنیت وِ اونگَلَه وَ نومِ بُو، کُر وِ روح‌القدس تعمید بِئیت 20وُ وَشون تعلیم بِئیت که تَمومِ چییَلی نَه که وَ ایشا دستور دایِمِه، وَجا بیارِن. مطمئن بِیت، ایسِه مِ هَمیشَه تا آخِرِ ای دورَه باتونُم!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company