انجیلِ مَتّی 14
14
قتل یحیِی تعمیددَهندَه
1مِنِه او زمون آوازۀ عیسی رَسی وَ گوشِ هیرودیسِ حاکم، 2وِّ وَ زِردَسَلِش گُت: «یِه یحیِی تعمیددَهندَه یَه که وَ مُردِه‌یَل زِندَه وابی‌یِه وِ سی هَمیِنِه که قُدرَتَلِ اَنجومِ معجزَه وَش ظاهر ایابو.»
3سی‌یِکِه هیرودیس وَ خاطرِ هیرودیا که نَهاتَر زنِ کَکاش فیلیپُس بی، یحیی نَه گِرُتَه بی وُ وِرِش دایَه بی مِنِه زندان. 4سی‌یِکِه یحیی وَش ایگُت: «ای زن وَت حلال نی.» 5هیرودیس ایخواس یحیی نَه بِکِشِه، امّا وَ مردم زَلَش ایرَت، سی‌یِکِه مردم یحیی نَه یِه پیغمبر دونِسِن.
6امّا وختی روز جشن تولد هیرودیس رَسی، دویَرِ هیرودیا مِنِه مجلس وَربازی وِ طوری دلِ هیرودیسَ شای کِه 7که قسم خَه هر چه بِخوا وَش بییِه. 8دویَر هم وَ تحریک دِیش گُت: «سرِ یحیِی تعمیددَهندَه نَه هَم وِیچِه مِنِه مَجمَه‌ای وَم بییِه.» 9پادشاه ناراحت وابی، امّا سی قَسَمی که خَردَه بی وُ وَ احترامِ مِمونَلِش دستور دا که وَ او دُویَر دایَه وابو. 10وِّ کَسَلی نَه بسی کِه، سرِ یحیی نَه مِنِه زندان وَ بَیَنِش جیا کِردِن 11وُ وِه نَه مِنِه مَجمَه‌ای آوُردِن وِ دان وَ دویَر وُ وِّ هَم وِه نَه بُرد طِی دِیش. 12شاگردلِ یحیی اومَن وِ جنازۀ وِّ نَه بُردِن وِ کِردِن زِرِ گِل وِ اوسِه رَتِن وُ وَ عیسی خَوَر دان.
غذا دایَن وَ پنج هزار نفر
13وختی عیسی یِنَه اِشنُفت، سُوارِ قایق وابی، وَ وُچه رَت وَ جِی خَلفَتی. امّا مردم باخَوَر وابی‌یِن وُ وَ شهرَلِشون پِی پیادَه وَ دینِش رُونَه وابی‌یِن. 14وختی عیسی وَ قایق پیادَه وابی، جمعیتِ زیادی نَه دی وِ دِلِش وَ حالِشون سُت، وِ مَریضَلِشونَه شفا دا.
15تَنگِ پَسین، شاگردَل اومَن طِیش وِ گُتِن: «وِیچِه جِی دیراُفتادَه یَه، وِ دیروَخت هَم هِسی. مردِمَه رُونَه کُ تا بِرَن وَ آبایی‌یَلِ دورِبال وِ سی خِشون غذا بِسونِن.» 16امّا عیسی وَشون گُت: «لازم نی مردم بِرَن. ایشا خِتون وَشون غذا بِئیت.» 17شاگردل گُتِن: «وِیچِه چیئی غیرَ پنج نون وِ دِ ماهی نَیاریم.» 18عیسی گُت: «اونگَلَه بیاریت طِیم.» 19اوسِه وَ مردم فرمایش کِه تا ری سُوزه‌یَل بِشینِن. اوسِه پنج نون وِ دِ ماهی نَه وَگِرُت وُ وَ آسمون سیل کِه وِ برکت دا. اوسِه نونَلَه تِکَه تِکَه کِه، دا وَ شاگردل وِ اونگَل هم دان وَ مردم. 20هَمَه خَردِن وِ سیر وابی‌یِن وُ وَ خُردِه‌یَلِ باقی‌مُندَه، دُوازَه سَلۀ پُر جَم کِردِن. 21عِدۀ کَسَلی که خَردِن، به غیرَ زنِ بَچه‌یَل، پنج هزار مِرد بی.
رَه رَتَنِ عیسی وَ ری اُو
22عیسی فوراً شاگردَلَه واداشت تا مِنِه هَمو حالی که وِّ مردمَه مرخص ایکِه، سُوارِ قایق وابون وِ نِهِی عیسی بِرَن وَ اولَتِ دریاچَه. 23عیسی بعدَ مرخص کِردَنِ مردم، خُوش رَت وَ کُو تا وَ تِنایی دعا کِنِه. وختی که شو وابی عیسی مِنِه کُو تِنا بی. 24مِنِه ای موقَع، قایق وَ خشکی مَهلی دیر وابی‌یَه بی وِ گرفتارِ کِلوفَنایَل بی، سی‌یِکِه بای، خلافِ حرکتِ قایق اییومَه. 25نِزِنگِه ساعتِ چارِ صُب، عیسی دَرحالی که وَ ری اُو قَیَم ایزَه رَت وَ طرفِشون. 26وختی شاگردل وِّ نَه در حالِ رَه رَتَن ری اُو دییِن، زَلَه‌تَرَک وابی‌یِن وِ قیرَه زَن، گُتِن: «یِه روحِه». 27امّا عیسی فوراً وَشون گُت: «دِلِتون قرص بو. مِنُم، زَلَتون مَرَه!
28پطرس جواب دا: «آقا، اَر خِتی، وَ مِ دستور بییِه تا مِ هَم ری اُو بیام طِیت.» 29عیسی گُت: «بیو!» اوسِه پطرس وَ قایق اومَه وَدَر وِ ری اُو وَ طرفِ عیسی اُفتا وَ رَه. 30امّا وختی تیفونَه دی، زَلَه‌تَرَک وابی وِ در حالی که مِنِه اُو غرق ایابی، قیرَه زَه: «آقا، نجاتُم بییِه!» 31عیسی فوراً دَسِشَه دِراز کِه وُ وِّ نَه گِرُت وِ گُت: «ای کم‌ایمون، سیچِه شک کِردی؟» 32وختی اومَن مِنِه قایق، بای خُوسی. 33کَسَلی که مِنِه قایق بییِن، عیسی نَه سجدَه کِردِن وِ گُتِن: «وَراسی که تِ کِرِ خدایِی!»
شَفِی مَریضَل مِنِه جِنیسارِت
34پَ وختی وَ یِه خشکیِ دَ رَسییِن، مِنِه منطقۀ جِنیسارِت پیادَه وابی‌یِن. 35مردِمونِ وُچه عیسی نَه اِشناختِن وِ کَسَلی نَه بسی کِردِن وَ تمومیِ او منطقه‌یَل، وِ مَریضَلَه آوُردِن طِی عیسی. 36اونگَل وَ عیسی تمنا ایکِردِن اجازَه بییِه تا فقط وَ گوشۀ قَباش دَس بِزَنِن، وِ هرکه دَس ایزَه، شفا ایگِرُت.
Currently Selected:
انجیلِ مَتّی 14: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 14
14
قتل یحیِی تعمیددَهندَه
1مِنِه او زمون آوازۀ عیسی رَسی وَ گوشِ هیرودیسِ حاکم، 2وِّ وَ زِردَسَلِش گُت: «یِه یحیِی تعمیددَهندَه یَه که وَ مُردِه‌یَل زِندَه وابی‌یِه وِ سی هَمیِنِه که قُدرَتَلِ اَنجومِ معجزَه وَش ظاهر ایابو.»
3سی‌یِکِه هیرودیس وَ خاطرِ هیرودیا که نَهاتَر زنِ کَکاش فیلیپُس بی، یحیی نَه گِرُتَه بی وُ وِرِش دایَه بی مِنِه زندان. 4سی‌یِکِه یحیی وَش ایگُت: «ای زن وَت حلال نی.» 5هیرودیس ایخواس یحیی نَه بِکِشِه، امّا وَ مردم زَلَش ایرَت، سی‌یِکِه مردم یحیی نَه یِه پیغمبر دونِسِن.
6امّا وختی روز جشن تولد هیرودیس رَسی، دویَرِ هیرودیا مِنِه مجلس وَربازی وِ طوری دلِ هیرودیسَ شای کِه 7که قسم خَه هر چه بِخوا وَش بییِه. 8دویَر هم وَ تحریک دِیش گُت: «سرِ یحیِی تعمیددَهندَه نَه هَم وِیچِه مِنِه مَجمَه‌ای وَم بییِه.» 9پادشاه ناراحت وابی، امّا سی قَسَمی که خَردَه بی وُ وَ احترامِ مِمونَلِش دستور دا که وَ او دُویَر دایَه وابو. 10وِّ کَسَلی نَه بسی کِه، سرِ یحیی نَه مِنِه زندان وَ بَیَنِش جیا کِردِن 11وُ وِه نَه مِنِه مَجمَه‌ای آوُردِن وِ دان وَ دویَر وُ وِّ هَم وِه نَه بُرد طِی دِیش. 12شاگردلِ یحیی اومَن وِ جنازۀ وِّ نَه بُردِن وِ کِردِن زِرِ گِل وِ اوسِه رَتِن وُ وَ عیسی خَوَر دان.
غذا دایَن وَ پنج هزار نفر
13وختی عیسی یِنَه اِشنُفت، سُوارِ قایق وابی، وَ وُچه رَت وَ جِی خَلفَتی. امّا مردم باخَوَر وابی‌یِن وُ وَ شهرَلِشون پِی پیادَه وَ دینِش رُونَه وابی‌یِن. 14وختی عیسی وَ قایق پیادَه وابی، جمعیتِ زیادی نَه دی وِ دِلِش وَ حالِشون سُت، وِ مَریضَلِشونَه شفا دا.
15تَنگِ پَسین، شاگردَل اومَن طِیش وِ گُتِن: «وِیچِه جِی دیراُفتادَه یَه، وِ دیروَخت هَم هِسی. مردِمَه رُونَه کُ تا بِرَن وَ آبایی‌یَلِ دورِبال وِ سی خِشون غذا بِسونِن.» 16امّا عیسی وَشون گُت: «لازم نی مردم بِرَن. ایشا خِتون وَشون غذا بِئیت.» 17شاگردل گُتِن: «وِیچِه چیئی غیرَ پنج نون وِ دِ ماهی نَیاریم.» 18عیسی گُت: «اونگَلَه بیاریت طِیم.» 19اوسِه وَ مردم فرمایش کِه تا ری سُوزه‌یَل بِشینِن. اوسِه پنج نون وِ دِ ماهی نَه وَگِرُت وُ وَ آسمون سیل کِه وِ برکت دا. اوسِه نونَلَه تِکَه تِکَه کِه، دا وَ شاگردل وِ اونگَل هم دان وَ مردم. 20هَمَه خَردِن وِ سیر وابی‌یِن وُ وَ خُردِه‌یَلِ باقی‌مُندَه، دُوازَه سَلۀ پُر جَم کِردِن. 21عِدۀ کَسَلی که خَردِن، به غیرَ زنِ بَچه‌یَل، پنج هزار مِرد بی.
رَه رَتَنِ عیسی وَ ری اُو
22عیسی فوراً شاگردَلَه واداشت تا مِنِه هَمو حالی که وِّ مردمَه مرخص ایکِه، سُوارِ قایق وابون وِ نِهِی عیسی بِرَن وَ اولَتِ دریاچَه. 23عیسی بعدَ مرخص کِردَنِ مردم، خُوش رَت وَ کُو تا وَ تِنایی دعا کِنِه. وختی که شو وابی عیسی مِنِه کُو تِنا بی. 24مِنِه ای موقَع، قایق وَ خشکی مَهلی دیر وابی‌یَه بی وِ گرفتارِ کِلوفَنایَل بی، سی‌یِکِه بای، خلافِ حرکتِ قایق اییومَه. 25نِزِنگِه ساعتِ چارِ صُب، عیسی دَرحالی که وَ ری اُو قَیَم ایزَه رَت وَ طرفِشون. 26وختی شاگردل وِّ نَه در حالِ رَه رَتَن ری اُو دییِن، زَلَه‌تَرَک وابی‌یِن وِ قیرَه زَن، گُتِن: «یِه روحِه». 27امّا عیسی فوراً وَشون گُت: «دِلِتون قرص بو. مِنُم، زَلَتون مَرَه!
28پطرس جواب دا: «آقا، اَر خِتی، وَ مِ دستور بییِه تا مِ هَم ری اُو بیام طِیت.» 29عیسی گُت: «بیو!» اوسِه پطرس وَ قایق اومَه وَدَر وِ ری اُو وَ طرفِ عیسی اُفتا وَ رَه. 30امّا وختی تیفونَه دی، زَلَه‌تَرَک وابی وِ در حالی که مِنِه اُو غرق ایابی، قیرَه زَه: «آقا، نجاتُم بییِه!» 31عیسی فوراً دَسِشَه دِراز کِه وُ وِّ نَه گِرُت وِ گُت: «ای کم‌ایمون، سیچِه شک کِردی؟» 32وختی اومَن مِنِه قایق، بای خُوسی. 33کَسَلی که مِنِه قایق بییِن، عیسی نَه سجدَه کِردِن وِ گُتِن: «وَراسی که تِ کِرِ خدایِی!»
شَفِی مَریضَل مِنِه جِنیسارِت
34پَ وختی وَ یِه خشکیِ دَ رَسییِن، مِنِه منطقۀ جِنیسارِت پیادَه وابی‌یِن. 35مردِمونِ وُچه عیسی نَه اِشناختِن وِ کَسَلی نَه بسی کِردِن وَ تمومیِ او منطقه‌یَل، وِ مَریضَلَه آوُردِن طِی عیسی. 36اونگَل وَ عیسی تمنا ایکِردِن اجازَه بییِه تا فقط وَ گوشۀ قَباش دَس بِزَنِن، وِ هرکه دَس ایزَه، شفا ایگِرُت.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company