انجیلِ مَتّی 15
15
دِلِ آیَم باید پاک بو
1اوسِه عِدِه‌ای وَ عالِمَلِ فرقۀ فَریسی وِ معلملِ تورات وَ اورشلیم اومَن طِی عیسی وِ گُتِن: 2«سیچِه شاگردَلِت آداب وِ رسومِ شیخَلَه اینِن زِرِ پا؟ اونگَل دَسَلِشونَه نِهِی غذا خَردَن نیشورِن!» 3عیسی مِنِه جواب گُت: «سیچِه ایشا سی حفظِ آداب وِ رسومِ خِتون، حکمِ خدا نَه اینیت زِرِ پا؟ 4سی‌یِکِه خدا فرمایش کِردِه: " دِی‌بُو خِتَه احترام کُ وِ دَسِشونَه بِگِه" وِ هَمیطو "هرکه وَ دِی‌بُوش دِشمون بییِه، باید کشتَه وابو." 5امّا ایشا ایگِیت اَر کسی وَ دِی‌بُوش بِگُ: "هر کِمَکی که ایابی وَ ایشا بِکِنُم، وقفِ خدا ایابو" 6وَ ای ترتیب، دَ وَش واجب نی بوشَه احترام کِنِه وِ دَسِشَه بِگِرِه. ایطوری ایشا سی حفظِ آداب وِ رسومِ خِتون کلامِ خدا نَه باطل ایکِنیت. 7ایشا ای ریاکارَل! اِشعیایِ پیغمبر درموردِ ایشا چه خوب گُتِه، اوسِه که گُت:
8«"ای قوم بِی لُویَلِشون مِنَه حرمت ایکِنِن،
امّا دِلِشون وَ مِ دیرِه.
9اونگَل بی‌فِیدَه مِنَه عبادت ایکِنِن،
وِ تعلیمِشون چیئی غیرَ حُکمَلِ بشری نی."»
10اوسِه عیسی او جماعتَه طِی خُوش خواس وِ گُت: «وَ مِ گوش کِنیت وِ بِفَمیت. 11آیَم بِی اوچیئی که ایخَرِه نجس نیابو، بلکم اوچیئی که وَ دِهونِش ایا وَدَر، وِنِه که آیَمَه نجس ایکِنِه.» 12اوسِه شاگِردَل اومَن طِیش وِ گُتِن: «دونی که ای گَپِ تو، سخت وَ عالِمَلِ فرقۀ فَریسی بَرخَردِه؟ 13عیسی وَشون جواب دا: «هر رُخمَه‌ای که بُو آسمونیِ مِ نَکاشتَه بو، وَ ریشَه کندَه ایابو. 14اونگَلَه بِلیت وَ حالِ خِشون. اونگَل رانَمایَلی کورِن. هر وخت کوری گِلاکِ کورِ دَ نَه بِکَشِه، هر دِتاشون اییُفتِن مِنِه چَه.» 15امّا پطرس گُت: «معنیِ ای مَثَلَه سیمون بِگُ.» 16عیسی جواب دا: «مَه ایشا هَم هَنی نیفَمیت؟ 17مَه نُونیت که هر چه وَ دِهون داخل ایابو، ایرَه مِنِه کُم وِ اوسِه دفع ایابو؟ 18امّا اوچییَلی که وَ دِهون ایا وَدَر، وَ دل سرچشمَه ایگِرِه، وِ یِه اوچیئی یَه که آیَمَه نجس ایکِنِه. 19سی‌یِکِه فکرَلِ گَند، قتل، زنا، بی‌عفتی، دِزی، شهادتِ دِرو وِ تهمت وَ دِل سرچشمَه ایگِرِه. 20اینگَلِه که آیَمَه نجس ایکِنِه، نَه غذا خَردَن بِی دَسَلِ نَشُسَه!»
ایمونِ زنِ غیریهودی
21عیسی وَ وُچِه زَه وَدَر وِ رَت وَ منطقۀ صور وِ صیدون. 22یِه رو زنی کنعانی وَ اهالیِ وُچه، اومَه طِیش وِ دَرحالی که قیرَه ایزَه، گُت: «ای آقا، ای کِرِ داوود، وَ مِ رحم کُ! دویَرُم سخت دیوزَیَه وابی‌یِه.» 23امّا عیسی هیچ جوابی نَدا، تا یِکه شاگردَل اومَن جِلو وُ وَ عیسی خواهِشت کِردِن وِ گُتِن: «وِّ نَه مرخص کُ، سی‌یِکِه بِی قیرَه زَیَن وَ دینِ ایما ایایِه.» 24عیسی مِنِه جواب گُت: «مِ تِنا سی میشَلِ وَلا وابی‌یِۀ قومِ اسرائیل بسی وابی‌یِمِه.» 25امّا او زن اومَه وِ جِلو عیسی زونی زَه وِ گُت: «ای آقا، وَ مِ کِمَک کُ!» 26عیسی مِنِه جواب او زن گُت: «رَوا نی که نونِ اولادَلَه بِسونی وُ وِرِش بِیی طِی سَگَل.» 27او زن گُت: «دِرِسِه، ای آقا، امّا سَگَل هَم وَ خُردِه‌یَلِ غذا که وَ سفرۀ صاحابِشون اییُفتِه، ایخَرِن!» 28اوسِه عیسی وَ او زَن گُت: «ای زن، ایمونِ تِ عظیمِه! هَموطو که ایخِی سیت وابو!» مِنِه هَمو دَقَه دویَرِش شفا گِرُت.
غذا دایَن وَ چار هزار نفر
29عیسی وَ وُچه حرکت کِه وِ هیبِی دریاچۀ جلیل اُفتا وَ رَه، رَسی وَ تِلی وِ نِشَس سَرِ او تُل. 30جَمعیتِ زیادی اومَن طِیش وِ بِی خِشون شَلَل وِ کورَل وِ فَلَجَل وِ گنگَل وِ مریضَلِ دَ نَه آوُردِن، نَهان جِلو پِی عیسی وِ عیسی اونگَلَه شفا دا. 31مردم وختی دییِن که گنگَل گَپ ایزَنِن، فَلَجَل سالم ایابون، شَلَل رَه ایرَن وِ تییِۀ کورَل بِر ایابو، حیرت‌زَیَه وابی‌یِن وِ خِدِی اسرائیلَ ستایش کِردِن.
32عیسی شاگردلِ خِشَه صیا کِه وِ گُت: «دِلُم وَ حالِ ای مردم ایسوزِه، سی‌یِکِه الان سه روزِه که بِی مِنِن وِ چیئی سی خَردَن نَیارِن. نیخوام اونگَلَه گُسنَه رُونَه کِنُم، نَکِنِه مِنِه قَدِ رَه وَ پا دَران.» 33شاگردَلِش گُتِن: «مِنِه ای بیابون وَ کوچِه ایتَریم ایقَه نون سی سیر کِردَنِ ای جمعیت آمایَه کِنیم؟» 34عیسی پُرسی: «چَن نون داریت؟» گُتِن: «هَف نون وِ چَنتا ماهیِ کِچِلو.» 35عیسی وَ مردم فرمایش کِه تا بِشینِن ری زمین. 36اوسِه هَف نون وِ چَنتا ماهی نَه وَگِرُت وِ بعدَ شکر کِردَن، اونگَلَه تِکَه تِکَه کِه، دا وَ شاگردَلِش وِ اونگَل هم دان وَ او جماعت. 37همَه خَردِن وِ سیر وابی‌یِن وِ شاگردَل هَف زنبیل هَم وَ خُردِه‌یَلِ باقی‌مُندَه پُر کِردِن. 38عِدۀ کَسَلی که غذا خَردِن، غیرَ زن بَچه‌یَل، چار هزار مِرد بی. 39بعدِ یِکِه عیسی مردِمَه مرخص کِه، سُوارِ قایق وابی وِ رَت وَ منطقۀ مَجَدان.
Currently Selected:
انجیلِ مَتّی 15: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 15
15
دِلِ آیَم باید پاک بو
1اوسِه عِدِه‌ای وَ عالِمَلِ فرقۀ فَریسی وِ معلملِ تورات وَ اورشلیم اومَن طِی عیسی وِ گُتِن: 2«سیچِه شاگردَلِت آداب وِ رسومِ شیخَلَه اینِن زِرِ پا؟ اونگَل دَسَلِشونَه نِهِی غذا خَردَن نیشورِن!» 3عیسی مِنِه جواب گُت: «سیچِه ایشا سی حفظِ آداب وِ رسومِ خِتون، حکمِ خدا نَه اینیت زِرِ پا؟ 4سی‌یِکِه خدا فرمایش کِردِه: " دِی‌بُو خِتَه احترام کُ وِ دَسِشونَه بِگِه" وِ هَمیطو "هرکه وَ دِی‌بُوش دِشمون بییِه، باید کشتَه وابو." 5امّا ایشا ایگِیت اَر کسی وَ دِی‌بُوش بِگُ: "هر کِمَکی که ایابی وَ ایشا بِکِنُم، وقفِ خدا ایابو" 6وَ ای ترتیب، دَ وَش واجب نی بوشَه احترام کِنِه وِ دَسِشَه بِگِرِه. ایطوری ایشا سی حفظِ آداب وِ رسومِ خِتون کلامِ خدا نَه باطل ایکِنیت. 7ایشا ای ریاکارَل! اِشعیایِ پیغمبر درموردِ ایشا چه خوب گُتِه، اوسِه که گُت:
8«"ای قوم بِی لُویَلِشون مِنَه حرمت ایکِنِن،
امّا دِلِشون وَ مِ دیرِه.
9اونگَل بی‌فِیدَه مِنَه عبادت ایکِنِن،
وِ تعلیمِشون چیئی غیرَ حُکمَلِ بشری نی."»
10اوسِه عیسی او جماعتَه طِی خُوش خواس وِ گُت: «وَ مِ گوش کِنیت وِ بِفَمیت. 11آیَم بِی اوچیئی که ایخَرِه نجس نیابو، بلکم اوچیئی که وَ دِهونِش ایا وَدَر، وِنِه که آیَمَه نجس ایکِنِه.» 12اوسِه شاگِردَل اومَن طِیش وِ گُتِن: «دونی که ای گَپِ تو، سخت وَ عالِمَلِ فرقۀ فَریسی بَرخَردِه؟ 13عیسی وَشون جواب دا: «هر رُخمَه‌ای که بُو آسمونیِ مِ نَکاشتَه بو، وَ ریشَه کندَه ایابو. 14اونگَلَه بِلیت وَ حالِ خِشون. اونگَل رانَمایَلی کورِن. هر وخت کوری گِلاکِ کورِ دَ نَه بِکَشِه، هر دِتاشون اییُفتِن مِنِه چَه.» 15امّا پطرس گُت: «معنیِ ای مَثَلَه سیمون بِگُ.» 16عیسی جواب دا: «مَه ایشا هَم هَنی نیفَمیت؟ 17مَه نُونیت که هر چه وَ دِهون داخل ایابو، ایرَه مِنِه کُم وِ اوسِه دفع ایابو؟ 18امّا اوچییَلی که وَ دِهون ایا وَدَر، وَ دل سرچشمَه ایگِرِه، وِ یِه اوچیئی یَه که آیَمَه نجس ایکِنِه. 19سی‌یِکِه فکرَلِ گَند، قتل، زنا، بی‌عفتی، دِزی، شهادتِ دِرو وِ تهمت وَ دِل سرچشمَه ایگِرِه. 20اینگَلِه که آیَمَه نجس ایکِنِه، نَه غذا خَردَن بِی دَسَلِ نَشُسَه!»
ایمونِ زنِ غیریهودی
21عیسی وَ وُچِه زَه وَدَر وِ رَت وَ منطقۀ صور وِ صیدون. 22یِه رو زنی کنعانی وَ اهالیِ وُچه، اومَه طِیش وِ دَرحالی که قیرَه ایزَه، گُت: «ای آقا، ای کِرِ داوود، وَ مِ رحم کُ! دویَرُم سخت دیوزَیَه وابی‌یِه.» 23امّا عیسی هیچ جوابی نَدا، تا یِکه شاگردَل اومَن جِلو وُ وَ عیسی خواهِشت کِردِن وِ گُتِن: «وِّ نَه مرخص کُ، سی‌یِکِه بِی قیرَه زَیَن وَ دینِ ایما ایایِه.» 24عیسی مِنِه جواب گُت: «مِ تِنا سی میشَلِ وَلا وابی‌یِۀ قومِ اسرائیل بسی وابی‌یِمِه.» 25امّا او زن اومَه وِ جِلو عیسی زونی زَه وِ گُت: «ای آقا، وَ مِ کِمَک کُ!» 26عیسی مِنِه جواب او زن گُت: «رَوا نی که نونِ اولادَلَه بِسونی وُ وِرِش بِیی طِی سَگَل.» 27او زن گُت: «دِرِسِه، ای آقا، امّا سَگَل هَم وَ خُردِه‌یَلِ غذا که وَ سفرۀ صاحابِشون اییُفتِه، ایخَرِن!» 28اوسِه عیسی وَ او زَن گُت: «ای زن، ایمونِ تِ عظیمِه! هَموطو که ایخِی سیت وابو!» مِنِه هَمو دَقَه دویَرِش شفا گِرُت.
غذا دایَن وَ چار هزار نفر
29عیسی وَ وُچه حرکت کِه وِ هیبِی دریاچۀ جلیل اُفتا وَ رَه، رَسی وَ تِلی وِ نِشَس سَرِ او تُل. 30جَمعیتِ زیادی اومَن طِیش وِ بِی خِشون شَلَل وِ کورَل وِ فَلَجَل وِ گنگَل وِ مریضَلِ دَ نَه آوُردِن، نَهان جِلو پِی عیسی وِ عیسی اونگَلَه شفا دا. 31مردم وختی دییِن که گنگَل گَپ ایزَنِن، فَلَجَل سالم ایابون، شَلَل رَه ایرَن وِ تییِۀ کورَل بِر ایابو، حیرت‌زَیَه وابی‌یِن وِ خِدِی اسرائیلَ ستایش کِردِن.
32عیسی شاگردلِ خِشَه صیا کِه وِ گُت: «دِلُم وَ حالِ ای مردم ایسوزِه، سی‌یِکِه الان سه روزِه که بِی مِنِن وِ چیئی سی خَردَن نَیارِن. نیخوام اونگَلَه گُسنَه رُونَه کِنُم، نَکِنِه مِنِه قَدِ رَه وَ پا دَران.» 33شاگردَلِش گُتِن: «مِنِه ای بیابون وَ کوچِه ایتَریم ایقَه نون سی سیر کِردَنِ ای جمعیت آمایَه کِنیم؟» 34عیسی پُرسی: «چَن نون داریت؟» گُتِن: «هَف نون وِ چَنتا ماهیِ کِچِلو.» 35عیسی وَ مردم فرمایش کِه تا بِشینِن ری زمین. 36اوسِه هَف نون وِ چَنتا ماهی نَه وَگِرُت وِ بعدَ شکر کِردَن، اونگَلَه تِکَه تِکَه کِه، دا وَ شاگردَلِش وِ اونگَل هم دان وَ او جماعت. 37همَه خَردِن وِ سیر وابی‌یِن وِ شاگردَل هَف زنبیل هَم وَ خُردِه‌یَلِ باقی‌مُندَه پُر کِردِن. 38عِدۀ کَسَلی که غذا خَردِن، غیرَ زن بَچه‌یَل، چار هزار مِرد بی. 39بعدِ یِکِه عیسی مردِمَه مرخص کِه، سُوارِ قایق وابی وِ رَت وَ منطقۀ مَجَدان.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company