نامَه دوّم قُرِنتِنیا 5
5
خونَهِ آسِمونِنِ اَما
1اَسِی که اَدانِم هر وَخت مِ چادری که خونَهِ زِمِنی موئِه، نابود بِبِه، عمارتی از طرف خدا مُهَه، یَک خونَهای که وَ دست آدامی نَک نِبُدِ و تِی آسِمونیا اَبَدیه. 2اَسِی که تِی اِ چادرا آه و نالَه اَکنِم، آرزو اَکنِم که خونَهِ آسِمونیمو اُبار کِنِم، 3اَگَه واکعاً آنا اُبار کِنِم، لُخت و پَتی دِدَ نابِم. 4اَسِی که تا وَختی که تِک اِ چادرا هِم، هَموناکِه که زِرِ بارِی ساگی هِم آه و نالَه اَکنِم، اَسِی که مُنائِه اِ جُمَهوا از بارمو اُدَر بیارِم، بلکه مُئِه مِ جُمَهوا هم اُبار کِنِم، تَ اینایی زندگی مِ چِی که فانیه اُ زیر هادَ. 5آناکِه اُ اَما اَسِی هَمِ آمادَه اُشکِردِ خدائِه، که روح کدّوسا چُنِ یَک بَیعانَه شُ اَما دَدِ.
6پَ اَما همیشَه دِلِرز هِم، اَما اَدانِم تا موکَهای که تِی اِ بَدنا آمودِستِم، از خداوند دورِم، 7اَسِی که وَ ایمون زندگی اَکنِم، نِه وَ مِ چِی که اَبِنِم. 8بله، اَما دِلِرز هِم، و ترجیح اَتِم از اِ بَدنا دور آبِم و حَدِ خداوند وامانِم. 9پَ چه تِک خونَه بِم و چه تِی غربت، هدف اَما اِئِه که اُ آنا خشنود بِکنِم. 10اَسِی که هَمَهِ اَما باید جلووِ تخت حُکم کِردَهِ مسیح حاضر بِبِم، تَ هرکَه طِبک کَرِی که تِک بَدن خوش اُشکِردِ، عوض بِگِرِ، اَلَه شَئِه کَرِ خَش بِه یا کَرِ نِ خَش.
رفاکَت کِردَ خاد خدا
11پَ وَخاطر اِکِه اَدانِم تِرس از خداوند چِئِه، اُ بَکیَه مُجاب اَکنِم. ولی مِ چِی که هِم، اَسِی خدا آشکارِه و امید اُمَ اَسِی وجدان شما هم آشکار بِبِه. 12اَما دَفَیدو حَدِ شما از خومو تعریف ناکنِم، بلکه اُ شما فرصت اَتِم که اُ اَما افتخار بِکنی، تَ تُبِشابِه جواب کَسِییا هاتی که افتخارشو اُ ظاهر کَضیَئِه، نِه اُ مِ چِی که تِک دِلِه. 13اَسِی که اَگَه عَکلمو مُنُزدست دَدِ، وَخاطر خدائِه؛ اَگَه عَکلمو سِرِ جاشِه، وَخاطر شمائِه. 14اَسِی که محبت مسیح اُ اَما حاکمِه، اَسِی که اِ نتیجَهوا مُگِرِتِه که یَک نفر وَخاطر هَمَه مُردِه، پَ هَمَه مُردِت. 15مسیح وَخاطر هَمَه مُرد تَ کسِی که زندَه هِت دِگَه نِه اَسِی خوشو، بلکه اَسِی کسی زندگی بِکنِت که وَخاطرشو مُرد و زندَه آبو.
16پَ، اَما اِلا مِم بعد دربارَهِ هِسکَه وَ فکر انسانی کضاوت ناکنِم. با اِکِه کَبلتَه دربارَهِ مسیح وَ فکر انسانی کضاوت مُکِه، ولی آلَه دِگَه اینا نی. 17پَ اَگَه کسی تِی مسیح بِه، مِ آداما یَک مخلوک تازَهئِه. چِییَی کاهنَه گذشتِه؛ بِبِنی، مَچی تَزَه آبُدِ! 18اِیا هَمَه از خدائِه، مِ خدایی که اُ واسطَهِ مسیح اُ اَما خاد خوش صلح اُشدَ و خدمت صلح دَدَئا شُ اَما دَ. 19یعنی، خدا تِی مسیح دُنیَهوا خاد خوش صلح شَدَ و خطائِی آدامیائا شُ حسابشو نانَه، و پیغوم صلحا شُ اَما دَ. 20وَخاطر هَمِ هم اَما سفیرِی مسیح هِم، اوناکِه خدا خواستَهاُش اُ واسطَهِ اَما اَگِه، اَما از طرف مسیح از شما خواهش مُهَه که خاد خدا صلح بِکنی. 21خدا وَخاطر اَما اُ مِ کسی که گناها اُشنِشناخت، شا گناه کِه، تَ اَما تِک مسیح تِی صالح بُدَئِه خدا شریک بِبِم.
Currently Selected:
نامَه دوّم قُرِنتِنیا 5: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه دوّم قُرِنتِنیا 5
5
خونَهِ آسِمونِنِ اَما
1اَسِی که اَدانِم هر وَخت مِ چادری که خونَهِ زِمِنی موئِه، نابود بِبِه، عمارتی از طرف خدا مُهَه، یَک خونَهای که وَ دست آدامی نَک نِبُدِ و تِی آسِمونیا اَبَدیه. 2اَسِی که تِی اِ چادرا آه و نالَه اَکنِم، آرزو اَکنِم که خونَهِ آسِمونیمو اُبار کِنِم، 3اَگَه واکعاً آنا اُبار کِنِم، لُخت و پَتی دِدَ نابِم. 4اَسِی که تا وَختی که تِک اِ چادرا هِم، هَموناکِه که زِرِ بارِی ساگی هِم آه و نالَه اَکنِم، اَسِی که مُنائِه اِ جُمَهوا از بارمو اُدَر بیارِم، بلکه مُئِه مِ جُمَهوا هم اُبار کِنِم، تَ اینایی زندگی مِ چِی که فانیه اُ زیر هادَ. 5آناکِه اُ اَما اَسِی هَمِ آمادَه اُشکِردِ خدائِه، که روح کدّوسا چُنِ یَک بَیعانَه شُ اَما دَدِ.
6پَ اَما همیشَه دِلِرز هِم، اَما اَدانِم تا موکَهای که تِی اِ بَدنا آمودِستِم، از خداوند دورِم، 7اَسِی که وَ ایمون زندگی اَکنِم، نِه وَ مِ چِی که اَبِنِم. 8بله، اَما دِلِرز هِم، و ترجیح اَتِم از اِ بَدنا دور آبِم و حَدِ خداوند وامانِم. 9پَ چه تِک خونَه بِم و چه تِی غربت، هدف اَما اِئِه که اُ آنا خشنود بِکنِم. 10اَسِی که هَمَهِ اَما باید جلووِ تخت حُکم کِردَهِ مسیح حاضر بِبِم، تَ هرکَه طِبک کَرِی که تِک بَدن خوش اُشکِردِ، عوض بِگِرِ، اَلَه شَئِه کَرِ خَش بِه یا کَرِ نِ خَش.
رفاکَت کِردَ خاد خدا
11پَ وَخاطر اِکِه اَدانِم تِرس از خداوند چِئِه، اُ بَکیَه مُجاب اَکنِم. ولی مِ چِی که هِم، اَسِی خدا آشکارِه و امید اُمَ اَسِی وجدان شما هم آشکار بِبِه. 12اَما دَفَیدو حَدِ شما از خومو تعریف ناکنِم، بلکه اُ شما فرصت اَتِم که اُ اَما افتخار بِکنی، تَ تُبِشابِه جواب کَسِییا هاتی که افتخارشو اُ ظاهر کَضیَئِه، نِه اُ مِ چِی که تِک دِلِه. 13اَسِی که اَگَه عَکلمو مُنُزدست دَدِ، وَخاطر خدائِه؛ اَگَه عَکلمو سِرِ جاشِه، وَخاطر شمائِه. 14اَسِی که محبت مسیح اُ اَما حاکمِه، اَسِی که اِ نتیجَهوا مُگِرِتِه که یَک نفر وَخاطر هَمَه مُردِه، پَ هَمَه مُردِت. 15مسیح وَخاطر هَمَه مُرد تَ کسِی که زندَه هِت دِگَه نِه اَسِی خوشو، بلکه اَسِی کسی زندگی بِکنِت که وَخاطرشو مُرد و زندَه آبو.
16پَ، اَما اِلا مِم بعد دربارَهِ هِسکَه وَ فکر انسانی کضاوت ناکنِم. با اِکِه کَبلتَه دربارَهِ مسیح وَ فکر انسانی کضاوت مُکِه، ولی آلَه دِگَه اینا نی. 17پَ اَگَه کسی تِی مسیح بِه، مِ آداما یَک مخلوک تازَهئِه. چِییَی کاهنَه گذشتِه؛ بِبِنی، مَچی تَزَه آبُدِ! 18اِیا هَمَه از خدائِه، مِ خدایی که اُ واسطَهِ مسیح اُ اَما خاد خوش صلح اُشدَ و خدمت صلح دَدَئا شُ اَما دَ. 19یعنی، خدا تِی مسیح دُنیَهوا خاد خوش صلح شَدَ و خطائِی آدامیائا شُ حسابشو نانَه، و پیغوم صلحا شُ اَما دَ. 20وَخاطر هَمِ هم اَما سفیرِی مسیح هِم، اوناکِه خدا خواستَهاُش اُ واسطَهِ اَما اَگِه، اَما از طرف مسیح از شما خواهش مُهَه که خاد خدا صلح بِکنی. 21خدا وَخاطر اَما اُ مِ کسی که گناها اُشنِشناخت، شا گناه کِه، تَ اَما تِک مسیح تِی صالح بُدَئِه خدا شریک بِبِم.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company