انجیلِ مَتّی 19
19
تعلیمِ عیسی درموردِ طلاق
1موقِی که عیسی ای گَپَلَه تموم کِه، وَ جلیل زَه وَدَر وِ اومَه وَ اولَتِ رو اردن وَ منطقۀ یهودیَه. 2یِکِلی جمعیت وَ دینِش رُونَه وابی‌یِن وِ عیسی اونگَلَه وَ وُچه شفا دا.
3عالِمَلِ فرقۀ فَریسی اومَن طِیش تا امتحانِش کِنِن. اونگَل پُرسییِن: «مَه جایزِه که مِرد زنِشَه وَ هر دلیلی طلاق بییِه؟» 4عیسی مِنِه جوابِشون گُت: «مَه مِنِه تورات نَخُوندیتِه که آفرینَندۀ انسان وَ اَوَل "اونگَلَه مِرد وِ زن آفَری"، 5وِ گُت " سی هَمیو، مِرد وَ دِی‌بُوش جیا ایابو، وَ زنِش ایچَسبِه وِ او دِتا یِه تَن ایابون"؟ 6پَ، وَ یِه واپَس دَ نَه دِتایَن بلکم یِه تَنِن. پَ اوچیئی نَه که خدا وَ یَک پیوند دا، انسان نَبایِس جیا کِنِه.» 7اونگَل وَ عیسی گُتِن: «پَ سیچه موسی امر کِه مِرد وَ زنِش طلاقنامه‌ای بییِه وُ وِلِش کِنِه؟» 8عیسی وَشون گُت: «موسی وَ خاطرِ سنگدلی ایشا اجازَه دا که زنِ خِتونَه طلاق بِئیت، امّا وَ اَوَل ایطو نَبی. 9وَ ایشا ایگُم، هرکه زنِشَه وَ هَر دلیلی غیرَ زِنا طلاق بییِه وِ زنی دَ بِسونِه، زنا کِردِه.»
10شاگردل وَش گُتِن: «اَر وَضعِ مِرد دَر قبالِ زنِش ایطورِه، پَ زن نَسَیَن بِختَرِه!» 11عیسی گُت: «همَه نیتَرِن ای تعلیمَه قبول کِنِن، غیرَ کَسَلی که وَشون عطا وابی‌یَه بو. 12سی‌یِکِه یِه‌پاره‌ای خواجه یَن، سی‌یِکِه وَ کِمِ دِیشون ایطو وَ دنیا اومَنِه؛ یِه‌پاره‌ای دَ وَ دَسِ مردم خواجَه وابی‌یِنِه؛ وِ یِه‌پاره‌ای هم وَ خاطرِ پادشاییِ آسمون خِشون خِشونَه خواجَه فرض ایکِنِن وِ زَن نیسونِن. هرکه ایتَرِه یِنَه قبول کِنِه، بِلیت ای کارَ کِنِه.»
عیسی وِ بَچه‌یَل
13اوسِه مردم بَچه‌یَلَه آوُردِن طِی عیسی تا وَشون دَس بِنِه وِ دعا کِنِه. شاگردل مردمَه نَهیب دان. 14امّا عیسی وَشون گُت: «بِلیت بَچه‌یَل بیان طِیم وِ جِلوشونَه نَگِریت، سی‌یِکِه پادشاییِ آسمون این ایطو کَسَلی یَه.» 15پَ وَشون دَس نَها وِ اوسِه وَ وُچه رَت.
جَوونِ ثروتمند
16یِه رو مِردی اومَه طِی عیسی وِ پُرسی: «ای استاد، چه کارِ خوبی کِنُم تا حیاتِ ابدی داشتَه بوم؟» 17عیسی وَش گُت: «سیچه درموردِ کارِ خوب وَ مِ سؤال ایکِنی؟ تِنا یکی هِسی که خوبِه. اَر ایخِی وَ حیاتِ ابدی رَه بِجوری، احکامِ شریعتَه وَجا بیار.» 18او مِرد پُرسی: «کُو احکامَه؟» عیسی گُت: «"قتل مَکُ، زنا مَکُ، دِزی مَکُ، شهادت دِرو مَیِه، 19دِی‌بُو خِتَه احترام کُ،" وِ "هُمساتَه مِی خُوت محبت کُ."» 20او مِرد مِنِه جوابِ عیسی گُت: «تَمومِ ای احکامَه وَجا آوُردِمِه؛ دَ چه کم دارُم؟» 21عیسی جواب دا: «اَر ایخِی کامل وابِی، بِرَه وِ هر چی که داری بفروش وِ بییِه وَ فقیرَل، که مِنِه آسمون سیت گنج ایابو. اوسِه بیو وُ وَ مِ پیروی کُ.» 22جَوون وختی یِنَه اِشنُفت، غم وَبار وابی وُ وَ وُچه رَت، سی‌یِکِه یِکِلی دارایی داشت.
23اوسِه عیسی وَ شاگردَلِش گُت: «وراسی، وَ ایشا ایگُم، رَه جُسَنِ یِه آیَمِ دارا وَ پادشاییِ آسمون مهلی سختِه. 24اُمبِلا وَتون ایگُم که رَی وابی‌یَنِ شتر وَ سِمِۀ سیزَن آسونتَرِه تا رَه جُسَنِ آیَمِ دارا وَ پادشاییِ خدا.» 25شاگردَل بِی اِشنُفتَنِ ای گَپ مهلی حیرت‌زَیَه وابی‌یِن وِ پُرسییِن: «پَ کی ایتَرِه نجات بِجورِه؟» 26عیسی وَشون زُل زَه وِ گُت: «یِه سی انسان نیشِهِه، امّا سی خدا هَمَه چی ایشِهِه.»
27پطرس گُت: «سی کُ، ایما هَمَه چی نَه نِهِیمِه وُ وَ دینِ تِ ای‌یِیم. پَ چه نصیبِمون ایابو؟» 28عیسی وَشون گُت: «وراسی، وَ ایشا ایگُم، مِنِه دنیایِ جدید، وَختی که کِرِ انسان بِشینِه وَ ری تختِ پُرجلالِ خُوش، ایشا هم که وَ مِ پیرَوی کِردیتِه، ایشینیت وَ ری دُوازَه تخت، وُ وَ دُوازَه طِیفِی اسرائیل داوَری ایکِنیت. 29وِ هرکه وَ خاطرِ نومِ مو حونَه یا کَکا یا دَیَه یا بُو یا دِی یا اولاد یا املاکِ خِشَه وِل کِردَه بو، صد برابر ایجورِه وِ حیاتِ ابدی نَه هَم وَ ارث ایبَرِه. 30امّا خیلی‌یَل که اَوَلینِن آخِرین ایابون، وِ آخِرینَل اَوَلین!
Currently Selected:
انجیلِ مَتّی 19: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 19
19
تعلیمِ عیسی درموردِ طلاق
1موقِی که عیسی ای گَپَلَه تموم کِه، وَ جلیل زَه وَدَر وِ اومَه وَ اولَتِ رو اردن وَ منطقۀ یهودیَه. 2یِکِلی جمعیت وَ دینِش رُونَه وابی‌یِن وِ عیسی اونگَلَه وَ وُچه شفا دا.
3عالِمَلِ فرقۀ فَریسی اومَن طِیش تا امتحانِش کِنِن. اونگَل پُرسییِن: «مَه جایزِه که مِرد زنِشَه وَ هر دلیلی طلاق بییِه؟» 4عیسی مِنِه جوابِشون گُت: «مَه مِنِه تورات نَخُوندیتِه که آفرینَندۀ انسان وَ اَوَل "اونگَلَه مِرد وِ زن آفَری"، 5وِ گُت " سی هَمیو، مِرد وَ دِی‌بُوش جیا ایابو، وَ زنِش ایچَسبِه وِ او دِتا یِه تَن ایابون"؟ 6پَ، وَ یِه واپَس دَ نَه دِتایَن بلکم یِه تَنِن. پَ اوچیئی نَه که خدا وَ یَک پیوند دا، انسان نَبایِس جیا کِنِه.» 7اونگَل وَ عیسی گُتِن: «پَ سیچه موسی امر کِه مِرد وَ زنِش طلاقنامه‌ای بییِه وُ وِلِش کِنِه؟» 8عیسی وَشون گُت: «موسی وَ خاطرِ سنگدلی ایشا اجازَه دا که زنِ خِتونَه طلاق بِئیت، امّا وَ اَوَل ایطو نَبی. 9وَ ایشا ایگُم، هرکه زنِشَه وَ هَر دلیلی غیرَ زِنا طلاق بییِه وِ زنی دَ بِسونِه، زنا کِردِه.»
10شاگردل وَش گُتِن: «اَر وَضعِ مِرد دَر قبالِ زنِش ایطورِه، پَ زن نَسَیَن بِختَرِه!» 11عیسی گُت: «همَه نیتَرِن ای تعلیمَه قبول کِنِن، غیرَ کَسَلی که وَشون عطا وابی‌یَه بو. 12سی‌یِکِه یِه‌پاره‌ای خواجه یَن، سی‌یِکِه وَ کِمِ دِیشون ایطو وَ دنیا اومَنِه؛ یِه‌پاره‌ای دَ وَ دَسِ مردم خواجَه وابی‌یِنِه؛ وِ یِه‌پاره‌ای هم وَ خاطرِ پادشاییِ آسمون خِشون خِشونَه خواجَه فرض ایکِنِن وِ زَن نیسونِن. هرکه ایتَرِه یِنَه قبول کِنِه، بِلیت ای کارَ کِنِه.»
عیسی وِ بَچه‌یَل
13اوسِه مردم بَچه‌یَلَه آوُردِن طِی عیسی تا وَشون دَس بِنِه وِ دعا کِنِه. شاگردل مردمَه نَهیب دان. 14امّا عیسی وَشون گُت: «بِلیت بَچه‌یَل بیان طِیم وِ جِلوشونَه نَگِریت، سی‌یِکِه پادشاییِ آسمون این ایطو کَسَلی یَه.» 15پَ وَشون دَس نَها وِ اوسِه وَ وُچه رَت.
جَوونِ ثروتمند
16یِه رو مِردی اومَه طِی عیسی وِ پُرسی: «ای استاد، چه کارِ خوبی کِنُم تا حیاتِ ابدی داشتَه بوم؟» 17عیسی وَش گُت: «سیچه درموردِ کارِ خوب وَ مِ سؤال ایکِنی؟ تِنا یکی هِسی که خوبِه. اَر ایخِی وَ حیاتِ ابدی رَه بِجوری، احکامِ شریعتَه وَجا بیار.» 18او مِرد پُرسی: «کُو احکامَه؟» عیسی گُت: «"قتل مَکُ، زنا مَکُ، دِزی مَکُ، شهادت دِرو مَیِه، 19دِی‌بُو خِتَه احترام کُ،" وِ "هُمساتَه مِی خُوت محبت کُ."» 20او مِرد مِنِه جوابِ عیسی گُت: «تَمومِ ای احکامَه وَجا آوُردِمِه؛ دَ چه کم دارُم؟» 21عیسی جواب دا: «اَر ایخِی کامل وابِی، بِرَه وِ هر چی که داری بفروش وِ بییِه وَ فقیرَل، که مِنِه آسمون سیت گنج ایابو. اوسِه بیو وُ وَ مِ پیروی کُ.» 22جَوون وختی یِنَه اِشنُفت، غم وَبار وابی وُ وَ وُچه رَت، سی‌یِکِه یِکِلی دارایی داشت.
23اوسِه عیسی وَ شاگردَلِش گُت: «وراسی، وَ ایشا ایگُم، رَه جُسَنِ یِه آیَمِ دارا وَ پادشاییِ آسمون مهلی سختِه. 24اُمبِلا وَتون ایگُم که رَی وابی‌یَنِ شتر وَ سِمِۀ سیزَن آسونتَرِه تا رَه جُسَنِ آیَمِ دارا وَ پادشاییِ خدا.» 25شاگردَل بِی اِشنُفتَنِ ای گَپ مهلی حیرت‌زَیَه وابی‌یِن وِ پُرسییِن: «پَ کی ایتَرِه نجات بِجورِه؟» 26عیسی وَشون زُل زَه وِ گُت: «یِه سی انسان نیشِهِه، امّا سی خدا هَمَه چی ایشِهِه.»
27پطرس گُت: «سی کُ، ایما هَمَه چی نَه نِهِیمِه وُ وَ دینِ تِ ای‌یِیم. پَ چه نصیبِمون ایابو؟» 28عیسی وَشون گُت: «وراسی، وَ ایشا ایگُم، مِنِه دنیایِ جدید، وَختی که کِرِ انسان بِشینِه وَ ری تختِ پُرجلالِ خُوش، ایشا هم که وَ مِ پیرَوی کِردیتِه، ایشینیت وَ ری دُوازَه تخت، وُ وَ دُوازَه طِیفِی اسرائیل داوَری ایکِنیت. 29وِ هرکه وَ خاطرِ نومِ مو حونَه یا کَکا یا دَیَه یا بُو یا دِی یا اولاد یا املاکِ خِشَه وِل کِردَه بو، صد برابر ایجورِه وِ حیاتِ ابدی نَه هَم وَ ارث ایبَرِه. 30امّا خیلی‌یَل که اَوَلینِن آخِرین ایابون، وِ آخِرینَل اَوَلین!
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company