نامۀ دِوُم وَ کِلیسِی قُرَنتُس 2
2
1پَ، ایخوام تا دَ بِی اومَیَنُم باعثِ غَم وَباریتون نَوابوم. 2سییِکِه اَر ایشا نَه غم وَبار کِنُم، دَ کی ایتَرِه باعثِ شاییِ مِ وابو، غیرَ ایشا که غم وَبارِتون کِردِمِه؟ 3وِ یِنَه نوشتُم تا موقِی که اومَم طِیتون، اونگَل که بایِس مِنَه شایَمون کِنِن، غم وَبارُم نَکِنِن. سییِکِه وَ تَمومِ ایشا اِطمینون دارُم که شاییِ مِ شاییِ تَمومِ ایشانِه. 4سییِکِه مِ بِی دلی غَم وَبار وِ پَریشون وِ تییَلی پِرِخَرس سیتون نِوِشتُم، نَه سییِکِه غم وَبارِتون کِنُم، بلکم تا آگا وابِیت چِقَه زیاد وَتون محبت دارُم.
گِناکارَ بویَخش
5ایسو، اَر کسی باعثِ غم وَباری وابییِه، نَه تِنا مِنَه، بلکم - اَر دِرو نَکِنُم - تا حدی تَمومِ ایشا نَه غَم وَبار کِردِه. 6سی ایطو آیَمی گوشمالیای که بیشترِ ایشا وَش دِیتِه، بَسِشِه. 7پَ وَ جاش بِختَرِه وِّ نَه بُویَخشیت وِ دلداری بِئیت، نَکِنِه غِصِۀ زیاد، وِّ نَه وَ پا دَرارِه. 8پَ، وَ ایشا تمنّا دارُم محبتِ خِتونَه اَزنو وَش نِشون بِئیت. 9سی هَمیِه هَم سیتون نِوشتُم که امتحانِتون کِنُم وِ بِوینُم مَه مِنِه هَر کاری اطاعت ایکِنیت وا نَه؟ 10هَرکه نَه ایشا بُویَخشیت، مِ هَم وِّ نَه ایبَخشُم. وَراسی اَر کسی نَه بَخشییِمِه - اَلبَت اَر چیئی سی بَخشییَن بییِه - مِنِه حضورِ مسیح وُ وَ خاطرِ ایشا ای کارَ کِردِمِه، 11تا شیطون بازیمون نَیِه، سییِکِه ایما وَ نَخشِهیَلِش نَه بیخَوَریم.
زور وابییَن مِنِه مسیح
12وختی سی موعظۀ انجیلِ مسیح اومَم وَ تروآس، بِی یِکِه خداوند درِ گَپویی وَ ریم واز کِه، 13هَنی آروم نَیاشتُم سییِکِه کَکام تیتوسَ وُچِه نَجُسُم. پَ مَردِمونِ وُچِه نَه نَهام، رَتُم وَ مقدونیَه.
14امّا خدا نَه شکر ایکِنُم که هَمیشَه ایما نَه مِنِه مسیح، مِنِه پیروزیِ خُوش رهبری ایکِنِه وِ عطرِ شناختِ وُّ، وَ وسیلۀ ایما مِنِه هَمَه جا پخش ایابو. 15سییِکِه ایما سی خدا عطرِ خَشِ مسیح یِیم، چه مابین اونگَلی که نجات ایجورِن وِ چه مابینِ اونگَلی که هلاک ایابون، 16سی یکی بویی وَ مرگ که ایرَه وَ طرفِ مرگ؛ سی یِکیدَه عطرِ حیات که ایرَه وَ طرفِ حیات. کیَه که سی ایطو چییَلی قابل بو؟ 17سییِکِه ایما نَه مِی خیلییَلیم که دَسفروشِ کلامِ خدایَن، بَلکَم مِی مردمِ ریراس که وَ طرفِ خدا مأمور وابییِنِه، مِنِه حضورِ خدا مِنِه مسیح گَپ ایزَنیم.
Currently Selected:
نامۀ دِوُم وَ کِلیسِی قُرَنتُس 2: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
