نامَه دوّم قُرِنتِنیا 4
4
نور انجیل
1پَ، وَخاطر اِکِه از لِی رحم خدا اِ خدمتا مُهَه، دلسرد آنابِم. 2ولی اَما رَهِی عیب و پِنهونی از خومو رَد مُکِردِ. اَما کَبول ناکنِم که حُکَه بازی بِکنِم یا کلوم خدائا دستکاری بِکنِم، بلکه، وَ رُک و راست گُتَئِه حکیکت، سعی اَکنِم تَ تِی حضور خدا حَدِ وجدان هَمَه تأیید بِبِم. 3حتی اَگَه انجیل اَما پوشِدَئِه، اَسِی کسِی پوشِدَئِه که هلاک بُدات. 4خدای اِ دُنیَهوا، شیطون، ذهنِی بیایمونیا کور اُشکِردِ تَ نِهِرِ آنایا نور خبر خَشی که از شکوه و جلال مسیح اَدرخشِهئا بِبِنِت. مِ مسیحا که شَکل و شمایل خدائِه. 5اَسِی که اَما مِ چِی که اعلام اَکنِم خومو نِهِم، بلکه اعلام اَکنِم که عیسی مسیح خداوندِه، و اَما وَخاطر عیسی نوکرِی شما هِم. 6وَخاطر اِکِه مِ خدا وا که اُشگُت: «بِهِر نور از تِی تاریکی بِدَرخشِه،» تِی دلیامو نور اُشدرخشِنَدِ تَ نور شناخت شکوه و جلال خدائا که تِی شَکل عیسی مسیح اَدرخشِه، اُ اَما هادَ.
گنج تِی کوزَه کُواری
7ولی اِ گنجا تِی کوزَهئِی کُواری مُهَه، تَ نِشو هادَ که اِ کُدرت بُری گاتا مال خدائِه نِه اَما. 8اَما از هر طرف تِی مصیبتِم، ولی خُرد نِبُستِم؛ حیرونِم، ولی ناامید نِهِم؛ 9آزار و اذیت اَبِم، ولی وِل نِبُستِم؛ اُ زِمی اَفتَدِستِم، ولی نابود نِبُستِم. 10همیشَه مرگ عیسیئا تِی بَدن خومو اَکَشِم، تَ زندگِنِ عیسی هم، تِی بَدَنِی اَما آشکار بِبِه. 11اَسِی که اَما که زندَه هِم، همیشَه وَخاطر عیسی اُ دست مرگ دَدَ اَبِم، تَ اینایی زندگِنِ عیسی هم تِی جسم فانیمو آشکار بِبِه. 12پَ تِی اَما مرگ کَر اَکو، ولی تِک شما زندگی.
13تِی کتاب زَبور نوشتَه بُدِ که: «ایمون مَئو، پَ حرف اُمزاد»، وَخاطر اِکِه اَما هم مِ روح ایمونا مُهَه، اَما هم ایمون مُهَه، پَ اَما هم حرف اَزنِم. 14اَسِی که اَدانِم خدا که خداوند عیسیئا زندَه شاکِه، اُ اَما هم خاد عیسی زندَه اَدَکو، و اُ اَما خاد شما اُ حضور خوش اَدارِ. 15اَسِی که هَمَهِ اِ چِییَهوا وَخاطر شمائِه، تَ هَموناکِه اُ عدَهِ بِشتَه و بِشتَهای از مردم فیض اَرَسِه، مِ شکرگزارِنی که اَسِی شکوه و جلال خدائِه هم، بِشتَه و بِشتَه بِبِه.
16پَ دلسرد آنابِم. با اِکِه ظاهرمو ضعیف آبُدا، ولی باطنمو راز وَ راز تَزَهتَه اَدَبِه. 17اَسِی که اِ مصیبت کینگِلِهوا که زود اَگذَرِ، اَسِی اَما یَک جلال اَبَدی آمادَه کِردا که خاد هیچ چی کابِل مکایسَه نی. 18پَ اَما چَشمو اُ چِییَی نی که دِدَ اَبِت، بلکه اُ چِییَییه که دِدَ نابِت، اَسِی که چِییَی که دِدَ اَبِت زود اَگذَرِ، ولی چِییَی که دِدَ نابِت اَبَدیه.
Currently Selected:
نامَه دوّم قُرِنتِنیا 4: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه دوّم قُرِنتِنیا 4
4
نور انجیل
1پَ، وَخاطر اِکِه از لِی رحم خدا اِ خدمتا مُهَه، دلسرد آنابِم. 2ولی اَما رَهِی عیب و پِنهونی از خومو رَد مُکِردِ. اَما کَبول ناکنِم که حُکَه بازی بِکنِم یا کلوم خدائا دستکاری بِکنِم، بلکه، وَ رُک و راست گُتَئِه حکیکت، سعی اَکنِم تَ تِی حضور خدا حَدِ وجدان هَمَه تأیید بِبِم. 3حتی اَگَه انجیل اَما پوشِدَئِه، اَسِی کسِی پوشِدَئِه که هلاک بُدات. 4خدای اِ دُنیَهوا، شیطون، ذهنِی بیایمونیا کور اُشکِردِ تَ نِهِرِ آنایا نور خبر خَشی که از شکوه و جلال مسیح اَدرخشِهئا بِبِنِت. مِ مسیحا که شَکل و شمایل خدائِه. 5اَسِی که اَما مِ چِی که اعلام اَکنِم خومو نِهِم، بلکه اعلام اَکنِم که عیسی مسیح خداوندِه، و اَما وَخاطر عیسی نوکرِی شما هِم. 6وَخاطر اِکِه مِ خدا وا که اُشگُت: «بِهِر نور از تِی تاریکی بِدَرخشِه،» تِی دلیامو نور اُشدرخشِنَدِ تَ نور شناخت شکوه و جلال خدائا که تِی شَکل عیسی مسیح اَدرخشِه، اُ اَما هادَ.
گنج تِی کوزَه کُواری
7ولی اِ گنجا تِی کوزَهئِی کُواری مُهَه، تَ نِشو هادَ که اِ کُدرت بُری گاتا مال خدائِه نِه اَما. 8اَما از هر طرف تِی مصیبتِم، ولی خُرد نِبُستِم؛ حیرونِم، ولی ناامید نِهِم؛ 9آزار و اذیت اَبِم، ولی وِل نِبُستِم؛ اُ زِمی اَفتَدِستِم، ولی نابود نِبُستِم. 10همیشَه مرگ عیسیئا تِی بَدن خومو اَکَشِم، تَ زندگِنِ عیسی هم، تِی بَدَنِی اَما آشکار بِبِه. 11اَسِی که اَما که زندَه هِم، همیشَه وَخاطر عیسی اُ دست مرگ دَدَ اَبِم، تَ اینایی زندگِنِ عیسی هم تِی جسم فانیمو آشکار بِبِه. 12پَ تِی اَما مرگ کَر اَکو، ولی تِک شما زندگی.
13تِی کتاب زَبور نوشتَه بُدِ که: «ایمون مَئو، پَ حرف اُمزاد»، وَخاطر اِکِه اَما هم مِ روح ایمونا مُهَه، اَما هم ایمون مُهَه، پَ اَما هم حرف اَزنِم. 14اَسِی که اَدانِم خدا که خداوند عیسیئا زندَه شاکِه، اُ اَما هم خاد عیسی زندَه اَدَکو، و اُ اَما خاد شما اُ حضور خوش اَدارِ. 15اَسِی که هَمَهِ اِ چِییَهوا وَخاطر شمائِه، تَ هَموناکِه اُ عدَهِ بِشتَه و بِشتَهای از مردم فیض اَرَسِه، مِ شکرگزارِنی که اَسِی شکوه و جلال خدائِه هم، بِشتَه و بِشتَه بِبِه.
16پَ دلسرد آنابِم. با اِکِه ظاهرمو ضعیف آبُدا، ولی باطنمو راز وَ راز تَزَهتَه اَدَبِه. 17اَسِی که اِ مصیبت کینگِلِهوا که زود اَگذَرِ، اَسِی اَما یَک جلال اَبَدی آمادَه کِردا که خاد هیچ چی کابِل مکایسَه نی. 18پَ اَما چَشمو اُ چِییَی نی که دِدَ اَبِت، بلکه اُ چِییَییه که دِدَ نابِت، اَسِی که چِییَی که دِدَ اَبِت زود اَگذَرِ، ولی چِییَی که دِدَ نابِت اَبَدیه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company