نامَه رومِنیا 6
6
مُردَه نسبت اُ گناه و زندگی تِی مسیح
1پَ چه بِگائِم؟ یعنی باید هَمینا اُ گناه کِردَ ادامَه هاتِم تا فیض بُری بِبِه؟ 2اصلاً! اَما که نسبت اُ گناه مُردِم، چینا ماشابِه هَنو تِی آنا زندگی بِکنِم؟ 3مَ نادانی هَمَهِ اَما که تِی مسیحْ عیسی غُسل تعمید مُگِرِتِه، تِک مرگ آنا تعمید مُگِرِت؟ 4پَ وَ تعمید گِرِتَه تِک مرگ، خاد آنا شُن تِک مَکبَرَه نَدِم، تا هَموناکِه مسیح اُ واسطَهِ جلال بای آسِمونی، از مُردَیّا زندَه آبو، اَما هم تِی تازگِنِ زندگی کَدام واسِهِم.
5پَ اَگَه تِی مرگی چُن مرگ آنا، خاد آنا یکی بُدِستِم، شکی نی که تِک زندَه آبُدَه‌ای، چُنِ زندَه آبُدَئِه آنا هم، خاد آنا یکی اَبِم. 6اِئا اَدانِم مِ آدام تیتَه‌وا که اَما هادِم، خاد آنا اُ صلیب بو تا بَدن گناه نیست بِبِه تَ اینایی اَما دِگَه اَسیر گناه نِبِم. 7اَسِی که آناکِه مُردِه، از گناه آزاد بُدِ.
8اَلَه اَگَه اَما خاد مسیح مُردِستِم، ایمون مُهَه که خاد آنا زندگی هم اَکنِم. 9اَما اَدانِم که مسیح اَسِی که از مُردَیّا زندَه آبُدَ، دِگَه اصلاً نامِری؛ مرگ دِگَه اُ آنا حُکمرانی ناکو. 10اَسِی که آنا وَ مرگ خوش، یَک دَفَه اَسِی همیشَه نسبت اُ گناه مُرد، و تِک زندگِنِ آلَه‌اُش، اَسِی خدا زندگی اَکو.
11پَ شما هم باید اُ خوتو نسبت اُ گناه مُردَه بِدانی، و تِی مسیحْ عیسی نسبت اُ خدا، زندَه بِدانی. 12پَ مَهِری گناه تِی بَدن فانیتو حُکمرانی بِکو تا از هوی و هَوسیاش اطاعت بِکنی. 13عضوِی بَدنتو اُ دست گناه مَتی تا وسیلَه‌ئِی اَسِی نِ وَلمی بِت، بلکه چُنِ کسِی که از مرگ اُ زندگی آگِشتِستِت، اُ خوتو دست خدا هاتی و عضوِی بَدنتو اُ دست خدا هاتی تَ وسیلَه‌ئِی بِت اَسِی صالح بُدَ. 14اَسِی که گناه اُ شما حُکمرانی ناکو، اَسِی که زِرِ شریعت نِهی، بلکه زِرِ فیضی.
غُلومِی صالحی
15پَ چه بِگائِم؟ وَخاطر اِکِه زِرِ شریعت نِهِم، بلکه زِرِ فیضِم، باید گناه بِکنِم؟ اصلاً! 16مَ نادانی که اَگَه اُ خوتو چُن غُلومِی که فَرمو اَبرِت، دست کسی هاتی، غُلوم مِ اَبی که از آنا فَرمو اَبری، شَئِه غُلوم گناه بِه که اُ طرف مرگ اَبَه، شَئِه غُلوم فَرمو بُردَ از خدا که اُ طرف صالح بُدَ اَبَه؟ 17ولی خدائا شکر که شمایی که یَک زَمونی غُلومِی گناه هادی، آلَه از تَهِ دلتو از مِ تعلیمی فَرمو اَبری که سر سپردَه آنا بُدِستی. 18شما وَ آزاد بُدَ از گناه، غُلومِی صالحی بُدِستی.
19ما وَ دلیل ضعفِی که وَخاطر طبیعتتو تُهَه، وَ حرفِی آدامی حرف اَزنام: اَسِی که هَموناکِه یَک زَمونی عضوِی بَدنتو چُنِ یَک غُلوم تُن دست ناپاکی و بَدی دَ که اُ طرف بَدِنِی بِشتَه‌ای اَبَه، اَلَه هم، عضوِی بَدنتو چُنِ یَک غُلوم اُ دست مِ صالحی هاتی که اُ طرف مکدّس بُدَ اَبَه. 20اَسِی که موکَه‌ای که غُلومِی گناه هادی، از صالح بُدَ آزاد هادی. 21مِ موکَوا، از اَنجوم مِ کَرِی که آلَه شرمندَش هی، چه ثَمَری تُبو؟ اَسِی که آخر عاکبت مِ کَریَه‌وا مرگِه! 22ولی اَلَه که از گناه آزاد بُدِستی و غُلومِی خدا بُدِستی، ثَمَری که اُ دست داری اُ طرف مکدّس بُدَ اَبَه، و آخر عاکبتُش، زندگِنِ اَبَدیه. 23اَسِی که مُزد گناه مرگِه، ولی هَدیَه خدا زندگِنِ اَبَدیه تِی خداوندمو مسیحْ عیسی.
Currently Selected:
نامَه رومِنیا 6: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه رومِنیا 6
6
مُردَه نسبت اُ گناه و زندگی تِی مسیح
1پَ چه بِگائِم؟ یعنی باید هَمینا اُ گناه کِردَ ادامَه هاتِم تا فیض بُری بِبِه؟ 2اصلاً! اَما که نسبت اُ گناه مُردِم، چینا ماشابِه هَنو تِی آنا زندگی بِکنِم؟ 3مَ نادانی هَمَهِ اَما که تِی مسیحْ عیسی غُسل تعمید مُگِرِتِه، تِک مرگ آنا تعمید مُگِرِت؟ 4پَ وَ تعمید گِرِتَه تِک مرگ، خاد آنا شُن تِک مَکبَرَه نَدِم، تا هَموناکِه مسیح اُ واسطَهِ جلال بای آسِمونی، از مُردَیّا زندَه آبو، اَما هم تِی تازگِنِ زندگی کَدام واسِهِم.
5پَ اَگَه تِی مرگی چُن مرگ آنا، خاد آنا یکی بُدِستِم، شکی نی که تِک زندَه آبُدَه‌ای، چُنِ زندَه آبُدَئِه آنا هم، خاد آنا یکی اَبِم. 6اِئا اَدانِم مِ آدام تیتَه‌وا که اَما هادِم، خاد آنا اُ صلیب بو تا بَدن گناه نیست بِبِه تَ اینایی اَما دِگَه اَسیر گناه نِبِم. 7اَسِی که آناکِه مُردِه، از گناه آزاد بُدِ.
8اَلَه اَگَه اَما خاد مسیح مُردِستِم، ایمون مُهَه که خاد آنا زندگی هم اَکنِم. 9اَما اَدانِم که مسیح اَسِی که از مُردَیّا زندَه آبُدَ، دِگَه اصلاً نامِری؛ مرگ دِگَه اُ آنا حُکمرانی ناکو. 10اَسِی که آنا وَ مرگ خوش، یَک دَفَه اَسِی همیشَه نسبت اُ گناه مُرد، و تِک زندگِنِ آلَه‌اُش، اَسِی خدا زندگی اَکو.
11پَ شما هم باید اُ خوتو نسبت اُ گناه مُردَه بِدانی، و تِی مسیحْ عیسی نسبت اُ خدا، زندَه بِدانی. 12پَ مَهِری گناه تِی بَدن فانیتو حُکمرانی بِکو تا از هوی و هَوسیاش اطاعت بِکنی. 13عضوِی بَدنتو اُ دست گناه مَتی تا وسیلَه‌ئِی اَسِی نِ وَلمی بِت، بلکه چُنِ کسِی که از مرگ اُ زندگی آگِشتِستِت، اُ خوتو دست خدا هاتی و عضوِی بَدنتو اُ دست خدا هاتی تَ وسیلَه‌ئِی بِت اَسِی صالح بُدَ. 14اَسِی که گناه اُ شما حُکمرانی ناکو، اَسِی که زِرِ شریعت نِهی، بلکه زِرِ فیضی.
غُلومِی صالحی
15پَ چه بِگائِم؟ وَخاطر اِکِه زِرِ شریعت نِهِم، بلکه زِرِ فیضِم، باید گناه بِکنِم؟ اصلاً! 16مَ نادانی که اَگَه اُ خوتو چُن غُلومِی که فَرمو اَبرِت، دست کسی هاتی، غُلوم مِ اَبی که از آنا فَرمو اَبری، شَئِه غُلوم گناه بِه که اُ طرف مرگ اَبَه، شَئِه غُلوم فَرمو بُردَ از خدا که اُ طرف صالح بُدَ اَبَه؟ 17ولی خدائا شکر که شمایی که یَک زَمونی غُلومِی گناه هادی، آلَه از تَهِ دلتو از مِ تعلیمی فَرمو اَبری که سر سپردَه آنا بُدِستی. 18شما وَ آزاد بُدَ از گناه، غُلومِی صالحی بُدِستی.
19ما وَ دلیل ضعفِی که وَخاطر طبیعتتو تُهَه، وَ حرفِی آدامی حرف اَزنام: اَسِی که هَموناکِه یَک زَمونی عضوِی بَدنتو چُنِ یَک غُلوم تُن دست ناپاکی و بَدی دَ که اُ طرف بَدِنِی بِشتَه‌ای اَبَه، اَلَه هم، عضوِی بَدنتو چُنِ یَک غُلوم اُ دست مِ صالحی هاتی که اُ طرف مکدّس بُدَ اَبَه. 20اَسِی که موکَه‌ای که غُلومِی گناه هادی، از صالح بُدَ آزاد هادی. 21مِ موکَوا، از اَنجوم مِ کَرِی که آلَه شرمندَش هی، چه ثَمَری تُبو؟ اَسِی که آخر عاکبت مِ کَریَه‌وا مرگِه! 22ولی اَلَه که از گناه آزاد بُدِستی و غُلومِی خدا بُدِستی، ثَمَری که اُ دست داری اُ طرف مکدّس بُدَ اَبَه، و آخر عاکبتُش، زندگِنِ اَبَدیه. 23اَسِی که مُزد گناه مرگِه، ولی هَدیَه خدا زندگِنِ اَبَدیه تِی خداوندمو مسیحْ عیسی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company