داورلر 21
21
بِنیامئن قبئلهسئنئن سونراکی عاقئبتی
1ائسرایئللیلر مئصپادا آند ائچئب دِمئشدئلر: «بئزدن هچ کئم قیزینی بِنیامئنلئیه اَره ورمهیهجک.» 2خالق بِیت ائله گدئب اورادا آخشاما قدر تارینین حوضوروندا اوتوردولار و باغیریب آجی-آجی آغلادیلار. 3اونلار ددئلر: «ای ائسرایئلئن تاریسی رَب، نئیه ائسرایئلده بله حادئثه باش وردی؟ نه اوچون بو گون ائسرایئلدن بئر قبئله اَسکئلدی؟» 4او گونون صاباحی خالق تزدن قالخیب اورادا ربّه بئر قوربانگاه تئکدئلر و یاندیرما و باریش قوربانلاری تقدئم اتدئلر.
5ائسرایئل اؤولادلاری ددئلر: «بوتون ائسرایئل قبئلهلرئندن کئم وار کی، ربّئن قاباغینداکی ییغینیمیزا گلمهدی؟» چونکی مئصپادا ربّئن حوضورونداکی ییغینا گلمهیَنلر حاقّیندا بَرک آند ائچمئشدئلر کی، اونلار اؤلدورولمهلیدئرلر. 6ائسرایئل اؤولادلاری اؤز هموطنلری بِنیامئنلیلردن اؤتری کَدَرلهنئب دیئردئلر: «بو گون ائسرایئلدن بئر قبئله کَسئلدی. 7اونلاردان صاغ قالانلارا آرواد تاپماق اوچون نه اِدَک؟ آخی اونلارا قیزلاریمیزی اَره ورمهمک اوچون ربّئن حاقّینا آند ائچمئشئک.»
8سونرا ددئلر: «ائسرایئل قبئلهلرئندن مئصپایا، ربّئن حوضورونا کئم گلمهیئب؟» ییغین اوچون اوردوگاها یابِشگئلعاددان هچ کئم گلمهمئشدی، 9چونکی خالق سئیاهییا آلیناندا، یابِشگئلعاد اهالئسئندن هچ کئم اورادا دیئلدی. 10جاماعات اورایا اون ائکی مئن ائگئد جنگآور گؤندَرئب اونلارا امر اتدئلر: «گدئن، یابِش گئلعاد اهالئسئنی آروادلار و اوشاقلاری ائله بئر قیلینج آغزیندان کچئردئن. 11ادهجیئنئز ائش بله اولاجاق: هر کئشئنی و کئشی ائله یاتان آروادلارین هامیسینی کامئل محو ادئن.» 12یابِش گئلعاد اهالئسی آراسیندا دؤرد یوز باکئره قیز تاپدیلار کی، هچ کئشی ائله یاتمامیشدیلار. و اونلاری کَنَعان تورپاغیندا اولان شئلوداکی اوردوگاها گتئردئلر.
13بوتون جاماعات رئمّون قایاسیندا اولان بِنیامئن اؤولادلارینین یانینا آدام گؤندَرئب اونلارلا دانیشدیلار و اونلاری باریشیغا چاغیردیلار. 14او واخت بِنیامئنلیلر قاییتدیلار و یابِش گئلعاد آروادلاریندان صاغ قالان آروادلار اونلارا ورئلدی، لاکئن گتئرئلَنلر اونلارین هامیسینا چاتمادی. 15خالق بِنیامئنلیلردن اؤتری کَدَرلَندی، چونکی رب ائسرایئل قبئلهلری آراسیندا بئر یاریق آچمیشدی.
16سونرا جاماعاتین آغساقّاللاری ددئلر: «قالانلار اوچون نجه آرواد تاپاق؟ چونکی بِنیامئندهکی آروادلار هلاک اولوبلار.» 17ددئلر: «بنیامئنده صاغ قالان اوغوللارین وارئثی اولمالیدیر کی، ائسرایئلدن بئر قبئله سئلئنمهسئن. 18بئز قیزلاریمیزی اونلارا اَره وره بئلمهرئک، چونکی ائسرایئل اؤولادلاری آند ائچئب دِمئشدئلر کی، ”لعنت اولسون او آداما کی، بِنیامئنلئیه قیز ورئر.“»
19و ددئلر: «باخین بِیتائلئن شئمالیندا، بِیتائلدن شِکِمه چیخان اصلی یولون شرقئنده، لِبونانین جنوبوندا اولان شئلودا ائلبهائل ربّئن بایرامی اولور.» 20بلهجه، بِنیامئن اؤولادلارینا بله امر اتدئلر: «گدئن و اوزوم باغلاریندا کمئنده دورون 21و گودون. اگر شئلو قیزلاری اویناماق اوچون چیخدیلار، جَلد باغلاردان چیخین، هر کس بئر شئلو قیزینی اؤزونه آرواد گؤتوروب بِنیامئن تورپاغینا گتسئن. 22اگر اونلارین آتالاری، یا دا قارداشلاری بئزئم یانیمیزا شئکایته گلسهلر، اونلارا دئیهرئک: ”بئزئم خاطئرئمئزه بِنیامئنلیلری باغیشلایین، چونکی اسئر آلدیغیمیز قیزلار هامیسینا چاتمادی. سئز ده اونلارا قیز ورمهدئیئنئزه گؤره تقصئرکار دیئلسئنئز.“»
23بِنیامئن اؤولادلاری بله ده اتدئلر و اؤز سایلارینا گؤره اوینایان قیزلاردان گؤتوروب آپاردیلار. اونلار گدئب اؤز ائرثی تورپاقلارینا قاییتدیلار و شهرلری تزهدن تئکئب اونلاردا یاشادیلار. 24او واخت ائسرایئل اؤولادلاری اورانی ترک اتدئلر. هر بئری اؤز قبئلهسئنه و اؤز عایئلهسئنئن یانینا قاییتدی، هر بئری اؤز ائرثی تورپاغینا گتدی.
25او گونلرده ائسرایئلده پادشاه یوخ ائدی؛ هَره اؤز گؤزونده دوغرو گؤرونَن ائشی ادئردی.
Currently Selected:
داورلر 21: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
