نامَه دوّم قُرِنتِنیا 3
3
خادمِی عهد جدید
1مَ اَما دَفَیدو شروع اُ تعریف کِردَ از خومو اَکنِم؟ یا مَ اَما نیاز مُهَه که چُنِ بعضیا اُ شما سفارش نامَه نِشو هاتِم یا از شما معرفی نامَه بِگِرِم؟ 2شما خوتو سفارش نامَه اَما هی، یَک نامَهای که لِی دلیامو نوشتَه بُدِ تَ هَمَه اُ آنا بِشناسِت و واخوانِت. 3شما نِشو اَتی که یَک نامَه هی که مسیح اُشنِوِشتِه و اُ واسطَهِ اَما اُشفِرِستَدِ، که نِه وَ جوهر، بلکه وَ روح خدای زندَه نوشتَه بُدِ، که نِه لِی لوحِی سنگی، بلکه لِی لوحِی دل آدامی نوشتَه بُدِ.
4اَما اُ واسطَهِ مسیح، اینا اطمینانی اُ خدا مُهَه. 5اینا نی که اَما تِی خومو اِ لیاقتا مُبِه، که ادعا بِکنِم کَری ماشابِه بِکنِم، بلکه لیاقت اَما از خدائِه، 6مِ خدایی که شُ اَما لیاقت دَدِ، که خادمِی یَک عهد جدیدی بِم، عهدی که لِی روح خدا پابَرجائِه، نِ لِی کلمَهئِی نوشتَه بُدَ. اَسِی که کلمَهئِی نوشتَه بُدَ اَکُشِه، ولی روح خدا زندگی اَدَ.
7اَلَه اَگَه مِ خدمتی که مرگ شَدائو و لِی لوحِی سنگی نوشتَه بُدِستاد، وَ یَک شکوه و جلالی اُمَ، که کوم اسرائیل وَخاطر جلالُش، شُناشابو تِی لوی موسی پیغامبر چَش بِکنِت، با اِکِه مِ جلالا، تَموم بُدَنی هاد، 8پَ مِ خدمتی که لِی روح خدا پابَرجائِه، شکوه و جلالُش چاد بِشتَه اَدَبِه؟ 9اَسِی که اَگَه تِی مِ خدمتی که اُ محکومیت آدامیا شَرسی جلال هاد، چاد بِشتَه مِ خدمتی که اُ صالحِنِ آدامیا اَرَسِه، باید پُر از جلال بِه. 10در اصل، مِ چِی که یَک زَمونی شکوه و جلال اُشهاد، آلَه وَخاطر مِ جلال گاتتَهوا، هیچ جلالی اُشنی. 11اَسِی که اَگَه مِ چِی که تَموم بُدَنی هاد وَ شکوه و جلال اُمَ، چاد بِشتَه مِ چِی که تَموم بُدَنی نی شکوه و جلال اُشَه.
12وَخاطر اِکِه اینا امیدی مُهَه، اِکَّد دِلِرز هِم، 13نِه چُنِ موسی که لوبانَکهای شُ لِی لوش زاد تَ کوم اسرائیل، اُ تَموم بُدَئِه مِ چِی که تَموم بُدَنی هاد، چَش نِکنِت. 14ولی فکر آنایا بَستَه بو. اَسِی که تا وَ اِراز، آنایا موکَهای که مِ عهد کَدیمِنا اَدَخوانِت، مِ لوبانَکهوا آمودِ و شُنانِسِستِه، اَسِی که فَکَط اُ واسطَهِ مسیح آسِستَه اَبِه. 15بله، تا وَ اِراز، هر وَخت تورات موسیئا اَدَخوانِت، لوبانَکهای لِی دِلشو کَرار اَگِرِه؛ 16ولی وَختی یکی اُ طرف خداوند اَدَگَردِ، مِ لوبانَکهوا آسِستَه اَبِه. 17خداوند، روحِه و هر جا که روح خداوند هَه، آنکا آزادیِه. 18اَما هَمَمو وَ لوی بی لوبانَکِه، چُنِ چَش کِردَ تِی آینَه، اُ شکوه و جلال خداوند چَش اَکنِم، اُ شَکل مِ تصویری که تِی آینَه اَبِنِم دَر اَدِئِم، از یَک جلالی اُ جلال گاتتَه؛ اَسِی که اِ از طرف خداوند اَدا، خداوندی که روحِه.
Currently Selected:
نامَه دوّم قُرِنتِنیا 3: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه دوّم قُرِنتِنیا 3
3
خادمِی عهد جدید
1مَ اَما دَفَیدو شروع اُ تعریف کِردَ از خومو اَکنِم؟ یا مَ اَما نیاز مُهَه که چُنِ بعضیا اُ شما سفارش نامَه نِشو هاتِم یا از شما معرفی نامَه بِگِرِم؟ 2شما خوتو سفارش نامَه اَما هی، یَک نامَهای که لِی دلیامو نوشتَه بُدِ تَ هَمَه اُ آنا بِشناسِت و واخوانِت. 3شما نِشو اَتی که یَک نامَه هی که مسیح اُشنِوِشتِه و اُ واسطَهِ اَما اُشفِرِستَدِ، که نِه وَ جوهر، بلکه وَ روح خدای زندَه نوشتَه بُدِ، که نِه لِی لوحِی سنگی، بلکه لِی لوحِی دل آدامی نوشتَه بُدِ.
4اَما اُ واسطَهِ مسیح، اینا اطمینانی اُ خدا مُهَه. 5اینا نی که اَما تِی خومو اِ لیاقتا مُبِه، که ادعا بِکنِم کَری ماشابِه بِکنِم، بلکه لیاقت اَما از خدائِه، 6مِ خدایی که شُ اَما لیاقت دَدِ، که خادمِی یَک عهد جدیدی بِم، عهدی که لِی روح خدا پابَرجائِه، نِ لِی کلمَهئِی نوشتَه بُدَ. اَسِی که کلمَهئِی نوشتَه بُدَ اَکُشِه، ولی روح خدا زندگی اَدَ.
7اَلَه اَگَه مِ خدمتی که مرگ شَدائو و لِی لوحِی سنگی نوشتَه بُدِستاد، وَ یَک شکوه و جلالی اُمَ، که کوم اسرائیل وَخاطر جلالُش، شُناشابو تِی لوی موسی پیغامبر چَش بِکنِت، با اِکِه مِ جلالا، تَموم بُدَنی هاد، 8پَ مِ خدمتی که لِی روح خدا پابَرجائِه، شکوه و جلالُش چاد بِشتَه اَدَبِه؟ 9اَسِی که اَگَه تِی مِ خدمتی که اُ محکومیت آدامیا شَرسی جلال هاد، چاد بِشتَه مِ خدمتی که اُ صالحِنِ آدامیا اَرَسِه، باید پُر از جلال بِه. 10در اصل، مِ چِی که یَک زَمونی شکوه و جلال اُشهاد، آلَه وَخاطر مِ جلال گاتتَهوا، هیچ جلالی اُشنی. 11اَسِی که اَگَه مِ چِی که تَموم بُدَنی هاد وَ شکوه و جلال اُمَ، چاد بِشتَه مِ چِی که تَموم بُدَنی نی شکوه و جلال اُشَه.
12وَخاطر اِکِه اینا امیدی مُهَه، اِکَّد دِلِرز هِم، 13نِه چُنِ موسی که لوبانَکهای شُ لِی لوش زاد تَ کوم اسرائیل، اُ تَموم بُدَئِه مِ چِی که تَموم بُدَنی هاد، چَش نِکنِت. 14ولی فکر آنایا بَستَه بو. اَسِی که تا وَ اِراز، آنایا موکَهای که مِ عهد کَدیمِنا اَدَخوانِت، مِ لوبانَکهوا آمودِ و شُنانِسِستِه، اَسِی که فَکَط اُ واسطَهِ مسیح آسِستَه اَبِه. 15بله، تا وَ اِراز، هر وَخت تورات موسیئا اَدَخوانِت، لوبانَکهای لِی دِلشو کَرار اَگِرِه؛ 16ولی وَختی یکی اُ طرف خداوند اَدَگَردِ، مِ لوبانَکهوا آسِستَه اَبِه. 17خداوند، روحِه و هر جا که روح خداوند هَه، آنکا آزادیِه. 18اَما هَمَمو وَ لوی بی لوبانَکِه، چُنِ چَش کِردَ تِی آینَه، اُ شکوه و جلال خداوند چَش اَکنِم، اُ شَکل مِ تصویری که تِی آینَه اَبِنِم دَر اَدِئِم، از یَک جلالی اُ جلال گاتتَه؛ اَسِی که اِ از طرف خداوند اَدا، خداوندی که روحِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company