نامَه رومِنیا 7
7
آزاد بُدَ از شریعت
1یا اَی کاکَیّا، مَ نادانی؟ - اَسِی که خاد کسِی حرف زَتام که شریعتا اَدانِت - که شریعت فَکَط تا زَمونی اُ یَک آدام حُکم اَکو که مِ آداما زندَئِه؟ 2اَسِی که، طِبک شریعت، یَک زن شودار تا موکَه‌ای که شوش زندَئِه، مال شوشِه. ولی اَگَه شوش بِمِری، مِ زنا از تعهد شرعِنی که اُ شوش اُشَه آزاد اَبِه. 3پَ اَگَه زن موکَه‌ای که شوش زندَئِه، خاد مَردِیدو زندگی بِکو، زِناکار اُ حساب اَدا. ولی اَگَه شوش بِمِری، زن از مِ شریعتا آزادِه، و اَگَه یَک شوی دِگَه بِکو، زِناکار نی.
4پَ هَمینا هم اَی کاکَیّام، شما هم اُ واسطَهِ بَدن مسیح نسبت اُ شریعت مُردِستی تا مال یِکِیدو بی، یعنی مال مِکِه از مُردَیّا زندَه آبُدِ، تا اَما اَسِی خدا ثَمَر بیارِم. 5اَسِی که مِ موکَوا اَما که زِرِ سلطَهِ جسم زندگی مواَکِه، هوی و هَوسِی گناه‌آلودمو که شریعت تحریکشو شَکِه، تِی عضوِی اَما کَر شواَکِه تا اَسِی مرگ ثَمَر بیارِم. 6ولی اَلَه، اَما از شریعت آزاد بُدِستِم و نسبت اُ مِ چِی که اُ اَما تِی اَسیری اُشگِرِتِستاد، مُردِم تا اینایی تِی رَهِ جدید روح خدا، خدمت بِکنِم، نِه فَکَط تِی رَه کَدیمِنِ یَک نوشتَه.
شریعت و گناه
7پَ چه بِگائِم؟ یعنی شریعت گناهِه؟ اصلاً! با اِ حالا اَگَه شریعت نِهاد، اُمنادانِست گناه چِئِه. اَسِی که اَگَه شریعت اُشنِگُتِستاد: «طَمَع مَکو»، اُمنادانِست طَمَع کِردَ چِئِه. 8ولی گناه اُ واسطَه اِ حُکم شریعتا، فرصت شُ دست اَئو تا تِی ما مَ رَکَم طَمَعیا اُ وجود بیارِ. اَسِی که جدا از شریعت، گناه مُردِه. 9زَمونی ما جدا از شریعت زندَه هادام، ولی وَختی حُکم شریعت اُمَ، گناه زندَه بو و ما مُردام. 10مِ حُکمی که وعدَه زندگی اُشدَ باعث مرگ ما بو. 11اَسِی که گناه اُ واسطَهِ حُکم شریعت، فرصت شُ دست اَئو گول اُشزادام و اُ واسطَهِ آنا اُشکُشتام. 12پَ، شریعت مکدّسِه و حُکم شریعت هم مکدّس و وَلم و خَشِه.
13پَ یعنی مِ چِی که خَشِه، اَسِی ما باعث مرگ بو؟ اصلاً! اِ گناه هاد که اُ واسطَهِ مِ چِی که خَشِه، مرگا تِی ما شُ وجود اَئو تا اینایی گناه، گناه بُدَش معلوم بِبِه، و اُ واسطَهِ حُکم شریعت معلوم بِبِه که بَدِنِ گناه چاد بی حَد و اندازَئِه.
14اَسِی که اَما اَدانِم که شریعت روحانیه، ولی ما جسمانیام و چُنِ یَک بَردَه اُ گناه فِرَتَه بُستام. 15اَسِی که ما نانام چه کِردام، اَسِی که کَری که مَئِه ناکنام، بلکه مِ کَریا اَکنام که نَخچُش اُمنی. 16اَلَه اَگَه کَری که اُمنائِه اَنجوم اَتام، پَ کَبول اَکنام که شریعت خَشِه. 17پَ اَلَه، دِگَه ما نِهام که اِ کَرا اَنجوم اَتام، بلکه گناهی که تِی ما ساکنِه اِ کَرا اَنجوم اَدَ. 18اَسِی که اَدانام که هیچ چِی خَشی تِی ما، یعنی تِی جسمُم ساکن نی. اَسِی که ما مَئِه مِ چِی که وَلمِه اَنجوم هاتام، ولی کُدرت اَنجوم دَدَش اُمنی. 19اَسِی که مِ کَر خَشا که مَئِه، اَنجوم ناتام، بلکه کَر نِ خَشی که اُمنائِه، تیپَستا اَنجوم اَتام. 20اَلَه اَگَه کَریا اَنجوم اَتام که اُمنائِه، پَ دِگَه ما نِهام که مِئا اَنجوم اَتام، بلکه گناهی که تِی ما ساکنِه مِئا اَنجوم اَدَ.
21پَ اُ اِ کانونا اَرَسام که وَختی مَئِه کَر خَشی بِکنام، بَدی مُ دُم دستِه. 22اَسِی که ما تِی باطنُم، از شریعت خدا لَذّت اَبرام، 23ولی یَک کانونِیدو تِی عضوِی خوم اَبِنام که وَ شریعتی که عَکلُم کَبول شَکو جنگ اَکو و اُ ما اَسیر کانون گناهی اَکو که تِی عضوِی ما ساکنِه. 24وای که چاد بدبختام! کِی که اُ ما از اِ بَدن مرگا آزاد بِکو؟ 25خدائا شکر اُ واسطَهِ خداوندمو عیسی مسیح!
پَ، ما خوم وَ عَکلُم شریعت خدائا خدمت اَکنام، ولی وَ جسمُم کانون گناها خدمت اَکنام.
Currently Selected:
نامَه رومِنیا 7: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه رومِنیا 7
7
آزاد بُدَ از شریعت
1یا اَی کاکَیّا، مَ نادانی؟ - اَسِی که خاد کسِی حرف زَتام که شریعتا اَدانِت - که شریعت فَکَط تا زَمونی اُ یَک آدام حُکم اَکو که مِ آداما زندَئِه؟ 2اَسِی که، طِبک شریعت، یَک زن شودار تا موکَه‌ای که شوش زندَئِه، مال شوشِه. ولی اَگَه شوش بِمِری، مِ زنا از تعهد شرعِنی که اُ شوش اُشَه آزاد اَبِه. 3پَ اَگَه زن موکَه‌ای که شوش زندَئِه، خاد مَردِیدو زندگی بِکو، زِناکار اُ حساب اَدا. ولی اَگَه شوش بِمِری، زن از مِ شریعتا آزادِه، و اَگَه یَک شوی دِگَه بِکو، زِناکار نی.
4پَ هَمینا هم اَی کاکَیّام، شما هم اُ واسطَهِ بَدن مسیح نسبت اُ شریعت مُردِستی تا مال یِکِیدو بی، یعنی مال مِکِه از مُردَیّا زندَه آبُدِ، تا اَما اَسِی خدا ثَمَر بیارِم. 5اَسِی که مِ موکَوا اَما که زِرِ سلطَهِ جسم زندگی مواَکِه، هوی و هَوسِی گناه‌آلودمو که شریعت تحریکشو شَکِه، تِی عضوِی اَما کَر شواَکِه تا اَسِی مرگ ثَمَر بیارِم. 6ولی اَلَه، اَما از شریعت آزاد بُدِستِم و نسبت اُ مِ چِی که اُ اَما تِی اَسیری اُشگِرِتِستاد، مُردِم تا اینایی تِی رَهِ جدید روح خدا، خدمت بِکنِم، نِه فَکَط تِی رَه کَدیمِنِ یَک نوشتَه.
شریعت و گناه
7پَ چه بِگائِم؟ یعنی شریعت گناهِه؟ اصلاً! با اِ حالا اَگَه شریعت نِهاد، اُمنادانِست گناه چِئِه. اَسِی که اَگَه شریعت اُشنِگُتِستاد: «طَمَع مَکو»، اُمنادانِست طَمَع کِردَ چِئِه. 8ولی گناه اُ واسطَه اِ حُکم شریعتا، فرصت شُ دست اَئو تا تِی ما مَ رَکَم طَمَعیا اُ وجود بیارِ. اَسِی که جدا از شریعت، گناه مُردِه. 9زَمونی ما جدا از شریعت زندَه هادام، ولی وَختی حُکم شریعت اُمَ، گناه زندَه بو و ما مُردام. 10مِ حُکمی که وعدَه زندگی اُشدَ باعث مرگ ما بو. 11اَسِی که گناه اُ واسطَهِ حُکم شریعت، فرصت شُ دست اَئو گول اُشزادام و اُ واسطَهِ آنا اُشکُشتام. 12پَ، شریعت مکدّسِه و حُکم شریعت هم مکدّس و وَلم و خَشِه.
13پَ یعنی مِ چِی که خَشِه، اَسِی ما باعث مرگ بو؟ اصلاً! اِ گناه هاد که اُ واسطَهِ مِ چِی که خَشِه، مرگا تِی ما شُ وجود اَئو تا اینایی گناه، گناه بُدَش معلوم بِبِه، و اُ واسطَهِ حُکم شریعت معلوم بِبِه که بَدِنِ گناه چاد بی حَد و اندازَئِه.
14اَسِی که اَما اَدانِم که شریعت روحانیه، ولی ما جسمانیام و چُنِ یَک بَردَه اُ گناه فِرَتَه بُستام. 15اَسِی که ما نانام چه کِردام، اَسِی که کَری که مَئِه ناکنام، بلکه مِ کَریا اَکنام که نَخچُش اُمنی. 16اَلَه اَگَه کَری که اُمنائِه اَنجوم اَتام، پَ کَبول اَکنام که شریعت خَشِه. 17پَ اَلَه، دِگَه ما نِهام که اِ کَرا اَنجوم اَتام، بلکه گناهی که تِی ما ساکنِه اِ کَرا اَنجوم اَدَ. 18اَسِی که اَدانام که هیچ چِی خَشی تِی ما، یعنی تِی جسمُم ساکن نی. اَسِی که ما مَئِه مِ چِی که وَلمِه اَنجوم هاتام، ولی کُدرت اَنجوم دَدَش اُمنی. 19اَسِی که مِ کَر خَشا که مَئِه، اَنجوم ناتام، بلکه کَر نِ خَشی که اُمنائِه، تیپَستا اَنجوم اَتام. 20اَلَه اَگَه کَریا اَنجوم اَتام که اُمنائِه، پَ دِگَه ما نِهام که مِئا اَنجوم اَتام، بلکه گناهی که تِی ما ساکنِه مِئا اَنجوم اَدَ.
21پَ اُ اِ کانونا اَرَسام که وَختی مَئِه کَر خَشی بِکنام، بَدی مُ دُم دستِه. 22اَسِی که ما تِی باطنُم، از شریعت خدا لَذّت اَبرام، 23ولی یَک کانونِیدو تِی عضوِی خوم اَبِنام که وَ شریعتی که عَکلُم کَبول شَکو جنگ اَکو و اُ ما اَسیر کانون گناهی اَکو که تِی عضوِی ما ساکنِه. 24وای که چاد بدبختام! کِی که اُ ما از اِ بَدن مرگا آزاد بِکو؟ 25خدائا شکر اُ واسطَهِ خداوندمو عیسی مسیح!
پَ، ما خوم وَ عَکلُم شریعت خدائا خدمت اَکنام، ولی وَ جسمُم کانون گناها خدمت اَکنام.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company