روت 4
4
بوعَزئن روتلا اِولَنمهسی
1بوعَز شهرئن دروازاسینا چیخیب آداملار ییغیلان یرده اوتوردو. بوعَزئن ددئیی قَیّوم اورادان کچئردی. بوعَز اونا ددی: «دوستوم، بئر دؤن، بورادا اوتور.» او دا گلئب اورادا اوتوردو. 2شهر آغساقّاللاریندان اون آدامی دا چاغیریب اونلارا ددی: «سئز ده بورادا اوتورون.» اونلار دا گلئب اوتوردولار. 3بوعَز بو قَیّوما ددی: «موآب تورپاغیندان قاییدان ناعومی، مجبوردور قارداشیمیز اِلئمِلِکئن زمئسئنی ساتسین. 4من ده دوشوندوم کی، سنه خبر ورئم: بورادا اوتورانلارین و خالقیمین آغساقّاللاری حوضوروندا اورانی ساتین آل. اگر سن بو قَیّوملوق وظئفهسئنی یرئنه یتئرهجکسن، بونو ات، اگر بوندان ائمتئناع ادئرسن، بونو آچیق دِه، من ده بئلئم؛ چونکی سندن باشقا کئمسه یوخدور کی، بو وظئفهنی عؤهدهسئنه گؤتورسون. فقط سندن سونرا من وارام.» او، بوعَزه ددی: «قَیّوملوق وظئفهسئنی من یرئنه یتئرهرم.» 5بوعَز ددی: «زمئنی ناعومئدن ساتین آلاندا، اونون مرحوم اوغلونون آروادی موآبلی روتو دا آرواد آلمالیسان کی، مرحومون آدی اؤز ائرثی اوستونده قالسین.» 6قَیّوم اولان آدام ددی: «من اونا قَیّوملوق اده بئلمهرم، یوخسا اؤز ائرثئم داغیلار. منئم وظئفهمی سن اؤز عؤهدهنه گؤتور، من قَیّوم اولا بئلمهرم.»
7قَدئم زامانلاردا ائسرایئلده بله بئر عادت وار ائدی: قَیّوملوق وظئفهسئنی ائجرا ادنده و مال دَیئشنده بئری اؤز چاریغینی چیخاردیب آیریسینا وِرَردی کی، موقاوئلهنئن باغلانماسینا شهادت اولسون. بو، ائسرایئلده راضیلاشما اوصولو ائدی. 8قَیّوم اولان آدام بوعَزه ددی: «سن اؤزون ساتین آل.» سونرا دا اؤز چاریغینی چیخارتدی. 9بوعَز آغساقّاللارا و بوتون خالقا ددی: «سئز بو گون شاهئدسئنئز کی، من اِلئمِلِکئن بوتون مولکونو، کئلیون و مَخلونون بوتون مولکلرئنی ناعومئدن ساتین آلیرام. 10بوندان علاوه، مَخلونون دول آروادی موآبلی روتو دا اؤزومه آرواد آلیرام کی، مرحومون آدی اؤز ائرثی اوستونده قالسین، اله کی، مرحومون آدی قارداشلاری آراسیندان، یورد قاپیلاریندان سئلئنمهسئن. سئز ده بو گون شاهئدسئنئز.» 11دروازا یانینا ییغیلان بوتون خالق و آغساقّاللار ددئلر: «بئز شاهئدئک. قوی رب سنئن اِوئنه گلن آروادی، ائسرایئل اِوئنی قوران او ائکی آرواد راحئل و لئیه کئمی اتسئن. اِفراتادا یاخشی ائشلر گؤرهسن و بیتلِحِمده آدین تانینسین. 12قوی رب سنئن اِوئنی بو جاوان آرواددان گلن نسلله، تامارین یهودایا دوغدوغو پِرِصئن اِوی کئمی اتسئن.»
13بلهجه بوعَز روتو آلدی و روت اونا آرواد اولدو. بوعَز اونونلا یاتدی. رب روتون بطنئنه قووّت وردی و روت بئر اوغول دوغدو. 14آروادلار ناعومئیه ددئلر: «ربّئن آدی موبارَک اولسون کی، بو گون سنی قَیّومسوز بوراخمادی. قوی اونون آدی ائسرایئلده تانینسین. 15قوی بو کؤرپه سنی جانلاندیرسین و قوجا واختیندا سنی ساخلاسین. چونکی اونو، سنی سِوَن گلئنئن، سنه یدّی اوغولدان داها یاخشی اولان دوغوبدور.» 16ناعومی اوشاغی باغرینا باسیب اونون دایهسی اولدو. 17قونشو آروادلار اونا آد قویوب ددئلر: «ناعومی اوچون اوغول دوغولوب.» اونون آدینی عوبِد قویدولار. او، داوودون آتاسی یَسّهنئن آتاسیدیر.
داوودون نسئل شجرهسی
18پِرِصئن نسلی بودور: پِرِص خِصرونا آتا اولدو. 19خِصرون راما آتا اولدو. رام عَمّئنادابا آتا اولدو. 20عَمّئناداب نَخشونا آتا اولدو. نَخشون سَلمونا آتا اولدو. 21سَلمون بوعَزه آتا اولدو. بوعَز عوبِده آتا اولدو. 22عوبِد یَسّهیه آتا اولدو. یَسّه ده داوودا آتا اولدو.
Currently Selected:
روت 4: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company