نامَه فیلیپِنیا 4
4
1پَ، اَی کاکَیّام که خاطرتو مَئِه، و مُشتاک دِدَتو هام، اَی شمایی که خارامی و تاج سِرَمی، اَی عزیزیام، اینایی تِی خداوند مُحکام وامانی.
نصیحت، تشویک و دعا
2از اِفُودیه خواهش اَکنام و از سینتیخی خواهش اُمَ که تِی خداوند همفکر بِت. 3بله، اَی همکار حکیکی، از تو هم مَئِه که اُ اِ دوتا زنا کمک بِکنِش، که اُمرَهِ اَکْلیمِنتُس و بَکیَه همکاریام که اسمشو تِی دفتر زندگی نوشتَه بُدِ، تِی کَر انجیل شانَه وَ شانَه ما زحمت شُکَشِدِ.
4مَ وَخت تِی خداوند خارام بی؛ دَفَیدو هم اَگام: خارام بی. 5بِهِری هَمَه بِدانِت که چاد آدامِی با ملاحظَه هی. اُندَهِ خداوند نَزیکِه. 6دل نگرون هیچ چی مَبی، بلکه تِی هرچی وَ دعا و خواهش و تمنا، اُمرَهِ شکرگزاری خواستَهیّاتو اُ خدا بِگائی. 7و صلح و سلامتِنِ خدا که بَراتَ از هر فَهمیه، از دلیاتو و فکریاتو تِی مسیحْ عیسی محافظت اَکو.
8آخر کَر، اَی کاکَیّا، اُ هرچی که حکیکیه، اُ هرچی که حرمت اُشَه، اُ هرچی که وَلمِه، اُ هرچی که پاکِه، اُ هرچی که دوستداشتنیه و اُ هرچی که لایِک تعریفِه فکر بِکنی. اَگَه چِی هَه که بُری خَشِه، اَگَه چِی هَه که کِراماند تعریف اُشَه، اُ اِ چِییَهوا فکر بِکنی. 9مِ چِی که از ما تُن یاد گِرِتِه و کَبول تُکِردِ و از ما تُشُنُفتِ و تِی ما تُدِدِ، اِ چِییَهوا اَنجوم هاتی، و خدای صلح و سلامتی خاد شما اَبِه.
تشکر اَسِی هَدیَهیّا
10تِی خداوند بُری خارامی اَکنام که آلَه شما آخر کَر دَفَیدو اُ فکر ما اُفتَدِستی، شما واکعاً اُ فکر ما هادی، ولی فرصتی تُنِهاد. 11نِه اِکِه اِئا از سِرِ نیاز بِگام، اَسِی که مُ یاد گِرِتِه که تِی هر وضعی که هام، باید کانِع بام. 12ما هم اَدانام، فَخیری چینائِه و هم اَدانام زندگی تِی فَراوونی چینائِه. تِی هر وضع و حالی، سِررِ زندگی کِردَ تِی سیری و گُشنَهای، تِی فَراوونی و تِی نیاز مُ یاد گِرِتِه. 13ما هر کَری مَشابِه بِکنام، اُ واسطَهِ مسیح که اُ ما کُوّت اَدَ. 14با اِ حالا، لطف تُکِه که تِی سختیم خاد ما شریک بُدی.
15شما فیلیپِنیا، خوتو اَدانی که تِی شروع کَر انجیل، وَختی که از منطکَهِ مقدونیَه چِدام، هیچ کلیسایی تِی دَدَ و گِرِتَه خاد ما شریک نِبو، غیر از شما و بَس. 16حتی موکَهای که تِی شهر تِسالونیکی هادام، شما اَسِی رفع نیازیام اَسِی ما کمک تُفرِستَ، و دَفَیدو هم تُفرِستَ. 17نِه اِکِه اَزدُمبالَهِ هَدیَه گِرِتَه بام، بلکه اَزدُمبالَهِ ثَمَری هام که اُ حساب شما اضافَه بِبِه. 18ما هَمَهِ مِ پولا اُمگِرِت و حتی بِشتَه. اَلَه که هَدیَهئِی که تُفرِستَ از اِپافْرودیتوس اُمگِرِت، مَچی فَراوون اُمَ. پَ هَدیَه شما یَک عطر خوشبو و یَک کُربونِنِ کابِل کَبولِه و خدائا خشنود اَکو. 19و خدای ما، هَمَهِ نیازیاتو طِبک دولت پُر جلال خوش تِی عیسی مسیحْ رفع اَکو. 20اُ خدامو، بای آسِمونیمو تا اَبَدالآباد جلال بِه. آمین.
سلامِی آخر
21اُ هَمَهِ مکدّسیا تِی مسیحْ عیسی سلام بِرَسِنی. کاکَئِی که مُمرَه هِت، اُ شما سلام اَرَسِنِت. 22هَمَهِ ایموندارِی اُ مسیح اُ شما سلام اَرَسِنِت، مخصوصا آنایاکِه اهل خونَهِ امپراطور هِت.
23فیض خداوندْ عیسی مسیح خاد روح شما بِه.
Currently Selected:
نامَه فیلیپِنیا 4: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
