نامَه غلاطِنیا 6
6
بارِی یَکُدوئا اُ دوش بِکَشی
1اَی کاکَیّا، اَگَه کسی یَک خطائی اُشکِه، شما که آدامِی روحانی هی باید اُ آنا وَ یَک روح آروم اُ رَه راست واگَردِنی. حَواستو اُ خوتو بِه، نِکو شما هم تِی وسوسه بِفتی. 2بارِی یَکُدوئا اُ دوش بِکَشی، و اینایی شریعت مسیحا اَنجوم هاتی. 3اَسِی که اَگَه یکی با اِکِه کسی نی، اُ خوش کسی اُ حساب اَدارِ، اُ خوش گول اَزاد. 4ولی بِهِر هرکَه کَرُش امتحان بِکو. مِ موکَوائِه که مِ دلیلی که اَسِی افتخار کِردَ اُشَه فَکَط خوشِه نِه هُمسادَش. 5اَسِی که هرکَه باید بار خوش بِکَشِه.
6آناکِه از کلوم خدا یاد اَگِرِ، هَمَهِ چِییَی خَشا خاد کسی که شُ یاد اَدَ شریک بِبِه.
7گول مَخری: نابِه اُ خدا رِشخاند بِکنِش، اَسِی که آدام هرچی بِکَرِ، مِ هم جورُم اَکو. 8اَسِی که هرکَه اَسِی جسم خوش بِکَرِ از جسم، خرابی جورُم اَکو؛ ولی هرکَه که اَسِی روح خدا بِکَرِ، از روح خدا زندگِنِ اَبَدی جورُم اَکو. 9بِلگی تَ از خوبی کِردَ خسته نِبِم، اَسِی که اَگَه دست از کَر آنِسِئِم، زَمون فصلُش جورُم اَکنِم. 10پَ تا فرصت مُهَه، بِلگی تَ اُ هَمَهِ آدامیا خوبی بِکنِم، مخصوصا اُ آنایاکِه اُ مسیح ایمون شُهَه.
هشدارِی آخر
11بِبِنی وَ دست خوم چاد گاتا گات تُنسِه اَنِوِسام! 12آنایاکِه شُئِه تِی ظاهر اُ خوشو خَش نِشو هاتِت، مجبورتو اَکنِت که سُنَّت بِبی، فَکَط اَسِی اِکِه وَخاطر صلیب مسیح آزار و اذیت نِبِنِت. 13اَسِی که حتی آنایاکِه سُنَّت اَبِت، خوشو شریعتا اَنجوم ناتِت، بلکه شُئِه شما سُنَّت بِبی تا اُ جسم شما افتخار بِکنِت. 14ولی دور مُزلو بِه که اُ چِی افتخار بِکنام، وَغیر از صلیب خداوندمو عیسی مسیح، که اُ وسیلَه آنا، دنیا اَسِی ما اُ صلیب بُدِ و ما اَسِی دنیا. 15اَسِی که نِه سُنَّت بُدَ مُهمِه و نِه سُنَّت نِبُدَ؛ بلکه مِ چِی که مُهمِه خلکت جدیدِه. 16اُ هَمَهِ آنایایی که طِبک اِ کانونا رفتار اَکنِت و اُ اسرائیل خدا، صلح و سلامتی و رحمت بِه.
17اِلا مِم بعد هِسکَه اُ ما آزار و اذیت نِکو، اَسِی که داغِی عیسیئا لِی جون خوم اُمَ.
18اَی کاکَیّا، فیض خداوندمو عیسی مسیح خاد روح شما بِه! آمین!
Currently Selected:
نامَه غلاطِنیا 6: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
