یوشَع 15
15
یهودا قبئلهسئنئن تورپاقلاری
1یهودا اؤولادلاری قبئلهسئنه دوشَن تورپاق، نسئللرئنه گؤره، اِدوم سرحدئنه، جنوبا طرف و اورانین لاپ جنوبوندا یِرلَشَن سئن صحراسینا قدر چاتیردی. 2اونلارین جنوب سرحدی دوز دهنزی قورتاران یردن یعنی جنوبدا یِرلَشن خلئجدن باشلاییردی. 3سونرا عَقرهبّئم کچئدئنئن جنوبوندان کچئب، سئنه یتئشئردی و اورادان قِدِشبَرنِعهنئن جنوبوندان قالخیب خِصرونا چاتیردی. بورادان اَدّارا قالخیب قَرقاعا دؤنوردو. 4سونرا دا عَصموندان کچئب، مئصئر درهسئنه چیخیردی و بو سرحدئن آخیری دهنزده قورتاریردی. جنوب سرحدلری بو ائدی. 5شرق سرحدی دوز دهنزئندن اوردون چایینین آغزینا قدر ائدی. شئمال طرفدن ده بو سرحد اوردون چاییندا یِرلَشن دهنز خلئجئندن باشلاییردی. 6سونرا بو سرحد بِیتحوگلایا قالخیب، بِیتعَرابانین شئمالیندان کچئردی و رِعوبئن اوغلو بوههنئن قایاسینا چاتیردی. 7سونرا دا آکور درهسئندن دِبئره چیخیب، شئمالا، گئلگالا طرف دؤنوردو کی، اَدومّئمئن یوخاری بؤلگهسئنئن موقابئلئنده ائدی؛ سرحد بورادان عِینشِمِش سولارینا کچئردی و اونون آخیری عِینروگِلئن یانیندا ائدی. 8سونرا سرحد بِنهئنّوم درهسئندن کچهرک، یِبوسلولارین شهرئنئن، یعنی اورشلئمئن جنوب سمتئندن کچئردی. بورادان داغین تپهسئنه قالخیردی کی، قربده هئنّوم درهسئنئن موقابئلئندهدئر، یعنی رِفاعئم درهسئنئن شئمال سمتئنده. 9بو داغین تپهسئندن ده نِفتواَخ سولارینین منبعئنه طرف اوزانیب، عِفرون داغینداکی شهرلره چیخیردی و اورادان بَعَله، یعنی قئریَتیِعهرئمه طرف اوزانیردی. 10بَعَلهدن قربه طرف، سِعئر داغینا قدر دؤنَندن سونرا، یِعهرئم داغینین، یعنی کِسالونون شئمال طرفئندن کچئب، بِیتشِمِشه اِنئردی و تئمنایا چاتیردی. 11سونرا دا عِقرونون یانیندان شئمالا طرف چیخیردی. سونرا سرحد شئکّرونا اوزانیب، بَعَله داغینا کچئردی و یَبنِعِله قالخیردی. بورادا سرحدئن آخیری دهنزده قورتاریردی. 12قرب سرحدی بؤیوک دهنزئن ساحئلی ائدی. یهودا اؤولادلارینین نسئللرئنه گؤره ورئلَن تورپاغین اطراف سرحدی بله ائدی.
13یوشَع یهودالیلارین تورپاغیندا اولان قئریَتاَربَعی، یعنی خِبرونو، ربّئن امرئنه گؤره ائرث اولاراق یِفونّه اوغلو کالئبه وردی. اَربَع عَناقین آتاسی ائدی. 14کالئب اورادان عَناقین اوچ اوغلونو قوودو؛ شِشهیی، اَخئمانی و تَلمهیی کی، عَناقین اوغلوللاری ائدئلر. 15سونرا دِبئر اهالئسئنئن ضئدّئنه چیخدی؛ دِبئرئن اوّلکی آدی قئریَتسِفِر ائدی. 16کالئب ددی: «کئم قئریَتسِفِرلیلری قیریب اورانی آلسا، قیزیم عَکسانی اونا اَره ورهجیم.» 17اورانی کالئبئن قارداشی قِنَزئن اوغلو عوتنیاِل آلدی. کالئب ده قیزی عَکسانی اونا اَره وردی. 18عَکسا عوتنیاِلئن یانینا گلدئکده اونو راضی اتدی کی، کالئبدن بئر زَمی ائستهسئن. قیز اِششهیئندن دوشَنده کالئب اونا ددی: «نه ائستهیئرسن؟» 19عَکسا ددی: «منه بئر برکت ور. ائندی کی نِگِب تورپاغینی منه ورئبسن، اوندا سو قایناقلارینی دا منه ور.» کالئب اونا یوخاریداکی و آشاغیداکی سو قایناقلارینی وردی.
یهودا قبئلهسئنئن شهرلری
20یهودا اؤولادلارینین قبئلهسئنئن ائرث تورپاغی، نسئللرئنه گؤره، بودور: 21یهودا اؤولادلاری قبئلهسئنئن اِدوم سرحدئنه طرف لاپ جنوبدا یِرلَشن شهرلری بونلاردیر: قَبصِهاِل، عِدِر، یاگور، 22قئنا، دئمونا، عَدعادا، 23قِدِش، خاصور، یئتنان، 24زئف، طِلِم، بِعَلوت، 25خاصورخَدهتا، قِرئیّوتخِصرون، یعنی خاصور 26اَمام، شِمَع، مولادا، 27خَصَرگَدّا، خِشمون، بِیتپِلِط، 28خَصَرشوعال، بئرشئبا، بئزیوتِیا، 29بَعَله، عئیِم، عاصِم، 30اِلتولَد، کِسئل، خورما، 31صئقلَگ، مَدمَنّا، سنسنّا، 32لِباعوت، سئلخئم، عَیئن و رئمّون. بو شهرلرئن هامیسی کَندلری ائله بئرلئکده ائیئرمی دوقّوز شهر ائدی.
33هامار بؤلگهده یِرلَشن شهرلر ده بونلاردیر: اِشتااول، صورعا، اَشنا، 34زانواَخ، عِینگَنّئم، تَپّواَخ، عِینام، 35یَرموت، عَدوللام، سوکو، عَزئقه، 36شَعهرهیئم، عَدئتهیئم، گِدِرا و گِدِروتهیئم. بونلار دا کَندلری ائله بئرلئکده اون دؤرد شهر ائدی.
37صِنان، خَداشا، مئگدَلگاد، 38دئلعان، مئصپِه، یوقتِهاِل، 39لاکئش، بوصقَت، عِگلون، 40کَبّون، لَخماس، کئتلئش، 41گِدِروت، بِیتداگون، نَعَما و مَقّدا. بونلار دا کَندلری ائله بئرلئکده اون آلتی شهر ائدی.
42لئبنا، عِتِر، عاشان، 43یئفتاخ، اَشنا، نِصئب، 44قِعئلا، اَکزئب و مارِشا. بونلار دا کَندلری ائله بئرلئکده دوقّوز شهر ائدی.
45قصبهلری و کَندلری ائله بئرلئکده عِقرون، 46عِقروندان دهنزه قدر کَندلری ائله بئرلئکده بوتون اَشدود اطرافیندا یِرلَشنلر، 47اَشدود و اونون قصبهلری ائله کَندلری، مئصئر درهسئنه و بؤیوک دهنزئن ساحئلئنه قدر اولان غَزّه و اونون قصبهلری ائله کَندلری.
48داغلیق بؤلگهسئنده یِرلَشن شهرلر ده بونلاردیر: شامئر، یَتّئر، سوکو، 49دنّا، قئریَتسنّا یعنی دِبئر، 50عَناب، اِشتِموعه، عانئم، 51گوشِن، خولون و گئلو. بونلار دا کَندلری ائله بئرلئکده اون بئر شهر ائدی.
52اَرَب، دوما، اِشعان، 53یانوم، بِیتتَپّواَخ، اَفِقا، 54خومطا، قئریَتاَربَع یعنی خِبرون، صئعور. بونلار دا کَندلری ائله بئرلئکده دوقّوز شهر ائدی.
55ماعون، کَرمِل، زئف، یوطّا، 56یئزرِعِل، یوقدِعام، زانواَخ، 57قهیئن، گئبعا، تئمنا. بونلار دا کَندلری ائله بئرلئکده اون شهر ائدی.
58خَلخول، بِیتصور، گِدور، 59مَعهرات، بِیتعَنوت، اِلتِقون. بونلار دا کَندلری ائله بئرلئکده آلتی شهر ائدی.
60قئریَتبَعَل، یعنی قئریَتیِعهرئم، رَبّا. بونلار دا کَندلری ائله بئرلئکده ائکی شهر ائدی.
61چؤللوکده یِرلَشَن شهرلر ده بونلاردیر: بِیتعَرابا، مئدّئن، سِکاکا، 62نئبشان، دوز شهری، عِینگِدی. بونلار دا کَندلری ائله بئرلئکده آلتی شهر ائدی.
63لاکئن یهودا اؤولادلاری اورشلئمده یاشایان یِبوسلولاری قووا بئلمهدئلر و یِبوسلولار بو گونه قدر یهودا اؤولادلاری ائله بئرلئکده اورشلئمده یاشاییرلار.
Currently Selected:
یوشَع 15: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
