داورلر 3
3
کَنَعان تورپاغیندا قالان مئلّتلر
1بونلار او مئلّتلردئلر کی، رب اونلاری ائسرایئللیلری ائمتاحان اتمک اوچون ساخلادی، یعنی بوتون اونلاری کی، کَنَعان دؤیوشلرئنئن هچ بئرئنده اولمامیشدیلار. 2اونا گؤره کی، قاباقجا دؤیوش گؤرمهیَن ائسرایئل اؤولادلارینین نسئللری دؤیوش اؤیرنسئنلر. 3بو مئلّتلر بونلاردیرلار: بش فئلئسطلی آغاسی، بوتون کَنَعانلیلار و صئدونلولار، اِلهجه ده خئولیلر کی، بَعَلخِرمون داغیندان خَمات کِچئدئنه قدر لوبنان داغلاریندا یاشاییردیلار. 4اونلاری اورادا رب اونا گؤره ساخلادی کی، ائسرایئللیلری ائمتاحان اتسئن و موسا واسئطهسیائله آتالارینا وردئیی امرلره نجه ائطاعت ادئب-اتمهیهجکلرئنی اؤیرنسئن. 5بلهجه، ائسرایئل اؤولادلاری کَنَعانلیلار، خئتلیلر، اِمورلولار، پِرئزلئلر، خئولیلر و یِبوسلولار آراسیندا یاشادیلار. 6اونلارین قیزلاریندان اؤزلرئنه آرواد آلدیلار، اؤز قیزلارینی دا اونلارین اوغوللارینا وردئلر و اونلارین آللاهلارینا پرستئش اتدئلر.
بئرئنجی داور عوتنیاِل
7ائسرایئل اؤولادلاری ربّئن گؤزونده پئس اولان ائشلر گؤردولر. اونلار اؤز تاریلاری ربّی یاددان چیخارتدیلار و بَعَل و اَشِرا بوتلرئنه پرستئش اتدئلر. 8اونا گؤره ده ربّئن قضبی ائسرایئللیلرئن ضئدّئنه آلوولاندی و اونلاری اَرامنَخهرهیئم#3.8 یعنی «بِینولنَهرِین» پادشاهی کوشَنرئشعاتهیئم اَلئنه بوراخدی؛ ائسرایئل اؤولادلاری سکّئز ائل کوشَنرئشعاتهیئمه قوللوق اتدئلر. 9ائسرایئل اؤولادلاری ربّه فریاد ادنده، رب اونلار اوچون بئر قورتاریجی قالدیردی کی، اونلاری قورتارسین. قورتاریجی عوتنیاِل ائدی کی، کالئبئن کئچئک قارداشی قِنازین اوغلو ائدی. 10ربّئن روحو عوتنیاِلئن اوستونه اِندی. او، ائسرایئلئن داوری اولدو. دؤیوشه چیخاندا رب اَرامنَخهرهیئم پادشاهی کوشَنرئشعاتهیئمی عوتنیاِله تسلئم اتدی. او، کوشَنرئشعاتهیئمدن داها گوجلو اولدو. 11سونرا اؤلکهیه قیرخ ائل راحاتلیق دوشدو. قِنازين اوغلو عوتنیاِل اؤلدو.
اِهودون داورلئیی
12ائسرایئل اؤولادلاری گئنه ده ربّئن گؤزونده پئس اولان ائشلر گؤردولر. رب ده موآب پادشاهی عِگلونو ائسرایئللیلرئن ضئدّئنه قالدیریب قووّتلَندئردی. چونکی اونلار ربّئن گؤزونده پئس اولان ائشلری گؤرموشدولر. 13عِگلون، عَمّون و عَمالِق اؤولادلارینی اؤز یانینا ییغیب، ائسرایئللیلری مغلوب اتدی و خورما شهرئنی آلدی. 14بلهجه، ائسرایئل اؤولادلاری موآب پادشاهی عِگلونا اون سکّئز ائل قوللوق اتدئلر.
15لاکئن ائسرایئل اؤولادلاری ربّه فریاد ادنده، رب بِنیامئنلی گِرانین اوغلو سولاخای اِهودو اونلارا قورتاریجی قالدیردی. ائسرایئل اؤولادلاری موآب پادشاهی عِگلونا اِهود واسئطهسیائله خراج گؤندَردئلر. 16اِهود اؤزونه ائکی آغیزلی بئر خنجر دوزَلتدی کی، اوزونلوغو بئر قولآچ#3.16 تقرئبن ۴۵ سانتئمتر ائدی. و اونو پالتارینین آلتیندا صاغ بودونا باغلادی. 17اِهود خراجی موآب پادشاهی عِگلونا تقدئم اتدی. عِگلون چوخ یوغون آدام ائدی. 18اِهود خراج تقدئمئنی بئتئرندن سونرا، هدئیّه گتئرن آداملاری گری گؤندَردی. 19آمّا اؤزو گئلگالین یاخینلیغینداکی داش بوتلرئن یانیندان گِرئیه قاییدیب پادشاها ددی: «ای پادشاه، سنه گئزلی بئر سؤزوم وار.» پادشاه ددی: «ساکئت اول.» او واخت یانیندا دایانان آداملارین هامیسی اِشئیه چیخدیلار.
20اِهود اونون یانینا گلدی. پادشاه بالاخاناداکی سَرئن اوتاغیندا تک باشینا اوتورموشدو. اِهود اونا ددی: «تاریدان سنه بئر سؤزوم وار.» پادشاه تختئندن قالخدی. 21اِهود سول اَلئنی اوزادیب صاغ بودونا باغلادیغی خنجری چیخارتدی و پادشاهین قارنینا سوخدو. 22خنجری اله برک ووردو کی، خنجرئن تئیهسی دالینجا قبضهسی ده اونون قارنینا گئردی و باغیرساقلاری یره تؤکولدو. خنجرئن تئیهسئنی ده پئی توتدو، چونکی اِهود خنجری پادشاهین قارنیندان چیخارتمادی. 23اِهود ایوانا چیخیب دالیسیجا یوخاریداکی اوتاغین قاپیلارینی اؤرتوب قیفیللادی. 24او چیخاندا پادشاهین قوللاری گلئب باخدیلار. یوخاری اوتاغین قاپیسینی قیفیلّی گؤرنده ددئلر: «یقئن پادشاه یوخاری اوتاقدا آیاق یولونا گدئر.» 25پادشاهی گؤزلهدئلر، لاکئن اوتاغین قاپیسینی آچان اولمادیغینا گؤره نئگاران اولدولار. اونا گؤره ده آچار گؤتوروب قاپیلاری آچاندا گؤردولر کی، آغالارینین مِیئتی یره سَرئلئب.
26اونلار پادشاهی گؤزلهین زامان، اِهود آرتیق آرادان چیخمیشدی و داش بوتلرئن یانیندان کچئب سِعئرهیه قاچمیشدی. 27اورایا چاتدیقدا اِفرایئمئن داغلیق بؤلگهسئنده کَرهنای چالدی؛ ائسرایئل اؤولادلاری اونونلا بئرلئکده داغلیق بؤلگهدن آشاغی اِندئلر. اِهود اونلارین قاباغیندا گدئردی. 28اِهود ائسرایئللیلره ددی: «دالیمجا گلئن، چونکی رب دوشمنئمئز موآبلیلاری سئزه تسلئم ادئب.» ائسرایئل اؤولادلاری دا اِهودون دالینجا اِنئب، موآبلیلارین ضئدّئنه بوتون اوردون چایینین کچئدلرئنی باغلادیلار کی، هچ کئم کچه بئلمهسئن. 29او زامانکی دؤیوشده، موآبلیلاردان اون مئن نفره قدر قیردیلار. اونلارین دا هر بئری قووّتلی بئر ائگئد ائدی و هچ کئم جانینی قورتارا بئلمهدی. 30بلهجه او گون موآب اؤلکهسی ائسرایئللیلره تابع اولدو و ائسرایئل اؤلکهسئنه هشتاد ائل راحاتلیق دوشدو.
شَمگَرئن داورلئیی
31بوندان سونرا عَنات اوغلو شَمگَر داور اولدو و او، آلتی یوز فئلئسطلئنی اؤکوز دَیَنَکی ائله قیریب ائسرایئلی خئلاص اتدی.
Currently Selected:
داورلر 3: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
