داورلر 2
2
ائسرایئلئن خیانتی
1ربّئن مَلهیی گئلگالدان بوکئمه گلئب ددی: «سئزی مئصئردن من چیخاردیب آتالارینیزا آند ائچدئیئم تورپاغا گتئردئم؛ و ددئم: ”سئزئنله اولان عهدئمی هچ واخت پوزمایاجاغام. 2آمّا سئز ده گرک بو تورپاغین اهالئسی ائله عهد باغلامایاسینیز و اونلارین قوربانگاهلارینی داغیداسینیز.“ لاکئن سئز منئم سؤزومه قولاق آسمادینیز. بو اتدئیئنئز نهدئر؟ 3بونا گؤره ده ددئم: ”اونلاری قاباغینیزدان قوومایاجاغام و اونلار بؤیرونوزه تئکان، آللاهلاری دا سئزه تله اولاجاقلار.“» 4ربّئن مَلهیی بو سؤزلری ائسرایئل اؤولادلارینا ددئیی زامان، خالق بَرکدن آغلاماغا باشلادی. 5اونا گؤره ده او یرئن آدینا بوکئم #2.5 «بوکئم» - عئبرانی دئلئنده یعنی «آغلایانلار» ددئلر و اورادا ربّه قوربان تقدئم اتدئلر.
یوشَعئن اؤلومو
(یوشَع ۲۴:۲۸-۳۱)
6یوشَع خالقی یولا سالاندان سونرا، ائسرایئل اؤولادلاریندان هر بئری گتدی کی، اؤز تورپاق پایلارینا صاحئب اولسون. 7خالق یوشَعئن بوتون عؤمرو بویو و یوشَعدن سونرا صاغ قالان آغساقّاللارین بوتون عؤمرو بویو کی، ربّئن ائسرایئل اوچون اتدئیی بوتون بؤیوک ائشلری گؤرموشدولر، ربّه قوللوق اتدئلر. 8ربّئن قولو نون اوغلو یوشَع یوز اون یاشیندا وفات اتدی. 9اونو گاعَش داغینین شئمالیندا، اِفرایئمئن داغلیق بؤلگهسئنده اولان تئمنَتخِرِسده کی، اونون ائرث تورپاغی ائدی، دفن اتدئلر. 10یوشَعله بئر دؤورده یاشایان بوتون نسئل ده اؤلوب آتالارینا قوشولدو. بوندان سونرا آیری بئر نسئل ووجودا گلدی کی، نه ربّی تانیییردی، نه ده اونون ائسرایئل اوچون اتدئیی ائشلری بئلئردی.
11ائسرایئل اؤولادلاری ربّئن گؤزونده پئس اولان ائشلر گؤروب، بَعَل بوتلرئنی پرستئش اتدئلر، 12و رَبّی، آتالارینین تاریسینی، اونلاری مئصئر اؤلکهسئندن چیخاردانی آتدیلار و آیری آللاهلارا یعنی اطرافلاریندا یاشایان مئلّتلرئن آللاهلارینا سئتایئش ادئب اونلارا سجده اتدئلر. بلهجه ربّئن قضبئنی آلوولاندیردیلار. 13اونلار ربّی آتیب، بَعَل و عَشتاروت بوتلرئنی پرستئش اتدئلر. 14ربّئن قضبی ائسرایئلئن ضئدّئنه آلوولاندی و اونلاری تالانچیلارین الئنه تسلئم اتدی. تالانچیلار دا اونلاری تالان اتدئلر؛ رب اونلاری اطرافلارینداکی دوشمنلره ساتدی، اله کی، ائسرایئل اؤولادلاری دوشمن قاباغیندا آرتیق تاب گتئره بئلمهدئلر. 15نه زامان دؤیوشدولر، ربّئن اَلی، ددئیی کئمی، آند ائچدئیی کئمی اونلارین ضئدّئنه ائدی کی، اونلارا زئیان یتئرسئن. بلهجه اونلار پئس وضعئیّته دوشوب چوخ اذئیّت چکدئلر.
16سونرا رب ائسرایئل اؤولادلاری اوچون داورلر#2.16 «داور» کلمهسی عئبرانی دئلئنده گِنئش بئر معنادا «حؤکمدار» دا اولور قالدیردی کی، اونلاری تالانچیلارین الئندن قورتارسینلار. 17لاکئن اونلار داورلره ده قولاق آسمادیلار. آیری آللاهلارین یولوندا زئنایا چکئلئب اونلارا سئتایئش اتدئلر. ربّئن امرلرئنه ائطاعت ادن آتالارینا بَنزهمهدئلر و تزلئکله اجدادلاری گدن یولدان آزدیلار؛ اونلار آتالاری کئمی اتمهدئلر. 18رب اونلار اوچون داورلر قالدیردیغی زامان، اؤزو ده داورله ائدی و داورئن عؤمرو بویونجا رب ائسرایئللیلری دوشمنلرئن الئندن قورتاریردی؛ او زامان کی، اونلارا سئتم و ذلئللئک چکدئرنلرئن الئندن فغان ادئردئلر، رب اونلارا رحم ادئردی. 19هر هانسی داور اؤلَندن سونرا، خالق گئنه آزیب آتالاریندان داها چوخ فساد ائشلهدئردئلر، آیری آللاهلارا پِیرَو اولوب اونلارا پرستئش ادئردئلر و اونلارین قاباغیندا یره دوشوردولر؛ اونلار بو عمللرئندن، بو عئنادکارلیقلاریندان اَل چکمهدئلر. 20اونا گؤره ده ربّئن قضبی ائسرایئللیلرئن ضئدّئنه آلوولانیب ددی: «ائندی کی بو مئلّت منئم آتالارینا امر اتدئیئم عهدی پوزوب سؤزومه قولاق آسمادی، 21من ده یوشَع وفات ادنده، بو تورپاقلاردا ساخلادیغی مئلّتلرئن هچ بئرئنی داها اونلارین قاباغیندان قوومایاجاغام. 22ائسرایئللیلری بو مئلّتلر واسئطهسیائله ائمتاحاندان کچئردهجیم کی، آتالاری کئمی بو یوللا گدئب-گتمیهجکلرئنی گؤروم.» 23بلهجه رب بو مئلّتلرئن همئن تورپاقلاردا قالماسینا ائجازه وردی و تزلئکله اونلاری قوومادی؛ اونلاری یوشَعئن الئنه تسلئم اتمهدی.
Currently Selected:
داورلر 2: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
