نامَه اوّل تِسالونیکِنیا 5
5
رازِ آگِشتَئِه خداوند
1اَلَه اَی کاکَیّا، دربارَهِ زَمونیا و وَختیا، شما نیازی تُنی که چِی تُنسِه نوشتَه بِبِه. 2اَسِی که شما خوتو وَلم اَدانی که راز آگِشتَئِه خداوند عیسی، چُنِ دُزی که موکَهِ شُو اَدا، اَرَسِه. 3مِ موکَوا که مردم گُتات: «صلح و سلامتی هَه و اَمن و اَمونِه»، مِ موکَوا یَکدَفَه یَک هلاکَتی شُن سِرَ اَدا، چُن درد زایمونی که اُ سراغ زن حاملَه اَدا، و آنایا شُناشابِه بِگُروخِت.
4ولی شما اَی کاکَیّا، تِی تاریکی نِهی، که آن رازا، چُنِ دُز غافلگیرتو بِکو. 5اَسِی که شما هَمَه اولادِی نوری، اولادِی رازی. اَما مال شُو یا تاریکی نِهِم. 6پَ بِلگی تَ چُنِ بَکیَه مُن خُو نِچِه، بلکه بیدار و هوشیار بِم. 7اَسِی که آنایاکِه اَخَتِت، تِی شُو اَخَتِت، و آنایاکِه مَست اَکنِت، تِی شُو مَست اَکنِت. 8ولی از مِکاکِه اَما مال راز هِم، بِلگی هوشیار بِم، زِرَه ایمون و محبتا اُبار کِنِم، و کلاهخود امید نجاتا لِی سِرَ نِسِم. 9اَسِی که خدا اُ اَما اَسِی خشم تعیین اُشنِکِردِ، بلکه اَسِی گِرِتَئِه نجات، اُ واسطَهِ خداوندمو عیسی مسیح تعیین اُشکِردِ. 10مِ عیسی مسیحا که وَخاطر اَما مُرد، تا چه بیدار بِم و چه تِی خُو، خاد آنا زندگی بِکنِم. 11پَ اُ یَکُدو دلگرم و بَنا بِکنی، هَموناکِه آلَه هم کِردای.
فَرمُنِی آخر و دعای خیر
12اَی کاکَیّا، اَما از شما مُئِه، اُ آنایایی که بینتو زحمت اَکَشِت و از طرف خداوند رهبرِی شما هِت و نصیحتتو اَکنِت، احترام هُنِسی، 13و خاد محبت، وَخاطر کَری که اَکنِت، بُری حرمتشو بِکنی. خاد یَکُدو تِی صلح و سلامتی بی.
14اَی کاکَیّا، اَما از شما خواهش اَکنِم، که اُ آدامِی تَلانت نصیحت بِکنی؛ اُ آدامِی بَزَهرَه دلگرم آکنی؛ اُ آدامِی ضعیف کمک بِکنی؛ و خاد هَمَشو صبور بی. 15حَواستو بِه، کسی جواب بَدیا وَ بَدی نِدَ، بلکه همیشَه اَزدُم اِ بی که اُ یَکُدو و اُ هَمَهِ مردم خوبی بِکنی.
16مَ وَخت خارام بی، 17تیپَستا دعا بِکنی، 18تِی هر وضعی شکرگزار بی، اَسِی که خواستَهِ خدا تِی مسیحْ عیسی اَسِی شما اِئِه.
19تَش روح خدائا خاموش آمَکنی. 20اُ نبوّتیا کوچک آمَکنی، 21بلکه مَچیا امتحان بِکنی، اُ مِ چِی که خَشِه، مُحکام بِنُخی. 22از مَ رَکَم بَدی دوری بِکنی.
23اَلَه بِهِر خدای صلح و سلامتی، خوش اُ شما کاملاً مکدّس بِکو، و تَموم روحتو و جونتو و بَدنتو، تِی رازِ آگِشتَئِه خداوندمو عیسی مسیح، بی عیب وامانِه. 24خدایی که اُ شما دعوت اَکو وفادارِه، آنا حتما اِ کَرا اَکو.
25اَی کاکَیّا، اَسِی اَما دعا بِکنی. 26وَ بوسَئِه مکدّس اُ هَمَهِ کاکَیّا سلام بِکنی. 27ما تِی حضور خداوند، اُ شما کَسام اَتام که اِ نامَهوا اَسِی هَمَهِ کاکَیّا هُخوانی.
28فیض خداوندمو عیسی مسیح خاد شما بِه.
Currently Selected:
نامَه اوّل تِسالونیکِنیا 5: LAB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
