انجیلِ مَتّی 16
16
درخواسِ نِشونه‌ای آسمونی
1عالِمَلِ فرقۀ فَریسی وِ عالِمَلِ فرقۀ صدّوقی اومَن طِی عیسی تا وِّ نَه امتحان کِنِن. وَ ای خاطر وَش خواسِن تا نِشونه‌ای آسمونی وَشون نشون بییِه. 2عیسی مِنِه جواب اونگَل فرمایش کِه: «تَنگِ پَسین، ایگِیت "هوا خوب ایابو، سی‌یِکِه آسمون سُرخِه،" 3وِ گَکون ایگِیت "اُمرو هوا خراب ایابو، سی‌یِکِه آسمون سرخ وُ گِرُتِه یَه." ایشا خوب ایتَریت نِشونه‌یَلِ آسمونَه تعبیر کِنیت، امّا نیتَریت نِشونِه‌یَلِ زمونَلَه تعبیر کِنیت؟ 4ای نسلِ شرارت‌پیشَه وِ زناکار نِشونه‌ای ایخوان، امّا نِشونه‌ای وَشون دایَه نیابو غیرَ نشونِۀ یونسِ پیغمبر.» پَ اونگَلَه وِل کِه وُ وَ رَه خُوش رَت.
خمیرمایۀ عالِمَل فرقۀ فَریسی وِ صَدّوقی
5شاگردَل وختی رَتِن اولَتِ دریاچَه، وَ حوشِشون رَت بِی خِشون نون وَگِرِن. 6عیسی وَشون گُت: «حَواسِتون بو وَ خمیرمایۀ عالِمَلِ فرقۀ فَریسی وِ صدّوقی دیری کِنیت.» 7اونگَل مابینِ خِشون بحث ایکِردِن، ایگُتِن: «بِی خِمون نون ناوُردیمِه.» 8عیسی یِنَه فَمِس وُ وَشون گُت: «ای کم‌ایمونَل، سیچه درموردِ یِه که نون نَیاریت بِی یَک بحث ایکِنیت؟ 9مَه هَنی نیفَمیت؟ مَه وَ حوشِتون نیا او پنج نون وُ پنج‌هزار نفر وِ چَن سَلَه خُردَه‌نونَه که جَم کِردیت؟ 10یا او هَف نون وُ چارهزار نفر وِ چَن سَلَه خُردَه‌نونَه که جَم کِردیت؟ 11پَ سیچه نیفَمیت که باتون درموردِ نون گَپ نَزَم؟ بلکم گُتُم که وَ خمیرمایۀ عالِمَلِ فَریسی وِ صدّوقی دیری کِنیت.» 12اوسِه شاگِردَل فَمِسِن که وَشون درموردِ تعلیمِ عالِمَلِ فَریسی وِ صدّوقی هشتار دایِه، نَه درموردِ خمیرمایۀ نون.
اعتراف پِطرُس درموردِ عیسی
13وختی عیسی رَسی وَ منطقۀ قیصریۀ فیلیپی، وَ شاگردَلِش پُرسی: «وَ نظرِ مردم، کِرِ انسان کی‌یَه؟» 14اونگَل جواب دان: «یِه‌پاره‌ای ایگُن یحیِی تعمیددَهندَه یَه. یِه‌پاره‌ای دَ ایگُن ایلیایِ پیغمبَرِه، وِ عِدِه‌ای هم ایگُن اِرمیایِ پیغمبر یا یکی وَ پیغمبرَلِه.» 15عیسی وَشون پرسی: «ایشا چه ایگیت؟ وَ نظرِ ایشا مِ کی‌یَم؟» 16شمعونِ پطرس جواب دا: «تِ مسیحِ موعودی، کِرِ خِدِی زِندَه!» 17عیسی گُت: «خَش وَ حالِ تو، ای شمعون، کِرِ یونا! سی‌یِکِه ای حقیقَتَه جسم وُ خین وَت آشکار نَکِه، بلکم بُو مِ که مِنِه آسمونِه وِه نَه آشکار کِه. 18مِ هم وَ تِ ایگُم، نومِت پطرسِه وَ معنیِ بَرد، وِ مِ وَ ری ای بَرد، کِلیسِی خِمَه بنا ایکِنُم وِ دَروازِه‌یَلِ جَنَم وَش زور وانیبو. 19کلیلَلِ پادشاییِ آسمونَه وَ تِ اییُم. هر چیئی که ری زمین بویَندی، مِنِه آسمون بَسَه ایابو وِ هر چیئی که ری زمین واز کِنی، مِنِه آسمون واز ایابو.» 20اوسِه عیسی وَ شاگردلِش قَدَقَن کِه وَ هیشکَه نَگُن وِّ مسیحِ موعودِه.
پیشگویی عیسی درموردِ مُردَن و زندَه وابی‌یَنِش
21دِنداش عیسی شروع کِه وَ آگا کِردَنِ شاگردَلِش دَرموردِ ای حقیقت که لازمِه بِرَه وَ اورشلیم وِ وُچه وَ شیخَل وِ کاهنلِ گَپو وِ معلملِ تورات مَهلی آزار بِوینِه وِ کشتَه وابو وِ مِنِه روزِ سوم زِندَه وابو. 22امّا پطرس عیسی نَه بُرد اوبال وِ نَهی‌یَش کِه وِ گُت: «دیرَ جونِت، آقا! خدا نَکِنِه، که وَتَه ایطو چیئی سیت وابو.» 23عیسی ریشَه وَرگَردَنا، وَش گُت: «وَم دیر وابو، ای شِیطون! تِ گیرِدارِ رَه مِنی، سی‌یِکِه فکرَلِ تِ انسانی یَه، نَه خدایی.»
24اوسِه عیسی ری وَ شاگردلِش کِه وِ فرمایش کِه: «اَر کسی بِخوا مِنَه پیروی کِنِه، باید وَ خُوش بِگذَرِه، صلیبِ خِشَه وَگِرِه وُ وَ دینِ مِ بیا. 25سی‌یِکِه هرکه بِخوا جونِشَه نجات بییِه، وِه نَه وَ دَس اییِه؛ امّا هرکه وَ خاطرِ مو جونِشَه وَ دَس بییِه، وِه نَه اُمبِلا ایجورِه. 26چِه فِیدِه‌ای سی آیَم دارِه که تمومیِ دنیا نَه وَدَس بیارِه، امّا جونِشَه وَدَس بییِه؟ وِ یا آیَم چه چیئی وَ عوضِ جونِش بییِه؟
27«سی‌یِکِه کِرِ انسان مِنِه جلالِ بُوش بِی فِرِشته‌یَلِش ایایِه وِ او موقَع وَ هر کس سی کارَلِش پاداش اییِه. 28وَراسی، وَ ایشا ایگُم، یِه‌پاره‌ای وَ کَسَلی که وِیسانِه وِیچو تا کِرِ انسانَه نبینِن که مِنِه پادشاییِ خِش ایا، طومِ مرگَه مِزَه نیکِنِن.»
Currently Selected:
انجیلِ مَتّی 16: SLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 16
16
درخواسِ نِشونه‌ای آسمونی
1عالِمَلِ فرقۀ فَریسی وِ عالِمَلِ فرقۀ صدّوقی اومَن طِی عیسی تا وِّ نَه امتحان کِنِن. وَ ای خاطر وَش خواسِن تا نِشونه‌ای آسمونی وَشون نشون بییِه. 2عیسی مِنِه جواب اونگَل فرمایش کِه: «تَنگِ پَسین، ایگِیت "هوا خوب ایابو، سی‌یِکِه آسمون سُرخِه،" 3وِ گَکون ایگِیت "اُمرو هوا خراب ایابو، سی‌یِکِه آسمون سرخ وُ گِرُتِه یَه." ایشا خوب ایتَریت نِشونه‌یَلِ آسمونَه تعبیر کِنیت، امّا نیتَریت نِشونِه‌یَلِ زمونَلَه تعبیر کِنیت؟ 4ای نسلِ شرارت‌پیشَه وِ زناکار نِشونه‌ای ایخوان، امّا نِشونه‌ای وَشون دایَه نیابو غیرَ نشونِۀ یونسِ پیغمبر.» پَ اونگَلَه وِل کِه وُ وَ رَه خُوش رَت.
خمیرمایۀ عالِمَل فرقۀ فَریسی وِ صَدّوقی
5شاگردَل وختی رَتِن اولَتِ دریاچَه، وَ حوشِشون رَت بِی خِشون نون وَگِرِن. 6عیسی وَشون گُت: «حَواسِتون بو وَ خمیرمایۀ عالِمَلِ فرقۀ فَریسی وِ صدّوقی دیری کِنیت.» 7اونگَل مابینِ خِشون بحث ایکِردِن، ایگُتِن: «بِی خِمون نون ناوُردیمِه.» 8عیسی یِنَه فَمِس وُ وَشون گُت: «ای کم‌ایمونَل، سیچه درموردِ یِه که نون نَیاریت بِی یَک بحث ایکِنیت؟ 9مَه هَنی نیفَمیت؟ مَه وَ حوشِتون نیا او پنج نون وُ پنج‌هزار نفر وِ چَن سَلَه خُردَه‌نونَه که جَم کِردیت؟ 10یا او هَف نون وُ چارهزار نفر وِ چَن سَلَه خُردَه‌نونَه که جَم کِردیت؟ 11پَ سیچه نیفَمیت که باتون درموردِ نون گَپ نَزَم؟ بلکم گُتُم که وَ خمیرمایۀ عالِمَلِ فَریسی وِ صدّوقی دیری کِنیت.» 12اوسِه شاگِردَل فَمِسِن که وَشون درموردِ تعلیمِ عالِمَلِ فَریسی وِ صدّوقی هشتار دایِه، نَه درموردِ خمیرمایۀ نون.
اعتراف پِطرُس درموردِ عیسی
13وختی عیسی رَسی وَ منطقۀ قیصریۀ فیلیپی، وَ شاگردَلِش پُرسی: «وَ نظرِ مردم، کِرِ انسان کی‌یَه؟» 14اونگَل جواب دان: «یِه‌پاره‌ای ایگُن یحیِی تعمیددَهندَه یَه. یِه‌پاره‌ای دَ ایگُن ایلیایِ پیغمبَرِه، وِ عِدِه‌ای هم ایگُن اِرمیایِ پیغمبر یا یکی وَ پیغمبرَلِه.» 15عیسی وَشون پرسی: «ایشا چه ایگیت؟ وَ نظرِ ایشا مِ کی‌یَم؟» 16شمعونِ پطرس جواب دا: «تِ مسیحِ موعودی، کِرِ خِدِی زِندَه!» 17عیسی گُت: «خَش وَ حالِ تو، ای شمعون، کِرِ یونا! سی‌یِکِه ای حقیقَتَه جسم وُ خین وَت آشکار نَکِه، بلکم بُو مِ که مِنِه آسمونِه وِه نَه آشکار کِه. 18مِ هم وَ تِ ایگُم، نومِت پطرسِه وَ معنیِ بَرد، وِ مِ وَ ری ای بَرد، کِلیسِی خِمَه بنا ایکِنُم وِ دَروازِه‌یَلِ جَنَم وَش زور وانیبو. 19کلیلَلِ پادشاییِ آسمونَه وَ تِ اییُم. هر چیئی که ری زمین بویَندی، مِنِه آسمون بَسَه ایابو وِ هر چیئی که ری زمین واز کِنی، مِنِه آسمون واز ایابو.» 20اوسِه عیسی وَ شاگردلِش قَدَقَن کِه وَ هیشکَه نَگُن وِّ مسیحِ موعودِه.
پیشگویی عیسی درموردِ مُردَن و زندَه وابی‌یَنِش
21دِنداش عیسی شروع کِه وَ آگا کِردَنِ شاگردَلِش دَرموردِ ای حقیقت که لازمِه بِرَه وَ اورشلیم وِ وُچه وَ شیخَل وِ کاهنلِ گَپو وِ معلملِ تورات مَهلی آزار بِوینِه وِ کشتَه وابو وِ مِنِه روزِ سوم زِندَه وابو. 22امّا پطرس عیسی نَه بُرد اوبال وِ نَهی‌یَش کِه وِ گُت: «دیرَ جونِت، آقا! خدا نَکِنِه، که وَتَه ایطو چیئی سیت وابو.» 23عیسی ریشَه وَرگَردَنا، وَش گُت: «وَم دیر وابو، ای شِیطون! تِ گیرِدارِ رَه مِنی، سی‌یِکِه فکرَلِ تِ انسانی یَه، نَه خدایی.»
24اوسِه عیسی ری وَ شاگردلِش کِه وِ فرمایش کِه: «اَر کسی بِخوا مِنَه پیروی کِنِه، باید وَ خُوش بِگذَرِه، صلیبِ خِشَه وَگِرِه وُ وَ دینِ مِ بیا. 25سی‌یِکِه هرکه بِخوا جونِشَه نجات بییِه، وِه نَه وَ دَس اییِه؛ امّا هرکه وَ خاطرِ مو جونِشَه وَ دَس بییِه، وِه نَه اُمبِلا ایجورِه. 26چِه فِیدِه‌ای سی آیَم دارِه که تمومیِ دنیا نَه وَدَس بیارِه، امّا جونِشَه وَدَس بییِه؟ وِ یا آیَم چه چیئی وَ عوضِ جونِش بییِه؟
27«سی‌یِکِه کِرِ انسان مِنِه جلالِ بُوش بِی فِرِشته‌یَلِش ایایِه وِ او موقَع وَ هر کس سی کارَلِش پاداش اییِه. 28وَراسی، وَ ایشا ایگُم، یِه‌پاره‌ای وَ کَسَلی که وِیسانِه وِیچو تا کِرِ انسانَه نبینِن که مِنِه پادشاییِ خِش ایا، طومِ مرگَه مِزَه نیکِنِن.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company